((خطاب مولاتي الزهراء مع ام عبد الله الرضيع عليهم السلام))
******************
ابني مات بعصرة الباب
وابنج بسهم العطش لاب
انه باب وجف ذبح اكبر مناي
وانتي گلتي الطف كسر گلبي وكفاي
*********************
گلبي من شافج جمع عذابي
فتح اول صفحه من مصابي
ورجع بابي اعله الگلب مو عالضلع
من شفت عبد الله دم يجري الدمع

عطش بس نهر ما بحضانه ماي
وانتي گلتي الطف كسر گلبي وگفاي

النهر كل گطراته نشاب
*******************
وهيج اول جرح جر دموعي
وتالي بيه تشابكن ضلوعي
رجع بيه مصابج الفگد الحبيب
ابني فوگ العتبه من دمه خضيب

جذع ذاك الباب ما خلالي راي
وانتي گلتي الطف كسر گلبي وگفاي

والگلب ما يهوه الغياب
******************
الحزن من كل كتر يلالي
گلبج وگلبي فگد غوالي
انتي  حزنج عبر فوگ الست شهور
الزمن يفتح جروحج من يدور

ابنج تفگدينه كل ما شفتي ماي
وانتي گلتي الطف ذبح گلبي ومناي

وللمناغا ما اكو جواب
ابنج بسهم العطش لاب
******************
حضنج وحضني فرغ وجوده
اليشمه الموت مايعوده
بحر هاج وماعرف شنهي بتلع
طفل بالاعتاب مو بمه نجمع

وطفل جره العطش من حضن الفياي
انتي گلتي الطف كسر گلبي وگفاي

اتفارگينه وهاي الاسباب
**************************
✍️احمد الخفاجي

حبك اختياري.. خدمتك قراري
اطفي بالمجالس. شمعت انتضاري
…..
خادم وعمري خلص كله ابمجالس
حبك ابگلبي اشكبر يحسيني حابس
لقبولي مره جون ومره عابس
انه ماعندي گبل بالدنيا واهس

بسمك ارتياحي..بليلي وصباحي
خادم واشيلن ..شمعت انتضاري
…..
من اموت واندفن وسط المگابر
وانحرم من مجلسك ومن المنابر
بالگبر وبصوتي انادي انه شاعر
خادم حسين وترس تارس دفاتر

اعترف هويته.. حسيني مانسيته
بالعمر احسه.. شمعت انتضاري
……
الماهوه حسين وخلصله بكل كيانه
شنهو نفع الدنيا وشينفع زمانه
هاك اخذ مني عهد صك الامانه
ابغير حبك گلبي ماريده ابمكانه

حبك الوسيله.. خدمتك جليله
صايره حياتي.. شمعت انتضاري
……
اخذ من عندي عهد ابهاي القظيه
ماا عوفك سيدي الحد المنيه
انه خادم واعترف هاي الهويه
عمري كله ايروح فدوه لزچيه

سلوتي ابحياتي.. خدمتي ونجاتي
ساكنه ابكياني. .شمعت انتضاري
……
بالمجالس سري مشمور ولگيته
انه احب حسين يالعالم هويته
مجلس الزهراء هوه الگلبي بيته
ينتعش گلبي لون ادخل ثنيته

سري والعقيده.. ابمجلسك اريده
واعتني واللاگي.. شمعت انتضاري
….
علي الحاج الصبيحاوي

بسم الله الرحمن الرحيم

يازهــــــرة حنــاني بعــدچ شرد اتاني
بدمعاتچ ســــوالف وانــي اريد اتسولفيهه
*
ساعة اوداعـــــچ عمـــر من احسبتهه
اتساوي كـل ايامي وسنيني العــشتـهه
صدّﮔـي الفـــرحه بـــوداعچ ودعـتهه
ولافتت حـــزني اعـــله بابچ علـﮔـتهه
مكــــتوبه ابدمعتي عــــــني لو رحلتي
قصة نوحـي تبدي وانــي اريد اتسولفيهه
*





يُـــــمه وصــــيــني إذا عـــندچ وصيه
أدري مــــن عندچ ﮔـرب وكت المـنيه
ابعينـــچ اقـره يُـــمه چلمت غاضـريه
وادري روحچ خـــايفه منـهه عــليّه
خل يحچــيهه دمعچ وانه انحـب واسمعچ
صعبه وبيهه ادري وانـــي اريد اتسولفيهه
*
زهره وانفاسچ حزن وتذوب الروح
يُمه ضلعچ منـكسر وابـﮔــلبچ جـروح
وموغريبه چلمتچ من تــــطلع ابــنوح
بس غريبه الصدى يرجع آ يمـــذبوح
واســــــمع آ يعباس چــلمه ابين الانفاس
تجرح ﮔلـــــــبي يُمه وانــي اريد اتسولفيهه
*


