*زينب ورأس الامام الحسين ع*
وهذا مشهد بكت له زينب واحترق قلبها وتجددت احزانها ولوعتها لمحنة اخيها الحسين ع فساعد الله قلبها حين رات الظالم يضرب راس الحسين ع صح ونادي واحسيناه~~~ لحن الخضيب
راس الولي لا تضربه بسوطك يهالظالم
تشوف العيون مذبّله كنّه الولي نايم
هذا سبط طه النبي وسيد بني هاشم
أثر الجراح بجبهته وشفافه ذبلانه
واحسينا واحسينا واحسينا آه
〰〰〰〰〰〰〰
كل ضربة في قلبي سهم تصوبنيِ بروحي
الظالم بسوطه يضربك وجروحك جروحي
يألمها روحي من انظرك ولاجلك بعد نوحي
شيحمل بعد گلب الأخت آلامه واحزانه
خادمة آل محمد✍🏻

*الرأس الشريف* / *خدمة العبرة المقدسة* 🩸
*رأس الإمام الحسين ع المنصوب بأعلى الرمح وشيبه الخضيب بدم نحره واويلاه واحسيناه والآثار من رشق السهام وضرب الحجارة بجبينه وحلقه وشفتاه المشققتين من العطش واويلاه واحسيناه واعطشاناه*
شفت الراس ومذبّله عيونه~
راس الولي براس الرمح يِشيلونه~
بناته بهالحال الله شلون يشوفونه~
من وريده دمه ينزف من منحره
~~
سمع ونّين زينب وجذبت الونّات
فتح عيونه شافت وتعالت الصيحات
صاحت گلبي فطرته وسالت العبرات
وتنحنح الراس وزينب تلطم بحسرات
فتح عيونك يا بدر فوق الرمح انبرا
خادمة آل محمد✍🏻

*وارقيتاه ~ لحن. الجفيري قلب امك يبني مفتت~*
رقية اقتربت من الراس مدت يديها الصغيرتين وضمته اليها وصاحت حسين`~
گعدت يمه تجذب ونّه
تجري العبره فوق الوجنه
تعاين نحره بدمه محنه
تگله بويه فتّح عينك
〰️〰️〰️〰️〰️
صاحت راسك هذا اقبالي
جسمك وينه آيالوالي
يا بعد الروح انت الغالي
نور الباري بوسط،جبينك
〰️〰️〰️〰️〰️
نوبه تحبه ونوبه تضمه
ونوبه براسه راح تشمه
تگله محلا بويه اللّمه
لكن مذبوح الله يعينك
〰️〰️〰️〰️〰️
اخذني وياك يا روح الروح
ما ٱگدر انظر نحرك مذبوح
بوجهك طعن وآثار جروح
كنّي اسمع صوت ونينك
〰️〰️〰️〰️〰️
شفافك ذبلت وجهك اصفر
انظر دامي بويه المنحر
من يتّمني يابو الأكبر
ذِبحك ظامي من وتينك
خادمة آل محمد ✍🏻
https://youtu.be/CejRG5FhkTg

قال الإمام زين العابدين عليه‌السلام : «والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»
دمعة عيني ما جفّت وجلبابي الحزن والنوح
صورة كربله بعيني
وخدر عماتي والمذبوح
هدم حيلي مصاب الطف
الأبو شفته بعد مطروح
ثلاث تيام عالغبره
ودفنته بيديِ بلا راس
〰️〰️〰️〰️〰️〰️
وبالطف خاتمة الاحزان
اگبالي بسوط ضربوها (اه يا زينب)
حرگوا بالطف خْيمها والأطفال سلبوها
وعيني تعاين النسوان من خيمتها طلْعُوها
وعالرمضا تگوم تطيح وتصيح بصوت يا عباس~
خادمة آل محمد ✍🏻
هذا ما كان يتردد على مسامع امامنا زين العابدين ع وهو داخل الخيمة والنار تشتعل بالمخيم وصراخ الاطفال والنساء يفرون من خيمة الى خيمة (فقط اريد ان تتخيل هذا المشهد وتسمع صراخ الاطفال المرعوبة من زعقات الخيول واصوات الرجال ولهيب النار…) ففررن بنات رسول الله من خيمة إلى خيمة ، ومن خباء إلى خباء… لحن الخضيب♪
زين العباد بحسرته يعاين على الخدّر
نار وخيم ضيعة حرم وقلب الطفل فطّر
من خيمة عد خيمة تفر بثوب الخدر تعثر
طفله تطيح على الترب وعدها القلب مرعوب
آيزينب آيزينب آيزينب آه
مشهّد يألم هالقلب ونار الخيم تلهب
فرّت يتامى من الضرب ومن الألم تنحب
ما عند حيل بعلّتي وانظر الى زينب
شبت عبايتها وخدر كل الحرم مسلوب
آه يا زينب آه يا زينب آه يا زينب آه
خادمة آل محمد ✍🏻

