🚩عندي في ارض المدينه..أمنيه ابگد السمه🚩



عندي في ارض المدينه..أمنيه ابگد السمه
يمتى ابو صالح يگلي .......هلا بزاير فاطمه

ومن يدليني الگبر
ابچي والطم عالصدر
يمتى يمتى....

أُمنيه محفوره في گلبي من اسنين
من اطب ارض المدينه ابدمعة العين
بيده ياخذني ابحزن مهدي الميامين
والـ كتر گبر الزچيه انعى بونين

واقرا لطميه ابشجوني..آيابنت المصطفى
والجفن دايم يساهر ..أبد مالحظه غفه

گلبي لمن يستعر
ابچي والطم عالصدر
يمتى يمتى....

وي ابو صالح أهلن دوم عبره
اويم گبرها فاطمه خدي اعفره
عندي چم موقف على بالي اصوره
واذكر العين الصفت بالسطره حمره

والله ما انسى عصرها..والجنين اللي وگع
خلت ابگلبي حراره..اوفكري بالهم انصدع

اذكر اعليها الكسر
ابچي والطم عالصدر
يمتى يمتى....

آنه زايرها واحس صدري تهشم
ضلعي وي ضلع الزچيه اشگد تألم
المهدي ويايه يهل ادموع زمزم
ويم گبرها نقرا حسره دوم مأتم

بيدي اتمنى إلگبرها..احمل اويايه الشمع
وانثر الوردات ليها ..واجري دم لا مو دمع

لو جزع مني الصبر
ابچي والطم عالصدر
يمتى يمتى....

بعيني أحلام واماني بالزياره
اگبال گبر الزهره انظر لي مناره
منكتب بيها تعالو يا حياره
تگضي هالحاجه ترى مو بالإشاره

هالحلم دوم ايتكرر..يمتى اگعد بالصحن
ولافته ارفعها آنه.. اهنانا گبر أم الحسن

دايم الها افتخر
ابچي والطم عالصدر
يمتى يمتى....

يمتى للزهره يحضروها مواكب
تلثم الشباچ ويلي ابگلب ذايب
اويوگف لصوت العزا مهدي الاطايب
ويشرح اهمومه ابحزن ام المصايب

ويرفع الرايه ابنحيبه..ياليثارات البتول
اوكل موالي حوله يوگف..يرتجي منه القبول

ابصوته كل واحد يمر
ابچي والطم عالصدر
يمتى يمتى....

يمتى يم الزهره ننصبها المنابر
ونقرا عاشوري ونقيم الها الشعائر
بيها مرحومه ترى كل الحناجر
وخدم ليها نبگه كلنه اليوم اوباچر

فايز اللي نذر عمره...ليها ويصيح المدد
ابد ما بدل طريقه ... ثابت اعله المعتقد

اينادي حد يوم الحشر
ابچي والطم عالصدر
يمتى يمتى....
*

🍀 عادل العبد الله
٩.٢.٢٠١٧

هالليله اخبرج .. بالطف احضرج
يازينب وداعت علي
بالطف احضرج

******
دمعتج .. لا تهل .. انت روح امج وابوج وغالي دمعج
كل وكت .. احظرج .. گولي اسمي ولو تحت گبري اسمعج

راح امشي لا تبـجين ياذيني صــوتج
ومن ارحل اتصــيرين ام لـ أخـــوتج

كل مغربيه .. أنجمعوا سويه
يازينب وداعت علي
بالطف احضرج
****



راحله .. هاالمسه .. ونلتقي بالطف ييمه قرب الخيام
اصبري ..وصابري ..خطوه خطوه وياج اضل ابسچت الشام

اتوادع اني ويـــاج ياريحـــت الهيل
تلگيني يم حسين لو سحگته الخيل

من الخيل اضمه .. وبنحره اشمه
يازينب وداعت علي
بالطف احضرج
***********
تحترگ .. خيمتج .. ولا اخو اليمج عدل والمن تحشميــن
ينگطع .. منحره .. گبال عينج ينذبح يازينب حسين

