🌟 Kitob: Kichkina shahzoda
🌟 Muallif: Antuan de Sent-Ekzyuperi
🌟 Sahifalar: 140 bet

✨ Sharh: “Kichkina shahzoda” — bu oddiy ertak emas, balki hayot falsafasi, mehr va do‘stlik haqida chuqur o‘yga chorlaydigan asar. Muallif samolyot uchuvchisi sifatida sahroga tushib qolgan odam va boshqa sayyoradan kelgan kichkina shahzoda o‘rtasidagi suhbatlar orqali insoniy qadriyatlar, mehr, sadoqat, bolalarcha samimiyat haqida hikoya qiladi. Asarda kichkina shahzoda turli sayyoralarni kezib chiqadi. Har bir sayyorada u turli insoniy sifatlarni o‘zida mujassam etgan obrazlar — hukmdor, mast odam, savdogar, olim va boshqalar bilan uchrashadi. Ularning har biri hayotdagi bir illat yoki odatni ramziy ma’noda ifodalaydi. Kitobning eng ta’sirli jihati shundaki, kichkina shahzoda biz kattalar unutib qo‘ygan — mehribonlik, halollik, soddalik va muhabbatni eslatadi. Bu asar bolalar uchun ertak bo‘lsa-da, kattalar uchun hayot sabog‘i bo‘lib xizmat qiladi. Birinchi o'qilgan kitob va bir dunyo xotiralar)

🌟Iqtiboslar:

🌟 "Qo'lga o'rganib qolganingdan keyin ba'zan ko'zyosh to'kishga ham to'g'ri kelarkan."

🌟 “Inson faqat yuragi bilan ko‘ra oladi. Eng muhim narsalarni ko‘z ko‘ra olmaydi.”

🌟 “Sen doimo o‘zing e’tibor bergan narsalarga javobgarsan. Sen qo‘lga o‘rgatgan gul uchun javobgarsan.”

🌟 “Kattalar hech qachon narsalarni o‘z-o‘zidan tushunishmaydi. Ularga hamma narsani tushuntirib berish kerak bo‘ladi, bu esa bolalarga juda zerikarli tuyuladi.”


🌟 Bu kitobni har bir inson kamida bir marta o‘qishi kerak. Chunki u qalbni yumshatadi, mehrni uyg‘otadi va hayotga boshqacha nigoh bilan qarashni o‘rgatadi.

🌟 Kitob: Katta Shahzoda
🌟 Muallif: Mikoil Adiguzel
🌟 Sahifalar: 67 bet

🌟 Sharh: “Katta Shahzoda” — mashhur “Kichkina Shahzoda” asarining davomi sifatida qaraladi, lekin unda shahzoda ulg‘aygach, hayotga, insonga va dunyoqarashga boshqacha nigoh bilan qarash boshlaydi. Muallif Mikoil Adiguzel bugungi ijtimoiy va ruhiy evrilishlarni ko‘zdan kechiradi: bolalikdagi soflik yo‘qolishi, qadriyatlarning arzonlashuvi, ichki savollar, ma’nolar izlash muammolarini ko‘taradi. Kitob kichkina shahzoda obrazini olgan odamning kattalar dunyosiga moslashishi, shartlar, qo‘llab-quvvatlash yoki qarama-qarshi kuchlar bilan yuzlashishini tasvirlaydi. U ulg‘ayadi, o‘zgaradi, lekin bolalikdagi hislatlari — sofligi, samimiyligi, hayotiy mehr-muhabbatga bo‘lgan ehtiyoji — yo‘qolmasligi kerak degan fikrni ta’kidlaydi.

🌟 Iqtiboslar:

🌟Baxt yo'lida o'zingni fido etish baxtdir.

🌟Yurakdan yaxshi ko'rsang, sevgilingdan aslo zerikmaysan.

🌟Ko'zlarini yumib olgan kishi hatto kunduzi ham tun zulmatuda yashashga mahkum!

🌟Yurakdan yaxshi ko'rsang, qayerga borma, ko'ngil qo'yganing sen bilan birga bo'ladi.

🌟O'zini topolmagan odamning boshqani topishga urunishi qanchalar g'alati!

🌟Ba'zan eng yaxshi niyyatlardan chuqur jarohatlar paydo bo'ladi.


🌟 Agar siz bolalikdagi orzular, bolalikdagi samimiyat va mehrni yo‘qotmaslikni istasangiz; o‘zingiz va atrofdagilar haqidagi qarashlaringizni, qadriyatlaringizni qayta ko‘rib chiqmoqchi bo‘lsangiz; ruhiy o‘zgarishlar, ma’naviy izlanishlar va falsafiy savollar sizni qiziqtirsa unda bu kitob juda munosib. Shuningdek, “Kichkina Shahzoda”ni o‘qigan bo‘lsangiz, “Katta Shahzoda” esa sizga davomiy fikr va ruhiy o‘sishni berdi.