ЖЕҢІС! 😍

«Қайрат» УЕФА Чемпиондар лигасының үшінші іріктеу кезеңінің алғашқы ойынында словакиялық «Слованды» 1:0 есебімен жеңді.

⚽️ Жеңіс голын ұлттық құраманың шабуылшысы Дастан Сәтпаев 90-минутта пенальтиден соқты.

Қарымта матч 12 тамыз күні Братиславада өтеді. Сәттілік, жігіттер! 💪🏻

#BirińdiQazaqBirińDos | #KFFTeam

Сәттілік, жігіттер! 🙌🏻

Бүгін «Астана» сырт алаңда УЕФА Конференция лигасының үшінші іріктеу кезеңіндегі алғашқы матчын өткізеді.

⏰ Кездесу 23:15-те Швейцарияда «Лозанна» ұжымына қарсы өтеді.

Алға, Қазақстан! 💪🏻🇰🇿

#BirińdiQazaqBirińDos | #KFFTeam

⚡️ Барлығы қарымта матчта шешіледі

«Астана» УЕФА Конференция лигасының үшінші іріктеу кезеңіндегі алғашқы ойынын өткізді.

Швейцарияда өткен матчта елордалықтар «Лозаннадан» 3:1 есебімен жеңіліс тапты.

Бұл ойында ұлттық құраманың жігіттері Мұхаммеджан Сейсен, Ян Вороговский, Абзал Бейсебеков және Рамазан Кәрімов алаңға шықты.

Қарымта матч 14 тамыз күні «Астана Аренада» өтеді. Сенеміз, жігіттер! 💪🏻

#BirińdiQazaqBirińDos | #KFFTeam

Ойын ережелеріне сәйкес Премьер-лиганың 20-турындағы жекелеген ойын сәттеріне түсіндірмелер

Қазақстан футбол федерациясы Төрешілік және қадағалау департаментінің директоры Нуну Алешандре Паррейра де Каштру Премьер-лиганың 20-турындағы жекелеген ойын сәттеріне қатысты түсіндірме жариялады.

Атырау – Тұран

56-минут – Орталық сызыққа жақын маңда қонақтар командасының №7 ойыншысы мен алаң иелерінің №2 ойыншысы доп үшін таласты. Қонақтар командасының №7 ойыншысы баспен ойнау үшін секірді, сол уақытта алаң иелерінің №2 ойыншысы да секірді. Олардың арасында қалыпты ойындық байланыс болды, бұл сәтте қонақтар командасының ойыншысы допқа бірінші болып тиіп, оны алға бағыттады. Қонақтар ойыншысы шабуыл фазасында (APP) ереже бұзбағандықтан, төреші ойынды жалғастыруға дұрыс шешім қабылдады.

VAR эпизодты тексергеннен кейін араласпау туралы шешімі – дұрыс.

Төрешінің соңғы шешімі – дұрыс.

84-минут – Орталық сызық пен қаптал сызықтың қиылысар тұсында алаң иелерінің қорғаушысы қонақтар командасының шабуылшысымен доп үшін күресті. Бұл жерде де ойыншылар арасында ереже бұзбайтын қалыпты физикалық байланыс болды, төреші 56-минуттағы эпизодтағыдай бірдей критерийді қолданып, ойынды жалғастырды. Осы шабуылдың жалғасында доп қонақтар командасының айып алаңына асырылды, онда алаң иелерінің №6 ойыншысы баспен алға қарай әріптесіне – №17 шабуылшыға бағыттады. Ол қарсыласпен бір сызықта тұрды және дәл жанында болды. Бас төрешінің ассистенті шабуылшының артында қорғаушы тұрғандықтан және мұндай шектес жағдайларда ту сырттан офсайд белгісін көтермеу жөніндегі нұсқаулар бар болғандықтан, ойынды жалғастыруға дұрыс шешім қабылдады. Сондай-ақ, офсайдты анықтауда қол есепке алынбайтынын еске саламыз.

