“RB o’quv markazi” dagi ustozlarning ko’p ishlatadigan gaplarini o’quvchilardan so’rab ko’rdik, natijasini ko’rishingiz va imkoni bo’lsa instagram sahifamizga obuna bo’lishingiz mumkin. Biz albatta mamnun bo’lamiz!

https://www.instagram.com/reel/DXox6AdAjma/?igsh=MWprajZnajlvcnd0cw==


Part 2

🎙️ Hamma kutgan podcast — endi YouTube’da! 🔥

RB o‘quv markazining yangi podcastida sizni:
— samimiy suhbat,
— foydali fikrlar,
— RB haqida siz bilmagan ma’lumotlar 👀

Oxirigacha ko‘ring, sizga ham foydasi tegishi aniq 🚀

📺 To‘liq podcastni tomosha qiling:

https://youtu.be/xlU0QVzsxfQ?si=MT3lBLvFJxSITaqH

❗️Ehtiyojmand oilalardagi xotin-qizlar uchun tavsiyanoma olishga arizalar qabul qilish boshlandi
#abituriyent

Arizalarni Yagona portal orqali 8-iyunga qadar onlayn yuborish mumkin:
📝 https://my.gov.uz/uz/service/1432

Ehtiyojmand oilalardagi xotin-qizlarga har yili 2 mingta qoʻshimcha grant o’rni berilar edi, o’tgan yildan boshlab bu ikki baravar ko’paytirildi va 4 mingta grant o’rni beriladigan bo’ldi.

✅ Talabgorlar quyidagi 6 ta mezondan biriga tushsa, tavsiyanoma beriladi:

— Ijtimoiy reyestrga kiritilgan oilalarning xotin-qizlari;

— tо‘liqsiz oilada tarbiyalanayotgan, ya’ni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;

— turmush о‘rtog‘i vafot etgan, voyaga yetmagan farzandini yolg‘iz tarbiyalayotgan ijtimoiy himoyaga muhtoj ayollar;

— nogironligi bо‘lgan farzandi bor ehtiyojmand oilalardagi xotin-qizlar;

— ikki va undan ortiq farzandlarini tarbiyalayotgan, boshqa qarindoshlaridan alohida (ijarada) yashayotgan ijtimoiy himoyaga muhtoj yolg‘iz ayollarning qiz farzandlari;

— ota-onalaridan biri yoki har ikkisi ham birinchi yoki ikkinchi guruh nogironi bо‘lgan ehtiyojmand oilalardagi xotin-qizlar.

Tavsiyanoma yuqoridagi mezonlarga mos kelgan, shuningdek, umumiy о‘rta ta’lim (11-sinf negizida) yoki о‘rta maxsus, kasb-hunar ta’limi muassasasini tugatganligi haqidagi hujjatga ega bо‘lgan ehtiyojmand oilalardagi BARCHA talabgor xotin-qizlarga beriladi. Ya’ni tavsiyanoma soni cheklanmagan.

Mazkur tavsiyanoma bir yil muddatga beriladi. O’tgan yili tavsiyanoma olgan, lekin o’qishga kira olmagan xotin-qizlar joriy yilda tavsiyanoma olish uchun yana qayta murojaat qilishlari kerak.

‼️BU MUHIM: bu tavsiyanoma hech qanaqa ball qo‘shib bermaydi‼️

Ko‘pchilik tavsiyanoma olsam 4% ball qo‘shiladi, deb xato tushunadi.

Shuningdek, xotin-qizlar tavsiyanomasi bor abituriyentlar 100% o‘qishga kiradi, degani emas. Buning uchun yetarli ball ham olish kerak edi. Batafsil mana bu yerda tushuntirilgan:
https://t.me/xushnudbek/24864

Tavsiyanoma olgan xotin-qizlar uchun 2025-yilgi o‘tish bali bu yerda:
https://t.me/xushnudbek/29158

❗️Shuningdek, mutaxassisligi bo‘yicha kamida 5 yil mehnat staji mavjud oliy ma’lumotga ega bo‘lmagan xotin-qizlar 500 ta kvota uchun joriy yilning 31-mayga qadar (shu kuni ham) ariza yuborishi kerak. Bu haqda batafsil bu yerda:
https://t.me/xushnudbek/32038

Bu ikkita tavsiyanoma boshqa-boshqa bo’lib, bir kishi ikkala tavsiyanomani ham olishi mumkin (agar mezonlariga to’g’ri kelsa).


👉 @xushnudbek 👈

Ehtiyojmand oilalardagi xotin-qizlar uchun tavsiyanoma haqidagi ayrim savol-javoblar:
#abituriyent

❓Savol: Nima uchun onlayn ariza topshirishda faqat ijtimoiy daftarlarda bo’lish talab etilmoqda?

