⚡️ Айнұр Тұрсынбаевадан бір сағат кеңес алу 300 мың, рухани сөйлесу 900 мың теңге тұрады екен...

Айнұрдан ақылы кеңес алу үшін тірнектеп тапқан 300 мың теңгеңізді жұмсар ма едіңіз? Әлде осы ақшаға кітап сатып аласыз ба? 👍

📚@kitapkz1

🕖 Таңғы сағат 8-00...

Бойы 1,90 метр, салмағы 120 кило тартатын, екі иығына адам мінгендей жігіт ағасы дүкенде "барни" алып тұр...

Бұл сірә, сақылдаған сары аязда түнгі сменнен шыққан адам.

Таң атпай алдынан шығатын кішкентай қызына беретін кішкентай "барниді" күректей алақанымен қалтасына салып алды. Темекі алмайды, арақ алмайды!

"Есектің артын жуса да да" мал тауып жүрген бір қазақ.

Ал біреулер "қазақтың жігіттері анау дейді, мынау" дейді. "Шетелдің жігіттері күшті ухаживают" дейді.

Қазақтың қызына да, жігітіне де ешкім жетпейді! Барды бағалап, шүкір деу керек қой, дұрыс па?! 👍

©️ Арнұр Асқар

📚@kitapkz1

😢 Мына видеода ағылшынша сөйлеп, Сіздерден көмек сұрап отырған жігіттің есімі – Жәнібек, бірақ қазіргі құжатында ЭддиЖан деп жазылған...

Ұлты – қазақ, 2002 жылдың 17 қаңтар күні Арқалық қаласында дүниеге келген. 2004 жылы сол қаладағы балалар үйінен қазіргі бельгиялық отбасы, яғни жалғыз басты анасы асырап алуға алып кеткен. Туған анамның үшінші баласы болуым мүмкін дейді ол. Фламанд тілінде өскен ол, қазақша не орысша білмейді. Есесіне, ағылшын, испан, француз, неміс тілдерінде сөйлейді. Қазір Испанияның Мальорка аралында тұрады. Асырап алған отбасы оған еуропаша білім беріп өсірген. Осы күндері Астанада, өзінің туған әке-шешесін іздеп келіпті.

Кеше осы жігіт туралы пост жазып, артынан біздің заңнамаға сәйкес, баланың өзі айтуы керек деген соң оны алуға мәжбүр болғам. Бүгін өзінің рұқсатымен видеосын жариялап отырмын. Туған әке-шешемнен түк керек емес, тек анамның жүзін көріп, бір рет құшақтап, жүрегімді тыншытсам болды деген Жәнібек мына видеоны бүгін неше рет түсіргенін білсеңіз ғой... Әлі толқып жүрмін, ана туралы ойласам, эмоциямды басқара алмай қаламын дейді.

20 желтоқсан Астанадан Испанияға ұшып кететін Жәнібек, баршаңыздан көмек күтіп отыр. Қазақстан тым алыс, енді қашан келерім белгісіз, мұнда түрім қазақ, тілім өзгеше бәрі біртүрлі қарайды дейді. Мальоркада ол атбегілікпен айналысады. Жылқыны жақсы көреді екен...

Барынша таратып, қандасымызға қол ұшын созып жіберейік, ағайын! 👍

📚@kitapkz1

⚡️ Шала қазақтарды көрсеңіз қырсығып, тек қазақша сөйлеңіз!..

Кеше бір мекемеде қызық болды. Менеджер де, басшысы да қазақша білмейді екен. Кәдімгідей түсінбейді. Алдымен менеджер "Аружан, помоги" деп шақырды. Аударып берші дегені ғой. Ұят жоқ. Кәдімгі Ресейде қызмет жасап отырғандай. Алдында якут не тувалық азамат отырғандай. Жоқ, сіз көрсетіңіз дедім. Я не понимаю деді. Онда мен де қызметті алмаймын деп, бастығына бардым. Сөйтсем Ерлашка да (есімі) "менікі кінәлі емес" екен. Түсінемін, жартылай түсініп, талпынысы болса екен. Әй, не ұят жоқ, не кешірім сұрау жоқ, наглый осылар.

Жалпы былай. Қазір нарық билейді. Талап етуді қоймау керек. Қазір орысша білмейтін қазақ жоқ. Сонда да осындай жәйттерде ақымақ бола қалыңыздар. Түсінбеймін. Қазақша беріңдер. Әйтпесе үйтем бүйтем дей беру керек.

Мысалға орыс тілді тұтынушы келсе анау орысы жоқ Қарасаз бен Құрықтан келген жас жеткіншек тілін сындырса да орысша жауап беруге міндетті. Нарық заңы, тұтынушы тілінде жауап береді. Жауап бермей көр. Истерика жасап жіберсің.

Қазақ тілін дамытудың бір әдісі - тұтынушы ретінде қазақ тілінде қызмет көрсетуді талап ету. Ол үшін осындай шалақазақтарды көрсеңіз қырсықтық танытып, тек қазақша сөйлеңіз!.

©️Марғұлан Ермағанбетұлы

Автордың пікірімен келісетіндер көп шығар 👍

📚@kitapkz1

⚡️ Әлеуметтік желіде "Айка" деген сутінердың жариялаған тізімінде 2002 жылғы қыздар жүр...

