الكاظم أللي يكصده    
بس يطب المرقده
تنكظي حاجاته

* * * * * *

الكرم من ينطري الكاظم اله أجلالاً ينتهض
يستعد ياخذ تحيه الأسمـــــــه لمّن يلّفض
هذا برهـــــان وحقائق للّي رايــــد يتعــض
رحمه للناس أبن جعفر رحمة الله أبهالارض

رحمة الله النازلـــــه
المعتني بس يوصله
تنكظي حاجاته  

* * * * * *

الحاير بكثرة همومه والبلايــــه التبتليــــــه
بدنيته أشما ضاك صدره ولو كصت دنياه بيه
حدها بس يوصل الكاظم يبشر البشرى تجيه
مايرد العنده حاجــه مايخيب اليعتنيـــــــه

أللي يوصل حظرته
بيده ياخذ طلبته
تنكظي حاجاته  

* * * * * *
 
العجز طب الخليقه وماتشافت حالتـــــــه
موسى أبن جعفر طبيبه وهوه يشفي علته
بكلب صافي لو تعنه ومنه يطلب حاجته
بس يصل للكاظميه ليه ترجع صحتـه

اليكصد البحر الكرم
أبن سادات الامم
تنكظي حاجاته  

* * * * * *

ذوله آيات المكارم ذولـه مأوى المضطهد
ذوله سادات الخلايق منهم أفظل مابعد
بيوتهم مصدر نداء القُل هو الله أحـــد
للخلق ملجأ جعلهم ربك وألهم شهد

ياهو اليدور الشفه
ويجي لهل المعرفه
تنكظي حاجاته  

* * * * * *

سيدي السموك عادوا دخلوا ألارض العراق
أو لا أبـد ماجـان دخلــوا  لو لا أولاد النفـاق
وسفه عالخانوا بلدهم دخّلوا أهل الشقاق
أو دمروا أرض السواد بطائفيه وأفتراق

نخبرك بلّي حصــل
يمن كلمن ليه وصل
تنكظي حاجاته  

* * * * * *
 
هب حشدنه الشعبي هبه وثنه أو سد الدرب
وصاح أضرحة الايمه أمقدسه وماتنكـــرب
وحلف ماتدنه النواصب أبد متمس هالترب
سيدي يالكاظم أحفظ كل مجاهد بالحـرب

يلّي لمن ينطـــــــري
يشيل راسه الجعفري
تنكظي حاجاته  

* * * * * *
 
اليوم ياباب الحوائج طلب من عندك نريد
تشافي كل جرحى بلدنه وألهم الصحه تعيـد
سيدي صبر أعلى كلبه كل شخص عنده شهيد
سيدي أنصر حشدنه بحربه ضد عسكر يزيــد

سيدي مشهوده ألك
ماتخيبه اليكصدك
تنكظي حاجاته  

* * * * * *
                                سلام المشعل

نعي بحق الامام الكاظم ((ع))


عاده عد الناس لو مــات العزيز
تسرع احبابه وهـلـه ايحظرونه

هذا الينوح ويهل دمـــعــه عليّ
وذاك بالحسره اليغمظ عـيونــه

ونعش ينهاب وتشيلـه الچفوف
ويــا حــلات الي هله ايشيعونه

عاده ماصارت لبن جعفر يحيف
ريت هـــاشـــم عنده ويشوفونه

بالغرب خلصت حياته وبالعذاب
والأشــد نعشه العــده ايحملونه

هايه مــاصارت گبلهه ولا تصير
الــمــيــت بگيده العده ايخلونه

لـــو بچينه ادمـوم للكاظم قليل
شــنــهــي ذنبه بغربته ايسمونه

ويـن راحت شيعته واين العمام
لــيــش مــا حظروا اله ايندبونه

يـومـه مثل حسين عطاي المراد
مــيــت وساگه العده ايرضرونه

*--------------|*|---------------*

ابو ذيات
يمن بابك گضه الحاجــه.. مردهه
مصابك بالحزن روحـــي.. مردهه
دنـــيـــا بــدون خدمتكم.. مردهه
بخدامتكم صبح عـــنـــوان اليـــه