VAR эпизодтарды тексергеннен кейін араласпау туралы шешімі – дұрыс, себебі айқын және өрескел қателікті дәлелдейтін бейнематериал болған жоқ.

Төрешінің соңғы шешімі – дұрыс.

Оқжетпес – Жетісу

6-минут – Доп үшін таласта қонақтар командасының қақпашысы №31 және алаң иелерінің шабуылшысы №5 секірді. Кадр толық анық болмаса да, қақпашының допты қолмен ойнағаны (тіпті доп шабуылшының басынан да кері қайтқан болса) өте жоғары ықтималдықпен анық, содан кейін олардың арасында сөзсіз, қалыпты және жазаланбайтын байланыс болды.

VAR эпизодты тексергеннен кейін араласпау туралы шешімі – дұрыс.

Төрешінің соңғы шешімі – дұрыс.

45-минут – Өте жылдам қарсы шабуыл кезінде алаң иелерінің №11 ойыншысы доппен тік жүгіріп, алдында тек қақпашы қалған сәтте, қонақтар командасының №4 ойыншысы, енді ғана допты жоғалтқаннан кейін, оны анық ұстап, айқын гол соғу мүмкіндігінен айырды. Төреші қонақтар командасының №4 ойыншысына қызыл қағаз көрсету туралы дұрыс шешім қабылдады.

VAR эпизодты тексергеннен кейін араласпау туралы шешімі – дұрыс.

Төрешінің соңғы шешімі – дұрыс.

https://kff.kz/ru/news/26979

Ойын ережелеріне сәйкес Премьер-лиганың «Қайсар» – «Ордабасы» және «Елімай» – «Ақтөбе» жекелеген ойын сәттеріне түсіндірмелер

Қазақстан футбол федерациясы Төрешілік және қадағалау департаментінің директоры Нуну Алешандре Паррейра де Каштру Премьер-лиганың 20-турындағы жекелеген ойын сәттеріне қатысты түсіндірме жариялады.

Қайсар – Ордабасы

37-минут – Қонақтар командасының айып алаңында екі ойыншы допқа таласты. №27 шабуылшы секіріп, баспен ойнады. Дәл сол сәтте №25 қорғаушы да секіріп, допқа ұмтылды. Екі ойыншы да әуеде болғанда, өзара қозғалыстың салдарынан бастары соқтығысты. Бұл – кездейсоқ соқтығысу, қорғаушы тарапынан ереже бұзу болған жоқ.

Төреші жақын жерде, жақсы орында тұрғандықтан, ойынды жалғастыруға дұрыс шешім қабылдады. VAR эпизодты қарап, дұрыс шешім қабылдаған төрешінің әрекетіне негізсіз араласты – ереже бұзу болмаған.
VAR төрешіге алаңдағы монитормен қарауды (OFR) ұсынды.

Эпизодты қарағаннан кейін төреші қате шешім қабылдап, пенальти тағайындап, қонақтар командасының №25 ойыншысына сары қағаз көрсетті.

45+7-минут – Алаң иелері командасының айып алаңына доп асырылғанда, екі ойыншы допқа таласты. Қонақтар командасының №7 шабуылшысы баспен ойнау үшін артқа қозғалды, ал қақпашы допты қолға алуға дайындалды. Екеуінің арасында екіжақты қозғалысқа байланысты жеңіл ғана жанасу болды, бірақ ереже бұзу болған жоқ.

VAR эпизодты қарап, араласпауы – дұрыс шешім.

Төрешінің қорытынды шешімі де дұрыс болды.

Елімай – Ақтөбе

25-минут – Алаң иелері командасының айып алаңында қонақтар командасының №10 шабуылшысы доппен жүгіріп келе жатқанда, №5 қорғаушы арт жағынан жатып тебу арқылы қарсыласының аяғына тиді. Соның салдарынан шабуылшы құлады. Төреші жақын жерден көріп, бірден пенальти белгіледі.

VAR араласпауы – дұрыс шешім.

