💠 #گون_آیدین، هموطنلر
هر گئدن گلمیش، منیم اول غمگساریم گلمهمیش،
ای گؤزوم، قان آغلا کیم، چشمی خماریم گلمهمیش!
گئتمیش ایدی اختیاریم بیلهسینجه یاریمین،
چونکی یاریم گلمهمیش، هم اختیاریم گلمهمیش.
من بو درد ایله اگر اؤلسم، مزارا قویمایین،
اوستومه اول طوطیدیللی، شوخ نگاریم گلمهمیش!
حسرتیندن زعفرانه دؤنسه رویوم، یوخ عجب،
قویموش هجراندا منی بیر گلعذاریم، گلمهمیش.
دئمهسین «واقف!» اجل، کیم گلسه مندن جان آلار!
کیمدیر اونا جان وئرن، فرمانِ یاریم گلمهمیش؟
✍🏼 موللاپناه واقف
🆔 @khalkhalim
هر گئدن گلمیش، منیم اول غمگساریم گلمهمیش،
ای گؤزوم، قان آغلا کیم، چشمی خماریم گلمهمیش!
گئتمیش ایدی اختیاریم بیلهسینجه یاریمین،
چونکی یاریم گلمهمیش، هم اختیاریم گلمهمیش.
من بو درد ایله اگر اؤلسم، مزارا قویمایین،
اوستومه اول طوطیدیللی، شوخ نگاریم گلمهمیش!
حسرتیندن زعفرانه دؤنسه رویوم، یوخ عجب،
قویموش هجراندا منی بیر گلعذاریم، گلمهمیش.
دئمهسین «واقف!» اجل، کیم گلسه مندن جان آلار!
کیمدیر اونا جان وئرن، فرمانِ یاریم گلمهمیش؟
✍🏼 موللاپناه واقف
🆔 @khalkhalim
💠 #گون_آیدین، هموطنلر
دئییرسن، «ایشلردن ماجال وارمی کی-
ییغیب-ییغیشدیرام یازی ماسانی؟
باری شاعیرلیک ده باجارمیرام کی-
آرابیر ایسیدَم سؤنوک میصراعنی».
آی عؤمرون بزهیی، عؤمور یولداشیم!
مین قایغی دویورام اومو-کۆسۆنده.
بلکه ده بیر گونده آغارار باشیم،
دردیم اریمهسه تبسّومونده.
گولوم، او قدر ده چکمه غوصّه-غم!
سئوینج ده، کدر ده شاعیر واریدی.
شعیر یازماسان دا، ائله بیلیرم،
زحمتین منیمله تامام یاریدی.
سن ده بیر شاعیرسن، سئودیگین گوندن،
سؤزون روحون کیمی تزهدی، تردی.
بختیم یاریماسا محبّتیندن،
شعریمین طالعی قارا گلردی.
شاعیرسن... بالامیز هر آغلایاندا،
من سنی لایلالار قوشان گؤرموشم.
گئجهلر بئشیگی ییرغالایاندا،
سنی ده شاعیرتک جوشان گؤرموشم.
بعضاً هامی یاتیر، سندن ساوایی.
گؤزومده اوجاسان، آی بویو بسته!
یوخولو-یوخولو وئریرسن چایی،
یئرییه-یئرییه بارماغین اوسته.
سن ده بیر شاعیرسن، فیکیرلی، دالغین،
چوخ دا کی سئوینجین یوللاری سرتدی.
صنعت آدامینا سیرداش اولماغین،
آخیر موکافاتی ادبیاتدی.
سن ده بیر شاعیرسن، ساچلارین دن-دن،
نه گیلئی ائلهدین، نه ده یورولدون.
ایلهامین نازییلا یاتیب-دوران من،
شاعیرین نازینی چکن سن اولدون.
عشقینله یازمیشام بیر کیتاب شعیر،
بیر آرزو دیل آچدی، خیالا واردیم:
حئییف کی، ناشیرلر ایذین وئرمهییر،
آدینی آدیملا قۏشا یازاردیم.
✍🏼 آغا لاچینلی
🆔 @khalkhalim
دئییرسن، «ایشلردن ماجال وارمی کی-
ییغیب-ییغیشدیرام یازی ماسانی؟
باری شاعیرلیک ده باجارمیرام کی-
آرابیر ایسیدَم سؤنوک میصراعنی».
آی عؤمرون بزهیی، عؤمور یولداشیم!
مین قایغی دویورام اومو-کۆسۆنده.
بلکه ده بیر گونده آغارار باشیم،
دردیم اریمهسه تبسّومونده.
گولوم، او قدر ده چکمه غوصّه-غم!
سئوینج ده، کدر ده شاعیر واریدی.
شعیر یازماسان دا، ائله بیلیرم،
زحمتین منیمله تامام یاریدی.
سن ده بیر شاعیرسن، سئودیگین گوندن،
سؤزون روحون کیمی تزهدی، تردی.
بختیم یاریماسا محبّتیندن،
شعریمین طالعی قارا گلردی.
شاعیرسن... بالامیز هر آغلایاندا،
من سنی لایلالار قوشان گؤرموشم.
گئجهلر بئشیگی ییرغالایاندا،
سنی ده شاعیرتک جوشان گؤرموشم.
بعضاً هامی یاتیر، سندن ساوایی.
گؤزومده اوجاسان، آی بویو بسته!
یوخولو-یوخولو وئریرسن چایی،
یئرییه-یئرییه بارماغین اوسته.
سن ده بیر شاعیرسن، فیکیرلی، دالغین،
چوخ دا کی سئوینجین یوللاری سرتدی.
صنعت آدامینا سیرداش اولماغین،
آخیر موکافاتی ادبیاتدی.
سن ده بیر شاعیرسن، ساچلارین دن-دن،
نه گیلئی ائلهدین، نه ده یورولدون.