يُمه ضلعچ صابني من شفـــته مـكسور
چم ضلع مـــــــثله اشوف بيوم عـاشور
من ترض صدر الحُسين الخـــــيل ودور
امـﮔطع الأوداج واصـــــبع چــفه مبتور
وتلهب بالخـــيم نار واذكـــــر عملت الدار
مـــوهينه المصيبه وانــي اريد اتسولفيهه
*
ياحياتي وجنــــتي ويانـــــــور عيناي
يُمه هاچ اسنين عـــمري وظلي وياي
وحشه من دونچ ييُمه وظلــمه دنـياي
شلون اشوف امچـانچ الخالي يرجواي
آ ياشــــمعة البيت تـــبقــــيلي تـــمنيت
وتـــﮔــليلي صُبري وانــي اريد اتسولفيهه
*

تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم
اللهُمَّ صلِّ على محمدٍوالِ محمدوعَجل فرجهم

حيدركريم جارالله الكربلائي

الفاتحة إلى امواتي وبالخصوص والدتي

منهاج الليالي الفاطمية الأولى

عدوان إلچ ضلعين كسروا سويه
وزينب تون وتصيح وين الزچيه
..............................................................................................

وين الزچيه تصيح رادت حنــانچ
مهضومه من تشوف فارغ مكانچ
تبقه يتيمه شلون غادر زمانچ
أصعب مسيه تصير هاي المسيه
..............................................................................................

تنشد أبوهه بنوح وين أمي راحت
بسمچ سمعهه وناح يالزهره صاحت
دمعتهه من العين چن جمره طاحت
وشبيده هذا اليوم حامي الحميه
..............................................................................................
مكسور الچ ضلعين هاي المصيبه
زينب عگب عيناچ تبقه غريبه
تنحب تگول الراح مني شيجيبه
أمر الله يم حسين هاي الرزيه
..............................................................................................

للحسن مره تروح مره للحسين
گلولي يالخوان أمي مشت وين
طفله ويتيمه تصير والدمعه بالعين
زينب هضمهه البين هالهاشميه
..............................................................................................
كلما تصد للباب تتذكر امصاب
منچ كسر ضلعين من دفعوا الباب
والمحسن إلي طاح مدمي عالأعتاب
صار الدمع والنوح عدهه سجيه
..............................................................................................

يا يمه من تصيح يرجع صده الصوت
معقوله هيچ بساع يفجعني هالموت
تتمنى كون اوياچ يجمعهه تابوت
لاچن وصل للروح سهم المنيه
..............................................................................................

من بعد هالأحزان تبدي المصايب
وتودع الكرار وبگلب ذايب
تشوف الحسن مسموم واعله الترايب
تنظر أخوهه حسين بالغاضريه
..............................................................................................

آخ شكثر غدار يا دهر الالام
أم الصبر شتشوف من تالي الأيام
يالزهره راح تشوف عام أقسى من عام
والأصعب اعله الروح تطلع سبيه
..............................................................................................

يم الحسن وحسين معذوره زينب
لمن عليچ تنوح والمهجه تلهب
زينب فلا ترتاح وتشوف الأصعب
ونتهه هذا اليوم ونه خفيه
..............................................................................................

