🎙️ Ұлттық құраманың бас бапкері Әли Әлиев нақты тізімге ілінбей қалған ойыншылар жайлы пікір айтты.

📌 Зайнутдинов туралы:

«Ол құраманың сапына келіп, команданы қолдайды. Жігіттер құраманың ішкі атмосферасын сезініп, «Баха бізбен бірге» деген сенімде болуы маңызды – бұл оларға қосымша рух береді».

📌 Айымбетов туралы:

«Біз онымен хабарластық – отбасылық жағдайына байланысты өзі ұлттық құрамаға шақырмауды өтінді. Чемпионаттағы соңғы матчынан кейін ол үйіне оралады. Жағдай расымен де өте маңызды. Біз оған түсіністікпен қарадық. Қазір ол жақындарының жанында болуы қажет».

📌 Жақсыбаев туралы:

«Ұларда жарақаты болды, бірақ бұл жолы біз Асранкуловқа таңдау жасадық. Ол – солақай, соңғы турларда сол қапталдағы латераль позициясында ойнады. Ал Ұлардың клубтағы соңғы тәжірибесі негізінен тірек аймағында өтті. Біз бұл жайтты өзара талқыладық – және Ұлардың өзі де қазіргі таңда бізге нақты позицияларда толық дайын футболшылар қажет екенін түсінеді».

📌 Дамир Марат туралы:

«Ол кеңейтілген тізімде. Алайда негізгі құрамға Кенжебек енді. Иә, оның ойын уақыты көп емес, бірақ халықаралық тәжірибесі бар және үнемі жаттығу процесінде. Қазіргі жағдайда Ғалымжан ұлттық құрамаға көбірек пайда әкеледі деп есептейміз. Марат кеңейтілген тізімде қалып отыр және қажет болған жағдайда бірден шақырылады».

📌 Қараман туралы:

«Бұл позицияда біз Қуатқа сенім арттық. Оның тірек аймағындағы тәжірибесі өте маңызды. Алдағы матчтарда тәуекелге бармай, сенімді, тәжірибесі бар футболшыларға арқа сүйеуіміз керек. Бізге тәжірибе мен тұрақтылықтың үйлесімі қажет».

📌 Сұлтаниязов туралы:

«Ол кеңейтілген тізімге аванс ретінде енгізілді. Бұл – көптеген жас футболшыларға белгі: біз бәрін бақылап отырмыз. Болашақта да осындай спортшыларды кеңейтілген құрамға шақырып, бақылауды жалғастырамыз».

📌 Оразов туралы:

«Рамазан қазір ойын тәжірибесінен тыс қалды. Ол өзі де жақсы түсінеді: ойын ырғағы, тұрақты жаттығу және толық 90 минуттық тәжірибесіз Лихтенштейн сияқты қарсыласпен де ойнау қиын. Бұл мәселені біз бірге талқыладық».

📌 Әбікен туралы:

«Бұл жерде де тірек аймағы жайлы сөз болып отыр. Бізде бұл позицияда Тағыберген, Қуат, Жагоров бар. Таңдау халықаралық тәжірибесі мол, жоғары деңгейдегі матчтарға қатысқан ойыншыларға түсті. Әбікен де кеңейтілген тізімде. Біз оны да бақылап отырмыз».

#KFFTeam

𝗠𝗔𝗧𝗖𝗛𝗗𝗔𝗬 ✌🏽

🇰🇿Бүгін Қазақстан WU19 және WU17 құрамалары жолдастық ойындарын өткізеді.

📺 Екі кездесу де YouTube-та тікелей эфирден көрсетіледі.

🤝🏾 Жолдастық матч. Екінші ойын
📆 30.05.2025 | 🕖 18:00
🇰🇬 Қырғызстан WU17 – Қазақстан WU17 🇰🇿
📍ҰФА, Бішкек

🤝🏾 Жолдастық матч. Бірінші ойын
📆 30.05.2025 | 🕖 19:00
🇺🇿 Өзбекстан WU19 – Қазақстан WU19 🇰🇿
📍ӨФҚ базасы, Ташкент

#KFFWomen | #BizdinQyzdar💛💙 | #WU19 | #WU17

𝗕𝗔𝗦𝗧𝗔𝗣𝗤𝗬 𝗤𝗨𝗥𝗔𝗠 🔝

Лихтенштейн құрамасына қарсы ойында алаңға шығатын негізгі құрам 🤝🏾

⛰ Әйелдер құрамасының Алматыдағы кезекті ойыны 17:00-де басталады. Матч тікелей эфирде QazSport телеарнасында!