*--------------*---------------*

الحـــســره اعليك ارتلهه.. وجرهه
ونـــيــران الحــزن فگدك.. وجرهه
الدموع الغاليه رخـصــت.. وجرهه
اريـــده بساعة المحشر هـــديـــــه

*--------------*---------------*

✍ بقلم خادم الحسين ع
الشاعر رعد الچريخي

ياشـبـل الـصـادقِِ يامـوسـى
جُـرِّعـت الـسُّـم وماأقـسـى
وبأمـر ٍمــن هــارون **** قـتـلـوكَ يامـسـجـون

في أحشائيَ جُـرحٌ قاتـلْ ** ياموسى قد أثخن صـدري
أنـت المقتـول بِِِلاجـرمٍ **** كحسيـن مقطـوع النحـرِ
أبكيـت الكـونَ وِرزْؤُكُـم ُ**** جعل الأدمع حزناً تجـري
في ظلمات السجن الموحش **** قد أفنيـت سِنـيَّ العمـرِ
يافـرقـان الـديـن الأعـظـم ْ
واعَجـبـاهُ تُـقْـتَـلُ بـالـسـمْ
ولـذا قلـبـي مـحـزون **** قـتـلـوكَ يامـسـجـون

يانجل الصادق لـن تُنْسـى ** أيامُ عذابِـكَ فـي السجـنِ
في غِلٍّ جسمك قـد كُبِّـل **** وفـؤادِيَ كُبِّـلَ بالحـزنِ
وسيـاط السِّنـدِيِّ دَهتْـكَ **** حتى تُسْلَبَ طيب الوَسَـنِِ
فعلى رِزءك صُبَّ الدمـعُ **** ياذا الجـود ويـاذا المَـنِّ
أصـرخ يابـحـر الإحـسـان ِ
لــعــن الله لـلـسـجــان ِ
فبحقـد مــن ملـعـون **** قـتـلـوك يامـسـجـون
****
مِـنْ طـاغ ٍقـاس ٍولئيـمِِ **** لايـرجـو لله وقـــارا
أحشـاءُكُ بالسََّـم تَفـرَّت **** وتَقاسي الأوجـاعَ مِـرارا
لم يهنـأ قلـب الطاغـوتِ **** أو يَشْعُرَ في النفسِ قَـرارا
إلا في موتَتِـكَ العظمـى **** وسيصلى في غـدهِ نـارا
أفـديـكََ بنفـسـي وبقـلـبـي
يامـوسـى ياحـجـة ربـــي
وأنــا فيـكـم مفـتـون **** قـتـلـوكَ يامـسـجـون

يامـوسـى يـاكـنْـزَ اللهِ ** هـارونٌ بالظلـم تجـبـر
في سجـن ٍألقـاكَ وحيـدا **** ياموسـى والعقـلُ تحيـر
أولـم يذكـر غضـب الله **** والظالم يخسر في المحشر
ألأجـل الدنيـا ياموسـى **** يُرديك الطاغيـة ُالأحقـر
وَتُجـود بـأزكـى الأنـفـاس ِ
تـبّـاً لِلْـحـكـم ِالعـبـاسـي
أشـــرارٌ ملـعـونـون **** قـتـلـوكَ يامـسـجـون

يامـوسـى أُقـســم تالله ِ ** أسـرار الأديـان لـديـكَ
ولأنـت القـرآن الناطـقْ **** والوحـيُّ يعلـو شَفَتيـكَ
لاعجباً إن زَهَقَـتْ نفسـي **** من هـول الإرزاء ِعليـكَ
فعلى جسر الموت تُرِكْـتَ **** مَيْتـًا والـغِـلُّ بيـديـكَ
فعلـى جسـرٍ فــي بـغـداد ِ
جسمـك مَغـلـولُ الأصـفـاد ِ
وجُـراحـاتٌ مشـحـون **** قـتـلـوكَ يامـسـجـون

