من دعاني قلت له لبّيه لو مانيب أعرفه
‏اللتوى لساني عليها من كثر ما قلتها لك

يـ أبو خدودٍ سوات البرق لماعه
تلقى و بلقى بدالك من يراعيني

‏صرت اشكّ انّك بحر  نورٍ دنا حتى تدلّى
‏من كواعب جنّة المأوى من النور السماوي

‏لو ما يبقى من الوصل شي الا الصدوف
‏مرحبا بالصدفه اللي تجيبك ، مرحبـاااا .

‏اللي على أصغر عيوبي ماتحملني
‏يا مرحبا بالظروف اللي تقفي به

فمان الذكريات اللي بتملى عمرك اللي جاي
فمان أحلى عمر عشته معاك إن كان ما تدري

فمان الصبح و دروب الأماني يوم أنا دعواي
عسى اللّٰه لا يفرّقنا , ولا يمحيك من ذكري

فمان الليل و أحلام الوصال و بالك النسّاي
و سواليف السهر و عتابك اللي يتبعه عذري

فمان البعد وأحزان الأغاني وإشتياق الناي
فمان الشعر لا مني فقدتك و أنتهى صبري

فمان جروحك اللي ما تركت حل يحل بقاي
فمان اللّٰه يا أعذب طعنة مركوزه بصدري

مع الأيام تستوعب خسارة مثلي و شرواي
أنا اللي لا رحلت ؟ تبين الدنيا كبر قدري

‏أبيك بكل ماربي عطاك من الحلا والزود
‏وأبيك كلك وأبي خيرك وأبي شرك❣️

‏امسح خطاياك وانت تعد غلطاتي
‏اكحل عيون المحبه وانت تعميها.

حافظ حبك بقلبي لو ان ظروفي تشين
يشهد الله انك بعيوني اولا من الناس .

ترا قلبي اللي هام فيك وتعلق فيك
لو انه يوجهني على الموت ما هبته

ومن حب مثلك مستحيل انه يخليك
لو انه يحط السيف الاملح على رقبته

هلاّ ومرحبا واقلط على ماتريد وحِل
‏بصدرٍ ياسع الاجناب وشلون الاقرابي .

‏مثل اللي قال — عقب إتّساعة خاطري صرت حسّاس

لحدن يقول ان المعاريف سهله
من حط بك معروف كنه مقيدك .

ساكت وانا صدري من البوح مزحوم
‏حتى السكوت يقول تكفى تكلّم .