Төрешінің қорытынды шешімі – дұрыс.

50-минут – Алаң иелері сол қапталдан жылдам шабуыл ұйымдастырып, №19 шабуылшы допты бақылауда ұстап айып алаңына кірді. Қонақтар командасының арт жағынан жүгірген №2 қорғаушы қарсыласының аяғына тиіп, оның құлауына себеп болды. Төреші жақын тұрғанымен, ереже бұзуды байқамай, ойынды жалғастыруға қате шешім қабылдады.

VAR эпизодты қарап, төрешіні алаңдағы монитормен қарауға шақырды – бұл дұрыс шешім болды.

Төрешінің қорытынды шешімі – дұрыс.

61-минут – Алаң иелері командасының айып алаңы сызығы маңында №5 қорғаушы мен №10 шабуылшы бір мезетте секіріп, допқа таласты. Әуедегі тартыс барысында әдеттегі физикалық байланыс болды, содан кейін алда тұрған шабуылшы құлады.
Қорғаушы тарапынан ереже бұзу болмады. Төреші ойынды жалғастыруға дұрыс шешім қабылдады.

VAR араласпауы – дұрыс шешім.

Төрешінің қорытынды шешімі – дұрыс.

https://kff.kz/ru/news/26986

🏆 Бүгін бүкіл ел болып «Қайратты» қолдаймыз 🇰🇿

Алматылық «Қайрат» УЕФА Чемпиондар лигасының үшінші іріктеу кезеңі аясында Братиславада «Слованға» қарсы қарымта ойын өткізеді. Бұл кездесу іріктеу кезеңінің соңғы – плей-офф кезеңіне жолдама тағдырын шешеді. Естеріңізге салайық, бір апта бұрын Алматыда өткен матчта Дастан Сәтпаевтың голының арқасында «Қайрат» ойынның соңында жеңісті (1:0) жұлып алған болатын.

Кәрі құрлықтың айбынды додасында еліміздің абыройын асқақтатуда біздің жігіттерге сәттілік тілейміз!

Алға, Қазақстан! 💪🏻🇰🇿

#BirińdiQazaqBirińDos | #KFFTeam

🏖 Жағажай футболынан Қазақстан чемпионатының екінші тур ойындары өтіп жатыр

📍 Павлодар қаласы, Орталық жағжай
📅 11-13 тамыз
⚽️ 2-тур – 12 тамыз, сейсенбі

🕙 10:00 – Барқы 🆚 Малайсары
🕚 11:00 – Арман 🆚 TK B&A
🕔 17:00 – Барыс 🆚 TK B&A
🕕 18:00 – Барқы 🆚 Арман
🕖 19:00 – Омега 🆚 Малайсары

🎥 Барлық матчтар KFF YouTube арнасында тікелей эфирде көрсетіледі

#KFF

ТАРИИИИИХ! 😍

«Қайрат» УЕФА Чемпиондар лигасының плей-офф кезеңіне жолдама алды.

Алматылықтар Братиславада «Слованнан» пенальти сериясында басым түсіп, іріктеудің кезеңіне шықты.

⚔️ Плей-оффта «Қайрат» шотландиялық «Селтикпен» кездеседі.

Жарайсыңдар, жігіттер! 💪🏻🇰🇿

#BirińdiQazaqBirińDos | #KFFTeam

⚡️ Бүгін Қазақстан – Уэльс матчының билеттері сатылымға шығады

🇰🇿🏴󠁧󠁢󠁷󠁬󠁳󠁿 4 қыркүйек күні сағат 19:00-де «Астана Аренада» 2026 жылғы Әлем чемпионатының іріктеу кезеңі аясында ұлттық құрамамыз Уэльсті қабылдайды.

🎟️ Билеттер сағат 17:30-да Ticketon.kz сайтында сатылымға шығады. Бағасы 1500 теңгеден басталады.

