🇰🇭🚐កម្ពុជាផលិតគ្រឿងបន្លាស់យានយន្ត ដើម្បីលក់នៅទីផ្សារអន្តរជាតិ
វិស័យ​ឧស្សាហកម្ម​នៅ​កម្ពុជា​សព្វថ្ងៃ មិន​មាន​ត្រឹមតែ​ឧស្សាហកម្ម​កាត់ដេរ​ប៉ុណ្ណោះ​ទេ ខណៈ​ប្រទេស​នេះ​ក៏​បាន​អភិវឌ្ឍ​រោងចក្រ​ផលិត​គ្រឿងបន្លាស់​យានយន្ត និង​នាំ​ចេញ​ទៅ​កាន់​ទីផ្សារ​ក្រៅប្រទេស​កាន់តែ​ច្រើន​ឡើង​ផង​ដែរ ។ នេះ​បើ​យោង​តាម​របាយការណ៍​របស់​ក្រសួងពាណិជ្ជកម្ម​។

របាយការណ៍​បាន​បញ្ជាក់​ថា នៅ​ក្នុង​ឆ្នាំ​២០២៥ កម្ពុជា​អាច​នាំ​ចេញ​គ្រឿងបន្លាស់​រថយន្ត​បាន​តម្លៃ​ប្រមាណ​២៩៥ លាន​ដុល្លារ​អា​មេ​រិ​ក ដែល​មាន​កំណើន​ប្រមាណ​១១,៣៤ ភាគរយ បើ​ប្រៀបធៀប​នឹង​ឆ្នាំ​មុន ។

ក្រៅពី​រោងចក្រ​ផលិត​គ្រឿងបន្លាស់​រថយន្ត កម្ពុជា​ក៏​មាន​រោងចក្រ​ដែល​កំពុង​ផលិត​គ្រឿងបន្លាស់​កង់ និង​ម៉ូតូ​ផង​ដែរ ដើម្បី​ផ្គត់ផ្គង់​ទាំង​ទីផ្សារ​នាំ​ចេញ​ទៅ​ក្រៅប្រទេស ។

ស្ថិតិ​បាន​ឲ្យ​ដឹង​ថា កាលពី​ឆ្នាំ​២០២៥ កម្ពុជា​អាច​នាំ​ចេញ​គ្រឿងបន្លាស់​កង់ និង​ម៉ូតូ បាន​តម្លៃ​ប្រមាណ​៧៤ លាន​ដុល្លារ​ដែល​មាន​កំណើន​ដល់​ទៅ​៩០ ភាគរយ បើ​ប្រៀបធៀប​នឹង​ឆ្នាំ​មុន ដែល​ជា​កំណើន​គួរ​ឲ្យ​កត់សម្គាល់ ។

អ្នកវិភាគ​បាន​លើក​ឡើង​ថា កំណើន​នៃ​ឧស្សាហកម្ម​គ្រឿងបន្លាស់​យានយន្ត​នេះ បង្ហាញ​ពី​ការ​ផ្លាស់​ប្តូរ​រចនាសម្ព័ន្ធ​ឧស្សាហកម្ម​របស់​កម្ពុជា​ពី​ការ​ពឹងផ្អែក​លើ​ការ​កាត់ដេរ​តែ​ប៉ុណ្ណោះ​ទៅ​រក​ឧស្សាហកម្ម​ដែល​មាន​តម្លៃបន្ថែម​ខ្ពស់ និង​បច្ចេកវិទ្យា​ច្រើន​ជាង​មុន ។

ទន្ទឹម​នឹង​នេះ វិស័យ​នេះ​ក៏​ត្រូវ​បាន​ចាត់​ទុក​ថា​ជា​ឱកាស​សំខាន់​ក្នុង​ការ​បង្កើត​ការងារ ការ​ផ្ទេរ​បច្ចេកទេស និង​ការ​ពង្រឹងសមត្ថភាព​ផលិតកម្ម​ក្នុងស្រុក ៕.Koh Santepheap

អត្ថន័យក្នុងផស៖ "ផោមនៅក្លឹប គ្មានអ្នកណាខ្វល់ពីអ្នកទេ។ ​ប៉ុន្តែបើ 💩 នៅលើឥដ្ឋក្នុងក្លឹប គេនឹងដេញអ្នកចេញភ្លាមៗ។

​នៅក្នុងជីវិតពិត៖ មនុស្សមិនសូវខ្វល់ពីអ្នកទេ រហូតដល់អ្នកបានធ្វើរឿងធំ។"