⚡️ Мұхтар Тайжан: Кітап оқымаған "білгіштер" мен уағызшы "молдалар" қаптап кетті...

Қоғам қайраткері Мұхтар Тайжан соңғы кезде уағыз айтатын "молдалардың" қаптап кеткенін айтып, олардың әрекеттерін "араптандыруға" апаратын науқан деп бағалады.

Ол тоқсаныншы жылдары ұры, коррупционер, бандит болғандар қазір тақияны қиіп алып, сақалды өсіріп алып, тиктокта, ютубта жастарға ақыл айтып отырғанын алға тартты.

"Өзің білме, білгеннің тілін алма" деген жаман қарғыс сөз бар қазақта. Қарасам, өздері қараңғы, жоғары білімдері жоқ, кітап оқымаған "білгіштер" мен уағызшы "молдалар" қаптап кетіпті. "Шалбар киме - ол голубойлардың киімі екен", "көкпар деген - ол сақабалардың, яғни араптардың ойыны екен", "мұсылмандарда ұлты мен руы жоқ", "домбыра - харам" - деп сандырақ әңгімені көп айта бастады. Бұндай әңгімелер иманға еш қатысы жоқ деп санаймын. Бұл қазақты ұлтсыздандыруға, тіпті араптандыруға апаратын науқан”, – деді Мұхтар Тайжан.

Саясаткер ғасырлар бойы құлдар патшаларға, байларға өте керек болғанын, сол үшін қарапайым халықты дінмен қорқытып құлдықта ұстағанын айтты.

“Ата-бабаларымыз имандарын жүректерінде сақтап қазақ болып қалды ғой! Ұлт деген не? Ол тіл, дәстүр, діл, жыр. Бәрімізді Жаратқан жаратқаны рас, бірақ бәрімізді құл болсын жаратқан жоқ шығар? Біз өз туған балаларымызды бізге құл болсын деп туып өсірмейміз ғой? Ұрпағымыз басқа дүниеде емес, осы дүниеде бақытты болсын деп өсіреміз. Сол секілді мейірімді я кешірімді Жаратқанымыз бізге құлдықты емес, бақытты өмірді тілеп отыр деп сенем. Ең қуатты Жаратқанға құлдар не керек?” – деді ол👍

📚@kitapkz1

⚡️ Жанар апай мықты!

Ұлттық дәстүр, салт-санадан ажырап жатқанымызды өте сәтті көрсетіпті...

Лайкты аямайық👍

📚@kitapkz1

©️Берік Уәли
📒Алаш айтқан асыл сөз

Кітаптан үзінді: Адамның тағдыры – өз қолында. Сорлы болған адам: «тағдырға шара бар ма» – деп жұбаныш етеді. Тағдырыңды – күндегі тамызықтай істеген амалыңмен өзің жасап аласың👍

📚@kitapkz1

⚡️ Құр оқи бергенмен ештеңе шықпайды, әлсін-әлсін ойыңды қозғап қой, пайдаланылмай қалған ақылды тот басады...

©️ Ілияс Есенберлин, «Ойлар, баяндамалар, күнделіктер, хаттар»

Кітаптың толық нұсқасы жақында арнамызда жарық көреді 👍

📚@kitapkz1

💯 «Өзіңе ақша қимау – саған келетін ақша энергиясының көзін жабу. Өзіңе аз алған сайын, өзіңе қимаған сайын Құдай да саған түк татырмайды» деп соғады. Бұл сау адамның сөзі емес. Бұл басыну, қымбат зат сатып алмағаның үшін кінәлі көрсету. Маркетинг тұздығына түсіру. Сіз биыл бес жылы шұлық сатып аласыз ба әлде бір мәсімен шығасыз ба? Оны әркім өзі шешеді. Оған коуч мұрнын сұқпасын. «Ақшаның энергиясы» деген сөздің өзі анекдот. «Қалаған затыңды сатып алу арқылы ақша көзін ашу» деген парадокс. Әлемдік қаржыгер Пит Данн «адам әр жалақысының бес пайызына киім алса экономикалық тұрақтылығы дұрысталады» дейді. Осы көрсеткішпен есептесек, төрт жүз мың теңге жалақы алатын кісі айына жиырма мыңға киінеді. Сонда өзгесі сапалы тамақ жеуге, қосымша білім алуға, саяхаттауға жеткілікті. Осылайша есі дұрыс адам бюджетін жоспарлауы керек. Онсызда шаршап жүрген адамдарды «ақша шақыру» дегендей қойыртпақпен алдаусыратып, иллюзияға батырмау керек.

