📖Husayn Buxoriy

📜 Бақара сурасини ўқишни одатланинг

🟢Эй бепушт (ёки бефарзанд) аёл, Бақара сурасини ўқишни йўлга қўй!
🟢Эй турмушга чиқиши кечикаётган синглим, Бақара сурасини ўқишни йўлга қўй!
🟢Эй дўхтирлар даволашдан ожиз қолаётган бемор, Бақара сурасини ўқишни йўлга қўй!
🟢Эй сеҳр таъсир қилган, жиндан зиён кўрган кимса, Бақара сурасини ўқишни йўлга қўй!
🟢Эй иффатни истаётган, лекин фақирлиги ёки аёл танлаш қийин бўлгани учун никоҳга қодир бўлолмаётган йигит, Бақара сурасини ўқишни йўлга қўй!
🟢Эй (муаммо қаршисида) уни ўзгариши маҳолдир, деб турган ҳожатманд, Бақара сурасини ўқишни йўлга қўй!

Бақара сурасини бошидан охирига ўқиш учун 60 дақиқа вақт кетади холос. Рағбат қилган нарсангни амалга ошириш учун ҳар куни атиги бир соат Аллоҳ учун вақт сарфлашни ҳеч қандай қийин жойи йўқ. Дастлаб бироз қийналишинг, зерикишинг мумкин, тўлиқ ўқиб чиқа олмаслигинг эҳтимоли бор... Лекин сен сабр қилиб, ўн кун нафсингга курашиб, қийналиб бўлса ҳам ўқишда давом этаркансан, охири нафсинг Бақара сурасини ўқишга одатланади, берилиб кетади.

📝 Абу Умома Боҳилий розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг шундай деганларини эшитдим: «Қуръон ўқинглар, чунки у Қиёмат куни соҳибларига шафоатчи бўлиб келади. Икки порлоқни – Бақарани ва Оли Имрон сурасини ўқинглар, чунки бу иккови Қиёмат куни гўё булут ёки соябон бўлиб ёхуд соҳибларини ҳимоя қиладиган икки сафбаста қушлар тўдаси бўлиб келади. Бақара сурасини ўқинглар, чунки уни (ёдлаб) олиш баракадир, уни ташлаш ҳасратдир. Унга баталаларнинг қурби етмайди». (Ровий) Муовия айтади: «Менга етиб келдики, батала – сеҳргарлардир». Имом Муслим ривояти.

Изоҳ: «Батала» сўзини баъзилар дангасалар, бошқалар ботилчилар, яъни сеҳргарлар дея изоҳлаган. Биринчисига кўра, сура узун бўлгани учун уни дангасалар ўқий олмайди, деган маъно чиқади. Иккинчисига кўра, уни ўқиганга сеҳгарлар таъсир қила олмайди, деган маъно келиб чиқади.

@quranuz_kanali

#ramazon

Ramazon yaqin.
So‘nggi kunlarda vaqt tezroq o‘tayotganday. Qalb ham nimagadir shoshayotgandek… go‘yo Alloh bizni bir buyuk mehmonlikka chaqirayotgandek tuyuladi.

Bu oy kelishi bilan odam o‘zini ko‘proq tinglaydi:
Kimdan ranjidim?
Kimni xursand qildim?
Qalbimda nimalar qolib ketdi?

Ramazon — mana shu savollarga javob topib, ichimizni yengillatadigan oy.
Alloh hammamizni unga yetkazsin.

Hikmat bog'i 📖

#ramazon

Jism tayyorgarligi

Ramazon yaqinlashgani sari tana ham ibodatga hozirlikni his qilishi kerak.
Payg‘ambarimiz (s.a.v.) Sha’bon oyida ko‘proq ro‘za tutib, Ramazonga tanani tayyorlar edilar.
Biz ham hozirdan shunga yaqin odatlarni boshlasak, Ramazon kunlari yanada yengil o‘tadi.

O‘ylab qarasak, tanani tartibga solish ham ibodatga hurmatning bir ko‘rinishi:
keraksiz ovqatni kamaytirish — nafsni jilovlash,
me’yorni topish — sabrning mashqi.

Tana hushyor bo‘lsa, ro‘za nafaqat sabr, balki Alloh bergan quvvatning qadriyatiga aylanadi.

Hikmat bog'i 📖

#ramazon

Ruhiy tayyorgarlik

Ramazon Allohning mehmonligi. Shuning uchun qalbni ham mehmon kutgandek tayyorlash kerak.
Qalbni poklash — istig‘for bilan, kechirim so‘rash — botin pokligi bilan, duoni ko‘paytirish esa ruhning uyg‘onishi bilan boshlanadi.

Ulamolar aytishadi: “Kim Ramazonga pok qalb bilan kirsa, oyi unga rahmat bo‘ladi.”
Mana shu so‘zning o‘zi yetarli — ranjishlarni qo‘yib yuborish, o‘tgan xatolarni tan olish, ichki shovqinlarni sekinlashtirish uchun.

Ramazon — nur oyidir.
Nur esa faqat ochiq qalbga tushadi.

Hikmat bog'i📖

#ramazon

Ro‘za — faqat ochlik emas.
Ro‘za — halollik va poklikka qaytish.

Halol rizq, pok so‘z, toza muomala…
Bular ro‘zaning ruhiy poydevoridir.

Harom bir luqma, yolg‘on bir so‘z yoki adolatsizlik — ro‘zaning nurini so‘ndiradi.
Shuning uchun hozirdan o‘zimizning kundalik muomalalarimizni tozalab borish — Ramazonning eng muhim tayyorgarliklaridan biri.

Hikmat bog'i 📖

#ramazon

Ramazon yaqinlashar ekan, inson o‘zidan bir savol so‘raydi:
“Men bu oyga qanday niyat bilan kiryapman?”

Chunki har bir amal niyatga qarab baholanadi.
Niyat pok bo‘lsa — amal ham pok bo‘ladi.
Shuning uchun hozirdan o‘zimizni ichdan so‘roq qilish va niyatni to'g'irlab olish kerak.

Ramazonni ko‘p ibodatlar bilan boshlashdan oldin, qalbni Alloh uchun bo‘shatib qo‘yish — eng katta tayyorgarlikdir

Hikmat bog'i 📖

O'zim uchun eslatma
كُلُّ نَفْسٍ ذَائِقَةُ الْمَوْت

Har bir jon o'lguvchidir.

Hikmat bog'i📖

Odam alayhissalom va Havvo onamiz taqiqlangan mevani yeganlaridan keyin Allohga nadomat bilan qilgan duolari:

«Ey Robbimiz, biz o‘zimizga zulm qildik. Agar Sеn bizni mag‘firat qilmasang va bizga rahm qilmasang, albatta, ziyon ko‘rganlardan bo‘lamiz»

Hikmat bog'i 📖