"عزيزتي، لديكِ معارككِ التي لا يعلم عنها أحد، معاركك مع الحزن المفاجئ وقلة الحيلة وفقدان القدرة على التعبير، لكنكِ موعودةٌ بقدر صبرك،
أن تقبضي على قلبك أكثر، معناهُ أن تعتادي على الفراغ، ثم سَيُفاجئك الله بفرحٍ على أكثر من شاكلة، والله إذا أعطى أدهَش ❤️"

بنحب بس ما بنعرف نتكلم ..

♥️♥️♥️

ما عارفة ابدا من وين و محل ما مسكت بيوجعني. ..

أبدا من عننا جوة البيت الواحد و كلام أهلنا معانا و كلامنا مع أهلنا ، و لا أتكلم عننا ك أصحاب ، و لا عن كلامنا لي بعض في العلاقات ..

عندي زول بيحبني , اااي ، الحب الواحد دة ، ما كلام انا استنتجته ، لا هو زاتو بيقول كدة .

يجي يتكلم معاي ، اقول ليه كيف ما فهمت الحاجه دي ، يشبكني ليك انتِ غبية !!

اسكت كده و اقوليه قلت شنو ، في محاولة انه يراجع نفسه من التلبيخ دة ..

يزيد في النهره ، قلت ليييييك انتتت غبييية

اقوم اقول ليه والله ياخ يمكن ما سمعتك كويس ،

رده يكون ما سمعتي ليه ،، طرشا ؟!!

و قِس على ذلك ..

ناس انت حيوانة ، مالك بليدة كده ..

شي بي جدية و شي بي " هظار "

و بالله اقيف لي هنا و خت لي سبعة خطوط تحت هظار دي ..

يا جماعة .. الكلمات البتطلع مننا ، عندها طاقة ..

اااي energy و ذبذبات

‎ الكلام ده ما شايله الهوا و ماشي ، لا

الكلام عنده وقع على القلب و الروح و العقل الباطن

و دي حاجة خطيرة جدا ، معظمنا في مجتمعنا دة مسجلين فيها صفر !

الكلمة بتمشي عقلك الباطن و تقعد ، مش الكلمة بيقولا ليك الزول و بس

لا

الكلمة حتى البتقولا لي نفسك في ساعة زعل

انا بليدة خلاص ..

مخك ما عنده فلتر ، بتاع زعل و فرح و دة بيهظر و ده قاصد يكاويني عشان بيحبني ..

بيمسك الكلمة و بيخزنا و ببدا يتعامل معاها كشي من الحقيقة .. و من ثم تترتب افكار ، تدور حول الاحساس السالب دة و الافكار تترجم لي مشاعر و المشاعر دي ، تخلي تفاعل الكون كله معاك بي شكل افكارك اللي اصلا سالبة !

انا ما عايزة اسمع في حياتي من حبيب ولا عدو كلمة ما انا بريدك شديد و بعبر كدة

لا غلط .. انت بتأذيني و كلامك شييييين

كلامك ما مفروض يقولو عدو لي عدوه ، خليك من حبيب لي حبيبه ..

الاب في البيت داخل و طالع ، يقوليك شوف محمد ود عمك فلان شاطر كيف ، انت ليك سنتين في سنه تالته !!

ده هسي كلام احسن منه تدي ولدك رصاصة ..!

يعني لو ادينا اي اب دوشكا و قلنا ليه هاك رصص ولدك دة ،، ما بيقدر !

لكن هو ما عارف انه كلامه اللي هو فاكره عتاب ولا تحفيز ولا ما عارفه حب

اكعب من الرصاص ..

عندي صديقه رسلت لي قالت ، لي لما امتحنت الشهادة ما جبت درجة كويسة. ، لما جيت اعيد ، ابوي قال لي لزومه شنو، خشي اي حاجة و خلاص اصلك حتبقي دكتورة. !

تعليقات الامهات للبنات ، حتى بالضحك ، القدرك عرسو .. صحبتك بي اولادها ، عايني شكلك كيف ..

حاجات مخك بيكون شغال error , error , error

سلبية بس .. تمرق من بين الالف كلمه ، نص كلمة تقدير

الباقي كله سالب

المأساه انه نابع عن حب ؟

هو الحب غيروه ؟!!

الانسانية الي هي أكبر من الحب .. بتدعونا اننا ندعم بعض ، نحفز بعض ، نتكلم بي شكل ايجابي ، اضعف الايمان ما ندي بعض كلام سلبي و محبط ..

التعليقات المؤذية البنقولا لي اصحابنا بي دافع الضحك و الهظار ..

سمينة كده قدر الضربة ! ضعيفة زي العضام ، وشك المنقر ده ، بنطلونك الواحد ده ..!

ما تناقشني ، و تقول لي انا متصالح مع روحي و عادي

انت ذاتك غلطان اذا .. تتصالح شي ، و تسمح للطاقات الفي الكلمات دي تتسرب ليك شي تاني

مخك ما بيفهم كده . بيحتفظ بالكلمات دي و خلاص

عشان كدة كلنا بنحاول نغير في اشكالنا ولا في نجاحاتنا ولا في علاقتنا و ما بنعرف

لاننا اصلا وصمنا نفسنا قبييييل بالافكار المندرجة من التسميات دي و التعليقات دي و الافكار هي مكمن التغيير الحقيقي .. !

عندي صديقة حامل ، ربنا يتمم ليها على خير و يفرحا بالبيبي بتاعا ..

انا عارفة انها خايفة و سعيدة في نفس الوقت ، مقبلة على مرحلة جديدة في حياتا ..