©️ Лира Қоныс, «Қазақша минимализм немесе үйде бәрі бар»

5 досыңызды арнаға қосылуға шақырсаңыз, кітаптың толық нұсқасын саламыз 👍

📚@kitapkz1

©️Жадыра Шамұратова
📕 Сандық

Кітаптан үзінді: Есіңізде болсын, өмірдің қуанышын ұрлайтын үш нәрсе бар: соның бірі – өткенге өкініш. Өкіну – жаныңды жегеннен басқа ештеңе бермейтін іс👍

📚@kitapkz1

⚡️ Тек, өкініштісі, Жер ғаламшарымызда ұлы табиғатты осылай қорғай, аялай білетін халықтардың азайып келетіні...

Жер атмосферасындағы, биосферасы мен гидросферасындағы адам қолымен, адам басқарған түрлі техникалармен жасалған өзгерістер, зауыттардан, фабрикалардан, жеңіл көліктерден шыққан газ-түтіндер ұлы табиғатты тұншықтырады ғой бірте-бірте. Ал жыпырлаған зәулім ғимараттар мен көп қабатты тұрғын үйлерден тұратын қалалар Жер ғаламшарымыздың бетін түгелдей жапты десе де болады.
Ал мұның соңы неге апармақ? Бүгінде бұлақ, өзен, теңіз бен мұхит сулары да тартылуда. Бұл көкейкесті мәселелер жөнінде ғалымдар мен түрлі саланың мамандары дабыл қағуда. Тек еш нәтиже жоқ. Кейбіреулер: «Өзім өмір сүрген кезде жасқы болса болды, әрі қарайғысында жұмысым жоқ» дейтін де сияқты. Бәрінен де сол пікір жаман...🙁

©️ Жүніс Сақұрпағы «Шолпанға көшкен ауыл»

📚@kitapkz1

⚡️ Жақсылық жасау тек қана мықтылардың қолынан келеді деу қате...

Олардың көбі алдымен өзін ойлайды. Артылып бара жатса ғана өзгеге қол созған болады. Мал бергеннен гөрі жан берген олар үшін түк те емес.

©️ Сүлеймен Мәмет, «Көңіл көзі»

Кітаптың толық нұсқасы арнамызда бар👍

📚@kitapkz1

💯 Махаббат формуласы: Сүйетін адамдар бір-біріне: «Саған жақсы болса екен» деген ережеге бағынса, онда ол махаббат, ал егер: «Саған да, маған да жақсы болсын» десе, онда ол махаббат емес, сауда».

©️ Мырзагелді Кемел «Мың ой»

Автордың пайымымен келісесіз бе?👍

📚@kitapkz1

⚡️Оралхан Бөкейдің "Атау кере" романынан 10 үздік дәйексөз:

📖 Пенде дегенің не нәрсеге қолы жетпесе, соған құштар келмей ме?!

📖 - Араның адамнан айырмашылығы болсайшы... Жиған байлығың да бал секілді. Күндердің күні малтығып өлесің.
- Айырмасы көп, апа... Араның байлығы адамдар үшін, ал біздікі... біздікі өзіміз үшін ғана.

📖 Адамның қателігі кемшілік жіберуінде емес, сол кемшілікті кешіктірмей түземеуінде.

📖 Неге біз осы оқта-текте жылап алмаймыз?.. Неге?

📖 Неге біз осы өзіміздің бұл әлемге артық, түкке де керегіміз жоқ бейшара мүскін екенімізді мойындамаймыз... Неге біз осы қатыгез де, қасиетсіз болып кеттік?..

📖 ...дені сау, төрт құбыласы тең пенде шіркін үшін бұдан артық азап бар ма, бұдан артық тозақ бар ма, Тәңірім! Жоқ еді, жоқ еді... аурудың ең бір асқынған түрі де осы - жалғыздық атты жалмауыз-ау...

📖 Неге біз осы бұл дүниенің барлық мүлкін арғы дүниеге арқалап кетердей, мұрнымыздан қан аққанша жиямыз, а? Айтыңдаршы, ағайын, салт басым, сабау қамшымнан басқа түгім жоқ менің сендерден қай жерім кем? Кімнің тұнығын шайқаппын, кімдердің ырысын ішіп тауысыппын?! Соншалықты неге жек көресіңдер? Мен – талантпын. Менің білетінімнің, тәңірім-ау, бес процентін игерсеңдер, әлдеқашан данышпан болып әлемнің билігін қолдарыңа алмайсыңдар ма?

