ف عهد انتشرت فيهو وسائل التواصل الالكترونيه لسسه الورق عندو نكهه خااااصه وروح حلوه , ولسسه الناس بترسل رسائل ورقيه 😔❤️
انا بعمل رسائل ورقيه جمييله بخط اليد عباره عن برطمان سعادة وساعي البريد ❤️ بوصل رسائلكم لناسكم البتحبوهم وعايزين توصلو ليهم احساسكم دا سواء كان فرح عتاب حب صدااقه وبأسعار حنيينه شديد .😔❤️
ك مشروع صغير حابه ابداهو
يلا منتظرين شنوو اطلبو لناسكم البتحبوهم وفرحوهم 😔❤️🔥🔥

للطلب والاستفسار.
0993121841

وعندنا توصيل كمان😔❤️🔥🔥🔥

"سنزور محتطكم يومًا المقعدُ خالٍ بجواري ❤️🔥"

‏إياك ان تنسى انك في يوم من الأيام كنت تدعو الله في الاشياء التي تمتلكها الان ..

-🖤✨

في مكان ما من هذا العالم هناك فتاة قصيرة تعتقد انه لا يزال بإمكانها النمو لا يا عزيزتي لقد أنتهى الأمر .؟!

بعد أن تضحي بكل ما لديك وتهزم في النهاية سيخبرك ذلك الذي كنت تصارع من أجلهِ بأنهُ قد تحمل كثيرًا وأن عليك أن تتغير وتحارب طبيعتك حتى تُعتبر بشريًا كالآخرين!

حقيقة الكل كالخيط السيئ الصنع سيخبرونك بأنهم سيمكثون معك ويتقبلونك كما أنت، بكل سوئك حتى ينقطع الحبل بعد كثرة الضغط عليهِ، فيصبح الرد هو
كنت أظنني سأغيرك وفشلت.

تظل حركة المد والجزر في عمق العلاقات حيادية بمضمون الفائدة المعلومة فقط، فيصبح الكأئن البشري هو المتطفل الوحيد على أخيهِ وإن انعدمت الوصفية في مضمون الكلمة نفسها، لا أنكر ان العلاقات تقوم على الأخذ والعطاء، بالمحبة والمودة وغيرها من السمات اللطيفة، لا على أساس مفهوم بعض علاقات الشريطية إن كان تعبيري صحيحًا،
فبعض الديدان الشريطية في مجتمعنا هذا يبدأ بالتقرب ثم التغذي المباشر على عصارة فائدتك الشهية تِلك، حتى تبدو هزيلًا الملامح والمشاعر متباعد الابتسامة رفيقًا للهموم واللحظات الكارثية، ولكن على كُلٍ ليسة هي غلطتهم بل هي غلطة من تغذى في الأصل على الطعام الفاسد ظنًا أنهُ أشهى الأطباق، لِذا احرصوا على انتقاء طعامكم جيدًّا فبعض الأمراض لا تُعالج!

#أمين_عبدالماجد

بسم الله الرحمن الرحيم

مبادرة فينا الخير
الحوجة رقم "8"

قال صلى الله عليه وسلم:
ان لله خلقا خلقهم لحوائج الناس، يفزع الناس اليهم في حوائجهم اولئك الآمنون من عذاب الله💜

ناس الخير وأهل الحاره جيناكم لحوجة عاجلة يدكم معانا🙌✨
-عندنا خالتنا عائشة عبدالمنعم ام ل3 اولاد وبنتين "مطلقة" مصابة بمرض السكري الذي ادى الى جروح بالغة في احدى ارجلها ،بدأت رحلة العلاج "النظافة المستمرة" في مستشفى الأمل ونظرا للظروف المعيشية توقفت عن العلاج
مقرر لها نظافة اربع أيام في الاسبوع بتكلفة 28,800 في الشهر..

-اتيناكم آملين في ان تكونو خير عون لها حتى لا يؤول بها المئآل الى بتر الرجل..


للتبرعات:
زين:0966699580
اريبا: 0927512303
سوداني:0129303618



⭕️للتبرع عن طريق البنك:
2212483
حساب بنك الخرطوم
اسماء عبدالحميد سعيد

#فينا_الخير
#الحوجة_8
#الدنيا_بخير

قال ‎#النبيّ ﷺ اكثروا من الصلاة عليّ ليلة الجمعة ويوم الجمعة فإن صلاتگم معروضة علي

صـــــلوا ؏ الحـــبيب ﴿ םבםב ﴾

🌺اللّهُم صّلِ وسلّمٌ عَلى مُحَمـد🌺

واقرؤوا سورة الكهف😍✨فإنها نور ما بين الجمعتين🌺

يُقاس العُمر بكمية العثرات التي تجاوزتها والفُرص التي انتهزتها، والحطام الذي حولته لبناء عظيم
يقاس العمر بعدد المرات التي أكملت بها الطريق بعدما سقطت
ويقاس بعدد الأشخاص الذين تجاوزتهم وبعدد المحاولات التي لاتنتهي ..

