👉អានលម្អិត:
[🖼រូបភាព: ជនរងគ្រោះ​ដែល​ថៃ​រក​ឃើញ​ថា​ជា​ជន​ជាតិ​ចិន មាន​អាយុ ២៥ឆ្នាំ រងគ្រោះ​ដោយការ​ផ្ទុះមីន នៅ​ថ្ងៃទី២៩ វិច្ឆិកា។ ]

យោង​តាម​ការ​ចុះ​ផ្សាយ​របស់​សារព័ត៌មាន​ថៃ ជនជាតិចិន​រងគ្រោះ​មាន​ឈ្មោះ Shi Jingui។ ប៉ុន្តែ ក្រសួងមហាផ្ទៃ​កម្ពុជា​បាន​បញ្ជាក់ថា ពុំមានឈ្មោះ​នេះ​នៅក្នុងប្រព័ន្ធទិន្នន័យកត់ត្រាអ្នកដំណើរចេញ-ចូលប្រទេសកម្ពុជារបស់អគ្គនាយកដ្ឋានអន្តោប្រវេសន៍នោះឡើយ។. @khreport

កងទ័ពថៃ​ទទួល​ស្គាល់​ថា នៅ​មាន​មីន​ជា​ច្រើន​បន្សល់​នៅតាមព្រំដែន​កម្ពុជា​ថៃ ប៉ុន្តែ​ អ្នក​នាំ​ពាក្យ​កងទ័ព​ថៃ បាន​ចោទ​ថា កម្ពុជា​មិន​សហការ​បោស​សម្អាត​មីន ហើយ​ថែម​ទាំង​ចោទ​ថា​ វា​ជា​មីន​ថ្មី​ដាក់​ដោយ​កម្ពុជា​ដើម្បី​ទប់​ស្កាត់​មន្ត្រីថៃ។ . @a_najak

ការ​ចោទប្រកាន់​នេះ​ ត្រូវ​បាន​ក្រសួង​ការពារ​ជាតិ​ច្រានចោល ដោយ​លោកស្រី ម៉ាលី សុជាតា ថ្លែង​ថា៖ «ក្រសួងការពារជាតិសូមគូសបញ្ជាក់ថា ប្រទេសកម្ពុជាគោរពអនុវត្តច្បាប់អន្តរជាតិ និងមិនដែលដាក់មីនថ្មីនោះទេ។ លើសពីនេះ ប្រទេសកម្ពុជាមិនត្រឹមតែបានខិតខំប្រឹងប្រែងបោសសម្អាតមីនដែលនៅសេសសល់ពីសង្គ្រាម ដើម្បីការពារអាយុជីវិត និងសុវត្ថិភាពរបស់ប្រជាពលរដ្ឋ ព្រមទាំងលើកកម្ពស់សេដ្ឋកិច្ចសង្គមប៉ុណ្ណោះទេ ប៉ុន្តែថែមទាំងបានចូលរួមយ៉ាងសកម្មនៅក្នុងការងារដោះមីននៅក្រោមឆ័ត្ររបស់អង្គការសហប្រជាជាតិផងដែរ»។