هارونٌ قد أصبحَ مـاضٍ **وعليْـهِ تُصَـبُّ اللَّعَنَـاتُ
َوبَقيتَ عميداً فـي الخلـد **** في حجركَ تربـو الآيـاتُ
نجـمٌ لايخبـو لـكَ نـورٌ **** وَبنـورِكَ تنْمـو البَرَكَـاتُ
ومزاركُ كهف المحـروم **** ِوبِكم إِذْ تُقضى الحاجـاتُ
يـبـن رســول الله مـحـمـدْ
مجـدك فــي الأرواح تخـلـدْ
أنـت السـر المكـنـون **** قـتـلـوك يامـسـجـون
**
والسلام عليكم ورحمة الله وبركاته
ولاتنسـونـا مــن الـدعــاء
أخـــــــوكـــــــم
خـادم محمـد وآل محمـد (ص)

حــامـــد الـــبـــدري

قصيده للأمام الكاظم -ع-
[ حضر نعشك علي ]


حضر نعـشك علي ياموسى بن جعفر
ويم نعشك الزهـره ويـاها ابـو الاكـبر
نيـتهـم يشـيعونـك أرتاح وغمض عيونك


اعـتنوك الـي تحـبـهم واليـحـبونـك
عــن احوالـك الصــعبه يــسـألـونك
والـزهره تـگــلك يـولـدي شــلـونك
شصاير بيك يبني منخطف لـونك

حـالـك حــيل متـغــير ينـبض الــكـون
يالمبچي الكمر واهل السمه يصيحون
ياسلطان بسجونك ارتاح وغمض عيونك
_1____________________

گــعد يــم النـعـش حيــدر يـعايـن لــيك
وچن ظهره انكسر من الـجـروح الـبـيك
سؤال بـخاطره يـسألك شــنو الـياذيـك
انحنه ظهره علي وضل بس يون عليك

مصايب شاف حيدر گلبه ينبض شيب
والينـخه علـي يحضّـره وابـد ميـخيب
يالماخابت ضنونك ارتاح وغمض عيونك
_2____________________

گـلـب الـــوالــده مــاكــو گــلـب مثــله
والــزهــره تـعـايـــن لـلنـــعـش قبــلــه
تنادي يـولـدي ظـهــري انكــسر ظـلــه
وفوگ جروحي جرحك گلبي ميحمله

حيلي طاح من شفـت النـعش مــطروح
طحت عالگاع من شفت شگثر مجروح
أجو اهلك يودعونك أرتاح وغمض عيونك
_3____________________

ابو السـجاد طـاح بـشوفـته لحـالك
شافـك بالشــمـس وبـطـوله فـيـالك
متــونگ ليـش زرگـه يــبـني گـلالك
ومجلس عالجسر بدموعـه سـوالك

وأمـلاك السمه يم العرش يـبچـون
من حسين مو دمعات طاح الكون
راد يگلك شلونك ارتاح وغمض عيونك
_4_____________________

أجـه العبـاس ليـك أبـلايـه چــفـيـنه
يصيح بصوت وين ابن الاخـو ويـنه
جــاب الـرايــه راد يـدفـنــك بـعيـنـه
واجت وياه رقيه وفاطـمه سكــينـه

أجـو يمـك يبو سـوالف ترافه وماي
وصوت حسين يولـيدي دگوم وياي
ونادوك اليحبونك أرتاح وغمض عيونـك
_5_____________________

يـم نعشـگ مـلائـكـة الســمــه نـزلـت
وعلى جروحك الزهره ناحـت وصلت
وحدرك عالجسر مجلس عـزه سـوت
ومثـل هـلال زيـنب عالنـعش وگـفت

أهـلـك كلـها يـمـك تـهـمل الـدمـعـه
على مصابك تنوح السبعه والسبعه
يالقرآن مضمونك أرتاح وغمض عيونك
____6_______________________

