ما ح أتعامل مع أي زول بيستنزفني نفسياً ،ومخليني أهاب ردود أفعاله وتصرفاته اتجاه كلامي و تصرفاتي بغض النظر عن هي صاح أو أغلط، ما ح اتعامل معاو ولا ح يكون في بيننا أي علاقة تربطنا سوا غير السلام وأخوة الإسلام،مهما كان هو منو !

أهم شئ في العلاقات تكون مرتاح،وقادر تتعامل بتلقائية وعفوية،مجرد ما فقدت التلقائية دي،أعرف إنك مافي بَر أمان وراجِع علاقاتك دي من جديد..

‏قال رسول الله ﷺ
" مَنْ صَلَّى عَلَيَّ صَلَاةً
صَلَّى الله عَلَيْهِ بِهَا عَشْرًا " 💙
.

‏قد يكون سبب البلاء الذي يُخيمُ عليك صديقٌ صالح مُستجاب الدُعاء؛ فيسألك عن حالِك ليطمئن عليك _ وأنتَ في أسوأ الحالات_ فيكون ردك «بخير»، فيُباغتك بدعوة«يدُّم» فأصبحت ما أصحبت عليهِ. :'(

‏"وظننتُ أن الطاهرينَ خُرافةٌ
‏فظهرتَ لي وكَسَرتَ أنفَ خُرَافتي".

انت جاي الدنيا عشان تبني مكان لنفسك في الجنة اوعى تنسى الهدف دا💜

ليست كل الأفكار قابلة للكتابة ولا كل الأحداث قابلة للسرد ولا كل الهزائم والإنتصارات قابلة للعرض والتدوين ينبغي للإنسان الاحتفاظ بشيءٍ ما✨

وأنت الذي لم يعُد فيك شيءٌ مُلتئم أيّ صبرً هذا الذي أبقاك مُبتسِم💜✨

‏سيأتي الحُلم في مُشكاةِ فجرًا
‏و عِند الصُبح ترتسِمُ الأماني .

كيف لشخص قابلناه مرة واحدة أن يصبح دعوتنا الثابته في كل صلاة.
كيف لي غريب أن يسرق قلبك وابتسامتك وانت صادفته برهه واحده ❤️.
وبين اللهم وامين كان قلبي يدعو لك ❤️

- ازاى تعرفي إنو فعلاً رجل؟
على قد ما بيكون متعصب بيفضل محترمك.

مامهم شكل المساكن ‏المهم الجوه ساكن ‏حاله كيف؟
‏قلبه كيف؟ ‏
المهم دائما نضيف،،
‏وببتسم لي كل ضيف،،
‏راضي بي القاسمه اللطيف