بالعاشــر اتعــناج لو چلچل الليل
وندور اني ويــاچ بيـن المچاتيل

ننصب عزه حسين .. ندور وگع وين
يازينب وداعت علي
بالطف احضرج
*****




تطمني .. لا حزن .. الله يخلقلج كفيل أيرخص الانفاس
رايته .. ابيمنـته .. هيج خبرني علي وگلي اسمه عباس

امنيتــــي چانت كون العباس اشوفه
من جـــوده اشرب ماي والزم چفــوفه

يوفي ابوعوده .. ما انسه جوده
يازينب وداعت علي
بالطف احضرج

******

اوصِيّتي .. ابدمعتي .. وهايه تجرحني اذا ردت احجي بيها
بكربلا .. طفله اكو .. ارقيه اسمها وبالحبل تنشد اديها

توجعــها يمه هـواي چَويــات الجـــدام
بِعديها حين الجيش يحـــرگها الخيام
عندج امانه .. وصيتج انه
يازينب وداعت علي
بالطف احضرج
*******-

تحملي .. للهظم .. ولو مشيتي ويالغرب وهمومج اثگال
بالدرب .. عايني .. ايدي وي ايدج سوه لو شدو احبال


مو زينـــب اتصـــيرين وأسمچ ( سِبيه )
بــس اني دوم وياچ وايـــــدج بِـــ اديه

مجتوفه مثلج .. و يايمه أگلج
يازينب وداعت علي
بالطف احضرج
*******-




خالد عبد السادة البديري

دمعه دمعه خلصتهن
شمعه شمعه وشعلتهن
لجلك سنين العمر
خلصتهن بس صبر
دمعه دمعه ..شمعه شمعه
............….......…………….........
عيني تبجي وعالوجن صب لدمع
والله والله بغيبتك يمه گلبي ينشلع
وجنت اظن بزفتك حنه واشعلك شمع
والده موصيه بعمه نفذ وصيته وفزع
كتله ارجعلي ييمه وراح مني مارجع
بعدك ايامي التمر
خلصتهن بس صبر
دمعه دمعه ..شمعه شمه
وين اصدالوجه بعدك وانت ذخري
لورحت مني غيابك يحني ظهري
شلي بيهن الك فدوه سنين عمري
انه امك واشتكيلك زيدت يايمه قهري
من رحت لليوم انه عيوني تجري
تنزل دموعي مطر
خلصتهن بس صبر
دمعه دمعه ...شمعه شمعه
من اشوفن شمعه يمه اذكر شمعتك
ومن تصب دموعي انه اذكر دمعتك
شوفتك عمك وحيد هاي زادت حسرتك
يستغث ولامناصر انت صعدت غيرتك كتله ياعمي اجيت انه رايد رخصتك
شاف بعيونك قهر
خلصتهن بس صبر
دمعه دمعه ...شمعه شمعه
ماگدر يثنيك عازم انت تربات الحسن
عاين بحسره الشبابك والمدامع وشلن كتله وصاني ابوي انصرك وكت المحن
جانت وصيته اليه انه وياك اندفن
بالغرب لاماعوفك ورد لديارالوطن
رايد وياك السفر
خلصتهن بس صبر
دمعه دمعه ...شمعه شمعه
ونفذتها وصيت ابوي ودمي سال
وانه ادري من اروح ما اردلك محال
هاي رايتنه تظل عاليه مثل الجبال
بدمنه نحمي دين جدنه من الزوال
نموت خاطر ننقذ الامه من الظلال
نحارب اوثان الكفر
خلصتهن بس صبر
.عباس فاضل الشمري

