يبو الغيره الحرم بعدك تناطر
يبو الغيرة السبي يكسر خواطر
ماريد الماي ردتك وياي
السبي يكسر خواطر

ياخويه كلبي وياك وشلون اعوفك
متوسد التربان بعيوني اشوفك
واسمع حنينك جاي وعليه خوفك

تكلي يالعقيله قبلي عذري
تراني بلايه جفي ودمي يجري
ورديت نداي ردتك وياي
السبي يكسر خواطر
2
من أسروني عداك شتمو ابونه
وشمتو تره العدوان من سلبونه
وكبالي راس حسين تشبح عيونه
واسمعه ينادي يا زينب يخيتي
اجه بنظراته يمسحلي دمعتي
وكفيت ابچاي ردتك وياي
السبي يكسر خواطر
3
بعد الخدر ياخوي هتكو حجابي
ومن حركة الصيوان زايد عذابي
وحسين اشوفه اهناك ينعه المصابي
واسمعه يصيح الي زينب اصبري
واكله حسين اخويه انهتك خدري
راح الوفاي ردتك وياي
السبي يكسر خواطر

كلمات:منتظرالمهدي

انت روحي ومهجتي وانت كل احساسي
يا اصل كل العشك يللي رافع راسي
واحسينا واشهيد
يا غريبا يا وحيد
____ 1 ____
حبك بدمي سره بيه استقر ثباته
انته يا منبع عشك منه اشربت صفاته
خادم الك انه اصبحت بالخدمه الك موالي
يا من عشت وسط القلب يرخصلك اغله غالي

وبيك اذوبن سيدي وانته اصل نوماسي
يا اصل كل العشك يللي رافع راسي
واحسينا واشهيد
يا غريبا يا وحيد
_____ 2 _____
عشت بيه بكل كتر واشتمك بشهيقي
يا عشك كل البشر بيك العشك حقيقي
اصل العقل لمن نجن بيك وننادي بسمك
يا سيدي يابو علي شرفني من اخدمك
ناذر اسنيني الك واخدم وما ناسي
يا اصل كل العشك يللي رافع راسي
واحسينا واشهيد
يا غريبا يا وحيد
_____ 3 _____
بعالم الذر اكتبت هذا العهد يمامي
روحي الك فدوه كلت وانثرلك بهيامي
اتمنه اصيرلك صدر والخيل بيا تسحگ
واتمنه اصيرلك ثغر وبدال شفتك انطگ
لو اصيرلك هوا وافدي الك انفاسي
يا اصل كل العشك يللي رافع راسي
واحسينا واشهيد
يا غريبا يا وحيد

_____________ تمتے _____________
#كلمات_منتظر_المهدي

كربلاء رمز الفداء كربلاء طف الدماء
كربلاء كربلاء
1
يا كفيل العايله وساگي العيال
وبالخيم من العطش تصرخ اطفال
وبت اخوك حسين تصرخ لا محال
عمي يگصد للنهر يروينه


كربلاء رمز الفداء كربلاء طف الدماء
كربلاء كربلاء
2
للنهر رايح ابو الغيره الشهم
وبطريق المشرعه اعترضو زلم
صال بيها وزاحهم راعي العلم
ابو فاضل من گدر ليمينه


كربلاء رمز الفداء كربلاء طف الدماء
كربلاء كربلاء
3
زينب اتعاين لخوها وتنتظر
ظنت يردلها عباس الگمر
لاكن بعامود راسه منطبر
والاشرار بسهم صابو عينه


كربلاء رمز الفداء كربلاء طف الدماء
كربلاء كربلاء
4
من وگع عباس وگعت خيمته
والحسين ابمصرعه هل دمعته
تصرخ اطفال وتنادي عيلته
يا بو فاضل منهو اليرد بينه


كربلاء رمز الفداء كربلاء طف الدماء
كربلاء كربلاء

_______¤تمںتے¤__________
الشاعر :منتظر المہدیے۔

مسيرتنا حسينية على رغم الاعادي
للمذهب فدائيه نظل احنه ننادي
1
سائرين احنه ونظل ابهالدرب
اليمشي بيه لايحسب يمسه كرب
احنه سلم للذي سالم وحب
واحنه حرب للذي شاء الحرب

