كسرني فراقك يا خليلٍ مالك خل
لا يطري عليك اني نسيتك وهملتك

لي سنين ناقع دمع عيني وشوقي فل
ومن وين ما اوجه بوجهي تخيلتك

جداي الحنين اللي يشادي حنين البل
يا ربي جداي ضعيف ولكني وكلتك

منعني مرض عودٍ يسل الحنايا سل
لكن ان شفاه الله جيتك وقابلتك

ابوي رباني في رضى الله عز وجل
وقال احفظ الثنتين دينك ومرجلتك

" انا عدوّ الرتابه ، والرتابه خِناق
استطعم الحاجه اللي ما تحريتها

احلى من الموعد اللي ينعقد باتفاق
الصدفه اللي تحقّق ما ترجيتها

واحلى من احبك اللي تندرج في السياق
احبّك اللي تقال بغير توقيتها ! "

‏لو ان الاوادم في عيوني يجون افواج
‏وجودك يكفيني عن الكون وازعاجه

‏الى من فقدتك عدني دايماً محتاج
‏والى من وجدتك ما نقصني ولا حاجه

‏احطك على يمناي واضحك على دنياي
‏ما دامك حزامي ، خلّ الايـام دواره .

‏مرحبا و فداك ما فات يا عذّب القبول
‏اشهد ان طلتك للمشتحن دفعة بلا

‏اكتفيت بوجهك السمح مدري وش اقول
‏جعلني ما أذوق حزنك .. ولا منك اخلا

أنت طيّب والصباح اللي يجيبك طيّب
‏جعل تفداك الليال السود ، ليله ليله

‏- عبدالعزيز العبلان

‏شوفتك عندي بساتين و أطلال و سحب
‏و وحشتك يوم أبتعد عنك يا دافع البلا .

‏منديلها غترتي ليا هلت الدمعة
‏لا يابعد غترة البسام وشماغها.

يا صاحبي لا تختبر صبري أكثر
ترى السكوت اللي تشوفه مهابه .

أنا على العهد القديم مانيب ناكر
ولو الزمن جار ما خان لساني .

يوم الجمعة
اللهم صلِ وسلم وبارك على نبينا محمد وعلى آله وصحبه أجمعين" .

‏من يوم جيت في حياتي وأنا مرتاح
‏عرفت وش معنى الحياة الرغيدة

‏انت عمري ولي بدنياي مصباح
‏وانت علي كل يوم نعمة جديدة

« فارقة طبع و تواصيف و جدود و مقام
‏ مثل فرق الليلة اللّي تذل .. تطوفها »

‏عسى الله يعين إللي تعود على الكتمان
‏" تجي ساعةٍ " ما عاد يقدر يقاومها !

‏«طلَّة جبينك عليّ تشبه صباح الخميس
غيره صباحات ستَّة، بس ما تشبهه»

‏يا مليح أنت شيء ، وبسمتك شي ثاني
‏في محلك وقلبي تخطفه من محلّه

‏ابتسامتك ماتستغرق أربع ثواني
‏بسّ تأثيرها يغرقني العمر كلّه