Allohumma Barik 🫠✨

🌟Kitob: Ikki yetim
🌟Muallif: Ali Tantoviy
🌟Sahifalar: 112 bet

📚 Sharh: “Ikki yetim” Ali Tantoviy qalamiga mansub, yurakka o‘tiradigan, ko‘zga yosh keltiradigan va chuqur ibrat beradigan hayotiy asardir. Kitob 5 ta hikoyadan iborat bo‘lib, har biri inson qalbini larzaga soladigan, o‘ylantiradigan voqealarni o‘z ichiga oladi. Asarning birinchi hikoyasi kitob nomiga mos ravishda “Ikki yetim” haqida. Unda onadan juda erta ayrilgan ikki begunoh bolaning hayoti, ularning boshidan kechirgan og‘ir sinovlari, mehrga zor yashagan kunlari ta’sirli tarzda tasvirlanadi. Ularning o‘gay onasi tomonidan ko‘rgan zulmlari, beparvolik va adolatsizliklari o‘quvchini befarq qoldirmaydi. Bu hikoya orqali muallif yetimning qalbi naqadar nozik, ularning ko‘ngli naqadar tez sinishini juda aniq his qildiradi. Kitob faqat yig‘latib qo‘ymaydi, u insonning hayotga bo‘lgan qarashini o‘zgartiradi. Ota-ona ne’matining qadrini anglatadi, sabrning naqadar buyuk kuch ekanini tushuntiradi, mehr va rahm-shafqatning inson hayotidagi eng muhim boylik ekanini yurakka joylaydi. Har bir hikoya o‘quvchini o‘z nafsini tekshirishga, atrofdagilarga boshqacha nigoh bilan qarashga undaydi. “Ikki yetim” shunchaki hikoyalar to‘plami emas. Bu asar hayot darsi, sabr darsi, mehr darsi. Kitobni o‘qib, inson ko‘p narsani qayta o‘ylab chiqadi, shukr qilishni, bor ne’matining qadriga yetishni, yetimning haqqini unutmaslikni o‘rganadi.

✨Hayotiy, ibratli, yurakka yetib boradigan asar izlayotganlar uchun “Ikki yetim” juda to‘g‘ri tanlov. Bu kitob befarq qoldirmaydi, qalbni yumshatadi va insonni yaxshilikka undaydi.

🌟Kitob: Ikki qariya
🌟Muallif: Ali Tantoviy
🌟Sahifalar: 95 bet

🌟 Sharh: Ali Tantoviyning “Ikki qariya” kitobi meni judayam ta’sirlantirib yubordi desam, xato bo’lmas. Bu kitob muallifning “Hayotiy qissalar” to’plami asosida tartiblangan turkum asarlarni o’z ichiga oladi. “Ikki qariya” kitobidan ham 5 ta hikoya o’rin olgan bo’lib, ularning har biri bir-biriga o’xshamasligi, sodda va hayotiy yozilgani bilan ajralib turadi. Menga ayniqsa kitobdan: “Ikki qariya” va “Shayx shijoati” hikoyalari ko’proq yoqdi. Kitob mutolaasining birinchi hikoyasida ikki qariyaning oilada bir-biriga bo’lgan ko’magi, suyanchi va mehrini o’zgacha ta’riflangani bilan sizni ta’sirlantirsa, mutolaa so’nggidagi ustozning qayg’uli va g’amgin qismati haqidagi hikoya sizni o’ylashga undaydi. “Shayx shijoati” haqidagi ketma-ket hikoyalarida esa yosh o’smir yigitlarga, shayxning o’rinli nasihatlari berilgan. Kitobni yoshlarga ham, o’rta va keksa yoshdagilarga ham bemalol tavsiya qila olaman. Sababi shu hajmi kichik kitobda sizga o’rnak bo’ladigan mavzular ko’tarilgan. Ali Tantoviy bu asar orqali o‘quvchini hayotga jiddiyroq nazar bilan qarashga undaydi. Inson bugun qilayotgan amallari ertangi kunining asosi ekanini, vaqtning qadriga yetish, gunohdan tiyilish, ezgulikka shoshilish naqadar muhim ekanini yurakka yetib boradigan tarzda bayon qiladi. Kitob insonni dunyoga haddan ortiq bog‘lanmaslikka, oxiratni unutmaslikka, halollik, sabr va shukr bilan yashashga chorlaydi.



🌟 Iqtiboslar:

🌟Axir u 60 yillik umr yo'ldoshini yo'qotti! Yashashdan ma'ni qolmagan go'yo. Aytar so'zining tinglaguvchisi bo'lmagach, kimga nimani aytardi?

🌟Inson xatolariga yig'lab, chin tavba bilan Allohga yuzlansa, joyning ahamiyati qolmaydi.

🌟Masjid va xonaqohlarda qanchadan-qancha shaytonning do'stlari dunyo ilinjida o'zlarini dindor qilib ko'rsatishadi!


🌟 Hayotning mazmuni, pushaymon va ibrat haqida chuqur o‘ylashni istaganlar uchun juda ta’sirli va foydali asar.