#وازينباه
*زينب ع في مجلس الطاغي لعنه ورأس اخيها الحسين ع*
راسك خويه حين الشفته
تلعب عصا يزيد بشفته
گلبي تفطّر ودمعي ذْرَفْته
رسالت دمعة عيني سكته
خويه خويه خويه خويه²
〰〰〰〰〰〰
نخيتك يا راس خويه الغالي
فتّح عينك وانظر حالي
حرمه وحدي عزي فْگَدتِه
بوسط الديوان من غير والي
خويه خويه خويه خويه²
〰〰〰〰〰〰
الظالم ينشد يا هي زينب
قيود بإيدي وحالي يصعب
يضرب راسك ويشمت بيّه
وسوطه بگلبه سهم وصوّب
خويه خويه خويه خويه
خادمة آل محمد✍🏻
https://youtu.be/CejRG5FhkTg

*(3) راس الامام الحسين (ع) قرآن الله الناطق*  (مشهد تصويري رأس الامام الحسين ع رأى كل مأساة كربلاء يروي للزهراء ع
لحن جاوبني يا علي~ للملا محمد بوجبارة
بعيني شفت صور
ومشاهد الأسر
من هجموا عالخيم
سلب وضرب وزجر

شفت طفلة تطيح
وطفل بعد جريح
تركض على الجمر
وتناديِ وتصيح

شفت عثر طفل
واجا شمر بعجل
بسوطه يضربه
ويعنّفه النذل

وبناتي عالتراب
مسلوبة الحجاب
يدفعهن اللعين
يعفرهن بتراب
خادمة آل محمد

*(2) راس الامام الحسين (ع) قرآن الله الناطق*  (مشهد تصويري رأس الامام الحسين ع رأى كل مأساة كربلاء يروي للزهراء ع) لحن الجفيري♪
لو شفتي يمه كم مصاب
بعيوني شاهدت العذاب
طفل ويتيم على التراب
تسحقهن خيول العده
〰〰〰〰〰〰
بعيوني عاينت الخيم
شبّت بنيران الظلم
وطلعن. بناتي والحرم
وتتبعهن سياط العده
〰〰〰〰〰〰
شفت الحرم من تنسلب
وسياط اميّه والضرب
وشافت مشاهد هالرعب
اطفالي يمه ويالعده
〰〰〰〰〰〰
واصعب مشاهد كربله
سبي وضرب هالعايله
واطفالي كلها معوله
والسيي قرّب موعده
〰〰〰〰〰〰
واليكسر الخاطر بعد
عبدالله شفته بلا مهد
واگبالي مذبوح الولد
وداست جسد طفلي العده
〰〰〰〰〰〰
خادمة آل محمد✍

گاعــد أيــحـز بـــوريده
وشفته شال الراس بيده

وطبــر راســه بالذبح
وجرح أكــبر من جرح

الشاعر محمد البنداوي

🎙غازي الساعدي

قصيدة النهر الثالث
كلمات واداء
آلـۘ❈ـۘخ̐ـۘ❈ـۘآدم غـۘ❈ـۘآزي❈آلـۘ❈ـۘسـۘ❈ـۘآعـۘ❈ـۘدي❈ـۘ

القصيدة مكتوبة بقناة خدام العقيلة

الشاعر حيدر مطر العبادي

زيـنـب ابـگــد مابـچـت لـخـوانـها
شيبت حتى السمه امـن احزانـها
يازينب .. يازينب .. يازينب

الشاعر حيدر تركي الكربلائي

🎙غازي الساعدي

قصيدة ألم الحرم

رجعت للمدينة بگلب كـــــله جـروح
وتشكي الظيم يــــــــــم جدها محمد
زينب عافـــــــــت الاحباب كلها هناك
وحيدة ولا رجــــــــع وياهــا احـــــد
مـــــــا يبرد جمرها بــردت الــــروس
تــهيج احــزانها الـــذكرى تجـــــــدد
اجه الناعي بشر ويصيح يـــم عباس
رجع ضعن النبوة وگومي لطمي الخد
اجت زينب وحيدة بـــدون الاخـوان
حرم ويتام هــــــــــــيج الحال يمـرد
اجـــــت ام البنين تصيح وين حسين
تجاوبها العقيلة أجـــــروحه مــا تنعد
عفته بكربلة و مــــــطبراته سيـــوف
كــــــــــل ساعة تسحگة الخيل وتهد
شســــــولفلج على العباس يأم عباس
انطه چفوف
انطه عيون
فـــــــده كله لخواته وطاح دون الحد
شسولف عالسبي عـــالضيم عن الشام
اديـــــــنه من الحبل مذبوحه من الشد
#احــــــــزان_لا_تنتهي
#وشجون_تدمي_القلب
#اه_اه_يـــــــــــازينب
#قلم_غازي_الساعدي