ایلهامین نازییلا یاتیب-دوران من،
شاعیرین نازینی چکن سن اولدون.
عشقینله یازمیشام بیر کیتاب شعیر،
بیر آرزو دیل آچدی، خیالا واردیم:
حئییف کی، ناشیرلر ایذین وئرمهییر،
آدینی آدیملا قۏشا یازاردیم.
✍🏼 آغا لاچینلی
🆔 @khalkhalim
💠 #گون_آیدین، هموطنلر
بینهایت بو گؤیون آلتیندا
بیزه بیر قبّهٔ فیروزه ده یوخ
یانار افلاکدا مینلرجه چیراق
بیزه بیر شمع، بیر آویزه ده یوخ.
بو قَدَر اولدوز آراسیندا بیزه
یئددی گؤیلرده بیر اولدوز یوخوموش
بؤلدولر قوشلاری عالمده مگر؟!
بیزه ده چاتدی او آغلار بایقوش!
قووالارکن منی هر گون محنت
قاپیمی دؤیمهدهدیر هر گئجه غم.
هامی آزاده ائلین شاعیری وار
من اسیر ائللرین آه شاعیرییم...!
✍🏼 حبیب ساهر
🆔 @khalkhalim
بینهایت بو گؤیون آلتیندا
بیزه بیر قبّهٔ فیروزه ده یوخ
یانار افلاکدا مینلرجه چیراق
بیزه بیر شمع، بیر آویزه ده یوخ.
بو قَدَر اولدوز آراسیندا بیزه
یئددی گؤیلرده بیر اولدوز یوخوموش
بؤلدولر قوشلاری عالمده مگر؟!
بیزه ده چاتدی او آغلار بایقوش!
قووالارکن منی هر گون محنت
قاپیمی دؤیمهدهدیر هر گئجه غم.
هامی آزاده ائلین شاعیری وار
من اسیر ائللرین آه شاعیرییم...!
✍🏼 حبیب ساهر
🆔 @khalkhalim
💠 #گون_آیدین، هموطنلر
یئنه هاوالانیب آرخانجا گئدیب
بیچاره قلبیمه گولوبدور عالم
ائله دوشونمه کی منلیییم ایتیب
سنینله کوسولو قالا بیلمیرم
اومیددن دانیشما، اونو اوزموشم
زاماندان سوروشما، تامام بئزمیشم
طالئعدن کوسموشم، بختدن کوسموشم
سنینله کوسولو قالا بیلمیرم
سوندور بو شامی دا چیراقسیز قالیم
کیتابسیز، قلمسیز، واراقسیز قالیم
لاپ بوتون دونیایا ماراقسیز قالیم
سنینله کوسولو قالا بیلمیرم
حاضیرام ساللانام دار آغاجیندان
ال چکم ذلیل تک کور آغاجیندان
قالارام یاشاماق احتیاجیندان
سنینله کوسولو قالا بیلمیرم
هارداسان؟ یولومو هارادان سالیم؟
هانسی دردین آغیر؟ هانسینی آلیم؟
داغیت ویران ائله، خارابا قالیم-
سنینله کوسولو قالا بیلمیرم
سینمادیم، قالسام دا هردن اومیدسیز
دفن ائتدیم اؤزومو ثبوت - شاهیدسیز
سن ایلهام پریسی، من «واحید عزیز»
سنینله کوسولو قالا بیلمیرم
✍🏼 واحید عزیز
🆔 @khalkhalim
یئنه هاوالانیب آرخانجا گئدیب
بیچاره قلبیمه گولوبدور عالم
ائله دوشونمه کی منلیییم ایتیب
سنینله کوسولو قالا بیلمیرم
اومیددن دانیشما، اونو اوزموشم
زاماندان سوروشما، تامام بئزمیشم
طالئعدن کوسموشم، بختدن کوسموشم
سنینله کوسولو قالا بیلمیرم
سوندور بو شامی دا چیراقسیز قالیم
کیتابسیز، قلمسیز، واراقسیز قالیم
لاپ بوتون دونیایا ماراقسیز قالیم
سنینله کوسولو قالا بیلمیرم
حاضیرام ساللانام دار آغاجیندان
ال چکم ذلیل تک کور آغاجیندان
قالارام یاشاماق احتیاجیندان
سنینله کوسولو قالا بیلمیرم
هارداسان؟ یولومو هارادان سالیم؟
هانسی دردین آغیر؟ هانسینی آلیم؟
داغیت ویران ائله، خارابا قالیم-
سنینله کوسولو قالا بیلمیرم
سینمادیم، قالسام دا هردن اومیدسیز
دفن ائتدیم اؤزومو ثبوت - شاهیدسیز
سن ایلهام پریسی، من «واحید عزیز»
سنینله کوسولو قالا بیلمیرم
✍🏼 واحید عزیز
🆔 @khalkhalim
💠 #گون_آیدین، هموطنلر
ایسترم غملی و طوفانلی گئجه یولجولارا،
بیر فانوس تک یا دا قُطب اولدوزو تک رهبر اولام.
ایسترم یای گونو چؤللرده آخار بیر سو اولوب،
دوم- دورو گؤز یاشی تک یولدا چوخور ایچره دولام.
ایستهمم نقش و نگاریم قالا شعریم اوخونا
ایسترم بیر سیزی حسرت تک اورکلرده قالام.
اونودورسا منی ائل، چکمهسه تاریخ آدیمی
ایسترم آی تکی یورد اوسته گئجه شوق سالام...
✍🏼 حبیب ساهر
🆔 @khalkhalim
ایسترم غملی و طوفانلی گئجه یولجولارا،
بیر فانوس تک یا دا قُطب اولدوزو تک رهبر اولام.
ایسترم یای گونو چؤللرده آخار بیر سو اولوب،
دوم- دورو گؤز یاشی تک یولدا چوخور ایچره دولام.