عقيدتنه ولائيه الكل عترة الهادي
للمذهب فدائيه نظل احنه ننادي
2
ثورتك يحسين في كل العصور
علمتنه بوجه كل ظالم نثور
وبالقيامه نفوز في يوم النشور
لان حققنه النصر والدم اجور

عزيمتنه اراديه بمفهوم اعتقادي
للمذهب فدائيه نظل احنه ننادي
3
نوگف بوجه الظلم واللي ظلم
ما ندنگ راسنه مثل الخدم
احنه عدنه وجودهم مثل العدم
درس متعلمينه من راعي العلم
عزتنه إبائيه منذل للمعادي
للمذهب فدائيه نظل احنه ننادي
_______¥__¥¥¥¥¥ تمت¥¥¥¥______

#منتظر المهدي

قصيده حسينيه

مستنده على نص من نصوص القران الكريم

في قصه نبي الله موسى عليه السلام واخيه

هارون عليه السلام

نسأل الله القبول ونسألكم الدعاء


********************



سنشدُ عضدكَ بأخيك

هكذا قال الكتاب

في خطاب الكليم

فأمني ام الحجاب



........................



نفس موسى حسين واكثر وانته هارون


ومو عجيبه ايه تنزل تحوي مضمون


من نزل جبريل بلغ سيد الكون


كله يزيد نفسه الطاغي فرعون


هكذا دار الخطاب


فأمني ام الحجاب


____________________________



بمعجزاته موسى الله انزل اية

وصار معجزة الحسين البيده راية

بيك طر بحر العساكر والرماية

وعبر بالاسلام لصوب الهداية

وعبرت كالشهاب

فأمني ام الحجاب



___________________________





انت بحر الغرك الرادو يتبعون

وسط موجك وعلى الساحل يدورون

يالي ذليت الكفر والي يحكمون

يالخسفت البيده چنك خسف قارون

واختفت تلك الرقاب

فأمني ام الحجاب




____________________________




النصبوا راس العجل تبعو سامريهم

صدكو ذيچ الخرافه من عافو نبيهم

ضل هارون حاير شيكدر عليهم

وانت سبعين الف كسرت اديهم

ذائداً تهوى الثواب

فأمني ام الحجاب




___________________________




الأخذ راسة لأخوه وبيده جره

عاتبه اعله الجره وجفونه حمره

حسين وياك اشعمل ضمك لصدره

وقبلك من هامتك وايده اعله ضهره

لك موسى في انتحاب

فأمني ام الحجاب




____________________________


حيدر جواد الخزعلي

كلبي لاچمني يكافل هل مسيه


لن شفت بالطيف چن ماتت رقيه


ماتت بالخرابه وتون لمصابه


لن شفت بالطيف چن ماتت رقيه




********************




يا إلٰه الناس فزيت وقريت


ناشغت مرعوبة أركض من صحيت


عاينتهن وحده وحده وانحنيت


بوستهن وانه أنشر واندعيت


ياالهي العالي


أَرحم انت بحالي


بسمك انه اتعوذ وترتجف إيديه


لن شفت بالطيف چن ماتت رقيه




------------------




رجف گلبي وچني سعفه ياكمر


ويم صدرهه اذني نزلت والنظر


استمع ينبض گلبهه چن بحر


روحي طارت من فرحه بهالخبر


چنهه توهه نولدت


ومن جديد اتسمت


واسجدت للباري من شفت ترجيه


لن شفت بالطيف چن ماتت رقيه





-------------------






ليله مرة كربله وليلچ كئيب



بس عجيبه بالحلم راس الغريب


فوگه ماتت طفله تصرخ يالحبيب


واركضت صوب الحسين بهالنحيب


تعثرت من شفتك


وبالحلم خبرتك


بالصبر اتصبر وضنوني تنهش بيه


لن شفت بالطيف چن ماتت رقيه






----------------





