🥺🙏រក២ថ្ងៃទម្រាំតែបានជួបសំណាង ថ្ងៃនេះស្លៀកពាក់ស្អាតបាតដើម្បីធ្វើការ សំណាងជាអ្នកតស៊ូ 🫡មិនមែនជាអ្នកសុំទាននោះទេ។

😊មើលតែស្នាមញញឹមក៏ដឹងដែរថា សំណាង មិនចេះសម្ដែងដើម្បីទាមទារក្ដីអាណិតនោះទេ ទោះជីវិតយ៉ាងណាក៏អាចញញឹមបាន។

គាត់រស់នៅម្នាក់ឯងនៅមន្ទីពេទ្យគន្ធបុប្ផា ជួយយាមម៉ូតូ យាមឡានគេ ជីវិតលំបាក ពិការដៃពិការជើងតែសំណាងចេះខិតខំខ្លួនឯង ដោយកម្លាំងញើសឈាមខ្លួនឯង ដើម្បីរស់បន្ដទៅមុខ។

អរគុណពូម្ចាស់ហាងមីចិនដែលឲ្យអាហារសំណាងហូប បុគ្គលិកប្រាប់ថា របស់អាំងឲ្យថ្មីៗទៀត (នៅចុងវីដេអូ)

វីដេអូ៖ https://www.facebook.com/share/v/1D8goM8t2e/?mibextid=wwXIfr

ទឹកដោះម្តាយថ្លៃ។ គ្រួសារបានរៀបចំធ្វើបុណ្យរួចហើយ តែទីបំផុត គាត់ត្រូវបានអនុញ្ញាតឲ្យមកវិញ។

សូមជូនពរបងមានសុខភាពល្អ សុខសប្បាយ និងជោគជ័យគ្រប់ភារកិច្ច។

លោកអនុសេនីយ៍ត្រី គៀត ស៊ីម៉ាក់ នាយរងប៉ុស្តិ៍នគរបាលរដ្ឋបាលគោកកឋិន នៃអធិការដ្ឋាននគរបាលស្រុកថ្មពួក ដែលរងរបួសក្នុងសមរភូមិ និងត្រូវបានទាហានថៃចាប់នៅបឹងត្រកួន កាលពីថ្ងៃទី២៤ ខែធ្នូ ឆ្នាំ២០២៥ កន្លងទៅ ត្រូវបានបញ្ជូនមកមាតុភូមិវិញនៅថ្ងៃទី២០ ខែមករា ឆ្នាំ២០២៦ ពេលនេះកំពុងសម្រាកព្យាបាលជំងឺ នៅមន្ទីរពេទ្យមិត្តភាព-កម្ពុជាជប៉ុន។

នៅរសៀលថ្ងៃទី២០ ខែមករា ឆ្នាំ២០២៦ លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានចាត់លោកឧត្តមសេនីយ៍ត្រី រ៉ែម វីរៈ ស្នងការរង ផែនការងារសេនាធិការ រួមសហការី ចុះសួរសុខទុក្ខ និងនាំយកអំណោយដ៏ថ្លៃថ្លារបស់នាយឧត្តមសេនីយ៍ ស ថេត អគ្គស្នងការនគរបាលជាតិ មានថវិកាចំនួន ២លានរៀល និងទឹកត្រចៀកកាំ ជូនដល់លោកអនុសេនីយ៍ត្រី គៀត ស៊ីម៉ាក់។

ប្រភព៖ ស៊ន សុភក្រ្ត-Sorn Sopheak

😣ពិតជាគួរឲ្យសោកស្ដាយ! សត្វភេ ដែលតែងតែដើរលេងជុំវិញអង្គរ ទាក់ទាញភ្ញៀវទេសចរ ពេលនេះត្រូវបានរថយន្តបុកស្លាប់បាត់ទៅហើយ នៅរសៀលថ្ងៃទី១ ខែកុម្ភៈ ឆ្នាំ២០២៦។

ព័ត៌មានបឋមបានបញ្ជាក់ថា សមត្ថកិច្ចបានឃាត់អ្នកបើកដើម្បីយកទៅសួរនាំ ប៉ុន្តែមិនទាន់មាន ការបញ្ជាក់លម្អិតជុំវិញករណីនេះពីអាជ្ញាធរពាក់ព័ន្ធនៅឡើយទេ។

សូមជម្រាបជូនថាប្រជាពលរដ្ឋ បានសម្ដែងការសោកស្តាយជាខ្លាំង ចំពោះរឿងសត្វភេមួយក្បាលនេះ ដែលធ្លាប់តែបង្ហាញខ្លួន ផ្ដល់ភាពរីករាយដល់ភ្ញៀវទេសចរណ៍ជាតិ និងអន្តរជាតិ នាពេលកន្លងទៅ ប៉ុន្តែត្រូវបានរថយន្តបុកស្លាប់យ៉ាងអាណោចអាធ័ម នៅរសៀលថ្ងៃទី១ ខែកុម្ភៈ ឆ្នាំ២០២៦ ដូច្នេះទៅវិញ៕

រូបភាព៖ ប្រជាពលរដ្ឋ

🕊️សូមចូលរួមរំលែកទុកដល់តារារ៉េបស្រីជំនាន់ចាស់ MC Lisha ដែលបានទទួលមរណភាពនៅម៉ោង ៦:៥០នាទីព្រឹកមិញនេះ ក្រោយពេលធ្លាក់ខ្លួនឈឺធ្ងន់អស់មួយរយៈ។

នៅថ្ងៃទី៥ ខែកុម្ភៈ ឆ្នាំ២០២៦នេះ មានបណ្តាញសារព័ត៌មានថៃមួយចំនួនបានផ្សព្វផ្សាយថា « បន្ទាន់! កងទ័ពភូមិភាគទី២ បានរកឃើញថា ភាគីម្ខាងទៀតបានបាញ់គ្រាប់បែក ៤០មីលីម៉ែត្រ ធ្លាក់នៅក្បែរមូលដ្ឋានទាហាន Phlan Hin Pet Kon។

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមធ្វើការបដិសេធចោលទាំងស្រុងនូវការចុះផ្សាយរបស់បណ្តាញសារព័ត៌មានថៃខាងលើ និងសូមអះអាងថាជាព័ត៌មានប្រឌិត ក្លែងក្លាយផ្ទុយពីការពិតទាំងស្រុង ក្នុងគោលបំណងបំភាន់ដល់សាធារណមតិ និងធ្វើឱ្យស្ថានការណ៍នៅតាមបណ្តោយព្រំដែនកម្ពុជា-ថៃ មានភាពតានតឹង។

យោងតាមព័ត៌មានដែលទទួលបានពីយោធភូមិភាគទី៤ នៃកងយោធពលខេមរភូមិន្ទ បានបញ្ជាក់ថា ក្រុមទំនាក់ទំនងរបស់យោធភូមិភាគទី៤របស់កម្ពុជា និងកងទ័ពភូមិភាគទី២របស់ថៃ បានទាក់ទងសាកសួរ និងផ្តល់ព័ត៌មានគ្នា ដើម្បីបញ្ជាក់ការពិតរួចហើយ គឺមិនមានស្ថានការណ៍កើតឡើងដូចការចុះផ្សាយរបស់បណ្តាញសារព័ត៌មានថៃនោះទេ។