Сіздердің қолдауларыңыз біз үшін аса маңызды! 🙌🏻

🔥 Уэльске қарсы матчының билеттері онлайн сатылымға шықты! КЕТТІК!!! 💪🏻

🎟 Билеттерді Ticketon сайтынан сатып алуға болады! Бағасы 1500 теңгеден басталады.

‼️ Айта кетейік, алыпсатудың алдын алу үшін сатып алынған билет ойын күні көрсеткен поштаңызға келеді.

📲 Билеттер ТЕК ОНЛАЙН сатылады. Билетті алып-сатарлардан сатып алмауларыңызды сұраймыз.

Ұлттық құраманы қолдап, матчтың 12-ойыншысы атаныңыз. Сіздің қолдауыңыз біз үшін маңызды! 💪🏻

🇰🇿 Казақстан – Уэльс 🏴󠁧󠁢󠁷󠁬󠁳󠁿
🏆 ӘЧ-2026 іріктеу кезеңі
📆 04.09.2025
⏱️ 19:00
🏟 «Астана Арена», Астана
🎟 ticketon.kz

Бүгін Астанада плей-оффқа жолдама үшін талас! 🔥

Кешке елордалық команда «Астана Аренада» УЕФА Конференция лигасының үшінші іріктеу кезеңіндегі «Лозаннаға» қарсы жауапты матчын өткізеді.

⏳ Кездесу 19:00-де басталады. Камбэкке сенеміз, жігіттер!

Алға, Қазақстан! 💪🏻🇰🇿

#BirińdiQazaqBirińDos | #KFFTeam

«Астана» еурокубоктағы жарыс жолын аяқтады

«Астана» өз алаңында УЕФА Конференция лигасының үшінші іріктеу кезеңіндегі жауапты ойынын өткізіп, «Лозаннадан» 0:2 есебімен жеңіліс тапты.

Қос кездесудің нәтижесі бойынша (5:1) швейцариялық ұжым «Астанадан» басым түсіп, келесі кезеңге жолдама алды.

#BirińdiQazaqBirińDos | #KFFTeam

Қазақстан футбол федерациясының ресми мәлімдемесі

Шымкент қаласында өтіп жатқан футбол орталықтары мен академияларының 2011 жылы туған балалар арасындағы чемпионатта «Тұран» және «Екібастұз» командаларының ойыны кезінде жаппай төбелес болды.

Қазақстан футбол федерациясы мұндай әрекет спорт құндылықтарына және футбол қағидаттарына мүлдем сай келмейтінін мәлім етеді.

Футбол – құрметке, әділ бәсекеге және Fair Play қағидаттарына негізделген ойын. Әсіресе, балалар мен жасөспірімдер көрсеткен кез келген агрессия мен зорлық-зомбылық әрекеттері спорттық этиканы, адами құндылықтарды өрескел бұзу деп саналады.

Төрешілердің хаттамалары мен бейнежазбалар ҚФФ-ның Бақылау-тәртіптік және этикалық комитетіне тапсырылды. Осыған байланысты отырыс келесі аптада өтеді.

Барлық кінәлі адамды футболдан өмір бойына шеттетуге дейін қатаң жаза қолданылады.

ҚФФ мұндай әрекеттерге жол берілмейтінін қатаң ескертеді. Әркім алаңда, оның сыртында регламентті, тәртіп ережелерін және этикалық нормаларды сақтауы тиіс.

Қазақстандағы футбол өрескел әрекеттерден тұрмауы керек. Біз соны табанды түрде қамтамасыз етеміз.

https://kff.kz/ru/news/26997

🏆 Отандық футбол үшін маңызды күн! ⚔️

Бүгін ел чемпиондары «Қайрат» УЕФА Чемпиондар лигасының іріктеуінің плей-офф кезеңінде шотландиялық «Селтикпен» ойнайды.

Кәрі құрлықтың айбынды додасында еліміздің абыройын асқақтатуда біздің жігіттерге сәттілік тілейміз!

Алға, Қазақстан! 💪🏻🇰🇿

#BirińdiQazaqBirińDos | #KFFTeam