ياكمر عندك خبر يابن علي


فزز اجروحي الحلم الحك الي


چن سبوني بليله ضلمه بلا ولي


ضاك خلكك ادري خويه بهالحچي


لا تسولف سكته


والحزن شايفته


والليالي تنطر زينبك مسبية


لن شفت بالطيف چن ماتت رقيه




------------------





لايتعبك منامي خويه فسرت الحلم


راح أرد بلايه والي ولا زلم


بس عليل البينه يحدي بلا علم


والله ادري دمعي يجرح ياشهم


والعمر ماريده


لو سطرني بايده


والدهر مايرحم وكلهه تنظر ليه


لن شفت بالطيف چن ماتت رقيه







أسألكم الدعاء
اخوكم : حيدر جواد الخزعلي

قصيده الى سيدي الامام القاسم ابن الامام الحسن عليهم سلام الله وبركاته







بثوب الحسن وعمامته


جاسم امه زفته


زفت ابنهه واحمر جفنهه


جاسم امه زفته




************************
************************




بحسرتي ياضنوتي ماردتك اتروح



انت الذخر من دنيتي يامهجة الروح



ردتك تلمني بكبرتي لو حملي مطروح



تالي عفتني لدمعتي وگالولي مذبوح



ومذبوحه لنهه



الدمعه بجفنهه



بدمعتهه كتبت قصته



جاسم أمه زفته






**************************






الفواطم يوم عرسك لطمن و يتصارخن



شمرن صواني الياس ولا هلهلن



وبدمع عين حسين اشموعك طفن



والحنه دم خضاب يانجل الحسن



يال ما تحنه



فكدك شدهنه



وبحرگه زينب نادته



جاسم أمه زفته







*************************







اذكر يايمه من چنت ابحجري اتنام



وتنظر عيونك للسمه وتسأل يجسام



تسألني شنهو كربله وتسولف احلام



وتگلي عرسي بالسمه والملك خدام



والسمه چنهه



ابني الفتنهه



والحور كلهه تمنته



جاسم أمه زفته








*************************








مجبوره عنك لو مشت رمله بالاحزان



عگبك فلا يغفه الجفن يالمالك اخوان



اخذوهه امك للسبي والسطره نيشان



وگادوهه بعدك بالحبل واليحدي عدوان



والسوط بمتنهه



وتنادي يبنهه



والموت بعدك رادته



جاسم أمه زفته








**************************








يالراسك ابوسط الرمح ويگطر ادموم



دلالي ذابت شحمته وضل حيلي مهدوم



هل تشتكيلك دمعتي بس عقلي مصدوم



زين الشباب ابطلعته امگطع اليوم



ويالغالي لنهه



فارغ حضنهه



وياكُبر حزن الربته



جاسم امه زفته














أسألكم الدعاء
اخوكم حيدر جواد الخزعلي

مدد مدد يافاطمة   مدد مدد يافاطمة
....................

عينيني  يزهره اعله الطم والحركه والونه
رايد الله يقسملي بعزائج ضلعي اكسرنه
عهد مني مصابج ما اعوفه وابتعد عنه
بيت احزان اريدنه اعله كدي بگلبي اشيلنه

يازهراء ارزقيني
اضيع خنصر ايميني
واعمي من البجي عيني
والطم صدري لحسيني

مدد مدد يافاطمه     مدد مدد يافاطمه
......................

بابج يندفع يم الحسن صعبه ويحركونه
والاصعب عليّ من اسمع بخدج يصفعونه
شذنبج والمتن ازرك صبح من اليضربونه
والمحسن يزهره قررو لازم يذبحونه

من عندج على الغبره
طاح وماسلم عمره
ضل الينسحن صدره
بخيول العده العشره

مدد مدد يافاطمه    مدد مدد يافاطمه
......................