jaleel:
الثلاثاء 19/1/2010
كنت تلميذ في الصف السادس أساس في مدرسة قرآنية كانت المدرسة بتخرج كل سنة حَفَظَة لكتاب الله عز وجل وغالباً بكونوا من الصف الثامن وكان في تقليد سائد انوا في كل تكريم للتلاميذ الحافظين بختاروا تلاميذ من الصفوف الأدنى الأخرى بعد إختبارات معينة إنهم يقروا قرآن على منصة التكريم ما عارف نظام تحفيز ولا شنو🤔
المهم في التاريخ أعلاه كان يوم الاختبارات لإختيار التلاميذ وطبعاً عشان يقللوا العددية المُخْتَبَرَه بشيلوا أول عشرة من ناحية النتيجة في الفصل ويختبروهم وكنت أول الفصل ساعتها، المهم بدأ الإختبار والمشرفين اتنين من الأساتذة، أها لما جا الدور علي في الإختبار وكان إختبار لي صحة وجمال القراءة حاولت أحَسِّن صوتي واقلد وطبعاً عارفين لما زول يحاول يقلد وما بعرف صوتوا بكون كيف 😅😂😂
الصوت صراحةً كان سيئ مع أخطاء في التجويد وأنا كنت معترف بالحاجة دي بس الكان صعب شديد ردة فعل واحد من الاستاذين وتعليقه كان كالآتي (دي قراية شنو دي وصوتك دا كعب مره واحده وانت ما بتنفع تقرأ نهائي وانت جيت الأول كيف غشيت في الإمتحانات ولا شنو) وتعال شوف ضحكات المعاي في الفصل ونظرات الاستهتار والسخرية لحظتها ما قدرت أمسك دموعي وطلعت من الفصل وجواي ألم ما يعلمه إلا الله وحقد ما بتوصف تجاه الأستاذ دا.
أستاذ ما انتبه لي انوا بخاطب طفل في الثانية عشر من العمر ما انتبه لي انوا كلماته دي ممكن تحطم الطفل دا إلى الأبد، بس الحمدلله تأثير الكلمات كان عكسي وإيجابي شديد. بعد طلعت زعلان أخدت على عاتقي إني لازم أخليه يعترف انوا غلط في حقي واني جيت الأول بجدارة واستحقاق وإني بعرف اقرأ بي تجويد وحاقدر أحسن صوتي.
أبوي كان عندو أشرطة كاسيت للقرآن كامل بصوت شيخ السديس كنت بشغلها واستمع واشيل واكرر فيها، وكان في حلقة تلاوة في المسجد معظم الناس بشردوا منها لانوا مشرف الحلقة زول صارم وما بفوت ليك غلطة وأسلوبه صعب وكنت واحد من الشاردين 😅😂😂
بس عشان كلام الأستاذ دا مشيت وبقيت مواظب عليها بدون كلل ولا ملل ولما جات فترة الإجازة خشيت خلوة صيفية في واحد من المساجد وفي نفس الوقت مواصل في الإستماع لاشرطة الكاسيت طيلة فترة الإجازة ولما نزلنا الصف السابع كان جابوا لينا أستاذ معاون بالإضافة لي الأستاذ الأول والأستاذ المعاون كان طيب شديد ووقف معاي وقفة ما بنساها أبداً 😭😭😭❤️❤️❤️
المهم أنا بعد سنتين من التاريخ الفوق وفي الصف الثامن تحديداً أكملت تسميع القرآن كامل عن ظهر قلب ولله الفضل والمنه ❤️
خشيت الثانوية في مدرسة نموذجية وكنت مواصل في برنامج الإستماع بس المره دي حولت لي ماهر المعيقلي وكنت متواصل مع الاستاذ المعاون وكان مواصل في دعمه لي ولحسن وجمال القدر انتقل للسكن في منطقتنا ❤️
أنا مؤمن بي انوا ربنا عز وجل بيعطي الإنسان ما يتمنى وفي الفترة دي زي ما عارفين بتحصل تطورات فسيولوجية في جسم الإنسان (البلوغ) وبحصل تغيير في نبرة الصوت و guess what 😁 ربنا رزقني بي نبرة صوت جميلة وما عرفت كدا إلا لما كنت بقرأ في طابور الصباح في الثانوية وانبهار الطلاب والمعلمين بالصوت والقراءة ومرات كنت بنشد أناشيد وأشعار فا أنا كعادة أي شخص بشوف نفسه عادي نسبة لانوا بركز مع العيوب اكتر كنت شايف صوتي عااادي شديد بس في كل محفل أو مجمع ناس قريت أو انشدت فيه كانت الإشادة بي صوتي لاحقاني لمن بقيت أشوف نفسي العفاسي أو ماهر زين😅😂😂😂😂😂😂💔💔
ومن المواقف الطريفة كنت مشغل ماهر المعيقلي من اليوتيوب وهو بصلي في الحرم المهم بسبب العقال السعودي وجهه ما ظاهر، جات بت عمي صغيرة كدا قالت لي دا وين المكان الصليت فيه دا 😳 قلت ليها دا ما أنا قالت لي والله دا انت ودا صوتك وابت تصدق نهائي 🙈😂😂😂😂❤️
المهم واصلت في التنمية لحدي ما خشيت طب الإسلامية وهناك لاقيت خبرات تقيلة واستفدت منهم والحمدلله وبقيت إمام في قريتي ومشيت أماكن كتيرة بلقى فيها أشخاص بعرفهم فا بقدموني عشان أئمهم وبعد الصلاة بجوا المصلين يمدحوا في الصوت واستمتاعهم بالصلاة وتمنيهم لو انوا الصلاة ما تنتهي وطلب البعض مني أجي وأصلي بيهم في أوقات تانية 😭😭
المنشور قد يكون مُبَكر وقبل أوآنه لأني لسه ما وصلت للطموح والحلم الكبير إني اخدم وأنفع بي صوتي العالم كله بي الأناشيد المحفزة المقاطع المفيدة القصيرة إني أصلي بالناس وخلفي المصلين خاشعين من جمال التلاوة فتكون هدايةً لهم ولقلوبهم ❤️
العايز اقولوا ما تسمحوا للأشخاص محدودي الرؤية إنهم يدمروا حياتكم واحلامكم وطموحاتكم بي سلبيتهم وتعليقاتهم الساخرة بالعكس خلوها دافع ليكم في طريقكم نحو النجاح، مش حضرتوا كرتون زماان ما شفتوا كيف البطل بصد الضربة من الشرير وبستخدمها في صالحه ويهزموا بيها😅😂😂😂❤️❤️❤️
لازم نعمل كدا برضو نشيل كل العوائق البختوها في طريقنا ونحولها لي معينات ومعظمكم بعرف قصة والت ديزني لما تم طرده من الصحيفة بسبب رسوماته السيئة ووين حصل حالياً،