اي زول يمسكا ، تاني مافي ليك راحة ، النوم دة ودعيه ، تاني راجلك ده انسيه ، شغل ؟ انت قايلة حتشتغلي تاني ؟!!

ليه يا جماعة

ليه مافي زول واحد يمسكا من يدها و يقوليها لما تمسكي طفلك كل الكون حيتغير و كل كعب حتنسيه و الحياة حتكون اجمل و انت حتبقي انثى استثنائية انت حتبقي أم و رضاك من رضا ربنا و الجنة تحت اقدامك ..

ليه ما في زول يكلمها عن اول مرة يبتسم فيها ، و اول مرة يحبي و اول ضحكه و اول شهاده روضه ..

ليه كلامنا كله كعب و مر و شين ! و نحن بنحب بعض

طيب لو بنكره بعض حنعمل شنو يا خواني !!!

هذا الصباح ..

فكر في كلامك لي اولادك ، لي مرتك ، كلام اولادك لي بعض ، فكرو في اصحابكم ، في علاقاتكم في حبيباتكمً..

و اوزن كلامك و احساسك قبل ما تقوله ،، لانه الكلام ما بيقع الواطه الكلام بيقع في القلب و العقل و الروح ..

و احنا انعكاسات النجوم

و الواطة ضل رامية السما !

#سلمى_المصباح

يا صديقي إن قلوب الناس مُكتظة بأمور يجهلُها حتى أعز الأقرباء فَمُر هَيّناً .

- هل تساءلتَ من قَبل لمَاذا في القرآن "الظُلمَات"جَمع، وَ"النُّور" مُفرد؟

يقولُ ابن القيِّم: هذا من إعجازِ القرآن، لأنَّ طَريق الحقِّ واحِد، وطُرق الباطلِ مُتعدِّدة.✨💛

‏من قواعد سوء الحظ أحياناً أن يكون قلبك طيب...!💔

ساخبرك سراً
عندما تراودك فكره أو خاطره أو خربشة دونها في هاتفك لاتعتمد على ذآكرتك فهي أنثى وستخونك.💔❌

- كُلّ البِلاد التي لا تحتويك هي منفى ، وكُلّ المنازل التي أنتَ خارجها هي قُبور ، جميع الأزِقّة التي لا تمشي فيها بجانبي هي توابيتٌ ضيّقة ، مُغترب ٌ، لاجئ ٌ، منفيٌّ أنا حتّى ألقاك ..

= وأنت من سيداويك !؟
- الله♥️✨

كـلمة "كُنـت" دي فـي بعـض الحِـوارات مؤذية جِـدًّا، لانـو "بتفـيد التـغيُر" بـدون مُـراعاة للمشـاعِر. 💔
#Amin_Abdulmajid,, ♡

هِـي كَـانَتْ كرسُـولِ الفَـرحةِ في أُمـةٍ اتـَخذتْ الحُـزن دِيـنًا! 💙

#Amin_Abdulmajid,, ♡

كنـتُ كـل مرةٍ أسقـطُ فـي جحيم أفـكاري، وكـانت هـي كـنار علـى قلبـي الإبراهيمـي، بـاردةٌ، هادئة عَليَّ.
#Amin_Abdulmajid,, ♡

‏- الأقدام التي لا تقودك إلى الصلاة ، لن تقودك إلى الجنة💔

كل شيء زائل يا صديقـي
الغـرام , الشبـاب , الاصـدقاء ,كُل شيء
أنها قـصة عادية و كل شـيء يـمضي مع السنيـن ...!

لكنه كان استثناء في جميع الأشياء.
فهو قضيتي الأولى إبني الأكبر وصديقي المخلص ووطني الذي لا يجور ووديعتي عند الله التي لا تضيع.
أخذته هو واحلامنا علي محمل الجد.
مر بي حُباً أزِل المُرَّ عني 💙🐾.
وادسك في طرف توبي وأقول ليهم ولدكم راح 🔥 💙.
واجيك بقدرتي الباقية حطام إنسان موسم بي شقي الايام 💙.
#ضلنا 🙁 ♥
#سماح_عبد_الباقي 🌸 💙

اؤمن بمقولة : ( تكون قوة الإنسان بحجم ألمه )...

ثـم ماذا...





ثم اني ذات مرة.... أصابني الغرور
من حديث غريبب عندما قال لي أحدهم
محظوظ من يملك قلبك♥️

‏بعض الخسارات تجعل روحك أكثر خفّه ربما لأنّك تخليت عن اللا ضروري الذي اثقلك !

( المرء مهزوم بمن يحب)...

لما شفت الجمله دي استنكرتها..
المرء قوي بمن يحب.. ♥️

الحب مشاعر مع بعض قوه واخلاص رضا عن النفس ده لو حبيت الزول الصح..

اما لو حبيت زول م بيتساهلك هنا فعلا بتكون مهزوم م قدامه وبس حتكون مهزوم حتى مع نفسك..💔

علشان كدا حبو صح، اختارو صح، م تتعلقو في الناس الغلط..

الحب قوه.. ♥️

كيف معاكم وانا رضوى الشربيني 😂😂♥️

ارمي فوق كتفي الملامة✨

عافروا طعم المعافرة والنجاح والإنجاز سمح خلاص والله 🔥💙

- كُنت أتَمنْى أنّ آتي إلى هذا العَالْم و أنا قطّرة ميْاهَ في وسَط هذا النْيل أو خَيط أسود منسُوج في كساءٍ الكعبة ، أو غيمة أمرُ علَى البندقيةُ وأمطرُ في أرض الأندلُسِ ، ولكننّي لستُ إلا نبّتة سَمرآء صَغْيرة ، مِن طِين هذه البلدة الطَيْبة ..

مُنى عبدالقادر 💙🌸