ایستهمم نقش و نگاریم قالا شعریم اوخونا
ایسترم بیر سیزی حسرت تک اورکلرده قالام.
اونودورسا منی ائل، چکمهسه تاریخ آدیمی
ایسترم آی تکی یورد اوسته گئجه شوق سالام...
✍🏼 حبیب ساهر
🆔 @khalkhalim
💠 #گون_آیدین، هموطنلر
توخونسا تئلینه باهار نفسی
بیل کی یول گلیرم سوراق دی مندن
عؤمرومو عشقینه قوربان وئرردیم
نه وعده نی سوروش نه واختی مندن
سنسیز چیچک آچماز باغچالار باغلار
سنسیز باتیب گئدر بیللور بولاق لار
من سنی ایتیرسم دونیام داغیلار
سن منی ایتیرسن نه چوخدو مندن
سندن آیریلاندا جان قالمیر جاندا
جان کیمی یوخ اولور جاندا جهاندا
آی منیم اوره ییم سن اولمایاندا
ایوبون اؤزوده اوزاقدی مندن
✍🏼 ایوب کلبجرلی
🆔 @khalkhalim
توخونسا تئلینه باهار نفسی
بیل کی یول گلیرم سوراق دی مندن
عؤمرومو عشقینه قوربان وئرردیم
نه وعده نی سوروش نه واختی مندن
سنسیز چیچک آچماز باغچالار باغلار
سنسیز باتیب گئدر بیللور بولاق لار
من سنی ایتیرسم دونیام داغیلار
سن منی ایتیرسن نه چوخدو مندن
سندن آیریلاندا جان قالمیر جاندا
جان کیمی یوخ اولور جاندا جهاندا
آی منیم اوره ییم سن اولمایاندا
ایوبون اؤزوده اوزاقدی مندن
✍🏼 ایوب کلبجرلی
🆔 @khalkhalim
💠 #گون_آیدین، هموطنلر
دئمیرم مخمر آل دئمیرم دون آل
دئمیرم آل یاشیل گئییندیر منی
سئوگییه حسرتم گولوشه حسرت
اولاری پای گتیر سئویندیر منی
نازلیسان بیر بوقجا دولو ناز گتیر
قوجاغین دولوسو گوللو یاز گتیر
الی بوش گلمه ها تئللی ساز گتیر
یانیق کرمی چال بیر دیندیر منی
سئودالی الینی سیخا بیلمیرم
حسرت قالاسینی ییخا بیلمیرم
ئوزومده دوستاغام چیخا بیلمیرم
خیال یئلکهنینه گل میندیر منی
نئیلیرم دولتی نئلیرم واری
مله ییر اوره ییم اوتایدن ساری
گئده بیلمهسم ده بویلانیم باری
آراز قیراغیندا تئز ائندیر منی
✍🏼 اصغر رضایی
🆔 @khalkhalim
دئمیرم مخمر آل دئمیرم دون آل
دئمیرم آل یاشیل گئییندیر منی
سئوگییه حسرتم گولوشه حسرت
اولاری پای گتیر سئویندیر منی
نازلیسان بیر بوقجا دولو ناز گتیر
قوجاغین دولوسو گوللو یاز گتیر
الی بوش گلمه ها تئللی ساز گتیر
یانیق کرمی چال بیر دیندیر منی
سئودالی الینی سیخا بیلمیرم
حسرت قالاسینی ییخا بیلمیرم
ئوزومده دوستاغام چیخا بیلمیرم
خیال یئلکهنینه گل میندیر منی
نئیلیرم دولتی نئلیرم واری
مله ییر اوره ییم اوتایدن ساری
گئده بیلمهسم ده بویلانیم باری
آراز قیراغیندا تئز ائندیر منی
✍🏼 اصغر رضایی
🆔 @khalkhalim
💠 #گون_آیدین، هموطنلر
سن هردن سببسیز اینجییَن، کوسن،
هردن احوالیمی سوروشان قیزسان.
هردن مینّتچیمی اوزاقدان قووان،
هردن اؤزو گلیب باریشان قیزسان.
ائله قیناییرسان منی دیلینده،
چوخ واخت اینانمیرام اوزون گولنده.
تای-توشون بزهنیب درسه گلنده،
بزهنیب-دوزهنیب یاریشان قیزسان.
بعضاً آتماجا'نی آغ ائلهییرسن،¹
بعضاً هر سؤزونو داغ ائلهییرسن؛
یونگول دردلریمه لاغ ائلهییرسن،
آغیر دردلریمه قاریشان قیزسان.
آی گؤزو آلوولو، باخیشلاری شن،
پشیمان قاییدیب آرخامجا دوشن!
گاهدان اؤزوم ایله دوروب اؤجهشن،²
گاهدان خائینیمله ووروشان قیزسان.
گئتدین؛ یاد اولمادین بیر اینجیمکله،
گلدیم؛ قارشیلادین دوزلا، چؤرکله.
سن بو سادهلیکله، بو صاف اورکله
ائلیمه، اوباما یاراشان قیزسان.
✍🏼 آغا لاچینلی
¹- حدّیندن کئچیرمک
²- چکیشمک- ساتاشماق
🆔 @khalkhalim
سن هردن سببسیز اینجییَن، کوسن،
هردن احوالیمی سوروشان قیزسان.
هردن مینّتچیمی اوزاقدان قووان،
هردن اؤزو گلیب باریشان قیزسان.
ائله قیناییرسان منی دیلینده،
چوخ واخت اینانمیرام اوزون گولنده.
تای-توشون بزهنیب درسه گلنده،
بزهنیب-دوزهنیب یاریشان قیزسان.
بعضاً آتماجا'نی آغ ائلهییرسن،¹
بعضاً هر سؤزونو داغ ائلهییرسن؛
یونگول دردلریمه لاغ ائلهییرسن،
آغیر دردلریمه قاریشان قیزسان.
