‏صباح الحياة والخير الكثير لكم، اصنعوا من بخار أحلامكم احلام اخرى، وواجهوا الحياة والظروف بألف قوة🌿.

انثرو الورد في كل الطرقات لعلكم تحيو قلبا ماتت فيه كل الامنيات💐💛

#مني انا سوزي الف سلام ومحبه😍😍❤️

#سوزي💃

⭕ انتو جبريل ده قاصد رسوم الجواز و لا الزواج؟؟

#سوزي💃

تاني الجواز بجيبوهو مع الشيلة...


#سوزي💃

فكرة الإرتباط بشخص عاقل و ناضج تبقي الأولوية قبل كل شيء، سهل جداً الدخول علاقة عاطفية مبنية على الحب لكن الحب وحده لا يكفي، نحتاج إلى شريك يُعتمد عليه في شتى مجالات الحياة

شخص أكثر وعياً من طيش وهزل المراهقين الذي نشاهده على الميديا والواقع، نحن بحاجة للإستقرار وليس مجرد علاقة

وفي نهاية اغسطس هل من اعتراف؟!🤍

‌‎تُناديني لأتقاسم الحب معك ، وحين اقترب منك تترك الحب لي وترحل !! وها انا اتمنى ان تعود لي ولو دقيقه واحده لأسألك وببساطه "ان كُنتَ تُريد الرحيل لماذا ناديت عليَّ ؟ انا كنتُ مُكتفياً بنفسي وللأسف فهناك اناسٌ يتفنون في اذى القلوب المُكتفيه ..

كتاب أو رواية غيرت من شخصيتك وجعلك شخصًا مختلفًا ؟

بالنسبة لي كتاب العادات الذرية ..

واحد خاطب ليهو واحده حلوه شديد
وفرحان بالحته دي
بينو وبين نفسو قال انا لازم اتزوج في اسرع
وقت عشان مايجي مغترب يقصها مني
اها بقي شغال دوامين وبعد داك
يمشي بالليل يشتغل في صالون حلاقه
لحدي ما خلاص لقي نفسو انو ح يقدر يتزوج بالحاجه المقبوله ف المجتمع
مشي اشتري الشيله وكل الحاجات
وجهز لي العرس تجهيز كامل
حدد يوم العرس وعزم الناس
وعمل حنات كتيره من شدة الفرح
واصحابو اتبرعو ليهو بي كم حفله
بتاعت حنه
بكره العرس من شدت ما فرحان ما قاعد ينوم نهائي
نص الليل حايم الصيوان دا زيدوهو
وجيبو كراسي
والكبابي وينا وزحو الطوب داك من محلو دا
اربطو لمبات في باب الحوش
الزول فرحان ساي
صبحت الواطه والناس مشغوله
واصحابو ساقوهو بيت بعيد وبقو قاعدين
ونسات وضحك وراجي لامتين الشمس تغيب عشان يمشي يجيب العروس
الناس اتغدت وعقدو
والعصراوي انتهي
وجات حفلة بالليل العريس
مبسوط ينقز ساي من الفرح
الحفله البليل بدت ومشي جاب العروس
ورقيص وطرب ياخ قالك
حتوهو حت حت النبق 😅
والناس كلها فرحانه
ومبسوطه معاهم
وحفله كانت مميزه ومجيها شديد
لحدي م خلصت
وبعد الحفله انتهت
ساق مرتو ومشي بيتو
والناس معاهم يباركو ليهم
بكره الصباح جو صحوهم
جابو ليهم الشاي
شربو الشاي وجهزو للسفر
وسافرو شهر العسل

وهس قالو عندهم وليد

وحكيت القصه دي ليه
والله ي جماعه قاعده زهجانه قلت
اسوقكم 😅
وتلقاكم انتو هس عايشين ع اعصابكم
ومنتظرين اللاكشن
بتحبو الشمارات بس دا الفالحين فيهو
وانا زهجانه وقافله معاي
جزاكم الله خير لي حسن المتابعه 😅😅😂😂


#سوزي💃

اتمنى من ناااااااااس الكهرباء عدم قطع الكهرباء وقت العشاء عشان امبارح ونحنا بنتعشى العيشه حقتي اختفت من قدامي في ظروف غامضة ولا اثر للسارق حتي الآن
🥺🥺😭

#سوزي💃

العرسان الرفضتيهم عشان تكملي قرايتك ناديهم قولي ليهم التقديم فتح تاني 😹

#سوزي💃

انا النقيب العزابي /
المتمرد ع ساسة وفلول المتزوجين منذ طفولتي
والان اطمن الجميع بان اشاوس العزابه منتشرين انتشار تام في جميع الولايات وتمت السيطره على ١٧ ولايه و ٢٥ قريه وجغم ٧٧ مأذون و ١٣٦٧ شاهد نحن ان شاء الله اي زول م طلق من المتزوجين نحنا عارفنو وراصدنو وحينجغم بإذن الله البلد دي تاني اتنين م بتشيلنا ي بقينا عزابه كلنا ي اتزوجنا كلنا .والمعانا يعلق بي (الله اكبر).والما معانا ده خاين ومتزوج وحينجغم قريب ..😄

الحياة الزوجيه زايلى ونعيمكي زايلى
تحياتي لي الاشاوس العزابه 🖐😎😹😹🐸💔


#سوزي💃

الليلة مشيت زيارة لناس جابو لي عصير لقيت في اخر الكبايه فرده حلق ..غسلو الكبايه يخوانا قبل ما تدوها الضيوف 😹😹

#سوزي💃

_انا لن أعيش مشردا انا لن اظل مقيدا ...
=هسي مشردا ومقيدا..