الشاعر احمد رزاق الاعرجي

سلامي الگلبك الضامي حبيبي
سلامي النحرك الدامي حبيبي
للشيبه الخضيبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
يا اول جرح بعيوني مرسوم
ياحسرة عطش بشفايف الصوم
يانور الخليقه تحسده النجوم
يالمروي العذب بس منه محروم
سلامي الدمعة عيونك حبيبي
سلامي الطولك ولونك حبيبي
لجروح المصيبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
يالضيوفك سهم والسيف والزان
تروو من دماك وانته عطشان
المثلث من اجاك وگال جوعان
نص جبدك نطيته وگلك احسان
سلامي الگلبك وجبدك حبيبي
سلامي الكل جرح عندك حبيبي
للخدود التريبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
اثنعش سجده اعله نحرك يسجد السيف
وعله فطور الشفايف يعطش الصيف
الحوافر جم اثر بضلوعك اتعيف
يالرايد رقيه تمرك بطيف
سلامي شما نزف دمك حبيبي
سلامي الكل حرف بسمك حبيبي
ولليائس طبيبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
گاع الطف ملح وجروحك اوساع
وبين اشلاء جسمك خنصرك ضاع
السنابك لسه بيهه امجلبه اضلاع
باﻻوصال الشريفه انترست الگاع
سلامي شما نزف نحرك حبيبي
سلامي الگلبك وصدرك حبيبي
وبعد للماله طيبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
يمن جسمك جرح بيه تبجي الجروح
اعله ضهر الشمس عاري ابدمه مطروح
الرمح يجرح وريد التوه مذبوح
الشمر لم المصيبه براسك ايلوح
سلامي الصيحة اخواتك حبيبي
سلامي الركضت ابناتك حبيبي
سلامي الكل غريبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
سلامي الكل طفل عن العذب صام
بجفوف الارامل جم حبل نام
يانار الطفوف اتعزب اخيام
جوعانه الحوافر تاكل ايتام
سلامي الصرخة ايتامك حبيبي
سلامي الحرگة خيامك حبيبي
للنار اللهيبه ـ وللجثه السليبه ـ سلامي سلامي
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢


حسين باهض الحلفي

قصيدة گعده
.
.
.

يالگــظيت عـمــرك بالمطامير
اغيابك نبت ابصدري بسامير
والحط بيدك الگيد
چن گيد اديه
________
من اسولف عالمصيبه الدنيه احس اتضيج بيه
ولمن ابــدي بسرد قصتك باب چـن يطبگ عليه
وينـفتح شباچ ويــهب ريـح مـــن طـف الــرزيه

ويرجعلي چن يوم الطبگ .. وبداخلي ابدي احترگ
ومتونــي اخلــيهــن زرگ .. ياشهـــيد الــكاظــــميه

واتعــناك حــافي بعــزه الزنجــيل
واصيحن يابو طلبه جايك ادخيل
عمري الباقي وياك
حد يوم المنيه
-------------------------
طاري سجنك من يمرني تنسجن بظلوعي حسره
والنــفس يصعب عليه يچــوي ريــتي چنه جمره
الغيره گطـره والي سمــك ما أكو بگصته گطره

والماكو غيره بگصته .. بـــس المــسبه حصته
هارون هـــذي قـصته .. يــكرم الــسامع بذكره

شانه ويـــن صار وشــانه لاوين
وتسجدلك يمسجون السلاطين
سجنك صار ينزار
ياروح الزچيه
----------------------
دائما وي روحي اصفن مثلك اشلون ايتعذب
اشلون تتگيد وانــته البــيك للبـــاري ايتگرب
تــالي اذكر ثــاري گبلـــك گيدو عــمتك زينب

نفس السلاسل والحبل .. ونفــس الـمعاناة القبل
بس الفرق ماكو هزل .. المنها راس المهدي شيب

مأساتك يــبن جعـفر چبيره
مثل العالهزل راحت اسيره
والمأساتك الــروح
هالصارت سبيه
-----------------------
اجروحي يم اجروح گيدك سيدي كلش زغيره
حزني ذره وانته حزنــك من اوصفه چنه ديره
سمموك وانــته وحــده لاعـــمــام اولاعــشيره

عشرين عام امن الحزن .. عايــش ولكن مندفن
مولاي دفنوك بسجن .. وهالسجن قصته مثيره

روحي بمحنــتك صارت عليله
إي ياصاحب السجده الطويله
ولو اعميلك العين
اگليل هالمسيه
----------------------
ادعي الله شايل ايــدي رايد اتـــرس بيـك عيني
مو ابتابوت ارد اشوفك كون تمشي انته تجيني
ارد اسولفــلك يغايب علــى اشـــواگي وحنـيني