آی گؤزو آلوولو، باخیشلاری شن،
پشیمان قاییدیب آرخامجا دوشن!
گاهدان اؤزوم ایله دوروب اؤجهشن،²
گاهدان خائینیمله ووروشان قیزسان.
گئتدین؛ یاد اولمادین بیر اینجیمکله،
گلدیم؛ قارشیلادین دوزلا، چؤرکله.
سن بو سادهلیکله، بو صاف اورکله
ائلیمه، اوباما یاراشان قیزسان.
✍🏼 آغا لاچینلی
¹- حدّیندن کئچیرمک
²- چکیشمک- ساتاشماق
🆔 @khalkhalim
💠 #گون_آیدین، هموطنلر
کؤرپه قوزوم داغ- درنی دۆشۆنمه
یاشیل دۆزلر اریده جک یاغیزی،
سیزی چوخدان ایتیریبدیر بوچمن
یالان یئره یاشادیرسیز داغیزی.
بویاشیل دۆز پاییز گؤرۆب، یای گؤرۆب
گۆنش گؤرۆب، اولدوز گؤرۆب،آی گؤرۆب
دوْلوگؤرۆب، یاغیش گؤرۆب،چای گؤرۆب
باغیمسیزلیق سارسیتماسین باغیزی!
چوْبان ساغیر،سن ییه سیز، قویون آج
دومان کئفلی، دره خلوت، قاچا قاچ
بویارایا ملحم اولماز بو ایلاج
یازی یازان قارالاییب کاغیزی.
یول اوخومور هئچ بیر گلیب گئدنی
اوغول ساتیر یابانجییا دده نی
چالیش قوزوم مدنی اوْل، مدنی!
سۆتچۆ آلیب سۆتۆ، یاغی، آغیزی!...
قارا سانجی سارمالاییب بدنی
گل آراما سؤزلریمدن نه دنی!
بو ده ییرمان اۆیۆدنمز بو دنی!
قیش دوندوروب نفسینده چاییزی!...
قانادیندان قاناباتمیش قوشاباخ
ایچریندن اوزاغی گؤر،دیشا باخ
قایالاردا قیمیلدایان قیشا باخ
بئله گئتسه اؤلدۆرجک پاییزی!
دره لرده تالان اۆسته تالان وار
چوْبان آدلی سنی درده سالان وار
باخ«خوْشنام» ا، سانا گلمز یالان وار
یازیق قوزوم کیم دویاجاق هاییزی!...
یای اودوزوب قارلی قیشا پاییزی!...
✍🏼 م. خوْشنام
🆔 @khalkhalim
کؤرپه قوزوم داغ- درنی دۆشۆنمه
یاشیل دۆزلر اریده جک یاغیزی،
سیزی چوخدان ایتیریبدیر بوچمن
یالان یئره یاشادیرسیز داغیزی.
بویاشیل دۆز پاییز گؤرۆب، یای گؤرۆب
گۆنش گؤرۆب، اولدوز گؤرۆب،آی گؤرۆب
دوْلوگؤرۆب، یاغیش گؤرۆب،چای گؤرۆب
باغیمسیزلیق سارسیتماسین باغیزی!
چوْبان ساغیر،سن ییه سیز، قویون آج
دومان کئفلی، دره خلوت، قاچا قاچ
بویارایا ملحم اولماز بو ایلاج
یازی یازان قارالاییب کاغیزی.
یول اوخومور هئچ بیر گلیب گئدنی
اوغول ساتیر یابانجییا دده نی
چالیش قوزوم مدنی اوْل، مدنی!
سۆتچۆ آلیب سۆتۆ، یاغی، آغیزی!...
قارا سانجی سارمالاییب بدنی
گل آراما سؤزلریمدن نه دنی!
بو ده ییرمان اۆیۆدنمز بو دنی!
قیش دوندوروب نفسینده چاییزی!...
قانادیندان قاناباتمیش قوشاباخ
ایچریندن اوزاغی گؤر،دیشا باخ
قایالاردا قیمیلدایان قیشا باخ
بئله گئتسه اؤلدۆرجک پاییزی!
دره لرده تالان اۆسته تالان وار
چوْبان آدلی سنی درده سالان وار
باخ«خوْشنام» ا، سانا گلمز یالان وار
یازیق قوزوم کیم دویاجاق هاییزی!...
یای اودوزوب قارلی قیشا پاییزی!...
✍🏼 م. خوْشنام
🆔 @khalkhalim
💠 #گون_آیدین، هموطنلر
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیلهدیلر،
چیرپیب پیللهلره سون اومیدیمی،
«واغزالی» اوستونده دفن ائیلهدیلر.
سون اومید...او منیم گرهییم ایدی.
یولونا شام توتدو نئچه قیز، گلین.
شام دئییل، او منیم اورهییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگهیله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیکلنیب تؤکولمهدیلر؟!
دوشوب قدمینه هر یوخوش، ائنیش،
نییه اورهییمه چکیلمهدیلر؟!...
باشینا گول-چیچک سپدیلر او گون،
آلیشان قلبینه سو سپمهدیلر.
«گئت» دئییب آلنیمدان اؤپدولر او گون،
سینیق طالعینی دوزَلتمهدیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلانمیش، «نوصرت» دئییلمیش.
✍🏼 نوصرت کسمنلی
🆔 @khalkhalim
«ساغلیق»لار دئییلدی چیغیر-باغیرلا،
اوشویَن قلبینه گیرن اولدومو؟!
گؤزوندن قلبینه دوشن جیغیرلا،
آخان گؤز یاشینی گؤرن اولدومو؟!
«ساغلیق»لار اوزاندی سحره کیمی،
چالیب-اوینادیلار، کئف ائیلهدیلر،
چیرپیب پیللهلره سون اومیدیمی،
«واغزالی» اوستونده دفن ائیلهدیلر.