خلوني اموت وياكم
ما ينحمل فركاكم
....................................................
زينب تنادي يخوتي فراگكم فت الگلب
وانه حرمه بلايه والي ولأمركلش صعب
والرؤوس تباري ليه وتمشي وياي الدرب
والجثث بأرض المعاره والمخيم يلتهب
واحنه ناديناكم ...ماينحمل فرگاكم
::::::::::::::::::::::::::::::::::::::::::::::::::::
شلون ترضوها علينه نحتمل هذا الظلم
والحرم بين الاعادي تسمع السب والشتم
من اجونه وسلبونه بلا ضمير ولا قيم
واحنه ويانه العليل واليتامه والحرم
وگمنه نتنخاكم ...ماينحمل فرگاكم
::::::::::::::::::::::::::::::::::::::::::::::::::
انه زينب گمت اصيحن وين اهل الغيره
وين اخوتي العودوني ماتمرني الحيره
ناشدتكم رجعوني خل نرد للديره
والسبي ماينذكرله طاري او اي سيره
لا ماسبوني عداكم ...ماينحمل فرگاكم
::::::::::::::::::::::::::::::::::::::::::::::::::::
ياهضيمه ليوث حيدر راحو وخلوني
والله محتاره شجاوب لمن يسألوني
انظر بحسره عليكم والدمع بعيوني
واصفن وراحو اگول وابد ماينسوني
تردون اتمناكم ...ماينحمل فرگاكم
::::::::::::::::::::::::::::::::::::::::::::::::::::
......عباس فاضل الشمري

خويه عباس
النار شبت بالخيم
خويه عباس
غيره وحساس
ياابو فاضل ياگمر
غيره وحساس
::::::::::::::::::::::::::::::::::::::::::::::::::::
من رحت صوب النهر خويه ومشيت
سكنه تنتظرك تجي شو ما اجيت
رحت صوب المشرعه انه اعتنيت
دورت جثتك يكافل بس لگيت
جسمك انداس
خويه طاحت رايتك
جسمك انداس
غيره واحساس
يابو فاضل ياگمر
غيره وحساس
....................................................ياكفيل انت الجبتني وجيت بحماك
ياهضيمه وحدي اردن موش وياك
خويه احشمنك تجيني انه ونخاك
ادري طاحت جربتك ويمك الواك
انته نوماس
والله ياكافل شهم
انته نوماس
غيره وحساس
يابو فاضل ياگمر
غيره واحساس
....................................................
انته البوعدك توافي وتنذر الروح
وماتهم لجسمك انت ينملي جروح
ونظر عينك عالمخيم يبقه مشبوح
جبل من بعدك يطيح وينعه السفوح
الكطع الانفاس
توافي بالوعد الوعدته
الكطع الانفاس
غيره وحساس
يابوفاضل ياگمر
غيره وحساس
....................................................
انت ياكافل خدرنه شثكر وفاي
كاصد وبيك العزم تطلب الماي
شافو الرايه ترف وشردت اعداي
لجل دين المصطفى افدي يمناي
وسفه عباس
كطعوا ايساره بغدر
وسفه عباس
غيره واحساس
يابو فاضل ياگمر
غيره وحساس
...................................................
يا خو زينب انت كافلها وفخر
من ذكر اسمك تره يخاف الشمر
اعذريني لاتگول انت جفينك عذر
خويه وفيت الوعد ونعم منك ياكمر
عندي مقياس
عينه وچفوفه الگطيعه
عندي مقياس
غيره واحساس
يابو فاضل ياگمر
غيره واحساس
::::::::::::::::::::::::::::::::::::::::::::::::::::عباس فاضل الشمري

يبو الغيره الحرم بعدك تناطر
يبو الغيرة السبي يكسر خواطر
ماريد الماي ردتك وياي
السبي يكسر خواطر

ياخويه كلبي وياك وشلون اعوفك
متوسد التربان بعيوني اشوفك
واسمع حنينك جاي وعليه خوفك

تكلي يالعقيله قبلي عذري
تراني بلايه جفي ودمي يجري
ورديت نداي ردتك وياي
السبي يكسر خواطر
2
من أسروني عداك شتمو ابونه
وشمتو تره العدوان من سلبونه
وكبالي راس حسين تشبح عيونه
واسمعه ينادي يا زينب يخيتي
اجه بنظراته يمسحلي دمعتي
وكفيت ابچاي ردتك وياي
السبي يكسر خواطر
3
بعد الخدر ياخوي هتكو حجابي
ومن حركة الصيوان زايد عذابي
وحسين اشوفه اهناك ينعه المصابي
واسمعه يصيح الي زينب اصبري
واكله حسين اخويه انهتك خدري
راح الوفاي ردتك وياي
السبي يكسر خواطر