أحدهم يبلغ المئة في سن العشرين، وأحدهم ابن عامين في سن الثمانين 🍃💛

_

"فَظَلَّ يصلي على محمد، حتى تلاشى حزنه، وطابت نفسه، ثم دعى رَبّه فأجابه"♥️✨

في الليل دائمًا، هنالك العديد من المشاعر التي تضل الطريق في التعرف على وجهتها، فيصبح الطريق الوحيد لها للهرب هو أن تُحلق على عتبات الوصول في ذكرياتك، فيبُّح صوتي عند ضحكتك وكأنهُ سُلب الكلام فجأة، وترفُّ عيني كي تطأ رِمشك لحظة، فتهوي بعيني وقلبي وعمري حين نظرة، وحتى لا أفقد في الأمرِ نفسي أرفقت قبل الأمر خدعة، لعبت بأسالكِ التحكم حين غفلة، وقطعت بصري عند أحمر شِفاهك بغتة، راعيت حرمت وجنتيك لوهلة، فالموت مكتوبٌ بينهما إن لم تنتبه لنفسك حين لهفة!

__________
#أمين_عبدالماجد

لاقاني فيديو قبل فترة عن بت ومعاها أخوها كانوا راكبين عربية وتقريبًا وقفّوا العربية بتاعتهم جنب الصيدلية الكانوا عايزين يشيلو منها علاجات، فنزل الود عشان يتناول العلاج لكن اتأخر شوية فالبت قررت تلحقو وتشوف السبب الأخرو شنو، وهي بتقفل في العربية، لاحظت إنو في راجل كبير في العمر لابس ليو نظارة شمسية كدا قاعد في القهوة الجنب الصيدلية ومن قبيل بيعاين ليها من وقفوا العربية عينو ما زحت منها أبدًا، اضايقت شديد من الحركة وفسرت نظراتهُ على أنها نظرات ما محترمة، وقبل ما تقفل العربية كويس أخوها جاءها ، وطوالي أشرت ليو على الراجل وقالت ليو من قبيل بعاين فيني وزي ما شايف لسه بعاين فينا، ومن قبيل ما عايز يشيل عينو مني، وأخوها الموضوع ضايقو شديد وفات على الراجل بغضب كدا وعايز يشاكلو، وكان واضح عليه زول مشاكل بس، فقام بزعلة كدا نهرو وضرب النظارة اللابسها لمن طارت من وشو ووقعت في الأرض وقال ليو "احترم نفسك ياخ دي قدر بتك، وبي شيبك دا ما بتخجل تعاين لي بت كدا" وكانت المُفاجأة إنو الراجل طلع كفيف وكل نظارتهُ ديك كانت بدون قصد ليس إلا، أخو البت اتأثر شديد وزعل من نفسو على التصرف دا، وقام رفع النظارة بسرعة ولبسها ليو وبدأ يعتذر ليو ويتأسف ليو شديد عن الحصل، وأما أختو كانت مراقبة المنظر من بعيد فلمن شافت أخوها رفع النظارة وبدأ يعتذر جات علي أخوها وقبل ما تصل اتضحت ليها نتيجة تسرعها في الحكم عليو، البت من قبل ما تصل بدأت تبكي وتقريبًا شعور البت وصل ليكم تمامًا، بس الحمد لله الراجل كان طيب شديد وكل ردودو كانت لطيفة جِدًا، وحتى قال ليهم انا طلبت من ود اخوي يخت لي الكرسي مقابل الحائط عشان اتلافى المشكلات البنهج دا بس شكلو الود ما عمل زي ما وريتو واسي أنا لي قريب ساعة راجيو قال ح يجي يوصلني بس اتأخر شوية فأصروا عليو إنو يوصلوا محل ماشي رفض في البداية بس تاني بعد ما أصروا عليو شديد وافق يمشي معاهم، ومشو معاو لحدي ما وصلوهُ البيت وهم كلهم أسف على الحاجة الحصلت دي.

كتير من المواقف البتحصل لينا بكون سببها التسرع في الحكم على الآخرين، وبدون أي تفكير بنبدأ نحلل ونهاجم الناس بدون ما نخت عذر عن السبب الحصلت بيو الحاجة دي، فلازم نتعلم نخت ألف تفسير لأي حاجة بتحصل لينا وما نستعجل في الحكم عشان ما نقع في موضع ندامة، وزي ما كان بتقول لينا حبوبة زمان
«العجلة عجلة الشيطان، والتأنِّي تأنِّي الرحمـٰن».