📖 Неге бiз осы итжандымыз, басқа қаңқ еткiзiп теуiп жiберсе де, қыңсылаған күйі "иемiздің" етегіне оралып, аяғын жалаймыз?!

📖 Адам баласын құртатын - Ой емес, Ойсыздық шығар...

📖 Неге біз осы өтірік сөйлейміз, өтірік күлеміз, қысқасы - өтірік өмір сүреміз, а?..

🔖@kitapkz1

© Рабиға Сыздықова
📚 Сөздер сөйлейді

Рабиға Сыздықова "Сөздер сөйлейді"

Кітап туралы: Тіл байлығыңызды толықтырам десеңіз, мархабат. Қазақ тіліндегі көптеген сөздердің мән-мағынасын ашатын кітап.

🔖@kitapkz1

⚡️ Біз жауызбыз...

- Ой, сол жылы қыс қатты болды да ашыққан ақбөкендер шөп іздеп ауылға келді. Бірін қалдырмай қы..ып салдық, әкең.

Бұл менің Жаңақорғанда естіген әңгімем.

- Мына ағаштардың басы толған ақтиіндер болатын. Солардың кесірінен күнде аула сыпырамыз. Жапырақтар түседі жерге. Бір күні бажамның тир мылтығын алып келіп түгел қы..ып салдым. 17 ақтиынды өлтірдім. Содан, рахат. Жапырақтар түспейді.

Бұл менің балабақшаның күзетшісінен естіген әңгімем.

Осыдан төрт -бес жыл бұрын Ақтауда шомылып жүрген жұртты қызықтап итбалықтың баласы келіпті. Әлгіні біздің қазақтар тепкілеп жүріп өл..ірді. (Қайтсын -ай, аталары батыр болған ғой)

Елдің мұңын тереңнен толғап жүретін достарым бар. Біреуі актер, біреуі жазушы, біреуі бес минутсыз қоғам қайраткері. Нарынқол жаққа бара жатып түлкі атып апты. Әшейін, еріккеннен. Өздері мәз соған. Тірі жанға қиянат жасадық-ау деген ой саналарына кіріп тұрған жоқ. Сол түлкінің терісі қайда қалғанын да білмейді.

Буаз ақбөкендерді қырып жатырмыз. Байғұстар шуын салбыратып, қанға боялып өле алмай шауып жүр.

Біз жауызбыз!

Біздің осы ниетімізге қарай осындай жауыз да жемқор билік бұйырады. Біз ешқашан бақытты халық бола алмаймыз. Өйткені ЖАУЫЗБЫЗ!

Автор: Жәнібек Әлікен

🔖@kitapkz1

⚡️5 жасында әкесінен айырылды...

16 жасында мектептен шығып қалды...

17 жасқа дейін төрт рет жұмысынан айырылды...

18 жасында үйленді...

18-22 жасында жүргізуші болғанымен нәтижесіз болды...

Әскерге бармақ болды, өтініші орындалмады...

Заң факультетіне оқуға түсуге тырысты, қабылданбады...

Сақтандыру агентіне қызметші болды, одан ештеңе шықпады...

25 жасында әйелі оны тастап, жалғыз қызын бірге алып кетті...

Кофеханаларда ыдыс жуушы болды...

Қызын қайтарып алмақ болды, орындалмады...

65 жасында зейнетке шықты...

Зейнетақысының 105 долларын алып, енді жұмыс істемейтінін түсінді...

Суицид жасауға бекініп өсиетін жаза бастағанда айналысып көрмеген бір нәрсесі бар екенін түсінді... Ол-Тағам жасап көру
Зейнет ақшасына қазандық сатып алып, әжесінің рецепті бойынша тауық үйтіп, туған ауылында әр үйдің есігін қағып сата бастады...

KFC -дің негізін қалаушы Сандерс 88 жасында миллиардер болды...

Бас тартқың келе ме?
Ешқашан кеш емес...

©Амантай Тойшыбайұлы

🔖@kitapkz1

⚡️Жапондар жер сілкінген жағдайда "молданы, әулиені" іздемейді...

Бірінші, Алматы жер сілкініс белдеуі аймағына жатады, ол ғылымда әлдеқашан дәлелденген, оған құмалақ ашып жаңалық айтудың керегі жоқ. Орталық Азияның қауіпті сілкініс белдеуінің бір жолағы Қазақстанның біраз аймағын қамтып жатыр. Жер кеше сілкінген, бүгін сілкінді, түптің түбінде ертең де сілкінеді және сілкіне береді. Жер- күнәнің көптігі үшін сілкінді деп аңыраған жұртқа құрғақ ақыл айтатын қаймана уағыз қай қоғамда болсын табылады, жер- атеист пен тәңіршілге "Аллаһты еске салды" дейтін міскін ой, асығыс тұспал қай жамағатта болсын табылады, бірақ табылмай тұрғаны ҒЫЛЫМ, мән берілмей тұрғаны да осы.

