លោក ឡេង ណាវ៉ាត់ត្រា ម្ចាស់បុរីឡេង ណាវ៉ាត់ត្រា ប្រកាសប្រគល់ទ្រព្យសម្បត្តិ និងស្នើទទួលខុសត្រូវតាមច្បាប់ ពាក់ព័ន្ធគម្រោង 6A ដោយអះអាងថាលោក មិនអាចបញ្ចប់គម្រោងបានឡើយ

លោក ឡេង ណាវ៉ាត្រា បានប្រកាសនៅលើបណ្ដាញសង្គមហ្វេសប៊ុក នៅថ្ងៃទី ៨ ខែកញ្ញា ថា លោកនឹងប្រគល់ទ្រព្យសម្បត្តិរបស់គ្រួសារ រួមទាំងដីធ្លី និងយានយន្ត ជូនក្រសួងរៀបចំដែនដី ដើម្បីចាត់ចែងតាមការគួរ ក្នុងការចូលរួមដោះស្រាយបញ្ហាគម្រោង 6A ដែលលោកអះអាងថា មិនអាចបញ្ចប់បាន។

លោកអះអាងថា គម្រោងនេះត្រូវការថវិកាប្រមាណ ២០–៣០ លានដុល្លារបន្ថែម ដើម្បីបញ្ចប់ ខណៈលោកបានលក់គម្រោងក្នុងតម្លៃប្រមាណ ១៨៥ លានដុល្លារ ប៉ុន្តែការចំណាយមានដល់ទៅប្រមាណ ២២១ លានដុល្លារ។

លោកបានទទួលស្គាល់កំហុសចម្បងរបស់ខ្លួនចំនួន២ គឺ គម្រោងយឺតយ៉ាវ និងការជំពាក់បំណុល ហើយប្រកាសត្រៀមទទួលខុសត្រូវតាមច្បាប់ ព្រមទាំងស្នើសុំការយោគយល់ពីរាជរដ្ឋាភិបាល និងប្រជាពលរដ្ឋ។

ជាមួយគ្នានេះ លោកបានប្រកាសថា នឹងសហការជាមួយក្រសួងពាក់ព័ន្ធ ១០០% ក្នុងការស៊ើបអង្កេត និងដោះស្រាយបញ្ហា ដើម្បីឈានទៅបញ្ចប់គម្រោង 6A។

ប្រធានពន្ធនាគារខេត្តប៉ៃលិន លោក កូវ កឿត និងមន្រ្តី៣នាក់ទៀត ត្រូវបានឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ សម្រេចផ្អាកតួនាទីជាបណ្ដោះអាសន្ន។
ក្រោយមានភាពមិនប្រក្រតីលើការងារនៅក្នុងពន្ធនាគារ ដោយអ្នកជាប់ឃុំ បានប្រើហិង្សាដាក់គ្នាយ៉ាងអនាធិបតេយ្យ ហើយវីដេអូ នៃការប្រើហិង្សានោះ ត្រូវបានចែកចាយតាមបណ្តាញសង្គម៕