خادم الإمام الحسين عليه السلام
عمار هليل الواسطي
ربيع الثاني /١٤٤١ هجرية

منهاج الليالي الفاطمية الأولى

زينب .. من بعدچ يتيمه
زينب .. هاي أول هضيمه
چم حسره ..
يالزهره ... چم فاجعه تشوف
...............................................................
يجي الليل شيظل حيل إذا تبدي المصيبه
مصابچ غيابچ يهد حيل الحبيبه
بده بنوح بالجروح غرب هاي الغريبه
سفر موت تروحين واليروح شيجيبه
وتعيش .. وحشة بيت الأحزان
وتعيش ..بس دمعتهه عنوان
بالعبره ..
يالزهره ... چم فاجعه تشوف
...............................................................
تناديچ تحاچيج إذا يسكت ونينچ
تموتين تعوفين يتيمه تصيح وينچ
عالمصاب والأسباب يزهره الله اليعينج
علي صاح الحمل طاح بدمعنه امودعينچ
حيدر .. هذا القالع الباب
حيدر .. هدّم حيله المصاب
هالنظره ..
يالزهره ... چم فاجعه تشوف
...............................................................
بالعيون والگلوب بونين الذكرى صاحت
السفر وين دمه العين بچت والدمعه طاحت
والآيتام بالالام عليچ بحسره ناحت
هالأيام تره سهام بدليل الحره لاحت
شتشوف .. من يذبل وردهه
شتشوف .. چم محنه بعدهه
والعتره ..
يالزهره ... چم فاجعه تشوف
...............................................................
تجي اليوم بالهموم تگول اني شجرالي
العمر ضاع والوداع بده بسود الليالي
تظلين ؟ ترجعين ؟ مكانچ يُمه خالي
بالإحساس بالانفاس وتظلين اعله بالي
وينچ .. گلبي هوايه مشتاگ
وينج .. ما أتحمل إفراگ
تظل ذكرى ..
يالزهره ... چم فاجعه تشوف
...............................................................
مماتچ وحياتچ فجع گلب العقيله
جفنهه بحزنهه بعد ما غمض ليله
بدمع سال والآمال تموت بلا وسيله
وگلب ذاب بالمصاب حزن ماكو مثيله
تصبر .. بس الصبر لي وين
تصبر .. بنتچ يم الحسين
شمنتظره ..
يالزهره ... چم فاجعه تشوف
...............................................................
زغيره بعمرهه چبيره بالمصايب
ولا مَل صبرهه بزمن كله عجايب
علي يروح والجروح تزيد بگلب ذايب
والاصعب اعله زينب حسين اعله الترايب
تنظر .. چبد الحسن لو ذاب
تنظر .. حسين الظل عالتراب
والكبرى ..
يالزهره ... چم فاجعه تشوف
...............................................................
تذكرچ تنطرچ إذا راحت سبيه
غريبه بمصيبه حزنهه بكل مسيه
يتيمه وغريبه بأثر أول رزيه
وحيده بهضمهه تودعچ يالزچيه
حسرات .. ظل ينبض گلبهه
حسرات .. والشام بدربهه
متيسره ..
يالزهره ... چم فاجعه تشوف
...............................................................

خادم مولاتي الزهراء عليها السلام
عمار هليل الواسطي
ربيع الثاني /١٤٤١هجري

هالليله اخبرج .. بالطف احضرج
يازينب وداعت علي
بالطف احضرج

**********
دمعتج .. لا تهل .. انت روح امج وابوج وغالي دمعج
كل وكت .. احظرج .. گولي اسمي ولو تحت گبري اسمعج

راح امشي لا تبـجين ياذيني صــوتج
ومن ارحل اتصــيرين ام لـ أخـــوتج

كل مغربيه .. أنجمعوا سويه
يازينب وداعت علي
بالطف احضرج
********



راحله .. هاالمسه .. ونلتقي بالطف ييمه قرب الخيام
اصبري ..وصابري ..خطوه خطوه وياج اضل ابسچت الشام

اتوادع اني ويـــاج ياريحـــت الهيل
تلگيني يم حسين لو سحگته الخيل

من الخيل اضمه .. وبنحره اشمه
يازينب وداعت علي
بالطف احضرج
***************
تحترگ .. خيمتج .. ولا اخو اليمج عدل والمن تحشميــن
ينگطع .. منحره .. گبال عينج ينذبح يازينب حسين

بالعاشــر اتعــناج لو چلچل الليل
وندور اني ويــاچ بيـن المچاتيل

ننصب عزه حسين .. ندور وگع وين
يازينب وداعت علي
بالطف احضرج
*********




تطمني .. لا حزن .. الله يخلقلج كفيل أيرخص الانفاس
رايته .. ابيمنـته .. هيج خبرني علي وگلي اسمه عباس

امنيتــــي چانت كون العباس اشوفه
من جـــوده اشرب ماي والزم چفــوفه

يوفي ابوعوده .. ما انسه جوده
يازينب وداعت علي
بالطف احضرج

**********

اوصِيّتي .. ابدمعتي .. وهايه تجرحني اذا ردت احجي بيها
بكربلا .. طفله اكو .. ارقيه اسمها وبالحبل تنشد اديها

توجعــها يمه هـواي چَويــات الجـــدام
بِعديها حين الجيش يحـــرگها الخيام
عندج امانه .. وصيتج انه
يازينب وداعت علي
بالطف احضرج
***********-

