المريح في نهاية هذا العام أن الصديق الذي ظننت به
خيراً مازال صديقي إلى الآن . .

غَريبةٌ هي!
عزاؤهَا الوَحِيد أنَّ الكُتب لم تَختفِي
تجِدُها تارةً تَبكِي
وتارةً في أوج سعادتِها
تقرأ بلهفةٍ وكأنَّها تودُّ أن تطبَع كُل حرفٍ في ذاكرتِها
تتلَعثَم كُلَّما راودَها إحسَاس أنَّها تقرأ نفسَهَا
وفي كُل كِتاب جدِيد تجِدُ قليلًا من شخصيَّتِها
المُبعثَرة
غَريبة ولكنَّها تودُّ أن تُدفَن بينَ طيَّاتُ الكُتب
تتدثَّر بصفحَاتِ كِتابها الخَشِنة
وتَنسى أنَّ هُناكَ أُنَاس
سِوى شخصيَّات روايتَها المُفضَّلة.

"يا أيها البلد البعيد
هل ضاع حبي في البريد؟! "
_محمود درويش.

بتذكر مرة كنت راجع مع صحبي كنا في زيارة لواحد زميلنا كان عامل عملية، مشينا عملنا معاهو الواجب وفي أثناء ما راجعين وراكبين المواصلات، بديت اتكلم مع صحبي عن إنو الامتحانات جات بعد دا والناس تبدأ تحفر عشان نجيب نسبة كويسة في سنة تالت ونقدر نفرح أهلنا، قام قال لي والله ياخ الناس ما بترحمنا كلو كلو من امتحنا السنة الأولى وما اتوفقنا في النسبة العايزنها، وامتحنا تاني ولسة هم بتكلمو فينا وبعاينو لينا بنظرات ما جميلة على أساس إنو لو كنا شاطرين كان جبناها من أول من سنة وكدا، قلت ليو الحمد لله على كل حال وما علينا بيهم نعمل العلينا والباقي على ربنا، شال نفس كدا وقال لي "ونعم بالله" .
سكتنا مسافة كدا وقال لي إنت عارف ذكرتني قصة بتاعت واحد قريبنا، قلت ليو قصة شنو، قال لي عندنا واحد قريبنا كان من أشطر الناس في العائلة وفي المدرسة البقرأ فيها ولمن امتحن الناس كلها متوقعة إنو يتذاع في التلفزيون وكدا، وكانوا شبهِ ضامنين الحاجة دي، حتى بقو يقولوا ليو اقرأ طب الخرطوم كويس معاك، وفي ناس بقولوا ليو أخير ليك تشوف منحة خارج السودان وكدا، ومرت الأيام وجات النتيجة وكانت الصدمة في إنو أحرز ٧٨٪، مع أنها نسبة كويسة بس ما كانت متوقعة أبدًا، ومن هنا بدأت المشكلة وكلام الناس كِتر شديد، ودا شنو مش قلتو شاطر، ودي شنو النسبة الجابها دي، وشكلو شطارتو كانت من مساعدات ناس المدرسة ليو، ودا عشان أمو أستاذة كانت بتصحح ليو ساي وبتوري الأستاذة يتساهلوا معاه، وغيرها من الكلام الصادم، لحدي ما سببو دخلو قريبنا دا في حالة نفسية، من البيت بقى ما بطلع عشان ما يسمع كلام الناس عنو، والكلام دا أخد فترة طويلة معاو لحدي ما قِدر يرجع يختلط مع الناس تاني بس المشكلة وين إنتَ عارف؟
قلت ليو وين؟
قال رفض يرجع يعيد تاني، لا وكمان خلىّ التعليم كلو كلو، وانتهى بيو المطاف عامل طُلبة، وبقى شغال يبني بس يطلع من الصباح يجي راجع البيت بقروش بسيطة وتعبان ينوم ويقوم اليوم التاني، وأمو كل يوم بتبكي وهي شايفاهُ تعبان كدا، لا وبتبكي عشان تعب عمرها معاو كلو انتهى وبقى عامِل يومية بس، مرت سنة كاملة عليو وهو بالحالة دي لحدي ما جاء خالو الكان مغترب، وقعد اتكلم معاو وحاول يقنعه بكل الطرق بس هو كان رافض، في آخر شئ قال ليو أنا بسوقك معاي السعودية والفيزا وأي شئ عليّ بس على شرط تمتحن السنة دي، ولو ما جبت الدرجة العايزها بسوقك معاي، ولو جبت الدرجة العايزها الجامعة عليّ أنا وبقريك لحدي ما تتخرج، المهم قريبنا دا وافق على كلام خالو وخصوصاً بعد التشجيع القدمو ليو خالو، كان الرجوع بالنسبة ليو صعب شديد وكيف يرجع يقرأ مع ناس كان خلاهم وراو بي كم سنة، بعد تعب قدر كسر الحاجز دا وامتحن تاني وقدر يحرز نسبة ٩٣.٧٪ وحقق حلمو ورجع فرّح أمو من جديد، ودخل طب الخرطوم واتخرج وهو حاليًا واحد من أفضل الأطباء الموجودين في مجال المسالك البولية.

