حطها قدامك ، أهلك أولى بيك من أي حد ومن أي حاجة .. ما تدخلش أوضتك أو تنزل مشوار مش مهم غير لما تتأكد أنهم مش عايزين حاجة ، ما تقفلش باب الأوضة طالما ما عندكمش حد ف البيت غريب ، لو في حاجة تقدر تقراها أو تراجعها وإنت قاعد ف وسطهم ياريت .. دائما خليك قريب منهم وتقدر تسمعهم بسهولة
ورب الكعبة مافيش حاجة أنفع للصحة النفسية بفضل الله أولا غير العلاقة الكويسة بين الأهل .. حتى لو كنت أقرب حد لأصحابك كلهم ، حتي لو كنتي طالبة متفوقة في علوم الدين والدنيا نفسيتك ونجاحك بدون بر الوالدين صفر ع الشمال .

بالمناسبة.. في ناس لحد دلوقتي ما تعرفش يعني إيه "خمسة شرعي"
في مِصرنا الحبيبة كلمة "خمسة" مش معناها رقم ف معظم الأحيان
خمسة عندنا يعني حاجة بسيطة ما تاخدش وقت كبير ، خمسة ونازل ، خمسة وأكون عندك وهكذا
فـ الفكرة زي وصف القناة "كل يوم معلومة دينية بالدليل" بوست شرعي تقدر تقرأه في أقل من 5 دقائق في وسط اليوم بفضل الله تعالى 🤍
@khamsasharey5

وسأجاهد حتي أجوِّد القرآن وأتقنه ، فأسرده غيبا وسط أولادي وأكون أنا شيختهم ، ينامون علي ترتيلي وأربت علي قلوبهم بآية ،
أزرع حب القرآن في قلوبهم ونجعل أوقات انتظارنا تلاوة وترتيلا ، فأبدأ الختمة الخاصة بنا منذ أن أعرف أني أحمله بين أحشائي ، قبل أن يأتي إلي الدنيا سآتي أنا بمصحفه 🤍

إن شاء الله ، إن شاء الله 🤍

شمسُ الخميس إذا تغيب، فزد من الصلاة على الحبيب🤍

عارف يعني إيه النبي صلى الله عليه وسلم بنفسه يوصيك إنك تصلى عليه يوم الجمعة! لا ويحفزك بإن صلاتك معروضة عليه (فأكْثِروا عليَّ منَ الصَّلاةِ فإنَّ صلاتَكُم معروضةٌ عليَّ..)
كيف تُعرِض!

لَو صلّىٰ العبد على النبي ﷺ بِعَدَد أنفاسه لم يكن موفّيا لِحقِّه!

-ابن القيّم.

«‏النساء المفروض يكنَّ أكثر النَّاس صلاةً على النبيِّ ﷺ لأنهن وصيَّته.»

م. أيمن عبدالرحيم

مُخيَّم الفُرقان سيبدأ بعد الغد يا شباب إن شاء الله.

اللي يقدر يُفسِح لهُ مجال في جدوله الخاص .. فلتَفعل.

المُخيَّم لمُدَّة ثلاثة أيَّام فقط اللهُمَّ بارِك.

https://t.me/HusseinAhmed1983/5056

بعد يوم طويل كنت مُجبرة أقضيه كله برة البيت .. سواء كان صيام أو يوم شديد الحر أو شديد البرودة
أو مثلا آخر يوم امتحانات واخيرا هستمتع بشهور ما انزلش فيها من البيت إلا قليلا
ف اللحظات دي بشعر بشفقة ع النسويات والداعيات للمساواة بين الرجل والمرأة حقيقي..
فكرة إنك واحدة مش مجبرة تشتغلي تحت أي ظرف ، ولو اشتغلتي أو اتعلمتي دة بيبقي اختيار منك مش ضغط عليكي.. وإن الميراث الي بتاخدي فيه نص حق الرجل -ودة مش ف كل الحالات أصلا - بتاخديه تصرفيه زي ما إنتي حابة لكن الرجل مأمور يصرف عليكي ومافيش حالة من حالات الشرع نهائيا تفرض على المرأة أنها تصرف ع نفسها