كلمات:منتظرالمهدي

انت روحي ومهجتي وانت كل احساسي
يا اصل كل العشك يللي رافع راسي
واحسينا واشهيد
يا غريبا يا وحيد
____ 1 ____
حبك بدمي سره بيه استقر ثباته
انته يا منبع عشك منه اشربت صفاته
خادم الك انه اصبحت بالخدمه الك موالي
يا من عشت وسط القلب يرخصلك اغله غالي

وبيك اذوبن سيدي وانته اصل نوماسي
يا اصل كل العشك يللي رافع راسي
واحسينا واشهيد
يا غريبا يا وحيد
_____ 2 _____
عشت بيه بكل كتر واشتمك بشهيقي
يا عشك كل البشر بيك العشك حقيقي
اصل العقل لمن نجن بيك وننادي بسمك
يا سيدي يابو علي شرفني من اخدمك
ناذر اسنيني الك واخدم وما ناسي
يا اصل كل العشك يللي رافع راسي
واحسينا واشهيد
يا غريبا يا وحيد
_____ 3 _____
بعالم الذر اكتبت هذا العهد يمامي
روحي الك فدوه كلت وانثرلك بهيامي
اتمنه اصيرلك صدر والخيل بيا تسحگ
واتمنه اصيرلك ثغر وبدال شفتك انطگ
لو اصيرلك هوا وافدي الك انفاسي
يا اصل كل العشك يللي رافع راسي
واحسينا واشهيد
يا غريبا يا وحيد

_____________ تمتے _____________
#كلمات_منتظر_المهدي

كربلاء رمز الفداء كربلاء طف الدماء
كربلاء كربلاء
1
يا كفيل العايله وساگي العيال
وبالخيم من العطش تصرخ اطفال
وبت اخوك حسين تصرخ لا محال
عمي يگصد للنهر يروينه


كربلاء رمز الفداء كربلاء طف الدماء
كربلاء كربلاء
2
للنهر رايح ابو الغيره الشهم
وبطريق المشرعه اعترضو زلم
صال بيها وزاحهم راعي العلم
ابو فاضل من گدر ليمينه


كربلاء رمز الفداء كربلاء طف الدماء
كربلاء كربلاء
3
زينب اتعاين لخوها وتنتظر
ظنت يردلها عباس الگمر
لاكن بعامود راسه منطبر
والاشرار بسهم صابو عينه


كربلاء رمز الفداء كربلاء طف الدماء
كربلاء كربلاء
4
من وگع عباس وگعت خيمته
والحسين ابمصرعه هل دمعته
تصرخ اطفال وتنادي عيلته
يا بو فاضل منهو اليرد بينه


كربلاء رمز الفداء كربلاء طف الدماء
كربلاء كربلاء

_______¤تمںتے¤__________
الشاعر :منتظر المہدیے۔

مسيرتنا حسينية على رغم الاعادي
للمذهب فدائيه نظل احنه ننادي
1
سائرين احنه ونظل ابهالدرب
اليمشي بيه لايحسب يمسه كرب
احنه سلم للذي سالم وحب
واحنه حرب للذي شاء الحرب

عقيدتنه ولائيه الكل عترة الهادي
للمذهب فدائيه نظل احنه ننادي
2
ثورتك يحسين في كل العصور
علمتنه بوجه كل ظالم نثور
وبالقيامه نفوز في يوم النشور
لان حققنه النصر والدم اجور

عزيمتنه اراديه بمفهوم اعتقادي
للمذهب فدائيه نظل احنه ننادي
3
نوگف بوجه الظلم واللي ظلم
ما ندنگ راسنه مثل الخدم
احنه عدنه وجودهم مثل العدم
درس متعلمينه من راعي العلم
عزتنه إبائيه منذل للمعادي
للمذهب فدائيه نظل احنه ننادي
_______¥__¥¥¥¥¥ تمت¥¥¥¥______

#منتظر المهدي

قصيده حسينيه

مستنده على نص من نصوص القران الكريم

في قصه نبي الله موسى عليه السلام واخيه

هارون عليه السلام

نسأل الله القبول ونسألكم الدعاء


********************



سنشدُ عضدكَ بأخيك

هكذا قال الكتاب

في خطاب الكليم

فأمني ام الحجاب



........................