راح انتظر يم الجسر .. شايلك اشوگ اشكثر
تلگاني واكف منكــسر .. وينـسمع عالي ونيني

گلبـي المنـكسر انته التجبره
عليك الداسـته خياله عشره
واگف راح اتانيك
ويه الجعفريه
_____________
حيدر تركي الكربلائي

.
كـلـمــات الـشـاعــر الــرادود
عــلــــي ابـو سـمــا الـديـوانــــي


(استشهاد الإمام الكاظم ع)


إمـــــــام الــــرافــضــيــــه
گـظــه ابـســـم الـمــنــيـــه
خـمسطـعـش عـام والآلام تـسولـف غـربـتـه
……………………………………………………
يـامـوالـي خلــي گــلـبــك يـشـعـر ابـأحـزانــه
هذا موسـى گـظـه عـمـره ظـلـمـه وابزنـزانــه
ابـأمـر من هـارون وصـه وسـلـمـه الـسجـانــه
هالسجـن شـاهـد عـذابـه وسولـفت حـيـطانـه
ســلاسـلـهــم بــــديــــــه
گـظــه ابـســم الـمـنــيـــه
خمسطـعش عــام والآلام تسولـف غـربـتـه
……………………………………………………
ابعـيد لا أهـلــه الـتـزوره والله يسمع نـوحــه
تشكي ظلـمـه ونـايـباتـه دمـعـتـه المسفوحـه
من كـثـر ثـگـل الـسـلاسل نـازفـات اجـروحـه
يدعـي من كـثـر الـظـلامـه الله يـاخـذ روحــه
دُعــائــه ابـكـل مـســيـــه
گـظــه ابـســـم الـمـنــيـــه
خمسطـعش عـام والآلام تسـولـف غـربـتـه
………………………………………………………
ويلــي يـاثـگـل الـحـديـد الـكـاظم الله أيعـيـنـه
وحشه والطـاموره ظـلـمـه بـيـها ﮔـظـه أسنـينـه
الـسـنـدي يـتـشـفـه ابـعـذابـه ويستمـع لـونـينـه
يـجـري دمـه امن الـسلاسل چيـفـن امـگـيـدينـه
ذكـــر عـمـتــه الـسـبــيــه
گـظــه ابـســـم الـمـنــيـــه
خمسطـعش عــام والآلام تسولـف غـربـتـه
……………………………………………………
سولفـت حـيـطان سجنـه شلـون عـاش أيـامــه
چـان يـتـوضـه ابـدمـوعــه وتـربـتـه الـعـمـامــه
چـانـت الـسجـده طـويـلـه بـيـها ينـسى آلامـــه
عـمـتـه زيـنـب من يصلـي اتـصير چـن جـدامـه
تـشــاﮔــف عـن رقــيــــــه
گـظــه ابـســـم الـمـنــيـــه
خمسطـعش عــام والآلام تسولـف غـربـتـه
……………………………………………………
يخشع ابحـالـة سجـوده ويخـتلـي اويـه الـباري
للـفـرج يدعـي ابصلاتـه ودمعـه عالخـد جــاري
ايگول لـهـلــي وللـعـشـيـره من يـوصل اخبـاري
راح امـــوت اهـنا ابـسجنــي وبـيـه محـد داري
مُـعـــانــــاة او اذيـــــــــــه
گـظــه ابـســـم الـمـنــيـــه
خمسطـعش عــام والآلام تسولـف غـربـتـه
……………………………………………………
نـيَـــة الـــوادم تـشـوفــه وكـلـهــم أينـطـرونــه
الـوعــد يـوم الـجمـعـه ﮔـالـوا موسى يتلـگـونـه
نـعـش من ابـعـيـد شـافــوا اربـعــه أيشيـلـونـه
والطـبـيـب الشـاف حـالـه تـبـچـي دم اعـيـونـه
يـشـيـعـه أعـظـم رزيـــــه
گـظــه ابـســـم الـمـنــيـــه
خمسطـعش عــام والآلام تسولـف غـربـتـه


كـلـمــات الـشـاعــر الــرادود
عــلــــي ابــو سـمــا الـديـوانــــي
.