ف تخيلي هذا الرجل المسكين والله مضطر يدرس عشان يلاقي وظيفة يقدر يصرف منها ومضطر يشتغل وقت الدراسة لو مسؤول منه أخوات أو زوجة ولو في جيش ومضطر يستحمل ينزل ف كل حالات الطقس ومضطر ينزل ف الصيام و و و
كل دة وإنتي بتصحي براحتك اخرك تطلعي الفرخة تفك ، وطول حياتك لو اشتغلتي ف الأغلب بتصرفي فلوسك ع الـ skin care .. إن من صفاتك الطبيعية النفسية إنك تميلي للبيت وتقضية الوقت فيه

أي عقل بجد يخلي الست تسيب كل الجمال دة وتنزل تهين نفسها نفسيا وماديا وتشتغل غصب عنها وهي مش محتاجة دة عشان تثبت للمجتمع -الي بالمناسبة ما يهموش رأيها بجنية ونص- إنها زي الراجل ؟!

تخيل إنت ماشي بسرعة بتلحق القطر ومتأخر ، لقيت حد بيوقفك بيقولك "بص جبت إيه من أيكيا؟" وواحدة تقولك "تعالي نعمل حلة محشي ف ٣ دقايق" .. أو اوريك مفاجأة جوزي ليا ف العيد ، أو مقلب ف صحاابييي
إنت بكل بساطة لن تلتفت ، وممكن لو أصر عليك تشد معاه ف الكلام عشان تلحق القطر

ف تخيل واحد بيلحق قطر عمره بالعافية ، هو شايف القطر بيجري قدامه وبدأ يتحرك ف يقوم داخل ع فيسبوك/يوتيوب/تيكتوك يشوف ريفيو طقم الانتريه ولا ماسكات لنضارة البشرة ولا "كنت جعان ف بقلب ف التلاجة لقيت خروف ف حبيت أشويه ف خمس دقايق!"

أنا بتكلم عن المقاطع الي ممكن تكون «مباحة» إني مش الحكمة أروح ابحث عنها وافتح مواقع التواصل بدون داعي ، وإني المفروض يبقي ليا هدف يشغلني عن الالتفات ليهم مش الدخول وقضاء الساعات عليه!
فما بالكم بالحرام .. تيكتوك ع أغنية كذا وكذا ولا مانع من بعض الحركات بالجسد .. تعالو أوريكوا ازاي نلبس الفستان دة بكذا ستايل ، أو البنطلون البوي فريند يليق عليه إيه ؟!

📌اتق الله في وقتك ، عندك امتحان اسمه "وعن عمره فيما أفناه" ووارد جدا تموت انهاردة تصحى عليه يعني الموضوع مش بعيد.. لو مش هتجاوب عينك عندها الإجابة.

لمن تريد عمرة في شهر رمضان ان شاء الله
اجتهدوا فيه مسابقة جميلة جدا

فيه مسابقة على سورتي الأعراف والنور على ١٠ رحلات عمرة في رمضان إن شاء الله .. سهلة جدا ومعانا الوقت الكافي ان شاء الله
والتفاصيل والشروط سهلة جدا
---------------------

هجمع في البوست ده كل المعلومات اللي اعرفها عن مسابقة سورتي الأعراف والنور الخاصه بالشيخ مصطفى العدوي

الامتحان هيكون في شهر رجب ان شاء الله
علي حفظ السوره وتفسيرها

من كتاب
( التسهيل في تأويل التنزيل ) فيه كتاب للأعراف وكتاب للنور ..
للشيخ مصطفي العدوي حفظه الله تعالي

ومن صوتيات الشيخ مصطفى العدوي بردو
---------------------------------------------------------

☑️الاختبار تحريري .. على أرض الواقع مش أونلاين
---------------------------------------------------------

مكان الاختبار :
١- محافظة القاهرة : دار المنارة ٨ شارع شريف المتفرع من شارع فيصل
٢- محافظة الدقهلية: بمسجد الشيخ - منية سمنود - أجا
على حسب سرعة الحجز .. ودة بيكون قبل المسابقة بأيام ..
☑️☑️المسابقة للرجال والنساء
---------------------------------------------------------

🎁العشرة الأوائل لهم عمرة شهر رمضان ..

