‏يا قبلة الروح : ، مدري قبلة المترفات
‏ما زال " حبك مقيم " و ذكرياتك عطر
‏
‏لو تكثر الأمنيات ؟ و تكثر المغريات ؟
‏مالي طمع غير في صوتك و صوت المطر

‏ياقمر نصف شهرٍ كاملٍ بالوفا
ارحم العيون يوم تهل عبراتها.

‏إما اشتهر بالطيب والناس تكفيك
‏والا ترى مالك ورى " الصيت " حاجة

‏بعض العرب في شهرته كنه " البيك "
‏مشهور لكن في النهاية " دجاجة " .

« حروف اسمي الاربع … ماتشبه بعض »
وشلون على الارض بتلقى اربعين بملامحي

ياقديم الود مدّ الله بقاك وعاد عيدك
‏وعاد عيد الناعس المكحول والكف المحنا

"اي والله احبه واعشقه واتمناه
وش حيلتي دام المحبه من الله"

‏فتحت قلبي لها صادق بـ كل إمتنان
‏قلت أقلطي يا بعدهم كلّهم و ارحبي

‏قالت ابي منك امان؟ وقلت كلي آماان
‏انتي فمان الله و في وجهي و في شنبي

‏تقول انا من سلايل محتمين الدخيل
‏مسعدني انها تحدّاني بـ جدّانها

‏منطوقها ما يقول الا الكلام الجميل
‏ولو خانها لسانها صح الله لسانها

‏من كثر ماهي غنوج وكبرياها ثقيل
‏تقول ضيدان بن قضعان .. ضيدانها

‏جميلة الوجه سوّت فـ المحاني جميل
‏من يوم صارت تشوف القلب بستانها

- ضيدان بن قضعان

من دعاني قلت له لبّيه لو مانيب أعرفه
‏اللتوى لساني عليها من كثر ما قلتها لك

يـ أبو خدودٍ سوات البرق لماعه
تلقى و بلقى بدالك من يراعيني

‏صرت اشكّ انّك بحر  نورٍ دنا حتى تدلّى
‏من كواعب جنّة المأوى من النور السماوي

‏لو ما يبقى من الوصل شي الا الصدوف
‏مرحبا بالصدفه اللي تجيبك ، مرحبـاااا .

‏اللي على أصغر عيوبي ماتحملني
‏يا مرحبا بالظروف اللي تقفي به

فمان الذكريات اللي بتملى عمرك اللي جاي
فمان أحلى عمر عشته معاك إن كان ما تدري

فمان الصبح و دروب الأماني يوم أنا دعواي
عسى اللّٰه لا يفرّقنا , ولا يمحيك من ذكري

فمان الليل و أحلام الوصال و بالك النسّاي
و سواليف السهر و عتابك اللي يتبعه عذري

فمان البعد وأحزان الأغاني وإشتياق الناي
فمان الشعر لا مني فقدتك و أنتهى صبري

فمان جروحك اللي ما تركت حل يحل بقاي
فمان اللّٰه يا أعذب طعنة مركوزه بصدري

مع الأيام تستوعب خسارة مثلي و شرواي
أنا اللي لا رحلت ؟ تبين الدنيا كبر قدري