t.me/khurshida_ergashevna

Кўкламга кўнглим зордир,
Кенг шаҳар дўстим тордир. 
Юр, кетамиз тоғларга, 
Тоғ юзи беғубордир!

Майсаларга бош қўйиб, 
Армонлар кўксин ўйиб. 
Бургутдек яйраб диллар, 
Учсин бир қулоч ёйиб.

Шеърлар ҳам тегар жонга,
Режалар қолди тонгга,
Эрта омон уйғонсам,
Кетгум Оҳангаронга!

Кўкламга кўнглим зордир, 
Кенг шаҳар дўстим тордир. 
Юр, кетамиз тоғларга, 
Тоғ юзи беғубордир!

Хуршида Намазбаева шеъри. VETNAM. VINPEARL.

t.me/khurshida_ergashevna

ЖАННАТЛАРГА ЭЛТАР…

Саратон. Висолга зор қилди дунё,
Қаҳратон. Ўт ёқар қалбга. Алҳазар!
Дийдор насиб этса бизларни гўё,
Жаннатларга элтар ушбу лаҳзалар.

Айрилиқ азоби тегди жонимга,
Айрилиқ азоби сингди қонимга,
Тушларимда келсанг кулиб ёнимга
Жаннатларга элтар ушбу лаҳзалар.

Адашдим, алмашдим зиёни тунга,
Гул эдим, зулматдан етмадим тонгга,
Шамоллар атиринг келтирса менга,
Жаннатларга элтар ушбу лаҳзалар.

Ҳаёт дерлар, орзу, армонли ҳаёт,
Кимлар шод, кимларнинг дилларида дод,
Сен ҳақингда хаёл сурсам, шу захот,
Жаннатларга элтар ушбу лаҳзалар.

Vetnam. Vinpearl.

Хуршида Намазбаева шеъри

t.me/khurshida_ergashevna

ЙИҒЛАДИ НАЙСОН

Кўкда ой сузилди кўзим куйдириб,
Қалдирғочлар дилим айлади макон.
Қизғалдоқлар ўсди бағрим тўлдириб,
Оҳ урсам, саҳрода йиғлади найсон.

Не тонгки, кўзларим тугади ёши,
Саратон қуёши ёндирди дилим.
Дарёларга отсам сўнгги бардошим,
Уни босиб кетди тақдирнинг тоши.

Лаҳзалар қайтмади, тийрамоҳ қайтди,
Сен қайтмадинг, қайтди кузак ҳамда ёз.
Хазонлар айрилиқ қўшиғин айтди,
Келсанг ҳузурингга чиқолмам пешвоз.

Кўкда ой сузилди кўзим куйдириб,
Қалдирғочлар дилим айлади макон.
Қизғалдоқлар ўсди бағрим тўлдириб,
Оҳ урсам, саҳрода йиғлади найсон.

Аммо сен қайтмадинг ёнимга хамон....😔

Vietnam. Vinpearl.

Хуршида Намазбаева шеъри

Ushbu linkni bosing va ijodiy kanalimga ulaning👇
t.me/khurshida_ergashevna

ЭЪТИРОФ
Мeн эътироф этаман,
Билмас буни ўзгалар,
Ўз ичимни ўзим еб.
Кенг дунёнинг кўнгли тор,
Мендан бахтни қизғонар.

Мен эътироф этаман,
Мен сендан узоқлашиб.
Тангрим томон боряпман.
Нафсим билан талошиб.
Жаҳаннамда ёняпман.

Мен эътироф этаман,
Мен ҳар кимга дўстдирман.
Ўзим ўзимга душман,
Дардларимни сездирмам.
Мақсадсиз бир юрушман.

Мен эътироф этаман,
Сенинг метин сабрингга
Гумон отли қайроқман.
Етмадимку қадрингга
Етганимда қўрқоқман.

Мен эътироф этаман,
Менда йўқдир шукрона.
Шеърлар ёзиб қоғоз-а,
Барча сирим ошкора,
Этаяпман овозa.