وجوائز أخري لكل من أشترك بالاختبار وحتى اللي جايب ١٠% .. كله له جوايز إن شاء الله

( والذين جاهدوا فينا لنهدينهم سبلنا)

---------------------------------------------------------

ايه المطلوب مني عشان اشترك ؟
وايه شروط الالتحاق ؟

مفيش اي شروط الالتحاق غير

١- حفظ السورتين
٢- مذاكرة الكتاب " التسهيل في تأويل التنزيل" للأعراف والنور جيدًا
٣- سماع صوتيات الشيخ مصطفى العدوي على القناة
٤- الحضور للمسجد يوم الاختبار

وهينزل اعلان عن اليوم بالظبط عند تحديده بالظبط

لينك الكتاب وقناة الصوتيات تحت في اخر البوست ..

الاختبار هيكون في تفسير السورة من الكتاب ومن الصوتيات بتاعت الشيخ واستشهادات من السورة عشان كدة لازم نحفظها ..


فيه جروبات تليجرام يكفي الإنضمام ليها للمتابعه بمعاد الامتحان ..

قناه اقرأ وارتق لعلوم القرآن
بيكون عليها بث مباشر للتفسير والتسميع وتصحيح التلاوة .. (دى القناة الرئيسية) عليها كل حاجة .. وفيها شرح الكتابين بمساعدة معلمات وتدريب على اسئلة الاختبار .. دى للنساء فقط القناة دى

https://t.me/joinchat/UjZw4Ppg6nKb2O7u

قناة صوتيات ليدبروا آياته
عليها تسجيلات تفسير السورة للشيخ مصطفي اللي هنمتحن فيها

http://t.me/mostafaaladwydroos

قناه تفريغات ليدبروا آياته
عليها تفريغات الدروس

t.me/mostafaaladwy_droos

ودي مجموعه ليدبروا آياته للمتابعه (للاخوات)

https://t.me/joinchat/GFgg1gzxkcyak14-animWQ

وده لينك مجموعة الرجال
لمن تريد انضمام زوجها أو أخوها أو ابنها

https://chat.whatsapp.com/KtQfWYQB3IiAeaIx5JYdhm

هل ضروري الاشتراك من محافظه معينه ؟

لا مفيش اي شروط للالتحاق ولا سن ولا مؤهل ولا محافظه معينه فقط الحضور للامتحان حافظين السورة بتفسيرها من مذاكرة الكتب

هل المسابقه حقيقيه فعلا ؟

ايوه ومش اول مره تتعمل اتعملت قبل كدا لسوره البقره ثم ال عمران ثم النساء ثم المائدة ثم الأنعام

الكتاب نجيبه منين ؟

متاح الكتابين pdf .. وممكن نشتريهم من اي مكتبة اسلامية اسعاررهم مناسبة جدا ..

فاللي مش بيعرف يذاكر pdf ممكن يشتريهم بيكونوا في حدود ٥٥ ل ٧٠ ج

سؤال كمان ينفع لو كسبت العمره أهديها لوالدتي أو حد من قرايبي ؟

ينفع

سؤال انا بنت ولازم محرم عشان اطلع العمرة؟

سهله خلي المحرم بتاعك يحفظ ويطلع معاكي

شجعوا اصحابكم واحفظوا سوا
لان حفظ القرآن في حد ذاته مكسب

جعلنا الله وأياكم من أهل القرآن
الذين هم أهل الله وخاصته

بالنسبة لحفظ السورة
مش المطلوب إننا نسمعها أو نسردها ع حد ، لكن نحتاج للاستشهاد بمعظم آيات السورة فقط

لا بأس إن فاتتك أورادك أمس، اليوم هدية لك، فاغتنم أورادك واحرص عليها ولا تؤجلها، وخير ما تبدأ به: التحصن بأذكار الصباح ثم قراءة ورد القرآن.

إليك الأذكار (هنا)

📚 *[رُواقُ صَحِيحَ البُخَارِي]*
بشـــــــــــــرى
بشرى لطلبة العلم

قناة تليجرام تحتوي على أكبر موسوعة ومكتبة علمية تُعنى بالكتب والشروح والأبحاث المسطورة حول صحيح البخاري،
وكذا الفوائد المستنبطة من مكنونه.

وقد تم بحمد الله رفع قرابة 300 كتاب، في أكثر من 700 ملف في هذه القناة ومستمرون في رفع باقي الملفات ونشر الفوائد المستنبطة ..