يالصحتي اعله فضه وكلمتج يافضه اسنديني
ماشوف الدرب دم الجفن صار بوسط عيني
الحكيلي يفضه من الالم للحجره وديني
عصرتهم منيه وطفو بعيني ضوه اسنيني

ما احمل بعد اكثر
مكسوره ولا اكدر
گلبي بحزنه يتفطر
اريد الموتي اتحضر

مدد مدد يافاطمه     مدد مدد يافاطمه
......................

ودعتي الاهل يافاطمه وحيل انكسر بعلج
حيدر ضل يصب ماي النواضر مو دمع لجلج
صرتي جنازه بس عالمرتضه كلش صعب حَملج
لو شالج يحير بمشيته وللحفره شينزلج

اليدفن بيده ام بيته
يعني وياهه عافيته
يوكر شيبه بلحيته
انتي الحيدر امنيته

مدد مدد يافاطمه    مدد مدد يافاطمه
.....................

من بعد الدفن رد حيدره وجسمه بلا روحه
ماخطرت على باله زهرته بحفره مطروحه
طب بيته ولكه زينب عليج هوايه مجروحه
وعيالج يزهره تعذبو والدمعه مسفوحه

ضلت زينب بحسره
وحيدر منكسر ضهره
وحسين وحسن عبره
وسط اصدورهم جمره

مدد مدد يافاطمه      مدد مدد يافاطمه



محمد هادي العقابي

ابقه بدمعة العين .. خادم لم الحسين
الهه العمر منذور  .. كلمه وماهي اثنين 
..................

كلمه ومن گلب خادم ابد ماعندي رايين
ناذر هالعمر كله وعلامه بصدري جفين
ماحاجه ابين عن دموعي تسولف العين
لمن اسمع  الناعي الي يقره مصاب الحسين

من ايصيح مضلوم  .. روحي تطيح وتكوم
اعشك لطم الصدور .. كلمه وماهي اثنين
.........................

احبن هالمجالس حب مثل عابس والاصحاب
من حبو حسين وقدمو للحب الاركاب
عندي مجلس الزهراء  اغله من الهوه الهاب
احضر بالعزه والعين تبقه تصد على الباب

ادريهم يحضرون  .. واتمنه يسجلون
اسمي ابين الاسطور  .. كلمه وماهي اثنين
..........................

اليبجي اعله الزجيه وصار خادم بعد شيريد
وآنه اتمنه خادم كون عند ام  الاجاويد
الدنيه بلايه خدمه تصير  تشبه قصره ليزيد
خنكه واكضي عمري شلون ذنبي مكيد الايد

عن هالخدمه ماتوب  .. هيه التمحي الذنوب
ذنبي بحبهه مغفور  .. كلمه وماهي اثنين
........................

بعمري وماشفت ياناس ابد من هاي الاجواء
احله اجواء بالمجلس لئن تحضر الزهراء
نشاركهه بدموع العين  مهضومه يحوراء
والخدام  ام حسين تعرفهم بالاسماء

الزهره بدمع العيون  .. تنظر لليخدمون
ماناسين عاشور  .. كلمه وماهي اثنين
....................

هنيالي عبد لو صير عند الزهره مملوك
واسولف للگلب لتخاف باجر من يسألوك
طيع اسيادك باخلاص خليهم يشوفوك
فاطم بالكبر وحسين همه الي يحضروك

ومن تشوف الاملاك   .. صيح حسين بحماك
بالك تبقه مكسور  ..  كلمه وماهي اثنين
..................

ما ملجوم گلبي وكون  اشبع حيل لجمات
عالراحت سبيه وبالخرايب زينب تبات
اخت عباس فوك الراس صار ارماد خيمات
عملت كربله الكسرت ضهرهه وحجي الشمات

صعبه الكلمه تنكال  .. كيدوهه  بالحبال
بگلبهه الكافل ايدور  .. كلمه وماهي اثنين


محمد هادي العقابي

يا ايه من الله انت منزله
وبعيونك جن سوره زلزله .. دخيلك ياقمر بني هاشم

احساسك عالخيمه بس نده
من شخصك اتعلم الوفه .. دخيلك ياقمر بني هاشم

يالبسمك  ذليت العطش
عالشاطي اسمك انقش
ياحيل الله وبيك العرش

الدوره البعيونك احله من الكمر
والريشه لبراسك من عدها الفخر
الليل على جفونك وتبده السهر
  اجفوفك لزمنه وتروه النهر