Екінші,  жерді кім сілкісе де мейлі, маңыздысы ол емес, онсыз да сілкініс белдеуінде тұрып жатырмыз, "ұйқыдағы" сілкініс пен жанар тау бізде онсыз да баршылық. Мәселе біздің жердің сілкінуін қалай қабылдағанымызда болып отыр. Бізде отандық нақты ғалымдар бар жер сілкінісі туралы ғылыми зерттеу еңбектерін жазып академиялық тұспалдар жасап жатқан. Жер сілкінген жағдайда және болжамды сілкініс кезеңдерінде неге сол ғалымдармен санаспаймыз? Қаншама құрылыс компаниялары тұрғызған тұрғын үй кешендері бар, қай кешен сілкініске қаншалық жарамды? Біліп, тексеріп жатқан біреу бар ма?!

Үшінші, жер құдайды ұмытқан қазақ қоғамына Алланы есіне түсірді дейік, жарайды. Біздің қоғам соңғы 30 жылдан бері нео-исламданған қоғам екенін ескере отырып солай қабылдайық. Бірақ, Алланың 99 көркем аты бар, біздің кейбір діни белсенділер соның "қаһарлы" аттарын көбірек еске алып күнәсін есіне түсіріп діни жамағат көбейіткісі келетін сияқты көрінді. Неге Алланың "ғылым", "ілім", "х'алақ" яғни ғылым-күш, білім-күш дейтін ақылды ортаға қоятын нақты концепциялды аттарын еске түсірмейді?. Сонда біздің аңтарылған қоғам ҒЫЛЫМның қажетті күшін басқа қырынан сезінер еді ғой.

Төртінші, тағы да қайталап айтамын жер сілкініп тұрады, ол тұрақты жағдай. Жер сілкінген жағдайда біздің қоғам нақты салалық ғалымдарды көбірек басшылыққа алуы тиіс. Жапондар жүз жылдан бері солай істеді. Әр жойқын сілкіністен сабақ ала отырып адам шығыны мен материалдық шығынды ең төменгі шекке дейін азайтты. Жапондар жер сілкінген жағдайда "молданы, әулиені" іздеген жоқ, нақты инженер ғалымдарды басшылыққа алды, сол үшін жапон қоғамында миф тараған жоқ. Ал бізде ше? Мифтің жетпіс жеті атасы тарап онсызда аңыраған жұртты кеміріп жеп жатыр.

Бесінші, қазір тас лақтырсаңыз құрылыс компанияларының басына барып тиеді. Қаншама тұрғын үй кешендері мен нысандары бой тұрғызылды. Олардың жарнамасын көрсеңіз сол тұрғын үйде тұрғың келіп кетеді. Аталған кешендер күтпеген апатқа қаншалық дайын және адам шығыны мен материалдық шығынды қаншалық төмен көрсеткішке дейін түсіре алады деген сұрақ мазалайды?! Осы реткі сілкіністен соң біз қандай сабақ алдық? Егер жер сілкінісі құдайдың ескертуі болса онда құдай бізге нені ескертіп тұр? садақаны аз бердің деп ренжіп тұр ма, әлде ғылымсыз-ілімсіз қалмаңдар деп ренжіп тұр ма?.

Алтыншы, Жер сілкісіні бәрінен бұрын біздің санамызды сілкуі керек еді. Осы реткі төтенше жағдайдан соң қоғам болып ойлануымыз тиіс. Бізде "бісмилләні айтатын ауыз табылады, іс қылатын қол табылмай" тұр. Тек қана жер үшін айтқым келмейді, барлық саланың күйі осындай. Әр саланы өз мамандары айналысып зерттеуі, сын-пікір айтуы тиіс. Елдің басына күн туса бізге молда да, шоумен де, тиктокер де, әнші де көмектеспейді, бізге нақты ҒЫЛЫМ көмектеседі. Барлық ситуациядан ащы сабақ ала отырып елдің ертеңі, халықтың қауіпсіз, алаңсыз өмір сүруі үшін нақты шешімдер қабылдауымыз керек. Сонда біз күтпеген апатты жағдайда адам шығыны мен материалдық шығынды ең төменгі шекке дейін азайта аламыз.

Елдес ОРДА
23.01.2024

🔖@kitapkz1