سون اومید...او منیم گرهییم ایدی.
یولونا شام توتدو نئچه قیز، گلین.
شام دئییل، او منیم اورهییم ایدی،
سون دفعه یانیردی یولوندا سنین.
گئتدین... او کؤهنه یول نور یولو ایدی،
ایزین دوشن یئرده گول آچمادی کی.
اؤزگهیله کئچیردین او یولو ایندی،
آیاغین آلتیندان یئر قاچمادی کی.
بو یوللار نه یامان وفاسیز ایمیش،
نییه چیلیکلنیب تؤکولمهدیلر؟!
دوشوب قدمینه هر یوخوش، ائنیش،
نییه اورهییمه چکیلمهدیلر؟!...
باشینا گول-چیچک سپدیلر او گون،
آلیشان قلبینه سو سپمهدیلر.
«گئت» دئییب آلنیمدان اؤپدولر او گون،
سینیق طالعینی دوزَلتمهدیلر.
گولدون... گولوشونون عؤمرو چوخ قیسا،
بیر حسرت آخیردی قانیندا سنین.
اوردا بوتون یئرلر توتولموشدوسا،
یئریم گؤرونوردو یانیندا سنین.
دونن تویون ایدی... خوشبخت اولاسان!
گؤرونور، بو بیزه قیسمت دئییلمیش.
اونوت! ائله بیل کی، سئودیگین اوغلان
گئتدیگین اوغلانمیش، «نوصرت» دئییلمیش.
✍🏼 نوصرت کسمنلی
🆔 @khalkhalim
💠 #گون_آیدین، هموطنلر
ایچیمده باغیریر سسیزلیک لریم
اوره ییم آستاجا گؤزومدن سوزور
اوخشایا اوخشایا یاناقلاریمی
اومودلار لشینی اوزومه دوزور
گئییرم اینیمه یانلیزلیغیمی
دونلری بئینیمه سیخیب گئدیرم
ایچیمه گؤمدویوم دیلهکلر سوچون
طالعین بوینونا یخیب گئدیرم
بولودلار یولوما جانین چیله ییر
بلکه ده باشیما غریبلیک یاغیر
بلکه لر بئینیمده تپینیب دورور
بلکهده تانریدیر گؤزلرین ساغیر
بارماغیملا ماشا اؤپوشمهمیشدن
دوغولدو حسرتلی شعریم قانآدلی
سونسوزلوق یولجوسو اولدوم حئیف کی
اؤزوم آیاق یالین دویغوم قانادلی
✍🏼 فرزین نقییان
🆔 @khalkhalim
ایچیمده باغیریر سسیزلیک لریم
اوره ییم آستاجا گؤزومدن سوزور
اوخشایا اوخشایا یاناقلاریمی
اومودلار لشینی اوزومه دوزور
گئییرم اینیمه یانلیزلیغیمی
دونلری بئینیمه سیخیب گئدیرم
ایچیمه گؤمدویوم دیلهکلر سوچون
طالعین بوینونا یخیب گئدیرم
بولودلار یولوما جانین چیله ییر
بلکه ده باشیما غریبلیک یاغیر
بلکه لر بئینیمده تپینیب دورور
بلکهده تانریدیر گؤزلرین ساغیر
بارماغیملا ماشا اؤپوشمهمیشدن
دوغولدو حسرتلی شعریم قانآدلی
سونسوزلوق یولجوسو اولدوم حئیف کی
اؤزوم آیاق یالین دویغوم قانادلی
✍🏼 فرزین نقییان
🆔 @khalkhalim
💠 #گون_آیدین، هموطنلر
ایستمیرم یار آغلاسین چال تاری قوی تار آغلاسین
گول اویناسین خار آغلاسین، بوغاز گولسون دار آغلاسین
قوی یئره غم پیاله سین، سیل گؤزونون شلاله سین
آل گونشین حواله سین، شاخ قارا قوی قار آغلاسین
یار نه دن آغلاسین گرک؟ بویون بوکولسون آی فلک
دویونجا قویمادین گوله ک، سیخ ناری قوی نار آغلاسین
خزان یئلی اَسَن زمان، شخته امان کَسه ن زمان
یار یاریلان کوسه ن زمان، کیمسه کیمیم وار آغلاسین
توزدو دوماندی فیرتانا، اود یاغیلیب گولوستانا
دؤنده ر اوزون شبستانا، ساغره یالوار آغلاسین
صبحه تیکیلدی گؤزلریم، داغلاری آشدی سؤزلریم
گیزلین آلوودو کؤزلریم، نی اؤلدو نیزار آغلاسین
ساقی گتیر قدح لرین، سرخوش اولاق دَرین دَرین
سئوگی توتا کینین یئرین، کین اؤزو زار- زار آغلاسین
دریالارا اوزان آراز، جوم درینه قالما دایاز
مرکّب اول سؤزلری یاز، داغ دا بولاق لار آغلاسین
✍🏼 محمود قبهزرین
🆔 @khalkhalim
ایستمیرم یار آغلاسین چال تاری قوی تار آغلاسین
گول اویناسین خار آغلاسین، بوغاز گولسون دار آغلاسین
قوی یئره غم پیاله سین، سیل گؤزونون شلاله سین
آل گونشین حواله سین، شاخ قارا قوی قار آغلاسین
یار نه دن آغلاسین گرک؟ بویون بوکولسون آی فلک
دویونجا قویمادین گوله ک، سیخ ناری قوی نار آغلاسین
خزان یئلی اَسَن زمان، شخته امان کَسه ن زمان
یار یاریلان کوسه ن زمان، کیمسه کیمیم وار آغلاسین
توزدو دوماندی فیرتانا، اود یاغیلیب گولوستانا
دؤنده ر اوزون شبستانا، ساغره یالوار آغلاسین
صبحه تیکیلدی گؤزلریم، داغلاری آشدی سؤزلریم
گیزلین آلوودو کؤزلریم، نی اؤلدو نیزار آغلاسین
ساقی گتیر قدح لرین، سرخوش اولاق دَرین دَرین
سئوگی توتا کینین یئرین، کین اؤزو زار- زار آغلاسین
دریالارا اوزان آراز، جوم درینه قالما دایاز
مرکّب اول سؤزلری یاز، داغ دا بولاق لار آغلاسین
✍🏼 محمود قبهزرین
🆔 @khalkhalim
💠 #گون_آیدین، هموطنلر
گؤرۆش وار بیر عمر وئرسن ده آزدی
گؤرۆش وار گئتمهیه آدام جان چکر
گؤرۆش وار فرحی سیغماز ایللرهz
گؤرۆش وار شادلیغی بیرجه آن چکر
یاشاسان ان شیرین آرزویلا، کاملا
سئوینجین سئل اولار، دردینسه داملا
اۆرکدن وئریلن خوش بیر سلاملا
الی ال ایستهير، قانی قان چکر
آیریلیق حیاتدا هر شئیدن چتین !
