ҚФФ президенті Марат Омаров футзалдан Қазақстан құрамасымен кездесті

Қазақстан футбол федерациясының президенті Марат Омаров ЕУРО-2026 іріктеу турнирі аясында өтетін Даниямен матч қарсаңында футзалдан Қазақстан құрамасының бапкерлік штабы және ойыншыларымен кездесті.

Марат Омаров бас бапкер Какамен және ойыншылармен сөйлесіп, команда мүшелерінің көңіл-күйін білді. Алдағы маңызды матчқа сәттілік тілеп, құраманың басты мақсаты – Еуропа чемпионатының финалдық кезеңіне жолдама алу екенін айтты.

Сондай-ақ Марат Омаров елімізде футзалдың танымал екенін, халықаралық аренадағы жетістіктері жас спортшыларға үлгі екенін атап өтті. Бұған қоса, футзалдың одан әрі дамуына басымдық беруге ҚФФ жан-жақты қолдау көрсететінін атап өтті.

Еске сала кетейік, 5 ақпан күні футзалдан Қазақстан құрамасы 2026 жылғы Еуропа чемпионатының іріктеу кезеңі аясында Дания құрамасын қабылдайды.

Ойын Астана қаласындағы Жақсылық Үшкемпіров атындағы жекпе-жек сарайында өтеді. Басталуы – 19:30.

😍 Ертеңгі үйдегі ойынға дайынбыз! ✅

Футзалдан Қазақстан ұлттық құрамасы Ж.Үшкемпіров атындағы жекпе-жек сарайында ойын алды жаттығу өткізді. Ертең, 5 ақпан 19:30-да осы паркетте Дания құрамасын қабылдаймыз.

🏆 ЕУРО-2026 Іріктеу кезеңі
🇰🇿 Қазақстан – Дания 🇩🇰
📆 05.02.2025 | 19:30
📍 Ж.Үшкемпіров атындағы жекпе-жек сарайы, Астана
📺 QAZSPORT

#KFFTeamFutsal | #BizdinJigitter💛💙 | #FutsalEUROQualifiers