تحملي .. للهظم .. ولو مشيتي ويالغرب وهمومج اثگال
بالدرب .. عايني .. ايدي وي ايدج سوه لو شدو احبال


مو زينـــب اتصـــيرين وأسمچ ( سِبيه )
بــس اني دوم وياچ وايـــــدج بِـــ اديه

مجتوفه مثلج .. و يايمه أگلج
يازينب وداعت علي
بالطف احضرج
***********-




خالد عبد السادة البديري

وردة  محمد هيه بس هالوحده
هجمو  عليهه  وذبلوهه  الورده
غمضت اعيون  المختار
وما سلم  دار الكرار
.....................

زهرة محمد والاسم   الله بعظمته اختاره
وسواهه رحمه اعله البشر    وحط بيهه كل اسراره
ونزلت السوره من السمه   للهادي احله ابشاره
انطيناك كوثر يستمد    هالكون منهه انواره

للزهره والطاهه وعلي واولاده
ربنا  خلق هالكون لجل الساده
البيهم تشع الانوار
وماسلم دار الكرار
.....................

دار الوحي البيهه يحط    جبريل جان ارحاله
مهيوب  محد يوصله        ولاواحد اليدناله
غمضت عيون المصطفى   وتغيرت هالحاله
الباب اليدكهه بيمنته     بيهه اللهب يتعاله

اشتعلت النار اباب بنته الزهره
لاذت وراهه وجملوهه بعصره
مو صحبه  لا ذوله اشرار
وماسلم دار الكرار
.....................

باب الستر والمغفره   بحقادهم مدفوعه
كسرو ضلع لم الحسن  وطكت الضلع مسموعه
بسمارهم مثل الرمح    واثار اله مطبوعه 
صاحت يفضه من الالم   والجفن صب ادموعه

بغضاً بحيدر مارعوهه البضعه
وخلوهه طول الزمن تهمل دمعه
هيج الوكت بيهه اندار
وماسلم دار الكرار
.....................

تحسبله جانت كل وكت   تتمنه شوفت عينه
المحسن جنين وماسلم    فوك الثره مطيحينه
 ماشافت اعيونه الضوه    ولا كملاهه اسنينه
حرموهه فرحت هالولد    ولا مسحت اعله اجبينه

تتمنه يومه وساعته المبروكه
امه وتناغيله بوسط كاروكه
كل التريده ولا صار
وماسلم دار الكرار
.....................

مهضومه ماتت  فاطمه   والعين صارت حمره
وحيدر يعاين عالاثر    هد حيله يوم الزهره
جرح المنيه وهل جرح   مالايك اعله الحره
تمنه الدفن مو بالكبر    يدفنهه كون بصدره

ام بيته راحت وانطفت شمعتهه
وضل ابغرب وينوح لمصيبتهه
گلب الوصي ضل محتار
وماسلم دار الكرار




#محمد هادي العقابي

#جديد_نسئلكم_الدعاء

بهاي المجالس... نزعوا المحابس.. يالتخدمون
لا تبقى جالس... كلكم عوابس... من تلطمون

******

احنه نتكابل سوه ونطلم سويه
حتى نرفع راسنه كبال الزجيه
وندعي لاجل المجلس بكل مغربيه
ربي لا تحرمنه من طاري العزيه

ونطلم عالصدر حيل... ونظل لاخر الليل

فوك الظلوع... تعثر ادموع... يالتونون
لا تبقى جالس... كلكم عوابس... من تلطمون

*******

يالخدم كلــكم تعرفون الكرامــات
حسين يستاهل الروح وموش دمعات
يــلـــه خــــلونه نكـــثر بالصـــلوات
حتى خيمتنه تظل هــاي الــعزاوات

يلا خل نصرخ رقيه... حتى تحظرنه الزجيه

انتبه يخادم ...  اصبح مسالم ... لليسألون
لا تبقى جالس ... كلكم عوابس ... من تلطمون

*******

لا تقصر بالدمع وثيابك اتلـــوك
ترى زينب تنتظر وتوزع احكوك
طيح مثل الطفله من مالت النوك
موت من تسمع الحره طبت السوك

خل دمعك يحير... اليا مجمر يصير

اكبر علامات... فوك العبارات... لازم تصيرون
لا تبقى جالس... كلكم عوابس... من تلطمون

********

عيش طفك وحدك واعلن نياح
ولا تخلي الدمعه منك تستباح
اليسئل عليمن دمعنه والصياح
الدنيا ما تسوه بعد عباس طاح!!

