سلمنا معــروف من روس اهلنا الاولين
‏ما نخون الصاحب ولا نطعن في قفاه

على البال لك سجة ولك سيّرة وتذكار
‏أضيعك بـ الواقع : و الاقيك في بالي !

عسانا ليا رحنا ندور لنا منهاج
‏ترحب بنا بيض المقادير وتهلي

أكافح سنينً مالها وجه ولا جاه
‏وتومي بي الاقدار وانا اتحداها .

لاتصاحب البخلان وتخاوي اللاش
‏وتسلك مساليك الردى ، وانت جيد

ولا بد من عقب السهر لذة رقــاد
‏ولا بدمن عقب الكدر جو صافي

واللي جحدنا ب الوفاء مَ بغيناه
‏شرواه في سوق البهايم نبيعه!

ماتشيب الاماني !! لو تخيب الظنون
‏وماتضيق الحياه .. وعند ربي سعه ..

بذلنا الجميل ولا نشدنا عن المردود
‏على الله جزانا والجمايل عوايدنا

أصَبر وأتصبر وأقول يالله السلوان
‏على دنيا قد الخاطر عايف باقيها .

تَعال ونِلم النسّايم فِ وعدك
‏ونحنّي الريضان ونكحل هلا

‏ونسمي الحزات تبشر في سعدك
‏وندنى لأدنى نبض فِينا ونعلا

‏ويبدا حديث الماء يسلسل مِن بردك
‏قصة حياة الماء من اولها .. الى

مادريت إلا وهو بالقلب وازي غفلة ماهي على قلبي حسوفه🤍

لايهمك جور الايام يالصدر الرحوب
‏خلها تمضي مثل ماعلى غيرك مضت

أن كان شمسك تساومني على ظلك
ما عاد أبي منك لا شمسٍ ولا فيّه!

نطيب لو عيّت ليالينا تطيب
‏بفضلٍ من الي جمّل الحال و لطف

والله أن القلب شفقٍ على بعض الأمور
‏بس عندي عزة النفس .. حاجة ثانية

في زمانٍ كنه البـرد شبيت القصيد
‏قلت أبدفى و الليالي تموت ببردها
‏في طريقٍ كنه الموت و لحالي وحيد
‏قلت أبا أحيا و المنايا تبوح بسدها

الفعل محسوب ، ولا الهرج مجاني
‏والناس يكسب رضاها من يجاملها!

اشوم عن مجلس الحقران والهذره
‏ابوي مبطي عن الهذرات وصاني

هرجته لا طعمتها تنقش عن الكبّد اللوايم
مايعرف يزل مدري زلته ماهي بزله

أدري أنه لا فقدني كنه من الزاد صايم
ويدري إني لا فقدته مابقى الا الدمع أهله

الخليل زيارته تلزم قبل كل اللزايم
الله يقرب بعيده والله إني مشفيٍ له .