)

Qaydan shuncha vaxshiy bo'lding sen?
Yosh boshingga qaydan bu nafrat?
Telbamiding, xastamiding yo?
Qaydan kelding ey, odamsurat?
Qo'llaring qon, nigohlaring qon,
Og'zingdan qon yotar otilib
Qo'lingdagi pichog'ing bilan
Minglab qalbni yubording tilib)
Go'dak edi, gunohsiz go'dak,
Sen marazga nima qildi u?
Bolasini tuproqqa qo'ymoq,
Dunyodagi eng buyuk qayg'u!
Senga aytar boshqa so'zim yo'q,
Vujudimni tutmoqda titroq
Qo'llarimda bo'lganda agar,
Ming yeringdan urardim pichoq!
Peshonangga odamxo'r degan,
O'chmas tamg'a qo'ysinlar bosib,
O'ldirmasdan keyin tiriklay,
Kremlga qo'ysinlar osib...