عكال وطاح عالكاع... شيلوكَ عليه الوداع

كل العوالم.... لاجل الهواشم... فدوه يرحون
لا تبقى جالس.... كلكم عوابس.. من تلطمون

*********

خلي يخجل منك الصاير عدو
وخل يكلك غصبن عليه وكفو
وصير للماعنده اخو انت اخو
حسين ابونه والنعم من هالابو

بكل هاي الايام... كل مجلس احرام

مو بس حجيج.... دمعة وضجيج... تعمه العيون
لا تبقى جالس.... كلكم عوابس.... من تلطمون

*********

النصائح كثره والدمعه عظيمه
لا تلوثها بحجي. الفطره السليمه
القضيه اتوارثت والله حريمه
نفكر بحجي الذي ما اله قيمه


لا يهمك حجي قط... فكر بروحك فقط


حسينك جروحه... لازم تنوحه... وتهدل المتون
لا تبقى جالس... كلكم عوابس.... من تلمطون

*********


سيد احمد الميالي

قصائد استشهاد الزهراء(ع)

( شور )

************************


 اطب للدار             والكه الدار 

امي الزهره مابيها 

************************

اونن حيل               اجاني الليل 

واشوفن خالي امجانج


اصيح بصوت           ريت الموت 

خذني يمه بدالج 


يم حسين                 رحتي وين

الله اليعلم بحالج 


لاترحين                     يم حسين 

يتامه نصير بغيابج


بنيتج هاي               تبجي هواي

تره الدمعه تاذيها

************************ 

شكد ونيت                انه تمنيت

اشوفج كاعده أكبالي 


وسفه الصار               بهاي الدار

مجانك هالبقه خالي 


تره الانسان              يزيد احزان

اذا ودعله غالي


 شلون انساج         يضل طرواج

ييمه دوم يبرالي 


موكل يوم                 ذكرج دوم

ببنيتج يمر بيها 

************************


الامه تموت          يصيح بصوت

يضل مصاحب الونه 


بعد هيهات                 يرد المات 

يكطع خله الضنه


لكبرها يروح             يون وينوح

لكبرها والله يتعنى 


لكبرها امشيت           انه اتعنيت

يم ام المحنه


يمه شلون                ايامي تهون 

ايامي شلون اكضيها

************************

بدونج هاي                 تره دنياي

ييمه الدنيه ماتسوه 


الويل الويل                اونن حيل

اجرن بالنفس كوه


مشيتي بعيد          الكلب ميهيد

يالجنتي ألي سلوه


ييمه شلون             العشره تهون

غيرج كلشي مااهوى 


يم حسين                 لتروحين

بنتج لا تخليها 


************************

الشاعر        عماد محمد الدراجي

 الخميس            2019/12/5

قصائد استشهاد الزهراء (ع)

نزله (لحن لؤي البغدادي هاي الوصيه للمرجعيه)

******************************

هاي الوصيه                       من الزجيه

احميلي هالايتام                  هاي الوصيه

******************************

ياعلي أسمع وصيتي واستمع مني شكول 

كبل لاتكرب منيتي وسفرتي كلش تطول 

دلل اولادي بغيابي ياعلي حسب الاصول

ذوله مو اولاد احد ذوله اولاد البتول 

وانصب عزيه                   هاي الوصيه 

واحميلي هالايتام                هاي الوصيه  

******************************

وصيتي ياحيدر بزينب وهي ماتحمل هظم 

تكول يايمه بعدني زغيره مومالت يتم 

جانت تنام اعلى صدري وهالعطر بيه تشم 

ياعلي بغيبتي زينب مايمسها كل ظلم 

بنتي الأبيه                      هاي الوصيه 

متمسها ظلام                    هاي الوصيه

******************************

وبعد ياحيدر وصيتي ارد اخبرك بالحسن 

ابني هذا ومااريدن بغيبتي يشوف المحن 

ياعلي لتذكره ابني والله بايامي المضن 

لاتخليه بحسرته يبجي وينادي ويون 

يبجي عليه                       هاي الوصيه 

ماريده ينظام                     هاي الوصيه 

******************************

أدنه ياابوحسين ليه هالوصيه اسمعها زين 

بكلشي وصيتك يحيدر والاهم عندي الحسين 

أعز اولادي يحيدر و هو امام المتقين 

انه امنتك امانه وانته امير المؤمنين 

نفذها اليه                        هاي الوصيه 

وبحضنك ينام                   هاي الوصيه

******************************
ياعلي اخر وصيه واستمع مني الجواب 

كومك الاذوني كلهم ياعلي داحي الباب 

مايحضرون الجنازه ومايحضرون المصاب 

تدري لوحظروا يحيدر يزيدني هم وعذاب 

وكت العزيه                     هاي الوصيه 

ماتحظر الظلام                  هاي الوصيه 

******************************

الشاعر           عماد محمد الدراجي 

الاحد                   2016/1/31

   