__________
#أمين_عبدالماجد

لم أفقد ملامحك يومًا فكل الوُرود في الطريق تُذكرني بِك 🌸

‏يهِبُ المرء عُمره لمن يعامله حتَّى في الخصام بِرفقّ .🌻♥️

قالت:
كان أول عيد ميلاد لي من خمس سنين مع أهلي والعالم كلها محتفلة بيه بعد ما رجعت السودان بعد كل سنين الدراسة خارج البلد، كل أعمامي واخوالي وجزء كبير من أخواني اجتمعوا في اليوم دا، ومبسوطين بي إنو أنا جنبهم من جديد، وجهزوا لي مجموعة من الهداية والحاجات البحبها، دا غير كمية من الناس الحضرت وصحباتي القُدام وبنات الجيران كانوا برضو مُشرفين، بس أنا دا كلو ما كان هاميني، وبقيت ماسكة التلفون الزمن كلو وراجية الساعة ١٢ تجي عشان يعايدني هو، وبقيت منتظرة لحدي ما جات الساعة ١٢ وماف اتصال، وفجأة جاني اتصال افتكرت إنو هو بس طلعت صحبتي وبدأت تغني لي بصوتها الجميل وعايدتني أحلى معايدة، وبعدها اتصل لي اخوي الما اتوفق يجي يحضر عيد ميلادي واعتذر لي ووعدني أول ما ينزل السودان ح يجيب لي هديتي وهو مش ناسيني، وبدأت المكالمات واحدة ورا التانية وأنا منتظراهو يتصل وكل شوية أشوف افتح التلفون وأفتح الواتس أب واقول يمكن ألقاه رسلي حاجة ومش عاوز يتصل بس ما كان في حاجة في كل مرة، وبقيت منتظرة لحدي ما الناس كلها فاتت وكل الاتعمل لي كان مسيخ بالنسبة لي، وبقيت أفكر السبب الخلاهو لي أسى ما يتصل شنو؛ لأنها ما من عادته إنو يتأخر في مناسبة تخصني أبدًا، وبقيت فاتحة التلفون لحدي ما نمت وأول ما صحيت لقيت منو رسالة في الواتس بيقول فيها " معليش شديد أمس نمت فجأة لإنو كنت تعبان اليوم كلو شغال ونمت بدون ما أعايدك" رديت ليو بكل بساطة وعملت نفسي ما مضايقة وقلت ليو عادي وما مشكلة وكدا، بس أنا جواي متألمة شديدة عشان اتأخر عليّ، وعمري كلو بقيت متذكرة الحاجة دي ومتألمة منها وكل عيد ميلاد بتاعودني الذكرى دي.

قالت:
كنا في الجامعة بنتونس وبنضحك عادي زينا وزي أي صحبات في الجامعة، كنت بتكلم عن أهلي وبحكي في قصة حصلت ليهم وهم في البلد، وفي أثناء ما بحكي صحبتي ردت لي رد سخيف كدا وقالت لي "يعني عايزة تورينا أهلك ولا شنو" زعلتني كلمتها شديد حتى بطلت احكي القصة وهي تابعت تضحك عليّ وتتريق افتكرتني بهظر ، المهم خلصنا يومنا ورجعت البيت وأنا واضح في وشي زعلانة شديد بسببها، وكنت مفتكرة أنها ح تجي تعتذر لي بسبب كلامها القالتهُ ليَّ، بس ما رسلت لي أبدًا ولا اتصلت لي حتى، ومشيت الموضوع عادي لحدي ما رجعت الجامعة في اليوم التاني وهي جات تتعامل عادي كأنو ماف حاجة ولمن لاحظت أني زعلانة منها ولسه متأثرة من حركتها بدأت تعتذر لي، بس بعد شنو بعد ما اخدت فترة والكلام أثر فيني شديد لا وكمان بعد حسيت أني ما مهمة بالنسبة ليها، المهم عديت ليها الموقف وقبلت اعتذارها بس كنت شايلة منها في قلبي حتى بطلت أحكي أي قصة تخص أهلي وهي موجودة وعمري ما نسيت الموقف دا وفِضل محفور في قلبي.

الأخطاء، والنسيان، وغيرها من الحاجات البتمر بينا والممكن تكون ذات تأثير كبير على الناس البنحبهم وعلى الناس القريبين لينا لو يوم نسينا أو غلطنا في حقهم، وأكيد الحاجة دي ما في يدنا وما معصومين من الخطأ، بس في يدنا الاعتذار، المفروض ما نتأخر بيو نهاي ولو حسينا بزول اتأثر شوية نحاول نعتذر ليو طوالي حتى لو الموضوع مش مُستاهل الإعتذار؛ لإنو تأخير الإعتذار زي الجرح لو خليناهُ وما اهتمينا بيه حنلقى إنو دمر أي شئ وسبب لينا نتائج سيئة شديد، بس ممكن نعالج الجرح دا بالاعتذار البدري ونقدر نحافظ على كل الحنبنا بدون ما نفقد أي زول، وقلتها وبقولها ليكم تاني:

«ما تتأخروا، ما تتأخروا على الناس البتحبوهم لإنو في التأخر التعثُّر».
_____________
#أمين_عبدالماجد

ايُّ هرَب مادامت الاشياء تسكننا؟.

هؤلاء الذين يصرون على الجلوس بمحاذاة النافذة.. لو سألتهم عن تفاصيل الطريق لا يعرفون.. .