🔘 *فهرس الرواق:*
📗 طبعات صحيح البخاري
📘 شروح صحيح البخاري
📙 تبويبات صحيح البخاري
📕 مختصرات صحيح البخاري
📔 سيرة البخاري
📓 رجال البخاري
🗒 رسائل حول صحيح البخاري
📖 مؤلفات البخاري
🔊 صوتيات البخاري
📝 شذرات وفوائد من صحيح البخاري


والله نسأل أن يبارك في هذا الجمع، وأن يجعله خالصا لوجهه الكريم.


🔗 *رابط القناة*
https://t.me/ruaq_albukhari

بفضل الله دخلت المسابقة مع الشيخ قبل كدة فأسئلة وأجوبة بخصوص المسابقة يلا بسم الله

- هي المسابقة حقيقية فعلا ؟ وتبع مين؟
= تبع الشيخ مصطفي العدوي حفظه الله وهي قائمة بقالها سنين كان في من أول سورة البقرة وآخر امتحان كان الأنعام وهي اصلا متكررة.
-بتتعمل كل قد ايه؟
=كل ٦ شهور ، بترتيب المصحف .. في شهر رجب وشهر محرم عمرة مسابقة محرم بتبقي ف ربيع مثلا وامتحان رجب بتبقي عمرة رمضان
-مين الي بياخد العمرة؟
= العشرة الأوائل.. والي ف الغالب بيكونوا كلهم جايبين ١٠٠٪ لأن الامتحان سهل جدا أنه يتقفل مش معجز .. لكن مثلا لو هم أقل من ١٠ أو في حد منهم كان طالع قبل كدة بيختار من بعدهم
-لو ماجبتش ١٠٠٪ وضعي إيه ؟
= في جوائز لكل الدرجات حرفيا.. في كتب ومصاحف وجوايز النساء معظمها أدوات منزلية .. وحاجات كبيرة مش حاجة رمزية.. ع حسب الدرجة يعني مثلا ف التسعينات ممكن بطانية/طقم للسراير أو حلل يعني .. وفي أخوات أخدت تفسير بن كثير وكتب أخرى .. بتبقي ع حسب الدرجة
-أشترك ازاي ومنين؟
= مالهاش اشتراك ولا شروط ورب محمد .. كل الي عليكم تذاكروا كتاب الشيخ وتروحوا يوم الامتحان تمتحنوا ليس إلا
اللهم بس الدار الي ف القاهرة عشان المكان هناك محدود بعدد ممكن يطلبوا حجز بصورة البطاقة ع الواتساب (ومافيش فلوس بتتدفع لأي حاجة تماماا)
ودار بتعلن قبلها لو في حجز
- أذاكر منين ؟
= كتاب الشيخ ع صورة سؤال وجواب اصلا ف يسير جدا جدا ف المذاكرة .. متوفر ف أي مكتبة اسلامية سعره بسيط ، وممكن تذاكرو بي دي إف
- لازم احفظ السورة كلها؟
= لا .. مش هنسرد السور ، هنحتاح بس آيات ف الاستشهاد بيها لكن مافيش سرد
- الامتحان بيجي صعب؟
= لا تماما .. ممكن طويل آه لكن مش صعب كله من الكتاب
- في قنوات أو جروب محتاج ادخله ؟
= عشان تشترك لا مش محتاج.. لكن طلبة الشيخ والي امتحنوا معهم عشرات المرات بيبقوا عارفين نظام الامتحان وهم الي بيعلنوا عن موعده وتفاصيله لو في تغيير .. وفي منهم بيعمل دروس شرح للكتاب بتبقي لتبيين المهم والتيسير .. ومراجعة قبل الامتحان وبيعملوا امتحانات تجريبية ونموذج إجابة لها ف مهم تبقي في قنواتهم
للنساء فقط القناة دى

https://t.me/joinchat/UjZw4Ppg6nKb2O7u

قناة صوتيات ليدبروا آياته
عليها تسجيلات تفسير السورة للشيخ مصطفي اللي هنمتحن فيها

http://t.me/mostafaaladwydroos

قناه تفريغات ليدبروا آياته
عليها تفريغات الدروس وبيعملوا ملخصات جميلة للكتاب كامل