قصائد محرم الحرام 2018
قصيده رئيسيه
(لهلال شهر محرم الحرام )
******************
بكلبي حسرات وقهر من يمر بيه الشهر
انه زينب انه زينب

جني اشم ريحة حزن أيامه جنهن كربن
انه زينب انه زينب
******************
شلون انام الليل كلبي بيش اصبره
شلون انام وكلبي كل لحظه تعصره
ذكريات الطف تراهن خلي بكلبي الحسره
بجيته هواي مواقف صعبه كلها وخطره
لاتجي يهلال الحزن
عمري خلصته اون
انه زينب انه زينب

بكلبي ضلت حسرتك
خبر ماكو بجيتك
انه زينب انه زينب
******************
من اذكرك ياشهر ويمر بيه هالاسم
الذكريات كبالي تكثر تذكرت حرك الخيم
أتذكر سكينه ورقية وعبدالله الصابه السهم
وأذكر حسين وكفيلي عباس شيال العلم
راحوا اهلي وناسي
وأنه شيب راسي
انه زينب انه زينب

بجيتك تدري ياشهـــر
خذت احباب العمر
انه زينب انه زينب
******************
اشرب الماي واغصن من يمر طاري هالشهر
معناها عباس الكفيل طاح مرمي عالنهر
بطيحته الخوه انتهت انتهت عشره هالعمر
معناها أبقه بلاكفيل واستعد والله لليسر

موقفي كلش صعب
ابد ميحمله الكلب
انه زينب انه زينب

ماكو فرحه بهالشهر
عشت أيامه بقهر
انه زينب انه زينب
******************
لاهله بجيتك اكولن والله اكولن لاهله
ياشهر بهلالك انته تذكرني والله بكربله
بيها فكديت الحسين وعباس راعي المرجله
أحلام عمري اتفرهدت من سبوها العايله
صعبه صعبه حالتي
وكلفه والله شدتي
انه زينب انه زينب

لا تجيني ولاتهل
بجيتك ماضلي أملي
انه زينب انه زينب
******************
قصد والله بجيتك والله عندك غايه
خليتني انه وهلي للشام نمشي اسبايه
وأنه تربات الهواشم اجدامي تالي مجوايه
الله يستر ياشهر صعبه جيتك هايه
جيتني وجبت الدمع
خليت كلبي منفجع
انه زينب انه زينب

خليت كلبي محتار
بحالي ماتدري شصار
انه زينب انه زينب
******************
الشاعر عماد الدراجي
الأربعاء 8/8/2018

قصائد محرم الحرام 2018
فزاعيـــــه
(لهلال شهر محرم الحرام )

""""""""""""""""""''''"""""""""""""""""""""""""""""""""
إليه اعتاب انه وياك
ياشهر الحزن والنوح

""""""""""""""""""''''"""""""""""""""""""""""""""""""""
علي ياريت لاهليت
بجيتك تدري أتاذيت
لاخوان الي خليت
ونيت بحزن ونيت
اويايه ون حمام الدوح

""""""""""""""""""''''"""""""""""""""""""""""""""""""""
هلالك ريته ماجاني
بجيتك زاد احزاني
ماتوا وسفه خواني
وصار الحزن عنواني
ماتحمل صبر هالروح

""""""""""""""""""''''"""""""""""""""""""""""""""""""""
لوعات وحزن ومصاب
ودمعي بكل وكت سجاب
كلبي من الحزن هالشاب
إليه وياك انه اعتاب
تجيني بكل سنة وتروح

""""""""""""""""""''''"""""""""""""""""""""""""""""""""
ياذنب الجنيته وياك
اضوجن من يمر طرواك
ماأكدر ابد أنساك
ماترجع ابد ردناك
ودمعي بكل وكت مسفوح