بعد صحبي خلص من القصة، الكان أثرها واضح في تعابير وشي، قلت ليو شوف أثر الكلمة كان سببها شنو في المرة الأولى وأثرها شنو في المرة التانية، وكيف حولت زول من عامل يومية لي أفضل طبيب.

حكيت القصة دي عشان في الأيام البسيطة الجاية متوقع يتم إعلان نتائج امتحانات الشهادة، فبتمنى من أي زول عندو زول امتحن السنة دي يخت بالو لي أي كلمة بتطع منو، ويفكر كويس عن كمية الأثر الممكن تحدثو الكلمة دي، ويكون عارف أنهم يستاهلوا كل الخير وأي نتيجة يحرزوها هي شرف لينا كلنا؛ بسبب الظروف السيئة المرو بيها السنة دي، وإن شاء الله أي طالب امتحن السنة يعانق حلمو الاتمناهو ويقدر يفرح قلب وأبوهُ، وأمو.

__________
#أمين_عبدالماجد

تعب الجسد ما هين لكن وقتين تستريح طوالي بيروح
أما تعب الروح يا صديق منو كل الاعضاء تنوح
حتى لو ما درت الكلام إجباري وغصب عنك كل ملامحك بيه تبوح
هي ما شفت فرحان اب وشن صبوح
كيف بدل بسمته وخلاها في لحظات تسوح
وفي كل تنهيدة تعب معاها ابخرة الألم تطلع تفوح
تعب الروح كعب تعب الروح شكيتوا لي رب نبينا نوح
#عبدالجليل_مختار

حتى نتمكن من عيش حياةٍ سعيدة؛ لا بُد لنا من أن نمر بلحظاتٍ حزينةٍ ومُرهقة، فلا معنىٰ للفرح إن كان مُستديمًا، بل وأنه سيتم تفسير الأمر على أنه مجرد حياة عادية فقط، لِذا تحضَّر لفرحك بقدر كمية الحزن داخلك؛ فهنالك ربٌ كريم قد جعل بعد العُسرِ يُسرا. 💙

‏"بجانب الجمال، أنتِ مرحة
، وهذا يعقّد موقفي أكثر"
- علي عكور.

ولضِحكتهِ أثر التوت، والقلب قميص أبيض

قالت لي إحداهن، أتدري ما الذي يُرعبني في فكرة أن أُحب كاتبًا؟
أجبت وأنا مثقلٌ بالأفكار "لا".
قالت لي: أخاف أن نصل يومًا ما إلى نهاية طريقٍ مسدودة، فتتحول كل الكتابات القديم إلى سُم، وأن يصبح مشهد الرعب الأكثر خوفًا بالنسبة لي هي رسائلهُ المقبورة، فأصبح حينها الفتاة الأكثر ألمًا برسائل الحب فقط.

________
#أمين_عبدالماجد

ف عهد انتشرت فيهو وسائل التواصل الالكترونيه لسسه الورق عندو نكهه خااااصه وروح حلوه , ولسسه الناس بترسل رسائل ورقيه 😔❤️
انا بعمل رسائل ورقيه جمييله بخط اليد عباره عن برطمان سعادة وساعي البريد ❤️ بوصل رسائلكم لناسكم البتحبوهم وعايزين توصلو ليهم احساسكم دا سواء كان فرح عتاب حب صدااقه وبأسعار حنيينه شديد .😔❤️
ك مشروع صغير حابه ابداهو
يلا منتظرين شنوو اطلبو لناسكم البتحبوهم وفرحوهم 😔❤️🔥🔥

للطلب والاستفسار.
0993121841

وعندنا توصيل كمان😔❤️🔥🔥🔥

"سنزور محتطكم يومًا المقعدُ خالٍ بجواري ❤️🔥"

‏إياك ان تنسى انك في يوم من الأيام كنت تدعو الله في الاشياء التي تمتلكها الان ..

-🖤✨

في مكان ما من هذا العالم هناك فتاة قصيرة تعتقد انه لا يزال بإمكانها النمو لا يا عزيزتي لقد أنتهى الأمر .؟!

بعد أن تضحي بكل ما لديك وتهزم في النهاية سيخبرك ذلك الذي كنت تصارع من أجلهِ بأنهُ قد تحمل كثيرًا وأن عليك أن تتغير وتحارب طبيعتك حتى تُعتبر بشريًا كالآخرين!

حقيقة الكل كالخيط السيئ الصنع سيخبرونك بأنهم سيمكثون معك ويتقبلونك كما أنت، بكل سوئك حتى ينقطع الحبل بعد كثرة الضغط عليهِ، فيصبح الرد هو
كنت أظنني سأغيرك وفشلت.