مین بیر عذابی وار بیر محببتین
گلمزسن یاندیرار منی حسرتین
گلرسن نازینی زلیمخان چکر.....
✍🏼 زلیمخان یعقوب
🆔 @khalkhalim
گؤرۆش وار بیر عمر وئرسن ده آزدی
گؤرۆش وار گئتمهیه آدام جان چکر
گؤرۆش وار فرحی سیغماز ایللرهz
گؤرۆش وار شادلیغی بیرجه آن چکر
یاشاسان ان شیرین آرزویلا، کاملا
سئوینجین سئل اولار، دردینسه داملا
اۆرکدن وئریلن خوش بیر سلاملا
الی ال ایستهير، قانی قان چکر
آیریلیق حیاتدا هر شئیدن چتین !
مین بیر عذابی وار بیر محببتین
گلمزسن یاندیرار منی حسرتین
گلرسن نازینی زلیمخان چکر.....
✍🏼 زلیمخان یعقوب
🆔 @khalkhalim
💠 #گون_آیدین، هموطنلر
آپاراجاغین چوخدور
گتیرهجهیین نه وار؟
بو گوندن من ده یوخام!
ایتیرهجهیین نه وار؟
دوداق بیر گون توخونور
توتون آیریلیقلارا
اینسان بئله آلیشیر
بوتون آیریلیقلارا
بیر ده قوربان ائلهمه
اؤزونو هر سئوگییه
آما چوخ یاراشیردین
بو عئیبهجر سئوگییه
دانیش، اوجادان دانیش
بیر آرا وئر سوسماغا
ایندی ائله مؤحتاجام
سنه قولاق آسماغا
بیر داها سوروشورام
نهلر کئچیر ایچیندن؟
یا من، یا سن، یا دا بیز
بیرینی سئچ اوچوندن!
✍🏼 خزر سلیمانلی
🆔 @khalkhalim
آپاراجاغین چوخدور
گتیرهجهیین نه وار؟
بو گوندن من ده یوخام!
ایتیرهجهیین نه وار؟
دوداق بیر گون توخونور
توتون آیریلیقلارا
اینسان بئله آلیشیر
بوتون آیریلیقلارا
بیر ده قوربان ائلهمه
اؤزونو هر سئوگییه
آما چوخ یاراشیردین
بو عئیبهجر سئوگییه
دانیش، اوجادان دانیش
بیر آرا وئر سوسماغا
ایندی ائله مؤحتاجام
سنه قولاق آسماغا
بیر داها سوروشورام
نهلر کئچیر ایچیندن؟
یا من، یا سن، یا دا بیز
بیرینی سئچ اوچوندن!
✍🏼 خزر سلیمانلی
🆔 @khalkhalim
💠 #گون_آیدین، هموطنلر
سئودیییم انسانلار گؤزومدن دوشر
تانیمازسان منی بیر داها گؤرسن
نئجهکی اؤزومو هئچ تانیمیرام
باشقا بیر انسانا بنزهییرم من!
دئیهسن بو ایل ده یالنیزلیغیمی
کافهده اؤزومله چایلاشاجاغام!
سونرالار یازدیغیم نه شئعیر وارسا
بیر اؤزگه انسانلا پایلاشاجاغام!
اؤزومدن ال اوزوب بو سطیرلرده
دلیلیک اولاجاق سئوگینین سونو
بیلیرم آدینی سسلهسم بیر ده؛
گونبهگون باتاجاق سسیمین تونو
بیلیرم آدینی دئمهیم گرک،
آدیندان دوغولور بوتون اولایلار
بوغازدا ییغیشیب نئچه مین قهر
سئوگی تک آجیدیر سویویان چایلار
دئیهسن سولموشام پاییزدان بری
اودورکو شئعیریم تکجه پاییزدیر
ساریشین، بولودلو، تکجه بیر سئوگی
ائله بیل بو فصیل، سئودیییم قیزدیر !
✍🏼 آرش احمدی
🆔 @khalkhalim
سئودیییم انسانلار گؤزومدن دوشر
تانیمازسان منی بیر داها گؤرسن
نئجهکی اؤزومو هئچ تانیمیرام
باشقا بیر انسانا بنزهییرم من!
دئیهسن بو ایل ده یالنیزلیغیمی
کافهده اؤزومله چایلاشاجاغام!
سونرالار یازدیغیم نه شئعیر وارسا
بیر اؤزگه انسانلا پایلاشاجاغام!
اؤزومدن ال اوزوب بو سطیرلرده
دلیلیک اولاجاق سئوگینین سونو
بیلیرم آدینی سسلهسم بیر ده؛
گونبهگون باتاجاق سسیمین تونو
بیلیرم آدینی دئمهیم گرک،
آدیندان دوغولور بوتون اولایلار
بوغازدا ییغیشیب نئچه مین قهر
سئوگی تک آجیدیر سویویان چایلار
دئیهسن سولموشام پاییزدان بری
اودورکو شئعیریم تکجه پاییزدیر
ساریشین، بولودلو، تکجه بیر سئوگی
ائله بیل بو فصیل، سئودیییم قیزدیر !