""""""""""""""""""''''"""""""""""""""""""""""""""""""""
بجال حسين والعباس
بيهم أرفع انه الراس
ماشافت خيالي الناس
وخدري صار اله مقياس
بفكدهم كلبي ضل مجروح

""""""""""""""""""''''"""""""""""""""""""""""""""""""""
خذت مني أعز اثنين
وين تريد بيهم وين
خذاهم مني وسفه البين
عباس الكمر وحسين
شفته على الترب مطروح

""""""""""""""""""''''"""""""""""""""""""""""""""""""""
الشاعر عماد الدراجي
الأحد 13/8/2017

قصائد محرم الحرام 2018
فزاعيـــــه (للخدمه الحسينيه )
"""""""""""""""""""""""""""""""""""""""""""""""""""""
صدك يحسين خدامك يسمونه
"""""""""""""""""""""""""""""""""""""""""""""""""""""
صدك سمونه شيعه احنه وموالين
نضل للموت ماننساك يحسين
نضل للموت احنه بدربه ماشين
عهد للموت منعوفه احنه باقين
مانخلف عهد والله يدرونه
"""""""""""""""""""""""""""""""""""""""""""""""""""""
صدك خدام سمونه احنه عندك
نضل للموت والله احنه نحبك
نضل للموت بس انته نودك
يضل خسران والله العاف دربك
لودربك جمر يحسين يمشونه
"""""""""""""""""""""""""""""""""""""""""""""""""""""
اليخدمله شخص كل عمره ينهان
حسين الي يخدمه يعيش سلطان
مهيوب بوجوده وعالي الشان
يضل مرفوع راسه وين ماكان
يضل مرفوع راسه والوادم يمدحونه
"""""""""""""""""""""""""""""""""""""""""""""""""""""
صرت خادم الك والناس يدروني
صرت خادم الك هالناس سموني
أتحدى الي يضدك والي عادوني
مجنون بمحبتك رايح أعلن اجنوني
محبوب الحسين وصرت مجنونه
"""""""""""""""""""""""""""""""""""""""""""""""""""""
صدك خدام عدنه بخدمتك واهس
بلهفه وشوك نحضرها المجالس
خله براحته اليحجي ويعاكس
انجنينه بمحبتك مثل عابس
ماعيشن حياتي والله من دونه
"""""""""""""""""""""""""""""""""""""""""""""""""""""

