មន្រ្តីនគរបាលចរាចរណ៍ស័ក្តិ៣ឈ្មោះ ហោ ផល្លី ត្រូវផ្អាកការងារ និងមន្រ្តីកិច្ចសន្យាឈ្មោះ ស៊ឹម រដ្ឋា នឹងត្រូវបណ្តេញចេញពីការងារ រឿងជំរិតទារប្រាក់៥០០ដុល្លារ ពីជនបរទេស!

ករណីនេះកើតឡើងនៅគោលដៅផ្លូវម៉ៅសេទុង ពេលជនបរទេសទាំង២នាក់ ធ្វើដំណើរទើបត្រឡប់ពីខេត្តកំពត។

សម្រាប់លុយដែលយកពីជនបរទេសនោះ នឹងត្រូវប្រគល់ជូនពួកគាត់វិញ។

❤️លោកតា ព្រហ្ម ម៉ាញ បានចេញពីមន្ទីពេទ្យវិញហើយ យោងតាមការបង្ហោះរបស់នាយព្រែក លោកតា បានជាសះស្បើយ និងមានការចងចាំឡើងវិញហើយ។

នគរបាលអន្តោប្រវេសន៍ម្នាក់ ស្រវឹងបានបង្កគ្រោះថ្នាក់ចរាចរណ៍ ត្រូវបានបញ្ចប់តំណែង បកស័ក្តិ និងបណ្តេញចេញពីក្របខ័ណ្ឌ។

លោក ឡេង ណាវ៉ាត់ត្រា ម្ចាស់បុរីឡេង ណាវ៉ាត់ត្រា ប្រកាសប្រគល់ទ្រព្យសម្បត្តិ និងស្នើទទួលខុសត្រូវតាមច្បាប់ ពាក់ព័ន្ធគម្រោង 6A ដោយអះអាងថាលោក មិនអាចបញ្ចប់គម្រោងបានឡើយ

លោក ឡេង ណាវ៉ាត្រា បានប្រកាសនៅលើបណ្ដាញសង្គមហ្វេសប៊ុក នៅថ្ងៃទី ៨ ខែកញ្ញា ថា លោកនឹងប្រគល់ទ្រព្យសម្បត្តិរបស់គ្រួសារ រួមទាំងដីធ្លី និងយានយន្ត ជូនក្រសួងរៀបចំដែនដី ដើម្បីចាត់ចែងតាមការគួរ ក្នុងការចូលរួមដោះស្រាយបញ្ហាគម្រោង 6A ដែលលោកអះអាងថា មិនអាចបញ្ចប់បាន។

លោកអះអាងថា គម្រោងនេះត្រូវការថវិកាប្រមាណ ២០–៣០ លានដុល្លារបន្ថែម ដើម្បីបញ្ចប់ ខណៈលោកបានលក់គម្រោងក្នុងតម្លៃប្រមាណ ១៨៥ លានដុល្លារ ប៉ុន្តែការចំណាយមានដល់ទៅប្រមាណ ២២១ លានដុល្លារ។

លោកបានទទួលស្គាល់កំហុសចម្បងរបស់ខ្លួនចំនួន២ គឺ គម្រោងយឺតយ៉ាវ និងការជំពាក់បំណុល ហើយប្រកាសត្រៀមទទួលខុសត្រូវតាមច្បាប់ ព្រមទាំងស្នើសុំការយោគយល់ពីរាជរដ្ឋាភិបាល និងប្រជាពលរដ្ឋ។

ជាមួយគ្នានេះ លោកបានប្រកាសថា នឹងសហការជាមួយក្រសួងពាក់ព័ន្ធ ១០០% ក្នុងការស៊ើបអង្កេត និងដោះស្រាយបញ្ហា ដើម្បីឈានទៅបញ្ចប់គម្រោង 6A។