'***************************


الغيره البراسك دخنت
بالخيمه من الحره هلهلت  .. دخيلك ياقمر بني هاشم

شمحلاها تتمايل مهرتك
وبمتنك من رفت رايتك .. دخيلك ياقمر بني هاشم

ياحنيتك هاك الكلب
يارعيها الغيره انت رب
ياسلطان الحب والحرب

اليبرزلك بالعركه حيله ينهدم
ياراعيها الشيمه وياشيخ الشيم
برموشك  للحره سويت الخيم
مترهدن بالعليه يمرجف الزلم
***************

ياطولك ومتونك بالسمه
من حكها بيك اختك هايمه.. دخيلك ياقمر بني هاشم

معروفه صولاتك حيدره
من صغرك ولزمت الكنطره  .. دخيلك ياقمر بني هاشم

يالبلعرش هو استوئ
والرايه غطت نينوى
وبكيفك غيرت الجرئ

ياسيفك بالحومه ميجهبه احد
الله الواحد بس انت الصمد
يطشرها صمامك لو زاد العدد
تتونس بالعركه لو صاحو مدد

*************

جفينك لخيامك مشرعه
وبغيضيك جن سوره واقعه .. دخيلك ياقمر بني هاشم

ارسومك تحجيلي ملحمه
تتنومس بيك انت فاطمه  .. دخيلك ياقمر بني هاشم

يالطولك ماشاله المهر
اكتبلك ويخلص الشعر
ياواضح جن شمس الضهر

نقلولي وحبيتك راداك الكلب
الحره من صعدت نوخت الركب
كلولي من عيونك طيرت الرگب
انطيني من الغيره ودليني الدرب

*******************

علي غسان المياحي

نعي الى مولاتي الزهراء عليها السلام
*********
لازمه الباب لازمه الباب ثلث تيام زينب لازمه الباب
والدمع سجاب والدمع سجاب تسولف عالضلع والدمع سجاب
يالتراب يالتراب اشمالك جا دفنت امنه يالتراب
العتاب العتاب عتبنه اشكد لجن ما فاد العتاب

شديت شديت يدهري اشبيك هيج وياي شديت
يالبيت يالبيت اشلون ارتاح واكعد بيك يالبيت

نريد امنه نريد امنه وحشه البيت واحنه نريد امنه
ما لكيناها ما لكيناها بحجرتها ندور ما لكيناها
انموت وياها انموت وياها هاي امنه ونريد انموت وياها

يوجعني يوجعني اصفاحي امن البواجي يوجعني
اتروح مني اتروح مني اشلون امي الحنينه اتروح مني
ابعيد عني ابعيد عني تره كبرج ييمه بعيد عني
اعله وني اعله وني اون والمكبره اتون اعله وني

اشلون بيه اشلون بيه المغرب من يجيني اشلون بيه
لو هاي هيه لو هاي هيه بعد نلتم سوه لو هاي هيه


غسلاها غسلاها علي بديه الزجيه غسلها
وجفناها وجفناها مدري اشلون حيدر جفناها

ويون الحسين ويون الحسين يون كام الحسن ويون الحسين
لا تروحين لا تروحين بعدنه ازغار يمه لا تروحين

بسمار بسمار صاب الضلع يمه اشلون بسمار
والكلب حار والكلب حار زينب يمه صاحت والكلب حار

الوداع الوداع ابد ما تنحمل ساعات الوداع
اينام بالكاع اينام بالكاع التريده عيوني ليش اينام بالكاع