✍🏼 آرش احمدی
🆔 @khalkhalim
💠 #گون_آیدین، هموطنلر
دونيانين بو كاروان كؤچوندن گليب،
دؤزومون بيتمهين گوجوندن گليب،
يوخسا ناغيللارين ايچيندن گليب،
اؤزو ناغيللارا دؤنَن آنالار.
گول دئديك، اووجوندا چيچك بيتيردى،
سئوينجى پايلاييب، غمى ايتيردى،
يوخوسوز گؤزلره يوخو گتيردى،
لایلالار اوستونده دينَن آنالار.
ساچينا قار ياغدى، ياز وئردى بيزه،
دونيانى گؤرمهيه گؤز وئردى بيزه،
اؤزونه بنزهين قيز وئردى بيزه،
عؤمرونو مين يئره بؤلَن آنالار...
اؤزو شريك اولدو اورک سيررينه،
گون اولدو ايشلَدى كيشى يئرينه،
بيزيمچون اود آلدى كيپريكلرينه،
اؤزو سويوقلاردا دونان آنالار.
اوغولو سئوينيب، قيزى گولنده،
سانكى گونش گولور اوزو گولنده،
ائولادين قاشيندا دويون گؤرنده
بولود تك قاراليب، دولان آنالار.
ساچينى زامانين اللرى هؤرور،
بو گونله ياشاييب صاباحى گؤرور،
دونيايا تزه- تر ائولادلار وئرير،
اوزو چيچك كيمى سولان آنالار...
وطنين اؤزونه آنا دئديلر،
اودونا، كؤزونه آنا دئديلر،
بير گون ياد قيزينا آنا دئديلر،
نوه موشتولوغو آلان آنالار!
عؤمرومو گونومو آلميشام سيزدن.
داملا قوروموشام جوشغون دنيزدن،
«اوغلوم» دئسهنيز ده، دئمهسهنيزده
منيم آنام سينيز، آنام، آنالار!..
✍🏼 نصرت کسمنلی
🆔 @khalkhalim
دونيانين بو كاروان كؤچوندن گليب،
دؤزومون بيتمهين گوجوندن گليب،
يوخسا ناغيللارين ايچيندن گليب،
اؤزو ناغيللارا دؤنَن آنالار.
گول دئديك، اووجوندا چيچك بيتيردى،
سئوينجى پايلاييب، غمى ايتيردى،
يوخوسوز گؤزلره يوخو گتيردى،
لایلالار اوستونده دينَن آنالار.
ساچينا قار ياغدى، ياز وئردى بيزه،
دونيانى گؤرمهيه گؤز وئردى بيزه،
اؤزونه بنزهين قيز وئردى بيزه،
عؤمرونو مين يئره بؤلَن آنالار...
اؤزو شريك اولدو اورک سيررينه،
گون اولدو ايشلَدى كيشى يئرينه،
بيزيمچون اود آلدى كيپريكلرينه،
اؤزو سويوقلاردا دونان آنالار.
اوغولو سئوينيب، قيزى گولنده،
سانكى گونش گولور اوزو گولنده،
ائولادين قاشيندا دويون گؤرنده
بولود تك قاراليب، دولان آنالار.
ساچينى زامانين اللرى هؤرور،
بو گونله ياشاييب صاباحى گؤرور،
دونيايا تزه- تر ائولادلار وئرير،
اوزو چيچك كيمى سولان آنالار...
وطنين اؤزونه آنا دئديلر،
اودونا، كؤزونه آنا دئديلر،
بير گون ياد قيزينا آنا دئديلر،
نوه موشتولوغو آلان آنالار!
عؤمرومو گونومو آلميشام سيزدن.
داملا قوروموشام جوشغون دنيزدن،
«اوغلوم» دئسهنيز ده، دئمهسهنيزده
منيم آنام سينيز، آنام، آنالار!..
✍🏼 نصرت کسمنلی
🆔 @khalkhalim
💠 #گون_آیدین، هموطنلر
اودلو باخيشینی سؤندور، حئييفدير!
بو اورک کول اولوب، یانماغا گلمز.
سیندیرماغی بوشلا، غرورومو از!
او قدر سینیب کی، سينماغا گلمز.
✍🏼 سئور شهابی
🆔 @khalkhalim
اودلو باخيشینی سؤندور، حئييفدير!
بو اورک کول اولوب، یانماغا گلمز.
سیندیرماغی بوشلا، غرورومو از!
او قدر سینیب کی، سينماغا گلمز.
✍🏼 سئور شهابی
🆔 @khalkhalim
💠 #گون_آیدین، هموطنلر
گؤزل آدین ماهنی اولوب،
دیلیمده هئی عزیزلنَر.
گؤروش ائله بیر یولچو کی،
هله یولو چوخ گؤزلنَر.
گؤزوم گؤزون بولاغیندا،
سیرغا سؤزوم قولاغیندا.
سنین کیمی گول چاغیندا،
بو قایغییلا کیم ایزلنَر؟
سن دانیشسان نارین-نارین،
سوسار دیلی سازین، تارین.
قایماق توتار دوداقلارین،
ائله بیللم سۆد اۆزلنَر.
قوی اینصافین قؽت اولماسین،
درد قلبینده قات اولماسین!
چاتما قاشین چاتیلماسین،
اورتاسیندا خال گیزلنَر!
قورولاشما، قوربان سنه!
آداملیقلا بزَنسَنه!
سئوگی اودو سؤنه-سؤنه،
آغری آرتار، جان کؤزلنَر.