Shu haqida ko’plab savollar kelib tushmoqda. Nizomda ko’rsatilgan bir yoki bir nechta toifaga to’g’ri kelsa ham, daftarlardan birontasida ro’yxatda turishini tanlamasa, arizani yuborib bo’lmayotgan ekan. Lekin tavsyanoma olish uchun albatta ijtimoiy daftarda turishi shart degan qoida mavjud emas.

Masalan, murojaatchilardan biri o’tgan yili daftarda turmasa ham, toifalardan biriga to’g’ri kelgani sababli tavsiyanoma olganini, lekin bu yil yana qayta tavsiyanoma olaman deganda hatto ariza yuborish imkoni ham yo’qligini aytmoqda.

Bu masalaga Oila va xotin-qizlar qo’mitasi izoh bersa yaxshi bo’lar edi.

❓Savol: Xotin-qizlar tavsiyanomasi bilan grantga kirgan talabalar 4 yil davomida grantda o’qiydimi yoki kelgusi yilda grant taqsimoti natijasida kontraktga tushib qolishi ham mumkinmi?

✅ JAVOB: Tavsiyanoma natijasida qo’shimcha grant o’rniga tavsiya etilgan talaba xotin-qizlar 4 yil (yoki butun o’qish davrida) davomida grantda o’qishadi. Ular o’zlashtirishidan qat’iy nazar, grant taqsimotida qatnashmaydi.

❓Savol: Ijtimoiy reyestrda turgani uchun tavsiyanoma olgan xotin-qizlar o’qishga kirgandan keyin reyestrdan chiqib ketsa, granti bekor bo’lmaydimi?

✅ JAVOB: Yo’q, tavsiyanoma olgandan keyin bo’ladigan o’zgarishlar grantga va o’zi umuman talabaning o’qishiga ta’sir o’tkazmaydi. Ya’ni xotin-qizlar tavsiyanoma asosida grantga o’qishga kirib bo’lgandan keyin Ijtimoiy reyestrdan chiqib ketsa ham, granti saqlanib qolaveradi.

❓Tavsiyanoma bilan kechki yoki masofaviyga topshirsa ham imtiyoz beriladimi?

✅JAVOB: Yo’q, tavsiyanoma faqat kunduzgi yo’nalishga va faqat birinchi tanlangan yo’nalishga o’tadi. Shu sababli beshta yo’nalishdan birini tanlayotganda birinchi yo‘nalishga kunduzgi ta’limni tanlash kerak. Agar birinchi yo‘nalishga kechki yoki masofaviy tanlansa, unda imtiyozli kvotaga da’vogarlik qila olishmaydi. Ya'ni tavsiyonama kuyadi.


👉 @xushnudbek 👈

⚡️ Abituriyentlarga ruxsatnomalar berish boshlandi
#abituriyent

1️⃣ Ruxsatnomani my.uzbmb.uz saytidagi shaxsiy kabinetdan yuklab olish mumkin. 6-Fanlar majmuasi degan sahifaning yuqorisida "ABITURIYENT RUXSATNOMASI" degan yozuv paydo bo‘lgan.

2️⃣ Yoki shaxsiy kabinetga kirmasdan, shunchaki my.uzbmb.uz/allow/bachelor-allow sahifasi orqali pasport seriyasi va raqami hamda JShShIR raqamini kiritgan holda olishlari mumkin.

📋 Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

❗️Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!


👉 @xushnudbek 👈

Kim qaysi kunga tushdi?

Test sinovi o‘tkaziladigan binolar ro‘yxati e’lon qilindi
#abituriyent

UzBMB saytiga test sinovi o‘tkaziladigan binolar bo‘yicha ma’lumotlar joylashtirildi:

👉 https://uzbmb.uz/page/test_2026

✅ Unda quyidagi ma’lumotlar aks etgan:

🔹 Test sinovi o‘tkaziladigan hududning rasmi;
🔹 Hududga kirish joylari;
🔹 Test sinovi o‘tkaziladigan joy nomi;
🔹 Test sinovi o‘tkaziladigan joy manzili;
🔹 Bino raqami;
🔹 Test sinovi o‘tkaziladigan guruhlar;
🔹 Joylarning Google xaritadagi joylashuvi (geolokatsiyasi).

ℹ️ Barcha abituriyentlar 11-12-iyul kunlari soat 09:00 dan 11:00 ga qadar hamda 13:00 dan 15:00 ga qadar ruxsatnomalarida ko‘rsatilgan manzildagi o‘zlari test sinovida ishtirok etadigan binoga kelib, test sinovi o‘tkaziladigan joylar bilan tanishib ketishlari mumkin.