نفس موسى حسين واكثر وانته هارون


ومو عجيبه ايه تنزل تحوي مضمون


من نزل جبريل بلغ سيد الكون


كله يزيد نفسه الطاغي فرعون


هكذا دار الخطاب


فأمني ام الحجاب


____________________________



بمعجزاته موسى الله انزل اية

وصار معجزة الحسين البيده راية

بيك طر بحر العساكر والرماية

وعبر بالاسلام لصوب الهداية

وعبرت كالشهاب

فأمني ام الحجاب



___________________________





انت بحر الغرك الرادو يتبعون

وسط موجك وعلى الساحل يدورون

يالي ذليت الكفر والي يحكمون

يالخسفت البيده چنك خسف قارون

واختفت تلك الرقاب

فأمني ام الحجاب




____________________________




النصبوا راس العجل تبعو سامريهم

صدكو ذيچ الخرافه من عافو نبيهم

ضل هارون حاير شيكدر عليهم

وانت سبعين الف كسرت اديهم

ذائداً تهوى الثواب

فأمني ام الحجاب




___________________________




الأخذ راسة لأخوه وبيده جره

عاتبه اعله الجره وجفونه حمره

حسين وياك اشعمل ضمك لصدره

وقبلك من هامتك وايده اعله ضهره

لك موسى في انتحاب

فأمني ام الحجاب




____________________________


حيدر جواد الخزعلي

كلبي لاچمني يكافل هل مسيه


لن شفت بالطيف چن ماتت رقيه


ماتت بالخرابه وتون لمصابه


لن شفت بالطيف چن ماتت رقيه




********************




يا إلٰه الناس فزيت وقريت


ناشغت مرعوبة أركض من صحيت


عاينتهن وحده وحده وانحنيت


بوستهن وانه أنشر واندعيت


ياالهي العالي


أَرحم انت بحالي


بسمك انه اتعوذ وترتجف إيديه


لن شفت بالطيف چن ماتت رقيه




------------------




رجف گلبي وچني سعفه ياكمر


ويم صدرهه اذني نزلت والنظر


استمع ينبض گلبهه چن بحر


روحي طارت من فرحه بهالخبر


چنهه توهه نولدت


ومن جديد اتسمت


واسجدت للباري من شفت ترجيه


لن شفت بالطيف چن ماتت رقيه





-------------------






ليله مرة كربله وليلچ كئيب



بس عجيبه بالحلم راس الغريب


فوگه ماتت طفله تصرخ يالحبيب


واركضت صوب الحسين بهالنحيب


تعثرت من شفتك


وبالحلم خبرتك


بالصبر اتصبر وضنوني تنهش بيه


لن شفت بالطيف چن ماتت رقيه






----------------





ياكمر عندك خبر يابن علي


فزز اجروحي الحلم الحك الي


چن سبوني بليله ضلمه بلا ولي


ضاك خلكك ادري خويه بهالحچي


لا تسولف سكته


والحزن شايفته


والليالي تنطر زينبك مسبية


لن شفت بالطيف چن ماتت رقيه




------------------





لايتعبك منامي خويه فسرت الحلم


راح أرد بلايه والي ولا زلم


بس عليل البينه يحدي بلا علم


والله ادري دمعي يجرح ياشهم


والعمر ماريده


لو سطرني بايده


والدهر مايرحم وكلهه تنظر ليه


لن شفت بالطيف چن ماتت رقيه







أسألكم الدعاء
اخوكم : حيدر جواد الخزعلي

قصيده الى سيدي الامام القاسم ابن الامام الحسن عليهم سلام الله وبركاته







بثوب الحسن وعمامته


جاسم امه زفته


زفت ابنهه واحمر جفنهه


جاسم امه زفته




************************
************************




بحسرتي ياضنوتي ماردتك اتروح



انت الذخر من دنيتي يامهجة الروح