t.me/mostafaaladwy_droos

ودي مجموعه ليدبروا آياته للمتابعه (للاخوات)

https://t.me/joinchat/GFgg1gzxkcyak14-animWQ

وده لينك مجموعة الرجال
لمن تريد انضمام زوجها أو أخوها أو ابنها

https://chat.whatsapp.com/KtQfWYQB3IiAeaIx5JYdhm

ودول برضه القنوات الي بيعلن عليها النتايج ومكان تسليم الجوائز ولو في حجز لدار القاهرة بيتبعت عليها أرقام الواتساب
-ينفع أهدي العمرة لأي حد لو جاتلي
= ينفع
- يوم الامتحان اتحدد؟
= لسة ، وبيتحدد قبله باسبوع أو اتنين ف ابدأوا ذاكروا من دلوقتي عشان تبقوا جاهزين ، والقنوات الي بعتها بادئين مذاكرة من فترة وحلقاتهم مسجلة
- سورة الأعراف بس الي داخلة في الامتحان ؟
= لا .. معها تفسير سورة النور للشيخ
- هيبقوا امتحانين يعني؟
= لا .. امتحان في أسئلة من هنا وهنا (المسابقة الماضية كانت الأنعام والحجرات وكان الامتحان واحد فيه أسئلة الاتنين)
- أذاكر ازاي ؟
= هات كشكول تذاكر فيه لنفسك سهل تاخده ف أي حتة وعشان ما تتوهش ف المراجعة، سورة الأعراف ١٠ أرباع وسورة النور ٤ .. لو إنت متفرغ تقدر تاخد كل يوم ربع بيبقي ف المتوسط من ٥٠ لـ ١٠٠ صفحة.. هتقراهم الأول بتركيز وعيد مرة واتنين وتلاتة للمعلومة واكتب فهمك ولو في أوجه للتفسير ف أنت مطالب بيها .. بعد المذاكرة أو قبلها تقدر تسمع شرح لحد من طلاب الشيخ ف القنوات السابقة ومعلمة قناة النساء فعلا شرحها جميل جدا وبتركز ع المهم جدا من سابق خبرتها في مسابقات الشيخ "وطلعت معه عمرة قبل كدة اللهم بارك" .. احفظ المعاني وحاول تجمعها ف ورقة منفصلة عشان تراجعهم كلهم مرة واحدة.. لو حاجة عليها أدلة كتير من السورة وبرة السورة ومن السنة ف لازم تحفظ ع الأقل دليل من السورة ودليل من القرآن ودليل من السنة لأن ف الامتحان هيطلب منك التلاتة منفصلين .. ف اختار أيسر الأحاديث واقصرها أو لو حديث طويل احفظ الشاهد
* حفظ السورة هييسر عليك جدا جدآ جدآ ف نصيحة أحفظها ولو متفرغ احفظ الربع الي تذاكره
ف بكدة تقدر تذاكر ربع كل يوم أو كل يومين أو ربعين أسبوعيا وتخلص برضه قبل بداية شهر رجب
* الأفضل مر ع السور كاملة تفسير مرة واتنين وتلاتة ف ما تطولش عشان تلحق تعيد
- طيب في أقوال مفسرين يعني ممكن أتسأل عن قول الطبري مثلا؟
= لا ، ولو جالك سؤال لبيان معني الآية مش لازم تلتزم بنص معين ولكن مهم جدا جدا تذكر النقاط الي يذكرها الشيخ ويكون الشرح شامل

- طب لو سؤال فقهي في حفظ أقوال علماء؟
=يكفي ذكر الخلاف والراجح منغير اسم العالم/المذهب ولو في حديث مثلا الشيخ ذكر أنه ضعيف ف الشرح وأورد عليه في كتابه سؤال ممكن يجي ف الامتحان