بتعرفوا بيتهوفن لما معلمه قال ليو ما حتبقى موسيقار ولا حتعرف تألف نوتات موسيقية وبتعرفوا ليدي غاغا المغنية الشهيرة معلمتها قالت ليها ما بتصلحي للغناء أبداً
بس هل استسلموا لكلماتهم واتخلوا عن أحلامهم؟
ما تخلي محدودي الرؤية يتحكموا في حياتك ويثبطوك عن أحلامك، أمسك حلمك قوي وأبقى عليه عشرة
وح تصل إن شاء الله ❤️❤️

#عبدالجليل_مختار

أكبر سبب لفشل أيّ علاقة في حياتك :
هو إقتناعك بِجُملة : " كُلنا فترات في حياة بعض "
الجُملة دي غلط ،، لأنك طول ما إنت مُقتنع بالجُملة دي ماحتعمل أيّ شي عشان تحافظ على زول في حياتك ، و حتبرّر بيها فُقدانك لكل زول في حياتك مهما كان بِعني ليك، وحيبقى فعلا كل زول حتعرفو مُجرد فترة !!

في علاقات حُب بِتكتمل بالزواج ، مامجرد فترة!
في علاقات صداقة بتدوم طول العُمُر، مامجرد فترة!
في علاقات أُسريَّة بتكون مُترابطة و صِلة رِحِم،مامُجرد فترة!
في علاقات كتيرة جدا كَمَّلت و إزدادت ترابُط ، مامُجرد فترة!

#إحنا_مافترات
#أمسك_في_الناس_البستاهلوا

دا أجمل شيء من انقي زول انا سمعتو ❤️صعب انو يأثر فيني زول او قصتو بس هو عملها ❤️🔥

"Everything is beautiful when you look at it with love".

Be confident in the power of God and you will never regret

يا رب♥️✨

‏"وهذهِ الأيام التي تكاد تكون بدون مخرج، يهونها الله وتمُر❤️

‏"قضيتي الوحيدة التي أناضل لأجلها كل يوم، هي أن أواصل في طمأنة نفسي، وإن كان كل الذي أواجهه يدعو إلى الفزع."💘♥️