الذكاء الاصطناعي "قعد" الذكاء الاصطناعي في البيت! .. وهنا المفاجأة الكبيرة ان هواوي دخلت على الخط!

زمان كانوا بيقولوا إن الذكاء الاصطناعي هيخلي الإنسان يقعد في البيت، لكن اللي حصل إن الذكاء الاصطناعي نفسه قعد أخوه في البيت! وده اللي عمله DeepSeek مع ChatGPT.

التفاصيل بدأت تظهر، واللي مش متوقعه حصل .. هواوي طلعت ورا جزء كبير من اللي بيحصل مع DeepSeek.

لكن قبل ما ندخل في التفاصيل، لازم نفهم مفهومين أساسيين في تدريب نماذج الذكاء الاصطناعي:

التدريب (Training): هو المرحلة اللي بنعلم فيها النموذج من خلال تحليل كميات هائلة من البيانات عشان يفهم العلاقات بينها. العملية دي بتحتاج وحدات معالجة جبارة زي NVIDIA H100.

الاستدلال (Inference): هو استخدام النموذج المدرب للإجابة على الأسئلة وتحليل البيانات الجديدة، وده بيحتاج شرائح أقل قوة من الـ H100، وهنا ظهرت هواوي ببساطة:
التدريب = المذاكرة قبل الامتحان.
الاستدلال = الامتحان نفسه.

طيب، هواوي دخلت في الموضوع إزاي؟

نموذج DeepSeek اللي قلب السوق تم تدريبه باستخدام شرائح Nvidia H100 (ومتسألنيش الصين جابتها إزاي!). لكن في مرحلة الاستدلال، استخدموا شرائح هواوي 910C، لأنها أقل قوة من الـ H100 لكنها مناسبة للوظيفة المطلوبة.

طب ليه مستخدمتش DeepSeek شرائح Nvidia في كل حاجة؟

لأن عدد الـ H100 المتاح محدود، فتم تخصيصه للتدريب، بينما تم الاعتماد على شريحة هواوي للاستدلال.

والمفاجأة الاكبر بقي ان هواوي حالياً بتطور شريحة 920C، والمفروض إنها هتنافس شريحة Nvidia Blackwell B200، اللي أداؤها أعلى في عمليات الاستدلال من الـ H100!

لكن DeepSeek مش ناويين يستنوا هواوي، بل عندهم خطة لتدريب نموذج V4 الجديد على 32,000 شريحة 910C!

لو نجحوا في ده، Nvidia هتبقى في ذمة الله، لأن الصين وقتها مش هتحتاج شرائحهم، بل ممكن كمان تخلي النموذج الجديد مفتوح المصدر! وده معناه أن دول وشركات كتير هتتجه لشراء شرائح هواوي مع نماذج DeepSeek، بدل ما تعتمد على تقنيات Nvidia وأمريكا.

بعد اللي عملته DeepSeek اكبر 5 شركات امريكية في مجال التكنولوجيا خسروا وعلي رأسهم شركة Nvidia خسرت 400 مليار دولار

الموضوع أكبر من مجرد تطوير نموذج ذكاء اصطناعي، ده تغيير لقواعد اللعبة بالكامل، وما زلنا في البداية.. وكل يوم في خبر جديد بيقلب الطاولة!

#حكاية_تك

شايف مين سطوع شاشته احسن 🤔..؟!

▪︎ Samsung S25 Ultra 🥰
▪︎ OnePlus 13 😍
▪︎ iPhone 16 Pro Max 😘

ما هي تقنية AIS في الكاميرات؟ وكيف تعمل؟
https://www.khaled-1tech.com/2025/01/ais-camera-stabilization.html

سامسونج تكشف رسميًا عن Galaxy S25 Ultra في حدث Galaxy Unpacked 2025
https://www.khaled-1tech.com/2025/01/samsung-galaxy-s25-ultra-specs-features-price.html

شركة SpaceX في انجاز تاريخي

شركة SpaceX سجلت إنجازًا تاريخيًا بالتقاط صاروخها العملاق "ستارشيب" باستخدام أذرع ميكانيكية "ميكازيلا" فور عودته للمنصة بعد اختبار الطيران، في أول استخدام عالمي لهذه التقنية لصاروخ بحجم 121 مترًا، ضمن خطتها لتسريع إعادة الاستخدام 👌💯

#حكاية_تك

خلي بالكم 😱

بقالها اكتر من 20 ساعة وكله بيشتكي طبعا 😃

كيف تفرق بين الآيفون الأصلي والمزيف؟ 9 خطوات للتحقق من أصالة جهازك
https://www.khaled-1tech.com/2025/02/how-to-check-original-iphone.html

قدم إيلون ماسك ومجموعة من المستثمرين عرضًا لشراء OpenAI مقابل 97.4 مليار دولار.

وردّ سام ألتمان، مؤسس OpenAI، بتغريدة قال فيها:

"لا شكرًا، بس ممكن نشتري تويتر مقابل 9.74 مليار دولار لو انت عايز." 😂😂😂

بطارية Zeekr الجديدة للسيارات الكهربائية شحن 80% في أقل من 10 دقائق!
https://www.khaled-1tech.com/2025/02/zeekr-golden-battery-fastest-ev-charging.html

تقدر دلوقتي من واتساب انك تغير لون الرسائل وخلفيات الشات زي م تحب 😎
ادخل علي الاعدادات وبعد كدا الدردشات او Chats وبعد كدا اختار الثيم والصورة اللي انت عايزها 😘

كيفية حذف رسائل Gmail دفعة واحدة: خطوات سهلة لتنظيف بريدك الإلكتروني
https://www.khaled-1tech.com/2025/02/delete-gmail-messages.html

سيتم الكشف عن هاتف Xiaomi 15 Ultra يوم 26 فبراير في الصين 💯

بالنسبة للAI في ايفون هما فهموه المفروض يعمل ايه ولا علي الله حكايته 😂👌