Мен эътироф этаман,
Этолмайман такаллуф.
Менда йўқдир ғараз, кин
Қалбим ишққа тасаддуқ
Руҳимда Умид учқун.
Мен эътироф этаман!

Хуршида Намазбаева шеъри

t.me/khurshida_ergashevna

ШЕЪРИМ...

Ҳеч ким кутмаётган, соғинмаётган,
Мен бир ахтарилмас йўқолган одам.
Мунис ҳисларимни тушунар фақат,
Шеърим – юрагимда туғилган болам.

Дардимга шерик йўқ, дардларим олам,
Туним бедор ҳамроҳ қоғоз ва қалам.
Шодлигим дунёга улашгум, аммо,
Шеърим – юрагимдан тўкилган алам!

Кузни бошлаб келар қора булутлар,
Сизни бошлаб келмас, унут-унутлар,
Зоғларга ем бўлиб кетса бургутлар,
Шеърим – юрагимдан тўкилган алам!

Севгида енгилдим, билмай таъбирни,
Жон деб тилаб олдим жонга жабрни,
Қабримга етказай тўкмай қадрни,
Шеърим – юрагимдан тўкилган алам!

Инсон қадри чақа бўлган замонда,
Ҳатто одам соққа бўлган замонда,
Тўқ – овчи, оч – лаққа бўлган замонда,
Шеърим – юрагимдан тўкилган алам!

Хуршида Намазбаева шеъри Vetnam. Vinpearl.

t.me/khurshida_ergashevna

***
Гўзалликни ҳадя этдинг ё, Раббим!
Қалбимни сўз билан айладинг чистон.
Аммо бу дунёга сиғмади дардим,
Дунё дардин қалбга жойладим мудом.

Дилимда қаламим, руҳимда ранглар,
Недир чизавердим қоним билан мен.
Аммо юрагимга ёқсангиз чироқ,
Биргина сўз ёздим, у ҳам ёлғиз «Сен»!
Ўзинг Аллоҳ!

Хуршида Намазбаева шеъри

t.me/khurshida_ergashevna
Thailand. Phuket.

ПИНҲОН СОҒИНЧ

Мен-ку кетдим, сен ҳам келмадинг,
Лек хаёлда сенга қайтаман.
Олисдасан, гарчи азизим,
Дардларимни сенга айтаман.

Кўришсалар кўзларимда ёш,
Сўрашсалар: Айтгин, бу не ҳол?
Ёмғир дейман, ҳижрон ёмғири,
Ва айбдор бўлади шамол.

Сени эслаб кўзимда маржон,
Шамолларга фитна қиламан.
Кўнолмайман вақтнинг ҳукмига
Дардим пинҳон, бағрим тиламан.

Сенчи, шодсан мендан олисда,
Келмайсан-у йўлга қарайман.
Кундуз алдаб ҳаммани, тунда
Ёмғирлардан узр сўрайман!

Хуршида Намазбаева шеъри 2007 йил
Vetnam

t.me/khurshida_ergashevna

АТИРГУЛ

Бўйларинг муаттар, рухсоринг сўлим,
Кўрсам, кечалар ҳам ёришгай дилим,
Яширма юзингни келганда кўргим,
Мени гулшанингдан ҳайдама, Гулим.

Майли, тиканларинг тилсинлар қўлим,
Майли, япроқларинг тўссинлар йўлим,
Мени сендан ҳатто айирмас ўлим,
Мени гулшанингдан ҳайдама, Гулим.

Ҳатто ўзимдан ҳам яширган сирим,
Ўзинг – бағри бутун, мен – бағри тилим,
Ёлғон сўзласам гар, кесилсин тилим,
Мени гулшанингдан ҳайдама, Гулим.

Йиқитма дил тоғим, эгмагин бўйим,
Тақдир сўқмоғида йўқотдим йўлим,
Сония соянгда топайин қўним,
Мени гулшанингдан ҳайдама, Гулим.