🌟Kitob: Omonat
🌟Muallif: Ali Tantoviy
🌟Sahifalar: 142 bet

🌟Sharh: Ali Tantoviyning “Omonat” kitobi bir kunda atigi 1 yoki 2 soatingizni ajratib, tezda o’qib tugatishingizga arzigulik kitob. Sababi kitob qalin emas va mazmunan sizga sodda va tushunarli tarzda bayon etilgan. Kitob atigi 5 ta hikoyadan iborat bo’lib, barchasi o’ziga xosdir. Muallif ushbu kitobda tarixiy voqealarni sodda tarzda, sizga tushunarli qilib, badiiy uslubda bo’yoq berib mohirona tasvirlagan. Menga ayniqsa uning: “Baytul Maqdisda”, “Omonat” va “Yosh Muhammad” hikoyalar manzur bo’ldi. Ayniqsa Baytul Maqdisda hikoyasida Mariyaning turmush or'tog'iga sadoqati, mehri iliq tasvirlangan. Kitobning eng ta’sirlantirgan joyi esa, boy-badavlat yigitning sevgisi uchun barchasidan ayrilib, ayoli va farzandini Allohga omonat qilgani va uning natijasidan nechi yillar o’tsada bahramand bo’lishi bilan qalbimni titratib yubordi. Sababi bu voqealar tarixda bo’lib o’tgan. Muallifning “Yosh Muhammad” hikoyasida esa olim, yozuvchi Muhammad ibn Abdurrofi’ Andalusiy Rahmatullohi alayhning islom diniga qanday to’siq va qiyinchiliklar ila kirgani hayajonli tasvirlangan.

Iqtiboslar:

🌟Alloh biz bilan birga ekan, har kuni o'ttiz marta "Allohu akbar" degan nidoni eshitar ekanmiz, sira zaiflashmaymiz, aslo tushkunlikka tushmaymiz.

🌟"Dada" degan birgina so'z dunyodagi eng go'zal, eng bebaho kalomdir.


💡Sadoqat, vijdon, mas’uliyat va iymon haqida chuqur o‘ylashni istaganlar uchun juda kuchli, tarbiyaviy ahamiyatga ega asar. “Omonat” — har bir inson kamida bir marta o‘qishi kerak bo‘lgan hayotiy ibrat kitobidir.

🌟 Kitob: Fotimaning bolasi
🌟 Muallif: Xosima Umon
🌟 Sahifalar: 143 bet


📖 Sharh: Kitobning muqovasidanoq o‘quvchini og‘ir va iztirobli bir hayot hikoyasi kutib turgani seziladi. Bu asar bolalik, mehrga chanqoqlik, bosim va tushunilmaslik qurboniga aylangan bir bolaning fojeali hayoti haqida. Hikoya markazida Fotima ismli ayol va uning farzandi turadi. Onaning 3 nafar farzandi bo'lib, ularning o‘rtanchasi Yusuf edi. Asar aynan shu bolakayning ichki dunyosi, iztiroblari va sindirilgan orzulari haqida hikoya qiladi.

Yusuf akasi va singlisiga qaraganda bilim olishda sustroq bo‘ladi. Uning IQ darajasi sekin o‘zlashtiradigan bolalar qatoriga kiradi. Ammo bu holat bolaning aybi emasligini Fotima xonim anglay olmaydi. Aksincha, u jamiyat oldida “aqli zaif bolasi bor ona” bo‘lishni qabul qila olmay, Yusufni o‘z manfaati va g‘ururi yo‘lida qurbon qiladi.

Yusuf maktabdan tashqari son-sanoqsiz qo‘shimcha mashg‘ulotlarga majburan qatnaydi, uyga juda kech qaytadi, charchagan holida ham yana vazifalar bajarishga majbur bo‘ladi. Dam olish, bolalarcha quvonish, o‘yin - uning hayotida deyarli yo‘q.

Yusufning yagona panohi rassomchilik edi. U chizish orqali ichidagi og‘riqlarni, aytilmagan so‘zlarni, yuragidagi alamni qog‘ozga tushirar edi. Ammo afsuski, ona bu qiziqishni ham yo‘qqa chiqaradi. “Rassomchilikdan foyda yo‘q”, degan gaplar bilan Yusufni eng so‘nggi taskinidan ham mahrum qiladi.

Asarda onaning farzandlar o‘rtasidagi adolatsiz munosabati juda og‘riqli tarzda tasvirlanadi. Akasi va singlisiga bo‘lgan mehr, Yusufga kelganda sovuqlikka aylanadi. Shu sababli Yusuf o‘zini xuddi o‘gay ona qo‘lida yashayotgandek his qiladi, tirik bo‘lsa-da, ortiqcha bo‘lib yashaydi.

Bosim, mehrsizlik va tushunilmaslik oxir-oqibat Yusufni eng dahshatli fikrga olib keladi: u hayotdan voz kechishni o‘ylab qoladi… Shu yerda asar eng keskin nuqtaga yetadi. Lekin eng muhim, eng hayratli voqealar oldinda. Davomini aytib berish esa bu kitobning ta’sirini kamaytiradi. Eng to‘g‘risi esa uni o‘zingiz o‘qib, Yusufning taqdiri bilan yuzma-yuz kelish)

Bu kitob o‘quvchini befarq qoldirmaydi. U ota-onalarni o‘ylantiradi, farzand tarbiyasidagi xatolar qanchalik og‘ir oqibatlarga olib kelishini ochiq ko‘rsatadi. Eng muhimi, bu asar bizga shuni eslatadi: bola faqat natijalar bilan emas, qalbi bilan ham sevilishi kerak.


🕯 Hayotiy, og‘riqli va juda ta’sirli asar.
O‘qib bo‘lgach, uzoq vaqt xayoldan ketmaydi…
Ba’zi sahifalar esa yurakka og‘ir botadi.

Hazratim 🌟

Mutma'inn

Oxirzamondamiz: gunoh, fahsh keng tarqalgan dunyomizda erkaklar uchun eng chiroyli boshpona bu uning oilasidir)

©️Fotima r.a ning isrofsiz to'yi.