［💰個人交通津貼最後申領月份為今年5月］

政府會係6月起取消個人交津‼️有需要申請嘅街坊都落嚟辦事處攞表，最遲係8月31日遞表📝

如有查詢，歡迎到本辦事處或致電：3997 1251😉

【呼籲】
早前秋葵樓郵局信箱被人淋油，部份信件被污染未能寄出。街坊如果喺復活節假期（4月1日晚至4月7日晨）期間經秋葵樓郵局寄過信，而對方到依家仲未收到，就可以到秋葵樓郵局嘗試尋回信件。

【為咗跑數，政府可以去到幾盡】

年年考第一嘅柒婆為咗跑數🏃‍♀️要求食肆員工打針，顧客用安心出行冇得寫紙。政府仲話會考慮停止為非強制檢測嘅人提供免費檢測服務🧪例如派樽😧

另一方面，柒婆對住中國人就中門大開，只要係中國人黎香港就可以唔洗檢測唔洗打針。武漢肺炎繼續輸入，第五波疫情gogogo

#唔安心出行唔打針都做到晚市
#黃店要幫手記得出聲

2019年11月18日凌晨葵馥苑外被捕的兩位手足。
裁判官今日宣佈
全部罪名不成立！！！
#釋放政治犯 #天佑義士

「日常家居維修組」熱線難打過cut有線？

有唔少街坊都試過，打去房署嘅「日常家居維修組」電話（2279 4060）長期冇人聽😣我們亦試過於日間辦工時間，突擊測試，如果打咗好好耐，都係無飛線到留言。

早前我哋向房署投訴呢個問題，房署最近表示正檢視外判商人手安排，期望增加多一名人手接聽。

現時葵涌邨房署維修部的電話電話於繁忙時間會駁去中央資詢中心（1823），稍後維修組會覆翻個街坊。不過街坊如果都係打唔到比維修部，我地建議街坊直接打去屋邨辦事處，揾返自己幢樓的主任要求維修：
曉、映、旭、雅、逸、芷、芊、翠、碧、綠葵樓：24279006
百、合、春、夏、秋、茵葵樓：36179201

[已派完] 各位街坊，阿威準備左D口罩派俾大家。數量有限，每人限取一份，每份五個。有需要就過黎我地辦事處拎啦～先到先得，派完即止😷

有冇人唔見左Apple Watch阿？

有街坊喺4月12號夜晚，於大廈街近體育館附近執到一隻Apple Watch。

請失主致電：3997 1251與本辦事處聯絡。

【工業傷亡權益會全港賣旗日及義工招募】

不幸遇到工業傷亡事件，總會見到 工業傷亡權益會（「工權會」）的身影。由協助傷亡者及家屬，到法例政策的保障，工權會都不遺餘力，保障工人生命。

以非牟利慈善團體註冊的工權會，一直服務工傷者、職業病患者及工傷罹難者家屬。工權會將於2021年6月5日(星期六)，上午7時至中午12時30分舉行全港賣旗籌款，現正招募義工，希望各位街坊可以仗義幫手，一同推動保障工人生命的工作。

大家如想成為義工，可致電3997 1251與我們聯絡🙇🏻

延伸：
曾連日輪班無法歸家　嘆工作辛苦吸廢氣　碼頭工人暈倒不治　工傷權益會籌款助一家六口：
https://www.thestandnews.com/society/曾連日輪班無法歸家-嘆工作辛苦吸廢氣-碼頭工人暈倒不治-工傷權益會籌款助一家六口/

【落雨等車好狼狽？】
我哋留意到葵涌邨商場對出小巴站平時多街坊等車，如果繁忙時段撞啱落雨嘅話，就會幾條線嘅乘客迫曬喺隔離九巴候車處，非常狼狽。

我地早前建議區議會運用地區小型工程的撥款，喺葵涌邨商場對出嘅小巴站加設避雨亭，避免居民候車時好天曬落雨淋，現時避雨亭已經大致完工。

如果大家對附近社區設施有咩意見，歡迎致電3997 1251同我地一齊研究下～

🎹【社區聯繫 物品轉贈】🎹

最近有熱心街坊聯絡我地，話有部STEINBACH鋼琴可以轉贈俾有需要人士🤗～鋼琴 長138CM、闊：58CM、高：98CM。

街坊如果有需要而又啱用嘅，可以致電3997 1251同我地聯絡，不過就需要自行搬運喇，數量有限，先到先得～