نزال…

ياباب الحوائج .. ياموسى ابن جعفر
جيت اليوم .. يالمسموم .. انصبلك عزيه
……………………...……………
اني امك فاطمه .. دمعي يجريلك دمه .. جيت يالكاظم اون
بالغرب عمرك خلص .. ضيم وفراگ وغصص .. ومن سجن يبني السجن
شگد الك ناح الگلب .. سنين عايش بالغرب .. لشوفت احبابك تحن
وگام الروح .. بس اتنوح .. كل صبح ومسيه
……………………...……………
شله وياك الدهر .. وظهرك بغربه انكسر .. خلص عمرك بالغرب
بوليت الناس الئام .. تنهضم وانته امام .. چم سجن صار التطب
اه يبني يالغريب .. عليك ماكف النحيب .. عليك ماهاد الگلب
شگد انعيك .. وابچي اعليك .. ودموعي جريه
……………………...……………
عليك يوليدي الدمع .. ابد لا ماينگطع .. شكثر يبني اتعذبت
فوگ حسرة غربتك .. يبني سمو چبدتك .. وبالسجون انته متت
لا عشيره ولا اهل .. عالجسر نعشك يضل .. عالجسرمرمي انعفت
بذل ذبوك .. من عافوك .. يم جسر الرزيه
……………………...……………
عمره نادو انگضه .. هذا امام الرافضه .. هذا الميت غريب
وصاح للكاظم اهل .. هذا بالسم انچتل .. وانكسر گلبه الطبيب
خل تجيه اتشيعه .. وبالدموع اتودعه .. وبالنياح وبالنحيب
يا وسفات .. بالسم مات .. وين الجعفريه
……………………...……………
وين ربعه وشيعته .. خالتشيع اجنازته .. بهيبه كون اتشيعه
هذا حلال الشدد .. بفضله كل واحد شهد .. حسين جده مرجعه
عليه كلمن دمعه صب .. مايردله اي طلب .. كلشي موسى يشفعه
كل الجود .. والماجود .. من ابن الزچيه
……………………...……………
عليك لوجار الزمن .. وطحت بالهم والمحن .. وضاگ يالشيعي الفضه
اگصد الكاظم ركض .. كل صعب عندك يفض .. وكل كلف عندك گضه
لون سالت دمعتك .. انته حضر طلبتك .. مايردها ابو الرضا
كلشي يصير .. بس لتحير .. يم الكاظميه


الشاعر عقيل كاظم الحسناوي..

حيدر المياحي:
كاظم الغيظ الراهب بعنوانه
حولها مسجد ظلمة الزنزانه
*
ضنوا يغيرون الحقائق بالزور
من خلوا الكاظم رهين أهل الجور
وسرعان ما ذاك الظلام أصبح نور
من نور موسى الكاظم وإيمانه
*
راهب بني هاشم تكَول أخباره
مسجون وتشع بالظلام أنواره
باب الحوائج للكَصد خطاره
وسجنه المضيف تحول وديوانه
*
ديوانه ثابت والضيوف تقصده
موسى بن جعفر والحوائج عنده
ما خيب الزاره وذلـــــــــــيل يرده
وزواره من توصل ترد فرحانه
*
الكاظم كرامات وعجايب وأسرار
من الله نزلها بحكمته الجبار
وهذا الخبر من جملة هواي أخبار
حتى اليبغظه يذوق طيب إحسانه
*
هاي ألسماحه من سموه وحلمه
وكلمن يجهله بفيض علمه يكرمه
وحتى البغيض إلي بحديثه يشتمه
كان بلطف لو جاوب اللعانه
*
هارون وزلامه وضميره الواهم
ضن الشريعه تصير بيد الظالم
راد بسجن يثني الإمام الكاظم
حتى الجهل يرجع يعيد أوزانه
*
تصداله موسى بن النبي بهالأمرين
أمرالشر يعه الثبتت بدم حسين
وأمر التنحي من الحكم بسم الدين
وكَال الشرع ميثبته إلا دمانه
*
من صاب
صيوان الرزايه الكَلب / من صاب
وعلى راسي الحزن هاليوم / من صاب
البيه هارون ذاك الرجس/ من صاب
جبد موسى الشريف ابن الزجيه