Хуршида Намазбаева шеъри

Ijodiy kanalimga ulanish uchun ushbu linkni bosing 👇

t.me/khurshida_ergashevna

Ижро: Хуршида Намазбаева
t.me/khurshida_ergashevna

I'm on Instagram as @oceancoral_2020. Install the app to follow my photos and videos. https://www.instagram.com/invites/contact/?igsh=vyrfdeq0vn38&utm_content=q6pdna


Link ustiga bosib Instagram accountimga kirishingiz mumkin.

AsSalamu Alaykum! Allohim O‘z panohida asrasin! Ikki dunyo saodatli bo‘l. Eng go‘zal va mustahkam oila nasib aylasin Allohim!

t.me/khurshida_ergashevna

МУҲАББАТДАН МАДАД ОЛАМАН!

Нима қилдим cиздан яшириб,
Қор қўйнида кулган лоламан.
Мана келдим яна бош уриб,
Муҳаббатдан мадад оламан!

Муҳаббатдан тошган дарёман,
Муҳаббатдан ёнган саҳроман,
Дилим танҳо, мен ҳам танҳоман,
Муҳаббатдан мадад оламан!

Гоҳ зериксам умр йўлида,
Гоҳ тўкилсам тақдир қўлидан,
Гоҳ адашсам сароб чўлида,
Муҳаббатдан мадад оламан!

Парво этмам дилсиз жабрига,
Тил заҳрига, ҳасад, қаҳрига,
Юзим буриб ишқ шуурига,
Муҳаббатдан мадад оламан!

Менга керак эмас дунё, зар,
Туйғуларим қалбимда гавҳар,
Мен бир ғариб, ошиқ қаландар,
Муҳаббатдан мадад оламан!

Нима қилдим cиздан яшириб,
Қор қўйнида кулган лоламан.
Ҳузурига келдим бош уриб,
Муҳаббатдан мадад оламан!

2007 yil

Хуршида Намазбаева шеъри
Ushbu linkni bosing va ijodiy kanalimga ulaning 👇
t.me/khurshida_ergashevna

ҲАРОМ

Қай аҳволга келди олам,
Бойликни бахт билса одам.
Тупроқ узра боссам қадам,
Энди босган изим ҳаром.

Ҳақсизликдан тўйиб кетсам,
Юраксиздан куйиб кетсам,
Ғазаб ўтин қувиб етсам,
Бўлди айтган сўзим ҳаром.

Меҳр, вафо рўё бўлса,
Ишқ йўллари сиё бўлса,
Дунё шундай дунё бўлса
Кўз ташлаган кўзим ҳаром.

Боқиб кўнгли яримларга,
Кулги бўлдим ғанимларга,
Ким ёр бўлгай манимларга,
Қилди нокас юзим ҳаром.

Бўлганида ризқим улуғ,
Кўрган ҳар кас қилди қуллуқ,
Кимнинг дастурхони қуруқ,
Еган, ичган тузим ҳаром.

Қай тахлитга келди олам,
Бойликни бахт билди одам.
Тупроқ узра боссам қадам,
Эсиз босган изим ҳаром.

Хуршида Намазбаева шеъри

Бодрум. Туркия.

t.me/khurshida_ergashevna

Qizim Gulira‘no ijrosida

ЁЛҒИЗЛИК

Ҳар оқшом...мен ўшал соҳил бўйида,
Хаёлга қоришиб кетмиш дил узоқ.
Шафақ кўзларимга ўтар оҳиста
Ёлғизлик қалбимдан отмагай бироқ!

Эҳ, ёлғизлик, қалбим тарк этмас ҳиссан,
Мен сендан умидвор, ҳамда озурда.
Бевафодан куйиб гар кўнгил узсам,
Дунёда сен менга содиқсан жуда!

Туйғулар вулқондек уйғонар такрор,
Ёлғизлик муҳри бор қўлимда чеким.
Муҳаббат аталмиш дилгинамга ёр,
Севаман деган ёр бегона лекин!

Хуршида Намазбаева шеъри

Bodrum. Mug‘la. Turkey.

t.me/khurshida_ergashevna