Өрімдей қыздардың сондай жолға түсуіне не себеп болды деп ойлайсыздар? Әрине, тәрбиеден дейсіздер. Мен айтар едім қазақи мейірімнің жоғалып бара жатқанынан. Қазір адамдар тек өз отбасынан шықпайды. Бұрынғыдай туыстық сезім деген жоғалып барады. Бауырлар бір-бірімен араласпайтын заман болды.

Кеше "әпке" деген пост жарияладым. Бәрі өз сезімдерін жеткізіп, тіпті жекеме жылап қалғандарын жазып жатқан адамдар болды. Неге? Өйткені бар адам мейірімге зәру. Туыстық мейірімге. Бала кездегі бір-бірімен ойнап, шекісіп қалса да қайта татуласа салатын аңғал кездерін сағынады. Мың сан адамдармен араласса да бауырдың мейірімін аңсайды...

Біз ғой кезінде әпке, аға жағалап үлкен қалада өмір сүрдік. Солардың аядай бөлмесінде тұрып оқыдық. Солай адам болдық. Сонан кейін де жаман жолға түсуден аман қалған шығармыз. Ал қазір ше? Қазір кең зәулім үйі болса да кіргізеретін туыс азайып барады. Қалаға оқуға келген қыз-жігіттер хостел жағалап жүр. Сосын қыз бұзылмағанда қайтеді? Ұл бұзылмағанда қайтеді? Кеше ғана хостелде өртеніп кеткен жастар осының дәлелі. Айканың тізіміндегі қыздар осының дәлелі.

Біз қазір ұлт ретінде жоғаудың жоғары сатысында тұрмыз. Ұлт дегенде тіл, мәдениет есімізге түседі, иә. Жооқ, қазақи бауырмалдық, туыстық, қонақжайлық сезімді жоғалтып барамыз. Бізді басқа ұлттан ерекшелеп тұратын да осы қасиеттеріміз еді. Қазақи тәрбие, қазақи қарым-қатынас, қазақи өмір...Осыларды жоғалтудан қорқайық, ағайын!

©️Гүлжан Амангелдіқызы

Автордың сөзі шындық қой, иә? Келісесіз бе?👍

📚@kitapkz1

⚡️ Қазақ әдебиетін жүйелеп оқымаған, бірақ оқығысы келетін жастарға мына тізімді ұсындым:

1. Оралхан "Қар қызы"
2. Сайын "Жусан иісі", "Жабайы алма", әңгімелері
3. Бердібек "Менің атым Қожа", "Балалық шаққа саяхат", "Өлгендер қайтып келмейді"
4. Тынымбай Нұрмағамбетов "Бөрібайдың тымағын ит алып қашқан қыс" деген кітаптағы әңгімелері
5. Мағауин "Шақан-Шері", "Аласапыран", "Көкбалақ", "Тазының өлімі".
6. Әуезов "Көксерек", "Қараш-қараш оқиғасы", "Абай жолы"
7. Бейімбет "Күлпаш", "Шұғаның белгісі"
8. Жүсіпбек Аймауытов "Ақбілек"
9. Әбіш "Аңыздың ақыры", "Ханша-дария хикаясы", "Шыңырау"
10. Дулат Исабеков "Гауһартас", "Сүйекші".

©️Арман Әлменбет

Осы шығармалардың қайсысын оқыдыңыз? 👍

📚@kitapkz1

⚡️ Қандай жаста болсаң да, нендей жағдайда жүрсең де әрдайым оқы, үйрен, білім ал. Үйренуге ешқашан кеш емес. Үйрену үшін оңтайлы уақытты, ыңғайлы жағдайды күтпе!

© Қайрат Жолдыбайұлы, "Кемел адам"

Автордың пікірін құптайсыз ба?👍

📚@kitapkz1

⚡️ Қонаев: Зухрамен жарты ғасырдан астам жұбайлық ғұмыр кешсек те арамызда бала болмады...

Зухра жеңгеңіздің бүкіл өмірі ізденіспен өтті деп айта аламын. Мысалы, ол дүниеге мүлде қызықпайтын. Бұл жағынан да екеуміздің арамызда ерекше ұқсастық бой көрсетті.

Сізге тағы бір сырымды ашайын.

Зухрамен жарты ғасырдан астам жұбайлық ғұмыр кешсек те арамызда бала болмады. Тағдырдың бұл тәлкегі жанымызға қатты батқанын да жасырмаймын.

Бірде, әулетіміздің ақылман қариялары жиналып: "Димаш, келіннің ерекше жақсы адам екенін білеміз. Ата дәстүрге жүгінсек, өзің сияқты атпал азаматтан ұрпақ алып қалмау - елдігімізге сын. Тіпті, Мұхаммед Пайғамбар да осы салада үлгі көрсетпеді ме? Бәлкім, бұған келін де қарсы болмас!" – деді.

Рас, Зухра да қариялардың ұсынысын қолдады. Өзім көнбедім. Себебі, мен үшін Зухра сияқты әйел жалғанда біреу ғана.

Сондықтан оның маған деген шексіз махаббатына көлеңке түсіргеннен гөрі, тағдырдың пешенемізге жазғанына мойын ұсынуды әлдеқайда жеңіл санадым.

©️ Мұхтар Шаханов, "Қонаевпен сырласу"

Кітаптың толық нұсқасын оқығыңыз келе ме? 👍

📚@kitapkz1

💯 Жақсылық күткенге келмейді, күні-түні еңбек еткенге келеді.

©️ Жақау Дәуренбеков, «Ойдауа»

Кітаптың толық нұсқасын іздестіру үстіндеміз 👍

📚@kitapkz1