------------
الشاعر ابو حسن الحسيني

قصيده لستشهاد الامام الكاظم ع
لحن ريظولي يالتسبوني

خل ننصب المئاتم...وننعه الأمام الكاظم:
ونــعزي بيه القائم.... وأمــامــاه وأمامــاه:

غيرالسجن رسومه....وياچبدته المسمومه:
يكتل الكاظم يومه......وأمــامــاه ومــامــاه:
..........................
ننصب عــزانه ونلطــم الكاظم مــعذبينه:
ابطامورت ابن السندي يـا شيعته مخلينه:
خلص حياته مظلوم وبسجن كظه اسنينه:
راهـب الــهاشم ياحيف ابسمهم موتينه:

السجن عذب حالــه..... ياوسفه سم جتاله:
وعل درب محد شاله .......وامـامـا امـاما:

خل تنجمع هل وادم...وتنعه لراهب هاشم:
وكلها تنادي الكاظم......وامــاما وامــامــا:
..........1..........
من بصره ولحد بغداد طامروه ابطاموره:
ومايقبلون المظلوم حته الظوه من يزوره:
حيــر الوادم بامــره مــن الله يشع نوره:
ويا دعاء الكاظم ويا سجــدته المشــهوره:

مولانه ابن الزهره...... حير الوادم بامره:
محد صبرمن صبره..... واماما واما ما:

يامعجزه حدرالگاع...لغيرك تره راح وظاع:
بس انته ظليت اشراع... وامامــا ومامــا:
.........2..........
يوسف هــذيج الــبيبان وهــمتله وهملهه:
ولو مانزل بي منزال چــابلــوته شيحلهه:
وانته حيرت الاكوان والدنيه داخت كلهه:
تابت امغايه ويــاك ومــن صلت اشكلتلهه:

يوسف نبي وهملهه.... لــو مــاربك حلهه:
بس بيك حارت كلهه...... واماما واما ما:

دخلت عليك ابغايه....بس اطلعت ملايه:
اشهــدو انــك ايه ...... وامــاما واماما:
........3..........
الي جرالك مولاي صعبه العقول اتشيله:
احتارو ابموتك اشلون بياغيه وبياحيله:
دنگت يمك اسباع واصبــحت شو ذليله:
يــاهو المثلك ياهــو كــام الاسد يبچيله:

ظلام واحتارت بيك....بالموت رادت تاذيك:
وبين السباع اتخليك....وامـامــا وامـا مـا:

يامعجزه دخليك ......الاسد ضل يبچيلك:
وحته الحجر ينعيلك.... وامامــا وامـا مـا:
.........4............
حدر الارض من خلوك حكمه ودرايه بيها:
حته الارض تسجدلك موتسجد انته عليها:
والــموته اتصــلي ويــاك وتسبح اتـخليها:
صاحي وميت ينخاك الحاجه الــه تگظيها:

ويركع الكون ويسجد... يابو الرضا ويردد:
ويتشاهد شما تشهد..... وامــامــا واماما:

صاحي وميت ينخاك...تگظي الكلافه يدراك:
هنياله كلــمن والاك..... وامــامــا وامــامــا:
.........5..........
...................

الشاعر مجيد الصالحي

السلام على موسى ابن جعفر



ياكاظم الغيظ


ياحليف السجده هذا اخر سجود

فوگ جسر الما اله مسنايه

راح تبگه مگيد اعليه وطريح

والمنادي ينادي بالمشاية

هذا امام الرافضه الطايح غريب

وتسمع الوادم اشد احجايه

ابلايه خوان واهل هذا السجين

ولا عشيره التنتفض وفايه

وين اهل بغداد كاظمهم طريح

مايشيعونه بدمع وقرايه

فزعت الشيعه اله بحد السنان

وشالته رغما عله العدايه

وصاح المهيع يعز الطالبين

اليوم الك ننصب يموسى قرايه

بس ابو السجاد ضل اعله الرمال

وكصدته اخيول العده عنايه

وزينب من اخيامهه طلعت تصيح

يهل زينب فزعوا يهل الثاية


عضيد التميمي

#نعي
°°°°°°°°°°°°°°°°°°°°°°°°°°°°°°°°°°°°°°°°°°
غريب وجرحك أشما عاشره النوح
يلچمك والجروح أمحزمه أجروح
وثگل الجامعه الظل مارضه أيروح