#الأربعين~حال الزائر والمحب الذي لم يُكتب من زوار الأربعين (بجسده)… / لحن الجفيري♪
كلمن الى الحضره اعتنه
ماشي الك إلا أنا
محروم ازورك هالسنه
ما أمشي الك بالأربعين
😭😭😭😭😭

منعتني منك هالظررف
اگصد الى صحن واطوف
مشّاي وي حشد الألوف
ما جاي الك بالأربعين
😭😭😭😭😭
مشتاق اشمن تربتك
وبعيني انظر قبتك
وتشملني مولا برحمتك
وامشي بدربك يا حسين
😭😭😭😭😭
ما عندي قوّه ولا صبر
وشگد صعب بُعد الهجر
ما أوصل لذاك الگبر
أزورك بـ صورة يا حسين
😭😭😭😭😭
ما عندي صبر على الفراق
يچويني جمر الاشتياق
ذكروني زاير للعراق
مشّاي اجي عالچدمين
😭😭😭😭😭
سجّلني زاير والسلام
امشي الك في كل عام
وبخدمتك مسك الختام
اختم انفاسي يا حسين
خادمة آل محمد✍🏻

*وصول الركب الزينبي لأرض كربلاء بعد عودتهم من رحلة السبي الطويلة( انظروا معي بعين القلب كيف عادت زينب لأرض كربلاء بعد ان تركت أجساد اخوتها واهلها وعشيرتها فوق الرمضاء عرايا دون غسل او كفن اه اه زينب ملهوفة محزونة فاقدة عزها مسبية واويلاه وازينباه وصلت زينب لكربلاء اه اه بالونّة والعبرة والأحزان والنياحة والانين* لحن اسمع عتابي
للغاضريه ~ بونّه خفيه
زينب تعنت ~ تنصب عزيه

گعدت عا گبره~ تونّ على نحره
تشمن تربته~ ودمعتها عبره

تگله يا مذبوح~ ما خلّصت نوح
اجيتك من الشام ~ رد الي هالروح

افتح لي گبرك ~ اشتمّه نحره
اشتاگت عيوني ~ خويه تِنِظرك

اگعد اضمك ~ خويه واشمّك
وخضّب كفوفي ~ خويه من دمك

اگعد يا غالي~ عاين لـِ حالي
شوف اختك شلون~ مسبيه تالي

خادمة آل محمد✍🏻

(*حال المحروم من الزيارة يوصي زوار الحسين (ع) عنه بالنيابة* ) 😭
*يا زوّار قلدناكم الدعاء والزيارة~~~*
اذكرني يهالزاير واشملني بدعواتك
بكل دمعة وكل لطمة هدية اهديني خطواتك
ومن تنظر الى القبة يا زاير سيل دمعاتك
عني بالنيابة زور انا العاشق انا المحروم
واحسينا واحسينا واحسينا آه
😭😭😭😭😭😭
لحظة تطلع من الدار وتعقد خالص النيه
اذكرني أنا المحروم الزيارة الأربعينيه
لو طالع مع المشّاي اذكرني بحاجة مقضيّه
واهدي المهدي خطواتي كنت زاير مثل هاليوم
〰️〰️〰️〰️〰️〰️
من توصل الى الحضرة طوفه بدمعة المحتار
واذكرني كنت ادخل واستأذن مع الزوّار
بلهفة أوصل الشبّاك ودموع الجفن أنهار
أسلم عالصدر مرضوض إمامي المنذبح مظلوم
〰️〰️〰️〰️〰️〰️
لحن الفراق~♪
اذكروني~ مع جموع الزائرين
اذكروني ~ قلبي ذاب من الحنين
اذكروني~ عالعهد أوفي له دين

من الزيارة~ هالسنة محروم اجيله
من الزيارة~ ظروفي منعتني اعتنيله
من الزيارة~ يدري ما بيديّه حيله
من بعيد~ زرته وبگلبي حسراتي
من بعيد~ رساله ودّيت له دمعاتي
من بعيد~ كل زاير يحمل سلاماتي