#سوزي💃

قبيل قلت لي راجلي : ارتكاز الدعم السريع الجم بيت ناس ابوي سرقو البيت ، والليلة الصباح وقعت فيهم دانة .. والله عمرو ما في واحد اخد من ابوي حاجه وإتهنى بيها...
قال لي : *اسأليني انا*...😳
بيكون قاصد شنو ؟ 🤔🤕


#سوزي💃

- للأبد؟
= ماذا؟!
- ستظل تحبني للأبد؟
= ربنا يسهل .

#سوزي💃

-شفته نص الكأس المليان دا؟
=اها مالو
_🫗

#سوزي💃

شفت راجلي زهجان قلت اغير من الروتين دا قلت ليهو تتذكر اول يوم اتلاقينا فيهو قال لي عليك الله ما تقفليها معانا🙂💔

#سوزي💃

عوض ﺟﻌﺎﻥ شديد ﻭ ﻣﺎ ﻋﻨﺪﻭ ﻭﻻ ﻗﺮﺵ
ﺩﺧﻞ ﺍﻟﻤﻄﻌﻢ ﻭ ﻃﻠﺐ ﺟﺪﺍﺩ ﻭ ﺷﻴﺔ ﺿﺎﻥ ﺑﻌﺪ ﻣﺎ ﺷﺒﻊ
ﻃﻠﻊ ﺿﺐ ﻣﻦ ﺟﻴﺒﻮ ﺣﺸﺮﻭ ﻓﻲ ﺍﻟﺠﺪﺍﺩ ﻭ ﻗﻌﺪ ﻳﻜﻮﺭﻙ 🤣
ﺑﺘﺎﻉ ﺍﻟﻤﻄﻌﻢ ﺟﺎﻫﻮ ﻣﺎﻟﻚ ﻳﺎ ﺯﻭﻝ 🫤
عوض : ﻣﻌﻘﻮﻟﺔ ﻳﺎ ﺳﻴﺪ ﺿﺐ ﻓﻲ أﻛﻞ 💔
ﻋﺮﻓﻨﺎﻛﻢ ﺑﺘﻀﺒﺤﻮﺍ ﺣﻤﻴﺮ ﻛﻼﺏ ﻭ ﺑﺘﺎﻉ ﻟﻜﻦ ﺿﺐ ﺩﻱ ﺟﺪﻳﺪة 😅
ﺳﻴﺪ ﺍﻟﻤﻄﻌﻢ : ﺧﻼﺹ أﺳﻜﺖ وأﻣﺸﻲ ما تفضحنا 😒
عوض ﻣﺸى ﻳﻐﺴﻞ ﻳﺪﻭ ﻓﻲ ﻭﺍﺣﺪ ﺷﺎﻓﻮ ﻟﻤﻦﻃﻠﻊ ﺍﻟﻀﺐ
ﻭ ﺣﺼﻠﻮ ﻟﻴﻚ ﻓﻲ ﺍﻟﻐﺴﺎﻟﺔ 🤣🚶
ﻗﺎﻝ ﻟعوض : ﺣﺮﻛتك عجيبة ﻳﺎ ﻣﻌﻠﻢ ﻣﺎ ﻋﻨﺪﻙ ﺿﺐﺗﺎﻧﻲ 😹
عوض : ﺍﺑﺪﺍً ما ﻋﻨﺪﻱ 😹
عندي جرادة بس ﺩﺍﻳﺮ أﺷﺮﺏ ﺑﻴﻬﺎ كوباية قهوة 👴🏽😹


#سوزي💃

الناس البتقول :
المنهج الدرسونا ليه زمان ما فيه فايدة
بتتذكرو قصيدة صرخة لاجئ
أها ده وقتها اصرخوا 👴🏽🤣

#سوزي💃

الاتفاق بين الباعوض والضبان في العمل
لو كان العساكر و المدنيين زيهم
كان السودان عبر 🚶‍♂️👴🏽

#سوزي💃

بعد الحرب دي تنتهي
حتلقى بتاعين الركشات كاتبين ورا "سوخوي"
وبتاع الحافلة كاتب "كده ما خطر عليكم" ؟🤣

و حنشوف مسميات حربية في الأسواق!
- تيشيرت أديني طلقة
- توب "هُدنة" لونو "رصّاصي"
- شبط "ميج" واطي
- طرحة "دانة"
- مطعم "صانع الدمار " 👴🏽🤣طبعا ح تلقى محلات العصير في جاكسون
الثنائي للمرطبات . واحد دانه 200جنيه ار بي جي مشكل 500جنيه والكاتوشا بي 100جنيه . 😂😂😂😂حتبقا المسميات كدا انشاءالله شارع أولاد ابوك
مطعم البدروم صالون محمد حمدان دقلو شال البلا وزقلو لي،الاناقه ،كافتريا الدابي جاك ،.... الخ

#سوزي💃