اشلون طكه طكني البين بويه اشلون طكه
ايذوب حكه ايذوب حكه كلبي من الونين ايذوب حكه





بس صورها بصورها عله الحيطان ضلت بس صورها
بكبرها بكبرها امي اتحن علي حته بكبرها


وتفاركينه وتفاركينه وصلنه للنجف وتفاركينه
مو بيدينه مو بدينه صعب فكد الحبايب مو بدينه
اشلون بينه اشلون بينه راح انرد لهنه اشلون بينه
حزينه حزينه ونطلب للدار نلكها حزينه
اتعودينه اتعودينه عله امنه وداعت الله اتعودينه
بجينه بجينه وره اجنازتها بويه اشكد بجينه
*********
تمت
تحسين الخفاجي

هذا انته الغالي
طايح كبالي
اموذر يبن امي
تنزف يالوالي
اه يحسين
..........
اجيتك اركض
ها يمرضرض
مامش ستر
بس هيمه وارض
اه يحسين
..........
امنين احضنك
امطبر جسمك
وجروحك هواي
وتنازف دمك
اه يحسين
......
حزوه لنحرك
ومرضرض صدرك
وتشهك بنفاسك
فدوه عمري لعمرك
اه يحسين
........
حزنانه وكلبي
ينادي ياربي
موتني وي الغالي
ومتيه دربي
اه يحسين
.....
الخادم حمزه الرحيماوي

يم اللبنين // لا تتانين // ايسي ما يرجع بعد
صار الغروب // وضلمه الدروب // وانتي عينج عالولد
*
ضهرج اشبي منحني الشيب البراسج شني
لا تظنين الحبيب ايرد عالدار
الغالي غافي اعله النهر لا تندهين الكمر
خاف جرح ينلجم وتفكده الزغار
زين اعكدي شيلتج وهله هله بدمعتج
الدنيه من عندج خذت ادري اربع اقمار
يا الاه العالمين عله كلب ام البنين
اجعلها بردا وسلاما تصبح النار

مر الفراك // والنفس ضاك // حزنج وياج انولد
صار الغروب // وضلمه الدروب // وانتي عينج عالولد
*
انتي فاركتي الحبيب وماظن اجروحج تطيب
راح رفعه راسج اليسوه الف شاب
جان لو مر من البعد يصفن بوجها الورد
ومن كثر حسنه الفراشه اتشبكه بالباب
طوله ابد ما ينوصف ذهب واحساسه ترف
ايغار من عنده صبح حته الهوه الهاب
كمر واحله من الكمر امبين بعينه السهر
يستحق كلمه حبيبي واغله الاحباب

كلبه حساس // واسمه عباس // مثله ما اظن انوجد
صار الغروب // وضلمه الدروب // وانتي عينج عالولد
*
جان كل همج يجي وتشبع عيونج بجي
امنيتج الكافل يغمض بيده عينج
حيل ابو فاضل حنين وجان كل ذيج السنين
لو دخل للدار يصرخ يمه وينج
لجن راح وكلشي غاب وصارت احلامج سراب
وماظن العباس يتحمل ونينج
الدنيه حست بالضياع والزمن صاح الوداع
وردتي تحضر هالمسيه كل بنينج

عكب الولاد // كلشي ما فاد // يا وسف راح الضمد
صار الغروب // وضلمه الدروب // وانتي عينج عالولد

جرح زينب لو صحه ياهو يقره الفاتحه
يعني زينب بعد مثلج وين تلكه
بعالم الرؤيه اجت وصاحت بحركه وبجت
اشلون اشم يمه الهوه والدنيه خنكه
يمه تردين الصدك راح دلالي يطك
بعد عكب حسين ما بياش فركه
انه زينب بت علي وحيلي موش الاولي
يعني زينب بس اسم وامتون زركه

شنسه الخيام // لو سبي الشام // كلبي ما يرتاح ابد
صار الغروب // وضلمه الدروب // وانتي عينج عالولد
*



هلبت الكافل يرد لان اذاج البعد
بلكت الله ايجيبلج من كبره تربه
لو مشو بجنازتج حسين يحضر دفنتج
احر من النار والله عليج كلبه
حسين دنياج وهواج صحتي والمدمع خذاج
اشكد تمنيتي يدفنونج بكربه
دوم عينج هامله وسبب موتج كربله
وفركه الغياب جنها عليج صعبه