خادمة آل محمد✍🏻

*قال الإمام  الصادق (ع): {من أتى الحسين عليه السلام عارفاً بحقه كتبه الله عزّ وجل من أعلى عليين}* لحن اخي سوف تبكي عليك العيون♪
حسين حسين حسين حسين
اذا شئت فوزاً بيوم الحساب
فإقصد زيارة تلك القباب
بذاك الغبار تنال الثواب
شفيع بيوم الورود حسين
حسين حسين حسين حسين
〰〰〰〰〰
ألا زُرْ حسين سفين النجاة
ذبيح الطفوف بنهر الفرات
قتيل جديل بأرض فلاة
دم النحر سال من الودجين
حسين حسين حسين حسين
〰️〰️〰️〰️〰️〰️
ويمّمت وجهي الى كربلاء
أزور نيابة عن الشهداء
أطوف الضريح بدمع الولاء
أزور الغريبَ ذبيح الوتين
〰️〰️〰️〰️〰️
سفين نجاة وباب كل خير
وفي الأربعين اليه المسير
اتيتك زائرا بك مستجير
ألا كل خير بباب الحسين
حسين حسين حسين حسين
〰️〰️〰️〰️〰️
أطوف الضريح بدمعِ يسيل
وألقي التحية بعد العويل
لرزء الذبيح الغريب القتيل
رجوت شفاعة مولى حسين
〰〰〰〰〰
أتيت إليه بلا أي زاد
عليه المعوّل يوم المعاد
رفعت اليدين طلبت المراد
وأجر البكاء الشفيع الحسين
〰〰〰〰〰
بشهر المحرم شهر العزاء
أتيت أجدد عهد الولاء
أواسي البتولة وخير النساء
بلطم ودمع جرى *للحسين*
خادمة آل محمد ✍🏻

*الأربعين*
زينب بالأربعين ردّت من الشام
اجت يم القبور وياها الايتام

ليش سكته القبور وما منكم جواب
طاب الكم الهجر والنومه بالتراب

إجيت الكم والجروح تريد الها جبر
ويايه راس حسين نحفرله گبر

واشلون بعد الصبر واشوفن هالقبور
اريد انصب عزا اخوتي ويا الحضور

راحت عالگبور وتنادي بحنين
هالمأتم عالنحور في يوم الأربعين

وتدوّر عالأخو ومن گبره يفوح
عطر من الجنان وتنادي يمذبوح

اگعد يالولي مشتاگه لطلّتك
خل صوتك اسمعه وتكفيني نظرتك


وصوت من النحر أنا اخوچ الشهيد
اذكريني عالترب محزوز الوريد


صاحت يا حسين والمدمع جره
بأمان الله يالأخو يالحزَوا منحره


خادمة آل محمد✍🏻

*لزيارة الامام الحسين ع حال المشتاق* لحن اسمع عتابي~
مشتاق ازورك~ واشتم عطورك
وبليلة جمعة ~ يغمرني نورك

أسجد ببابك ~ والثم ترابك
وتسجل اسمي ~ حسين بكتالك

صحنك اطوفه ~ بدمعة ذروفه
يحيّيني عباس ~ هناك بكفوفه

ابكي لمحنتك ~ ابكي لذبحتك
ظامي يا مظلوم ~ حزوا رقبتك

أرفع إديّه ~ واطلب عطيّه
بحق الي مذبوح ~ بالغاضريه

ودمعاتي تجري ~ وفديته عمري
للرضوا صدره ~ يا ليته صدري

مذبوح امامي ~ عالغبره ظامي
حزوا رقبته ~ ومن نحره دامي
حسين يا حسين
خادمة آل محمد✍

حال الزائر عند باب الحسين يقف بباب سيد الشهداء ويطلب الإذن بدخول ويحصّل الإذن بالدمعة التي تجري من عينه ومن آداب الزيارة التحية والسلام يلا ارفع كفك ايها الزائر وسلم عا إمامك عسى ان تحظى بالكرامة والرضى وقبول الزيارة فلنسلم عليه كما سلم إمام زماننا
السلام على الشيب الخضيب
السلام على الخد التريب
السلام على الجسد السليب
السلام على الرأس المرفوع بالقضيب
صح ونادي حسين يا حسين²
*حال محب الامام الحسين ع يعقد نية الزيارة*  لحن اسمع عتابي♪
زاير الك جاي~ اقبلني مولاي
بيوم اربعينك~ متعني مشّاي