وصل للعظم جرحك بين أحزاز 🌱🌱
°°°°°°°°°°°°°°°°°°°°°°°°°°°°°°°°°°°°°°°°°°
وصل للعظم وأنت أجروحك أثگال
وظهرك حيل محني أوصاير أهلال
تتوچه أعلى أخك والدمع سال

موش أعليك لكن فاگد أعزاز 🌱🌱
°°°°°°°°°°°°°°°°°°°°°°°°°°°°°°°°°°°°°°°°°°
تمشي والدمع ناصب عزائين
على الزهراء واحد والدمع عين
والثاني يتلثم هم على حسين

شني السواه ونحره بسيف ينحاز 🌱🌱
°°°°°°°°°°°°°°°°°°°°°°°°°°°°°°°°°°°°°°°°°°
وظليت أعلى روحك تلطم أبشوگ
وبنار الخيم ظليت محروگ
ومايلتم الجرحه بگلبه مفتوگ

وبيه عبدالله نام وبالسهم فاز 🌱🌱
°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت°°ع°°
أبوحسين السرگودي...🕊🕊🕊

مقدمة مجلس…محرم ..1440 هج

السلامُ عالشفاه الذابلات
السلامُ عالعيون الغائرات
++++++++
الماگدر واحد يفسره
احساسك ابعثله سلام
الحيرتك بآخــر وداع
الزينب اباب الخيام
اليابس السانه شيسولف
يبقى بدموعه الكلام
الســلام عالســلام
العاري علغبره ينام
السلام عالغريب
وعلى الخد التريب
وعلى الشيب الخضيب
والوصال العاريات
السلامُ عالشفاه الذابلات
+++++++++
ياسلام الله اعله گلبك
والشعور اليحتويك
الرجفت ايدك من دهشتك
منذبح طفلك بــديك
إلخطفة اللون اعله وجهك
والصفار المعتليك
الركضتك للمهر لمّن
سلم الاكبر عليك
السلامُ عالعذاب
بگلبك بذاك المصاب
خد الاكبر عالتراب
والدموع الجاريات
السلامُ عالشفاه الذابلات
++++++++
احساسك البالغربه وانته
يمنه يسره يستدير
اللزمت اللحيه بيمنك
منهظم ماضل نصير
المسحة ايدك فوگ راس
اسكينه بوداع الاخير
امنيله حيل اوداع مثلك
ضامي وبعمرك چبير
گعده ودعت الزغار
وي رقيه آخر نهار
اعليك نادت بنكسار
وين هالليله ابات
السلام عالشفاه الذابلات
++++++++
اوّل او آخر طلعتك
لابس الثوب القديم
اتألمك چلمة دخيلك
لاتروح امن الحريم
تمشي كل خطوه التفاته
ويجري دمعك مستقيم
والخدر تعرف مصيره
ونار مــا ترحم يتيم
بالقهر ماتت قواك
لليسر بالك خذاك
چم خدر تارك واراك
والمصير امسلبات
السلام عالشفاه الذابلات
++++++++
ياسلام الله اعله اول
قطره من دمك تسيل
من جبينك فوگ حاجب
عينك وجسمك نحيل
ال آخ من سهمك ضعيفه
بصوتك وطلعت قليل
سندت بسهام جسمك
وانت من مهرك تميل
چانت آخر ميله هاي
منها صحت ازگوني ماي
وصوت من التلّه جاي
بيّين اخيال الخوات
السلام عالشفاه الذابلات

#ثائر الربيعي

#استشهاد_الامام_الكاظم

هالناعي ظل يجري الدمع وينهله
وعـالكاظم ايـشير ابـحزن ويـنهله
هــذا إمـام الـرافضة ويـن أهـله؟
مـا دِرَت چبـد ابنها بالسم اتنَثّر؟

#جابر_الكاظمي
#ميمر_جابر_الكاظمي