Hayotdan to'yganini aytayotgan odamning gaplarida yashashga bo'lgan telbavor tashnalik ufurib turadi.

@kenjayeffnote

​ 1
“Bir yoqlarga ketmaymizmi?” – dedi ayol.
“Qayoqqa?”
“Bi-i-ir yoqlarga…”
“Bir yoqlar qaysi tarafda? – dedi erkak.
– Nomi bormi bir yoqlarning?
U yoqlarga qanday borsa bo‘ladi?”
“Bilmayman, – dedi ayol.
– Faqat bir yoqlarga ketgim kelgani-kelgan
Siz bilmaysizmi o‘sha yoqlarni?”
“Bir yoqlarni men qaydan bilay?
Sen o‘zing bilasanmi bir yoqlarni?”

Xo‘rsindi ayol.
Javob bermadi.
Faqat
uzoqlarga tikildi g‘amgin.
So‘ng ketdi.
Qaytib kelgani yo‘q.
Ehtimol,
bir yoqlarga ketib qolgandir.

2
Erkakning esa
endi
tunlari bedor,
“uh” tortgani-tortgan;
bog‘larda
yolg‘izgina kezgani-kezgan;
ko‘ngli bilan
suhbat qurgani-qurgan;
ho‘ngrab yig‘lagisi kelgani-kelgan…
Xullas,
bi-i-ir yoqlarga
ketgisi kelgani-kelgandir
erkakning.
Bir yoqlar esa
sog‘inchga aylangan:
xuddi o‘sha ayolday
sog‘inchga aylangandir.

Usmon Azim

@kenjayeffnote

Sen bilganday meni hech kim bilolmaydi,
18000 ming olam sen bo’lolmaydi
Borim ham yog'im ham sarsona sensiz…

@kenjayeffnote

Garchi piyodamiz, garchi otliqmiz,
Kim yaxshi, kim esa yomonotliqmiz.
Qanchalar fursatni o'tkazdik zoye,
Xudoning oldida ko'p uyotliqmiz.

@kenjayeffnote

Ba'zida tomoqqa tiqilgan narsa taom bo'lmaydi.

@kenjayeffnote

Ba'zi narsalarni kutasan ammo kelsa, nima qilishingni bilmaysan. Manzilga qarab ketyapsan oshiqib, ammo borgach ne qilaringdan bexabarsan. Sevasan ammo visoldan xavotirdasan.

Ba'zan odamni "ammo"lar yeb bitiradi.

@kenjayeffnote

Xulosa chiqarish vaqti kelmadimikan?

@kenjayeffnote

Kimki seni Allohdan so’rab olsa, seni qadrlaydi.
Chunki u seni nasib deb, omonat deb biladi!!!

@kenjayeffnote

— Yaxshimisiz? — deysan.
— Xudoga shukur, yaxshi, — deyman.

Ammo!..

Ammo aytmayman senga hayotim alg'ov-dalg'ovligini.

Tugallanmagan kitoblarim, jo'natilmagan xatlarim, chala yozilgan she'rim borligini pinhon tutaman.

Yolg'izlikka yakka o'zimning kuchim yetmayotganini, sog'inch meni qora tunday bag'riga yutib borayotganini, iztiroblar yuragimni ezayotganini ayta olmayman.

Aytilishga intiq bo'lgan izhorlarim bag'rimni o'rtayotganini senga qanday aytay?!

Sog'inchim bo'g'zimga tiqilar chog'i, ko'zimdan chiqmasin deya osmonga qarashlarimni ham aytmayman.

Sensizlikda sukutning bu qadar g'alayonli ekanini aytib, seni qo'rqitishni xohlamayman.

Ko'ryapsanmi, men bu azoblarga munosibman. Ko'ryapsanmi, men naqadar xudbinman... Chunki faqat o'z dardim bilan yonib, sendan so'rashni unutdim.

— Yaxshimisan? — deyman.
— Xudoga shukur, yaxshi, — deysan sen ham.

Ammo!..

Post ko’chirildi boshqa kanaldan

@kenjayeffnote

Bilasiz-a? Tong otishi chog'ida ajib shabada yoyiladi havoga.

Bu shabadani Xudoyim, tun paydo qilgan mudhish o'y-xayollarni botinimizdan haydash uchun jo'natsa ne ajab.

@kenjayeffnote

​Hech kim butunlay unutilib ketmaydi ammo qadrsizlashadi. Xiralashadi, eskiradi, oʻtmishda qoladi. Go'yo uzoq bir uyquga ketgandek eslanadi.

@kenjayeffnote

Bilasizmi bizda yoshlikdan bir xislat o’rgatilganmi, yoki ulardan o’tganmi, biz hech qachon mol-dunyoga o’ch bo’lmaganmiz. Ortidan quvmaganmiz. Dadam aytardilar va hozir ham, sen pulni ortidan quvma pul sening ortingdan quvsin derdilar. Endi tushunyapman.

Pulga, mol-dunyoga ruj’u qo’ygan insonlarni ko’rsam chidab turolmayman. Ha to’g’ri kimdur majburlikdan, umuman iloji bo’lmagandan shunaqa qilishi mumkin. Lekin bu dunyoni o’lchovi pul emasku.

Men hech kim bilan biror manfaat ustiga munosabatlarga kirmayman. Hoh ishda, hoh ishqda. Va shunday insonlardan yuzimni o’giraman.

Bu dunyoni o’lchovini mol-davlat bilan o’lchaydiganlar, sizning taroziyingiz, haqiqiy tarozi oldida hech narsa ekanligini unutmang. O’zining o’lchavi albatta mol-dunyodan bo’lmaydi.

Endi.endi ota-onamga mingdan ming rahmat aytaman chunki ular yoshlikdan moddiyatdan ko’ra ma’naviyat orqali tarbiya qilishgani uchun.

Dada, Aya boringizga shukur❤️

Xayrlisi uchun harakatdamiz😉

@kenjayeffnote

Erkak rashk qiladi chunki u odamlarning ahloqsizligini biladi!
Ayol kishi rashk qiladi chunki u boshqa ayollarning fitnalarini biladi.

#rashk

@kenjayeffnote

Yo’ldan kelib, yo’lga ketyapmiz