وختاما ، ماحدش يتكاسل عنها ابدا.. ف الامتحان بييجي الكفيف والي ع كرسي بعجل إنت ما تجيش ليه؟
حتي لو مالحقتش العمرة ف انت هتطلع بكم معلومات كبير جدا عن سورة من القرآن فعلا كتر مذاكرة كتاب الشيخ وتفاصيله الفقهية تخليك لو سمعت الآية بالصدفة ف الشارع تقول آه دي كان فيها ٣ أوجه كذا وكذا
يكفي إنك هتدخل رمضان وإنت في جزء ونص من القرآن فاهمه ومتدبره
يكفي اختلاطك بطلبة العلم قبل الامتحان ويومه الي تخليك تحس بهمة في أمور أخرى وتحس إنك محتاج طلب علم دائما!!
والي بالنسبالي مهم برضه .. إني ماعنديش سبب تاني أتخذه عشان مكة غير المسابقات الي زي دي .. بسبب ظروف البلد وأسعار العمرة والحج بتغلى بشكل مش طبيعي .. لا أنا بشتغل شغل يؤهلني أحوش وأطلع أو كذا
ف جاتلي وسيلة جميلة ف حد ذاتها وطاعة لوحدها.. توصلني لمكة، أقولها لأ ؟
وفترة رجب وما قبله هنبقي ف أجازة نصف العام ف عندك وقت إضافي هتستخدمه ف ايه أعظم من القرآن ؟
ومن يبحث عن الاستعداد لرمضان فدونك فرصة عظيمة حقا ..

مشاعري بعد أول مسابقة اشترك فيها مع الشيخ👇

رأيت العجب اليوم دة صدقا .. المنصورة تقريبا ما وقفتش مطر لساعات طويلة قبل الامتحان والشوارع صعب الوقوف فيها مش بس السير ، شوفت الكفيف واللي مش قادرة تمشي وشايلين الكرسي المتحرك بتاعها لمكان الامتحان .. والناس الي جاية من أسوان و و .. كل دول بيحبوا مكة! ، حبهم للعلم مع قلوبهم المكية جلبتهم لهناك! ياربي مافيش حب زي حبها فعلا .. الاتوبيس الي ركبناه كان كله رايح المسابقة والاتوبيسات المجاورة ، وراجل كبير جدا ف السن أمامي ماسك ورق يراجع منه طول الطريق .. السواقين عرفوا خلاص ، رايحين منية سم... رايحين عند الشيخ مصطفي؟ تعالو😂 إيه الي يجبر طلاب ولا شيوخ ولا أصحاب أعذار اصلا أنهم يذاكروا مايزيد عن ٦٠٠ صفحة تفسير سورة المائدة عشان بس مكة! .. عشان العشرة الأوائل ليهم عمرة رمضان 🤍 ف الي هو اتحدي أي ظروف وأي حاجة بس أبذل عشان مكة

أحد أقربائي عرفت أمر الامتحان قبله بأسبوع وبمجرد ماعرفت الجائزة ذاكرت ووقفت حياتها تماما وجت .. حتى لو ماحلتش كويس قالتلي إن شاء الله هيجبرنا🤍
منظر العدد المهول دول الي تقريبا كلهم منتقبات إلا قليلا مختمرات وعايزة تنتقب ، إني اقعد يوم كامل وسط ناس لا مشغلة أغاني ولا في اختلاط ، كراريس وكتب طول اليوم الي عاملين حلقة وبيراجعوا والي قاعدين ع السلالم يحفظوا و و يحسسك إنه ليه ما ابقاش طالب علم دايما؟ .. هو مش دة القرآن الي المفروض أخده بقوة؟ طب مش المفروض اعكف عليه وقت أطول ؟! ..

ومن ناحية تانية خالص ، شوفت شيخي 🤍 شوفت المقر بتاعه ومكتبته ومسجده ومعهده .. شيخي الي بحاول ندرس كتبه ف المعهد بقالنا سنين ، شوفت إن بجد الشخص دة مؤثر .. أكاد أجزم إني ماشوفتش معصية واحدة ف منطقته كلها ، وإن يجيله ناس من شتى بقاع مصر عشان يدرسوا كتابه .. وإن مسجده علم في المنصورة ، حسيت إن فعلا علمائنا نعمة ، وإن احنا الي مقصرين في حقهم .. حتى بعد توافر حلقاتهم ف بيتك ع التليفون مش هتسافرله عشان تسمع دروسه برضه بنعرض! ..

طلب العلم نعمة ، عكوفك ع الكتب نعمة ، تنقلاتك بين أراء أهل العلم نعمة وفرحة
*ثم إن جلسة القرآن لنعيم معجل في الدنيا* 🤍

وأخيرا ، الكتب التي سنذاكرها إن شاء الله