#KFFWomen | #BizdinQyzdar💛💙 | #KazakhstanLiechtenstein

🔥 МАҢЫЗДЫ ЖЕҢІС!

💪🏻 Ұлттық құрама Лихтенштейн құрамасы 4:0 есебімен сенімді жеңіске жетті. Карина Берікова дубль авторы атанса, Әселхан Тұрлыбекова мен Мадина Жаңатаева бір голдан соқты.

🇰🇿🇱🇺 Алда шешуші ойын – Люксембургке қарсы кездесу 3 маусымда Алматының Орталық стадионвнда өтеді.

#KFFWomen | #BizdinQyzdar💛💙 | #KazakhstanLiechtenstein

Жігіттер ақырындап жиналып жатыр 😍

☀️ Бүгін жиынның 1-күні. Команда әлі толық емес, 1-2 күнде бәріміз жиналамыз.

❌ P.S. Зайнутдинов жарақатына байланысты екі ойынға да қатыспайды. Бақтиер 4 маусымға дейін командамен бірге болады және жеке жаттығу жасайды.

#KFFTeam | #BizdinJigitter💛💙

⚡️Дастан Сәтпаев Андорраға қарсы ойында жастар құрамасына көмектеседі

Бапкерлер штабының шешімі бойынша Дастан Сәтпаев Беларусьпен өтетін жолдастық матчқа қатыспайды.

Футболшы алдымен ұлттық құраманың оқу-жаттығу жиынына қатысып, одан кейін Қазақстан U-21 құрамасына қосылып, 2027 жылғы Еуропа чемпионатының іріктеу кезеңі аясында Андорраға қарсы матчқа дайындалады.

Содан кейін Дастан қайтадан ұлттық құраманың сапына оралып, Солтүстік Македонияға қарсы кездесуге дайындықты жалғастырады.

🔜 Андорраға қарсы матч 5 маусым күні сағат 19:30-да «Астана Аренада» өтеді. Билеттер Ticketon.kz сайтында сатылымда.

🇰🇿 Казақстан U21 – Андорра U21 🇦🇩
🏆 Еуро-2027 іріктеу кезеңі
📆 05.06.2025
⏱ 19:30
🏟 «Астана Арена», Астана
🎟️ Ticketon.kz

#KFFTeam | #BizdinJigitter💛💙 | #U21

Ойын ережелеріне сәйкес Премьер-лиганың 11-турындағы жекелеген ойын сәттеріне түсіндірмелер

Қазақстан футбол федерациясы Төрешілік және қадағалау департаментінің директоры Нуну Алешандре Паррейра де Каштру Премьер-лиганың 11-турындағы жекелеген ойын сәттеріне қатысты түсіндірме жариялайды.

Жеңіс – Ордабасы

26-минут – Қонақ команданың шабуыл фазасының басында қонақтар құрамындағы 15-нөмірлі ойыншы мен үй иелері құрамындағы 7-нөмірлі ойыншы арасында өте жеңіл әрі қалыпты жанасу болды. Төреші дұрыс шешім қабылдап, ойынды жалғастырды, себебі ереже бұзу болмады. Шабуыл соңында қонақ команда гол соқты.

Гол соғылғаннан кейін VAR төрешіге алаңдағы бейнешолуға (OFR) баруды кеңес етіп, дұрыс емес араласу жасады.
Төрешінің соңғы шешімі дұрыс болмады – голды есептемей, шабуыл фазасының басындағы жанасу үшін үй иелері командасына айып добын берді. Бұл қарапайым, қалыпты жанасу болатын.

61-минут – Қонақ команда шабуылдаған кезде, айып алаңына жақын жерде 11-нөмірлі ойыншы допты жылдам жүргізіп келе жатқанда орталыққа қарай өтуге тырысты, осы сәтте қорғаушы 6-нөмірмен түйісіп, құлап қалды.

Төреші қате шешім қабылдап, қорғаушыға тікелей айып добын беріп, екінші сары қағазды көрсетті.

Ойыншылардың аяқтары немесе табандары арасында көрінетіндей жанасу болмады. Болуы мүмкін деген қол/қолтық жанасу өте жеңіл болған және бұл үшін ереже бұзу мен сары қағаз беруге негіз жоқ.

VAR бұл жағдайда араласа алмайды, себебі бұл VAR хаттамасына сәйкес келмейді.