اودوزاریق اوزاق دورساق،
گومان قیرساق، باغیر یارساق.
هرهمیز بیر داش قالدیرساق،
آرامیزدا یول دۆزلنَر.
«آغا» سنسیز عؤمور سورسه،
آرزولاری دوشر ترسه.
سنین قلبین چوخ گؤینَرسه،
منیم غمیم اکیزلنَر.
✍🏼 آغا لاچینلی
🆔 @khalkhalim
گؤزل آدین ماهنی اولوب،
دیلیمده هئی عزیزلنَر.
گؤروش ائله بیر یولچو کی،
هله یولو چوخ گؤزلنَر.
گؤزوم گؤزون بولاغیندا،
سیرغا سؤزوم قولاغیندا.
سنین کیمی گول چاغیندا،
بو قایغییلا کیم ایزلنَر؟
سن دانیشسان نارین-نارین،
سوسار دیلی سازین، تارین.
قایماق توتار دوداقلارین،
ائله بیللم سۆد اۆزلنَر.
قوی اینصافین قؽت اولماسین،
درد قلبینده قات اولماسین!
چاتما قاشین چاتیلماسین،
اورتاسیندا خال گیزلنَر!
قورولاشما، قوربان سنه!
آداملیقلا بزَنسَنه!
سئوگی اودو سؤنه-سؤنه،
آغری آرتار، جان کؤزلنَر.
اودوزاریق اوزاق دورساق،
گومان قیرساق، باغیر یارساق.
هرهمیز بیر داش قالدیرساق،
آرامیزدا یول دۆزلنَر.
«آغا» سنسیز عؤمور سورسه،
آرزولاری دوشر ترسه.
سنین قلبین چوخ گؤینَرسه،
منیم غمیم اکیزلنَر.
✍🏼 آغا لاچینلی
🆔 @khalkhalim
💠 #گون_آیدین، هموطنلر
من سنی سئودیممی؟ سئودیم، کیمه نه؟
توتدوم، تا ایچیمه اوتورتدوم سنی.
آلدیم، اوخشادیم ساچلارینی، اؤپدوم.
ایچدیم اودوم-اودوم گؤزللیگینی.
من سنی سئودیممی؟ سئودیم البتّه،
مندهیدی اؤزلملرین ان قورخونجو.
چیلدیریردیم؛ سن نه قدر اوزاقسان!
عشق دئییل، هئچ دۏیمایان بیر شئیدی بو.
من سنی سئودیم می، سئودیم دوغروسو.
سئودیکجه تاماملاندیم، بوتونلندیم.
بیری واردی آغلایان، گئجهلرجه.
بیری واردی سنه توتقون، او مندیم.
من سنی سئودیم می؟ سئودیم؛
ان بؤیوک،
ان سولمایان گوللر آچدی ایچیمده.
عؤمرومو دیَرلی قیلان بیر شئیدین،
سن منیم بۏز، بولانیق گنجلیگیمده.
من سنی سئودیم می، سئودیم، اؤیله یا،
بیر جیزگییه چاتدیم سنینله برابر،
و بیر گون اورادا ایتیردیم سنی.
من سنی سئودیم می؟ سئودیم...
✍🏼 اومید یاشار اوغوزجان
🆔 @khalkhalim
من سنی سئودیممی؟ سئودیم، کیمه نه؟
توتدوم، تا ایچیمه اوتورتدوم سنی.
آلدیم، اوخشادیم ساچلارینی، اؤپدوم.
ایچدیم اودوم-اودوم گؤزللیگینی.
من سنی سئودیممی؟ سئودیم البتّه،
مندهیدی اؤزلملرین ان قورخونجو.
چیلدیریردیم؛ سن نه قدر اوزاقسان!
عشق دئییل، هئچ دۏیمایان بیر شئیدی بو.
من سنی سئودیم می، سئودیم دوغروسو.
سئودیکجه تاماملاندیم، بوتونلندیم.
بیری واردی آغلایان، گئجهلرجه.
بیری واردی سنه توتقون، او مندیم.
من سنی سئودیم می؟ سئودیم؛
ان بؤیوک،
ان سولمایان گوللر آچدی ایچیمده.
عؤمرومو دیَرلی قیلان بیر شئیدین،
سن منیم بۏز، بولانیق گنجلیگیمده.
من سنی سئودیم می، سئودیم، اؤیله یا،
بیر جیزگییه چاتدیم سنینله برابر،
و بیر گون اورادا ایتیردیم سنی.
من سنی سئودیم می؟ سئودیم...
✍🏼 اومید یاشار اوغوزجان
🆔 @khalkhalim
💠 #گون_آیدین، هموطنلر
سنی گؤرمهمیشدن قیغیلجیم ایدی،
گؤردوم، بیر دونیالیق اود اولدو عشقیم.
دیلکله قاپینا گلیب یئریدی،
دیلَنچی سایاغی قووولدو عشقیم.
یاخشی قیز، بس نئجه دیلنچییم کی،
هئچ نه ایستهمهدیم، «کؤنول وئر!» دئدیم؟!
یاخشی قیز، بس نئجه دیلنچییم کی،
باشقا بیر قاپییا اوز چئویرمهدیم؟!
✍🏼 آغا لاچینلی
🆔 @khalkhalim
سنی گؤرمهمیشدن قیغیلجیم ایدی،
گؤردوم، بیر دونیالیق اود اولدو عشقیم.
دیلکله قاپینا گلیب یئریدی،
دیلَنچی سایاغی قووولدو عشقیم.
یاخشی قیز، بس نئجه دیلنچییم کی،
هئچ نه ایستهمهدیم، «کؤنول وئر!» دئدیم؟!
یاخشی قیز، بس نئجه دیلنچییم کی،
باشقا بیر قاپییا اوز چئویرمهدیم؟!
✍🏼 آغا لاچینلی
🆔 @khalkhalim