الجرحه ما راح // بموته يرتاح // اشحال البولده انظهد
صار الغروب // وضلمه الدروب // وانتي عينج عالولد
****
انتي مدرس الضمير وبالوفه مالج نضير
تعجز اقلام الوصف والله بصفاتج
انتي قران الصبر وانتي تسبيح الفجر
وحته جبريل الامين ايحب صلاتج
كالوا لام عاطفه وانتي اهل هاي الصفه
وجانت الايتام تتغطه بعباتج
الدنيه بدموعج تسوم امن اسمج اتخليتي دوم
خاف تبجي زينب وهيه حياتج

صرتي عنوان // الكل الاحزان // لحضه جمرج ما برد
صار الغروب // وضلمه الدروب // وانتي عينج عالولد
**
تمت
تحسين الخفاجي

الناشرمحمد الطرفی:

اللهم عجل لوليك الفرج






مااسالك موطنك وين
خاف احرجك يبن الحسين
الغربه يالمهدي شوراهه
شمعه مذبوحه بضواهه
خاف احرجك يبن الحسين

مدري شكد بعد مولاي ومدري شكد كضن منهن
عشت والليل برموشك سواد بطف خيام تون
بسمار خدودك المشتاك يقره العجل ويأمن
وماادري مجانك وين وليا وطن هسه تحن

بلايه موطن يبن الاكرام
بكربله هسه انت بالشام
عيونك النوم الجفاهه
شمعه مخنوكه بضواهه
مااحرجك يبن الحسين
..............................................................

اليتنفس حجي الدخان مخنوك بهوى الفركه
اليمشي محدب من الضيم ما ضايك دفو الملكه
الحسرته بكلبه هذا الخيل تروح وترجع اتسحكه
الوينك عدي مشيه شام ورقيه وموتة الشبكه

هايم وتتذكر هواي
الخيم والعيله والماي
وزينب بطيحه حماهه
شمعه مخنوكه بضواهه
خاف احرجك يبن الحسين
................. ........................


غايب بس مكانك وين ماتارك اثر جدمك
مالك سالفه وين الناس حتى الوادم تفهمك
يعكوبك عماني الشوك وما شميت اثر هدمك
يجنك مثل صدر حسين ومطشر منو يلمك

بيني مابينك شنو الصار
لا خيم لا وجت النار
اضنوني ماواحد حداهه
شمعه مخنوكه بضواهه
خاف احرجك يبن الحسين

........................................................

انه من اذكرك مولاي احسنك دفو بصدري
واسهرلك سهر عشاك حتى مطلع الفجر
وارسمك راجع ابالي واكوم ودمعتي تجري
واشبك شبكه العميان من اشمك وين مادري

وانه ارسملك بالاحلام
هيبة الراية والاخيام
وانت بيمينك لواهه
شمعه مخنكوهه بضواهه
خاف احرجك يبن الحسين

.....................................................

الما جايس دليلك ب اه ماعايشلك اي لوعه
الماباجي بغيابك ليل لتضن روحه موجوعه
ترى المشتاكلك مولاي تلكه الشوك بدموعه
وتلكه عيون كلبه عليك وكت الجزع مصفوعه

بلكي اموت من البجي عليك
بلكي مره بروحي اجازيك
حتى اكللهم خذاهه
شمعه مخنوكه بضواهه
مااحرجك يبن الحسين
........................................................

كل جلمات المعاتب من احجيه ماتكفي
مو لذة بعتابك لا اريدك للسلف تلفي
فك عيوني اشوفك وين خل جفك تكض جفي
اخاف اقرالك التعجيل وانت واكف بصفي

خاف اسالك وانت بعدين
ا عليه تسالهم منين
الجلمه اصيرن من وراهه
شمعه مخنوكه بضواهه
خاف احرجك يبن الحسين

#ايوب جبار السويطي