【最新：房署正進行更換安全地墊的工程，預計9月中完成】

【注意，露體狂出沒‼️】

近日有街坊表示，晚上6時至7時有個戴粗框眼鏡、穿深色衣服的男士在雅葵樓旁的公園自慰😱

阿威已經要求保安加強留意，街坊若然發現有可疑人士請即聯絡保安或者報警。

#突發
芷葵樓食水缸剛才出現「過刮」情況，現時師傅正在維修，芷葵樓食水供應或會暫時受影響。

葵涌邨連儂牆案件
改了在第二庭處理
前來旁聽的朋友請留意

去年初在葵涌邨連儂牆被無理拘捕的年輕人，今早提堂。

案件押後至2021年9月15日下午，在西九龍裁判法院再次應訊。

控方全部年輕人需交出旅遊證件及不準離港，打亂了有意到海外升學的同學的部署😡

在法庭內，見到有葵涌邨街坊，特意前來旁聽。在此送上感謝！

【🇹🇼辦理留學台灣清寒證明📃】
新學年將至，唔少同學都選擇到台灣留學🇹🇼。阿威會協助有需要同學辦理 #清寒證明 ，同學可以準備定以下資料：

香港住址證明；
家庭經濟證明；
過往成功申請津貼或學費減免紀錄；
或其他特殊證明文件

有需要嘅話記得呢幾日WhatsApp、Signal 39971251 或者Facebook Pm我地喇～遲咗我哋就做唔到🥲

【更換智能身份證最新安排🗓】

2005年至2007年及2012年至2018出世嘅街坊留意喇，直至9月18日你地都仲可以換證架！

嚟緊9月開始就會有新一批嘅換證時段，分別為：
1977至1979年出世：2021年9月20日至2021年11月18日
1980至1982年出世：2021年11月19日至2022年1月18日
1983至1984，1987至1988年出世：2022年1月19日至2022年4月2日

去之前記得一定要預先喺網上預約！有需要嘅街坊都可以嚟辦事處搵我地幫手預約～

【無需登記】【已派完】我地又派口罩啦！

我地今日會再向街坊派發口罩一包（5個）
每人限取一包，派完即止。
歡迎各位街坊到本辦事處領取～

【有冇人唔見咗張巴士乘車證同八達通呀？】

近日有街坊執到張巴士乘車證及八達通，歡迎失主於辦公時間到本辦事處認領，或致電：3997 1251查詢。

【有冇人執到電單車鎖匙呀？】

有街坊表示，7月23號晚上係上角街迴旋處至曉葵樓嘅路段跌咗電單車匙，歡迎執到嘅街坊於辦公時間與本辦事處聯絡～

【用八達通登記消費券8月1號要拍一次卡拎錢💰】

用八達通申請消費券嘅人留意喇！喺8月1號派消費券嗰日你地要用以下其中一種方法拍一次卡先拎到錢架！

方法如下：
1. 於港鐵站、輕鐵客務中心、指定碼頭及公共運輸交匯處嘅公共交通費用補貼計劃嘅補貼領取站領取。
2. 於7-Eleven(7-11)、OK便利店和惠康超級市場領取
3. 於八達通服務站(港鐵站內更換八達通的機器)領取
4. 於「八達通」手機應用程式(在手機拍卡)領取

注意：如已將實體八達通卡轉移為手機八達通卡，則無需拍卡拎錢～

如有問題，請於辦公時間致電：3997 1251或親臨本辦事處查詢～

近日有曉葵樓低層住戶同我地反映，話最近頻頻落雨，1樓平台有積水同青苔出現，導致有蚊蟲同臭味問題，令低層住戶好困擾。我地收到意見之後喺7月26號去信房署安排協助清理平台，並獲房署安排於7月28號進行有關清理工作。並提醒清潔承辦商日後在定期清理曉葵樓1樓平台時，須留意包括積水和青苔的衛生問題，如有發現，須盡快安排處理。
👏辛苦曬各位清潔工友！ 👏

【1957年出世嘅長者宜家可以申請樂悠咭💳】

政府早前已經公布咗60-64歲嘅長者即將可以用$2搭車🚎即日起1957年出世嘅長者可以填表／上網登記申請樂悠咭。

我哋可以協助街坊申請樂悠咭，有需要嘅長者就帶埋彩色證件相＋身份證副本落黎搵我哋啦😉

映葵樓有鹹水喉破裂，現時已經閂咗鹹水喉，部份中低層單位鹹水供應會受影響，正安排維修。