ردتك تلمني بكبرتي لو حملي مطروح



تالي عفتني لدمعتي وگالولي مذبوح



ومذبوحه لنهه



الدمعه بجفنهه



بدمعتهه كتبت قصته



جاسم أمه زفته






**************************






الفواطم يوم عرسك لطمن و يتصارخن



شمرن صواني الياس ولا هلهلن



وبدمع عين حسين اشموعك طفن



والحنه دم خضاب يانجل الحسن



يال ما تحنه



فكدك شدهنه



وبحرگه زينب نادته



جاسم أمه زفته







*************************







اذكر يايمه من چنت ابحجري اتنام



وتنظر عيونك للسمه وتسأل يجسام



تسألني شنهو كربله وتسولف احلام



وتگلي عرسي بالسمه والملك خدام



والسمه چنهه



ابني الفتنهه



والحور كلهه تمنته



جاسم أمه زفته








*************************








مجبوره عنك لو مشت رمله بالاحزان



عگبك فلا يغفه الجفن يالمالك اخوان



اخذوهه امك للسبي والسطره نيشان



وگادوهه بعدك بالحبل واليحدي عدوان



والسوط بمتنهه



وتنادي يبنهه



والموت بعدك رادته



جاسم أمه زفته








**************************








يالراسك ابوسط الرمح ويگطر ادموم



دلالي ذابت شحمته وضل حيلي مهدوم



هل تشتكيلك دمعتي بس عقلي مصدوم



زين الشباب ابطلعته امگطع اليوم



ويالغالي لنهه



فارغ حضنهه



وياكُبر حزن الربته



جاسم امه زفته














أسألكم الدعاء
اخوكم حيدر جواد الخزعلي

مدد مدد يافاطمة   مدد مدد يافاطمة
....................

عينيني  يزهره اعله الطم والحركه والونه
رايد الله يقسملي بعزائج ضلعي اكسرنه
عهد مني مصابج ما اعوفه وابتعد عنه
بيت احزان اريدنه اعله كدي بگلبي اشيلنه

يازهراء ارزقيني
اضيع خنصر ايميني
واعمي من البجي عيني
والطم صدري لحسيني

مدد مدد يافاطمه     مدد مدد يافاطمه
......................

بابج يندفع يم الحسن صعبه ويحركونه
والاصعب عليّ من اسمع بخدج يصفعونه
شذنبج والمتن ازرك صبح من اليضربونه
والمحسن يزهره قررو لازم يذبحونه

من عندج على الغبره
طاح وماسلم عمره
ضل الينسحن صدره
بخيول العده العشره

مدد مدد يافاطمه    مدد مدد يافاطمه
......................

يالصحتي اعله فضه وكلمتج يافضه اسنديني
ماشوف الدرب دم الجفن صار بوسط عيني
الحكيلي يفضه من الالم للحجره وديني
عصرتهم منيه وطفو بعيني ضوه اسنيني

ما احمل بعد اكثر
مكسوره ولا اكدر
گلبي بحزنه يتفطر
اريد الموتي اتحضر

مدد مدد يافاطمه     مدد مدد يافاطمه
......................

ودعتي الاهل يافاطمه وحيل انكسر بعلج
حيدر ضل يصب ماي النواضر مو دمع لجلج
صرتي جنازه بس عالمرتضه كلش صعب حَملج
لو شالج يحير بمشيته وللحفره شينزلج

اليدفن بيده ام بيته
يعني وياهه عافيته
يوكر شيبه بلحيته
انتي الحيدر امنيته

مدد مدد يافاطمه    مدد مدد يافاطمه
.....................

من بعد الدفن رد حيدره وجسمه بلا روحه
ماخطرت على باله زهرته بحفره مطروحه
طب بيته ولكه زينب عليج هوايه مجروحه
وعيالج يزهره تعذبو والدمعه مسفوحه

ضلت زينب بحسره
وحيدر منكسر ضهره
وحسين وحسن عبره
وسط اصدورهم جمره

مدد مدد يافاطمه      مدد مدد يافاطمه



محمد هادي العقابي