الشاعر عماد الدراجي
السبت 14/7/2018

لسانُ حال أمير المؤمنين عليه السلام وهو يُلحدُ الزهراء عليها السلام

يَحنو على رأسِ البتولِ بلَحدِها
منهُ الدموعُ بوَجْنَتَيها تَجري

نادى أيا أُنسَ الوجودِ تمهَّلي
أَوَما رَأَفْتِ بحيدرٍ في الهجرِ

أمسى وحيداً هائماً في غُربَةٍ
يا هَمْسَ ليلي يا طلوعَ الفجرِ

ليتَ الضريحَ يضُمُّنا في روضهِ
فغَدتْ حنايا الدارِ دونكِ قبري

أَأَنامُ هَيماناً بِدارٍ مُقْفَرٍ
والرّوحُ باتتْ في ضُلوعِكِ تَسري

قد قلَّ عنكِ تَجلُّدي وتصَبُّري
حُزني طويلٌ سرمَديُّ الدّهرِ

فأَلِحَّها يا أحمدٌ سُؤْلاً فقدْ
وفَدَتْ إليكَ وحُزنُها في الصّدرِ

إنْ أخْفَتِ الأرزاءَ فانْظُرْ عينَها
وَثَرى الجدارِ بثوبِها ذا، يَذري

وانْظُرْ دموعاً في العيونِ فإنّها
تُنبي بما تحتَ الرِّدا من جَورِ

الدكتور محمد دغلي
١٨ ربيع الثاني ١٤٤١
١٥ كانون أول ٢٠١٩

يحسين اجيت وحايبتها سنيني
يحسين مشلوله احس رجليني
اتعثر وما ائدري
بيا كتر واكع عمري
يحسين اجيت وجايبتها سنيني
----------
اوصلك انه شلون طحت بحيره
وضعي صعب مو بالسهل تعبيره
اتلفت وشحت زلمها الغيره
وحيرانه وجهي بيا كتر لوديره
وضلينه بس النسوان
ويانه تحدي العدوان
تسمع يريت بهضمتي وونيني
يحسين اجيت وجايبتها سنيني
--------------
لا عشت كوني وروحي المن ضلت
وجثتك على التربان خويه نشمرت
ارد اوصلك روحك اخافن طلعت
مرعوبه اوصل روحي نار وشبت
النفس ينبض كوه
ومن خوفتي اتلوه
لحظات اضن مابينك ومابيني
يحسين اجيت وحايبتها اسنيني
--------
هل الدمع وتعثر انه بممشاي
مادري عايش لو فكدت انه الراي
ازحف زحف جيت وجبت هذ الماي
تلگاني يا ضنوه علي يارجواي
كونك عدل اكعدلي
العمر دونك شلي
ارويك ياعطشان مي من عيني
يحسين جيت وجايبتها سنيني
-------
جبت العمر بچفوفي يا ضي العين
اشخيره عمري لو فگدتك يحسين
انحب اضل طول العمركله اونين
يحير زماني الليله حالي بامرين
اوصل گمر لو لحسين
ششويت بيه يالبين
ولله وگدرت باخوتي تلويني
يحسين اجيت وجايبتها اسنيني
--------------
شطوله الطريق ودربي صار شكبره
كل خطوه اتعثر واطيح اب عثره
بين االجثث اركض وصيح بعبره
مهظومه زينب يمه وينج زهره
يايمه شوفي الاحوال
ممدوده كلها الابطال
ونار الخيم اركض جمر يچويني
يحسين اجيت وجايبتها سنيني
-------------
امل فلوحي الموسوي

عمه زينب& عمه ياعمه اعله هونچ لاتركضين
عمه زينب& نار مشتعله يعمه هل تشوفين
نار شبت بالخيم… لا يجي منهم سهم
عمه ياعمه اعله هونچ لاتركضين
---------------------
عمه زينب& خايفه من الشمر يتگرب النه
عمه زينب& عمه حظنيني نرد عمه الوطنه
عمه زينب& شو ولا واحد بقه عمه منهلنه
عمه زينب& ليش هاي سياطهم تضرب متنه
عمه غمضيلي الجفن
بحلم خليني اضن
ما اريدن انضرب ياعمه عل العين
عمه ياعمه اعله هونچ لاتركضين
------------------
عمه زينب& عمه وين نروح و بهاي المسيه
عمه زينب& وينه وين السده أ شنحمل اذيه
عمه زينب& يبس ريگي من العطش ماكو اميه
عمه زينب& شلون عايفني الگمر وانه رقيه
عمه اتحمل عطش
عمه ماريدن نطش
وين اخوتي وكل هلي والوالد حسين
عمه ياعمه اعله هونچ لاتركضين
------------------
عمه زينب.&عمه اشوف النار بذيالج مشت
عمه زينب.&جان ضني مو حقيقه تخيلت
عمه زينب& وعالارض شفت الدموم تسايلت
عمه زينب.&عمري خمس سنين ياعمه اشفت
عمه اشوفچ حايره
وين عمتي الصابره
عمه اشوفچ كابعه بهمچ تنوحين
عمه ياعمه اعله هونچ لاتركضين
------------------
عمه زينب& عمه دخان الخيم يحرگ عيوني
عمه زينب& مااشوف وحيل توجعني متوني
عمه زينب& شنهو ذنبي يالحبيبه ويضربوني
عمه زينب & بالخرابه بلا ابو عمه هظموني
عمه ماحمل بعد
دمعتچ تمرد مرد
حرتي بينه وبين ظلام وملاعين
عمه ياعمه اعله هونچ لاتركضين
---------------
عمه زينب& عمه مرعب هالمسه بس ينزف جروح
عمه زينب& شفت حت الطير ويه الوالي مذبوح
عمه زينب.& هذا ابوي اعله الثره منچتل مطروح
عمه زينب &والكفلنه اعله النهر منعوفه ونروح
عمه خلينه نضل
نضمد اجروح الكفل
نمشي صعبه وبالحديد مگيدين
عمه ياعمه اعله هونچ لا تركضين
-----------
عمه زينب& عمه لفيني بعباتج ترعب وجوه العده
عمه زينب& رحمه مابيهم يعمه ونه طفله مشرده
عمه زينب& الامل ضايع يعمه شفت اخوتي مدده
عمه زينب& حته ترچيتي يعمه جرجروهه اهل الرده
عمه مسحيلي الدموم
طحت مابيه اگوم
باد حيلي والمنيه تبوگ ياعمه السنين
عمه ياعمه اعله هونچ لاتركضين
-----------------------
خادمة اهل البيت
امل فلوحي الموسوي