افتح لي بابك~ أشتم ترابك
واقرا الزياره ~ وابچي مصابك

اسعى واطوفك ~وحجي بطفوفك
اقسم يا مولاي~ لا ما أعوفك

بهاي الزياره ~ رايد بشاره
تكتبني خادم ~ أحلى عباره

ببابك طلبتي~ وتجري دمعتي
تحضرني يا حسين ~ بظلمة حفرتي

تشفعي إليه~ يابن الزچيه
وتحضرني يا حسين ~ عند المنيه

*حاشاك سيدي ان تترك محبيك وخدامك ومواليك والباكين عليك. وزائريك ستحضرنا في قبرنا وحشرنا يا حسين هناك لنا بكم لقاء يا مولاي*
عهد وتجيني~ وتمسح جبيني
ساعة مماتي ~ وانت ترويني

وقبري بحضورك~
ينوّر بنورك
وتحضرني زاير~ مثل ما ازورك
حسين

الجنة ضمانك ~ اكون بأمانك
بجوارك أسكن ~ وافوز بجنانك
خادمة آل محمد✍🏻

من باب القبلة قف مسلما ارفع ايدك بالسلام على الغريب
السلام على ساكني كربلاء~~~
جينا نزورك يا غريب
وحج كل محب بكربله
نبچي على الخد التريب
ودمعتنا عالخد سايله
نسلم على الشيب الخضيب
على الشفاهِ الذابله
سلامْ الله عالنحر الذبيح
وعلى النحور الداميات
〰️〰️〰️〰️
نبچي لمحزوز النحر
عالغبره من كفنه انسلب
نبچي لمرضرض الصدر
بحافر أميّه عالترب
نبچي الذي،صابه السهم
بسهم المثلث بالگلب
وعطشه وشفاه الذابلات

اجيت ازورك… اطلب الإذن على بابك
اجيت ازورك… ودمعي بس يجري لمصابك
اجيت ازورك…اعفر الوجنه بترابك

لا تردني… يا بو لاكبر يا حنين
لا تردني… بابك افتح يا حسين
لا تردني… سجلني ويا الزائرين
*خلني يمّك… أبوعلي خليني يمك يا حبيبي*
خلني يمك… خلني أوصّل للضريح
خلني يمك… يم ضريحك يا ذبيح
خلني يمك…  أبكي المدمع يسيح


يا إمامي~ بابك واطلب بشاره~
يا إمامي ~ دمعي من جفني تجاره
يا إمامي ~ انطيني بس إذن الزياره
خادمة آل محمد✍🏻

*شوق الموالي لزيارة الحسين (ع)*
*الليلة جمعة سيدي وأرواحنا تلوذ بحضرتك يا طبيب القلوب يا أعز محبوب وفقنا لزيارة ضريحك كي نطفأ جمر الحنين*
سجلنا زوراك حسين
نِحْيا ونموت بمأتمك
من مجلسك لا ننحرم
جايي علينا محرّمك
وزيارتك عمّا قريب
نوصل نزور مخيّمك
بيوم اربعينك يا غريب
*سجلنا زوارك حسين*
〰️〰️〰️〰️
من أسمع بزاير يريد
گاصد يزور لكربله
روحي يم اعتابك تروح
وتوگف ببابك معوله
بشباكك ترتل حنين
تحدي بسبي القافله
واذكر من دروب اليسر
زينب ترد بالأربعين
〰️〰️〰️〰️
*نعم سيدي الليله نزورك بارواحنا المشتاقه نقصد لضريحك كما قصدت زينب يوم الاربعين~* تگله
يا حبيبي… جيتك بعبره جريه
يا حبيبي… امسح دموعي الجريه
يا حبيبي… يا غريب الغاضريه
آيمظلوم… اشتاگت الروح لزيارة
آيمظلوم…عيني تنظر للمناره
آيمظلوم… منك اطلب هالإشاره
*اذن لنا يا مولاي بزيارتك*
يمتى ٱجيلك … واطلب الإذن على بابك
يمتى اجيلك… اعفّر خدي باعتابك
يمتى اجيلك… بٱربعينك واشتم ترابك

*لحن الجفيري زهراء*
إذنلي ازورك يا غريب
والطم على الخد التريب
ابكي على الشيب الخضيب
بيوم اربعينك يا حسين
**
اقسم عليك بذبحتك
وفقني اجي لزيارتك
ابكي وانوح بعتبتك
بيوم اربعين يا حسين
خادمة آل محمد✍🏻