81-минут – Қонақ команда шабуыл жасаған сәтте, доп айып алаңының ортасына қарай асырылды. Қонақ команда шабуылшысы баспен допты теуіп, содан кейін оның әріптесі 11-нөмірлі ойыншы қақпашының қолынан допты теуіп, гол соқты.

Баннерлік төреші ту көтермей күтті, бірақ кейін дұрыс шешім қабылдап, ойыннан тыс жағдайды белгіледі.

Шабуылшы баспен допты ұрған сәтте, 11-нөмірлі ойыншы ойыннан тыс қалыпта болды және ол қақпашымен күреске түскен кезде бұл ойыннан тыс жағдай жазаланатын жағдайға айналды.

VAR бұл эпизодты тексеріп, қосалқы төрешінің шешімін растады – дұрыс шешім.

Ақтөбе – Қайрат

56-минут – Қонақ команда ойыншысы 9-нөмірлі ойыншы доппен бірге үй иелерінің айып алаңына қарай жылдам жүгіріп келе жатқанда, үй иелері тарапынан 5-нөмірлі ойыншы жанынан келіп, допқа әділ күрес жүргізбей, шалып құлатты. Бұл болашағы бар шабуылды тоқтату болды.

Төреші тек ауызша ескерту берумен шектелді.

Дұрыс шешім – 5-нөмірлі ойыншыға сары қағаз беру керек еді. Бұл оның екінші сары қағазы болғандықтан, ол алаңнан қуылуы керек еді.

VAR бұл жағдайға араласа алмайды, себебі бұл хаттамаға сәйкес келмейді.

67-минут – Допқа талас кезінде қонақ команда ойыншысы 55-нөмірлі ойыншы қарсыласын қолымен тоқтатуға тырысып, қолын көтеріп қарсыласының бетіне соқты. Төреші бұл эпизодты байқамай, ойын жалғаса берді. Осы шабуыл фазасында қонақ команда гол соқты.

VAR шабуыл фазасын тексеріп, төрешіге бейнешолу (OFR) жасауға дұрыс кеңес берді.

Төреші бейнешолудан кейін дұрыс шешім қабылдады – голды есептемей, 55-нөмірлі ойыншыға қарсыластың бетіне қолмен ұрғаны үшін сары қағаз көрсетті. Бұл оның екінші сары қағазы болғандықтан, ойыншы алаңнан қуылды.

❌ Өкінішке қарай Әлібек Қасым алдағы ойындарға қатыспайды

🤕 «Ақтөбе» – «Қайрат» матчында қорғаушымыз жарақат алып қалып, ойынды жалғастыра алмады. Осы себеппен Әлібек оқу-жаттығу жиынына келмейді.

Оның орнына кім келетіні туралы алдағы уақытта хабарлайтын боламыз.

#KFFTeam | #BizdinJigitter💛💙

💭 Бапкеріміз Әли Әлиев және ұлттық құраманың ойыншылары Нұралы Әліп, Дәурен Жұмат және Ғалымжан Кенжебек оқу-жаттығу жиыны, алдағы ойындар туралы сұхбат берді:

🎙️ Әли Әлиев:
https://youtu.be/ZqQ9CQVNzuw?feature=shared

🎙️ Нұралы Әліп:
https://youtu.be/0n9TjkRXfeE?feature=shared

🎙️ Дәурен Жұмат:
https://youtu.be/1FyLVKaJsZI?feature=shared

🎙️ Ғалымжан Кенжебек:
https://youtu.be/oVlnhK1u-DA?feature=shared

🔥𝑴𝑨𝑻𝑪𝑯𝑫𝑨𝒀🔥

⚔️ Бүгін УЕФА Ұлттар лигасындағы ақтық ойынды өткіземіз. Алматының орталық стадионында 22:00-де Люксембург W құрамасына қарсы ойнаймыз

🇰🇿 Казақстан W – Люксембург W 🇱🇺
🏆 УЕФА Ұлттар лигасы
📆 03.06.2025
⏱ 22:00
🏟 Орталық стадион, Алматы
📺 QazSport
🎟️ Ticketon.kz

#KFFWomen | #BizdinQyzdar💛💙 | #KazakhstanLuxembourg

🥲

Жеңіліс… Өкінішке қарай, өз алаңымызда Люксембургке есе жібердік.

⚽️ Гол соққан: Карина Жұмабайқызы

#KFFWomen | #BizdinQyzdar💛💙 | #KazakhstanLuxembourg