لعل الله نجاك وأنت لضيق بصيرتك تظن أنك غرقت .♥️

﴿ إن الله ومَلائكته يُصلون على النَّبي يا أيُها الذين آمنُوا صَلوا عليه وَسَلِّموا تَسليمًا ﴾♥️

خربشه
بيحكي ...
مشتاق للجامعه شديد ومتحمس اني هرجع ليها بس المسمى مختلف من طالب لدكتور والفكره محمساني لدرجه م قادر انوم فقلت أتصفح شويه يمكن انعس فدخلت الفيس طوالي لاقاني بوست ( ابقى ليها راجل زي الراجل العايزو لي اختك) فقلت في نفسي بس هي تظهر واشيلها في راسي🤤 خشيت الصفحه دي وبقيت أتصفح البوستات الفيها وشدتني شديد مثلا ( "مَعاذ اللّٰه إني ما يئستُ ولا وهن حسن ظني باللّٰه، لكنها واللّٰه أيام ثِقال.
فاللهُم
صبرًا وجبرًا وقوة، لنفسٍ لا يعلم بحالها إلا أنت) (‏ألا نستحق أن نغمض أعيننا ونحن مُوقنين أن قلبًا ما
في مكانٍ ما لن يتركنا أبدًا ؟!)
بتحكي...
كنت متحمسة شديد اني هنزل آخر سنة لي وابقى احلى دكتورة فيك ي دنيا بس خايفة شديد بسبب مادة معينه قالوا الدكتور بتاعها شرحهو ركيك والمادة صعبه وناس كتيرة ربتت بيها المهم طلعت ومشيت الجامعه ولسوء الحظ اول محاضره مع الراجل دا المهم قعدت في البينش ومسكت تلفوني وسرحت فيهو لمن دخل الدكتور م ركزت معاهو كتير وكنت بكتب في بوست الي م وصلني ونهرني نهره قربت ابول قمت وقفت طوالي قال لي بتعملي في شنو عاينت ليهو واتصدمت من الشفتو تخيلوا كان الكراش بتاعي اول شخص من لما دخلت الجامعة كرشت عليه بس ي فرحه م تمت هو كان خريج وقتها وبعدها اختفى المهم نهرني تاني بتعملي شنو وانا سرحانه فيه قلت ليهو بكتب في بوست يبعيون حلوة أتجاوز وقال لي اقري البوست وسمعينا الشي المهم من المحاضرة قريت ليهو البوست (يُؤذيني ابن آدم يسبُّ الدهر وأنا الدهر أُقلِّب الليل والنَّهار)
م رد علي ومشى واصل المحاضره
بيحكي...
طلعت من الجامعه ومشيت الكافي الكنا بنقعد فيه زمان مع الشباب منتظر صحبي فمسكت تلفوني دخلت الفيس لاقاني نفس بوست طالبتي ويداب ركزت في المكتوب واتذكرت الجمله القلتها الصباح لما عربيتي ابت تدور ( ملعون اليوم الجبتك فيهو ) وقعدت استغفر ربنا فسألت نفسي معقوله تكون الصفحه دي بتاعت طالبتي ركزت في اسم الصفحه ( عنقاء الورود والنار) بقيت بقرا في البوستات البتلاقيني فيها (‏باسْمكَ اللهمّ قلبّي يتمنّى
‏أن يعيشَ العمر سهلًا مُطمئنّا )("الدُّعاء يُحرِّك الأقدار فألحُّوا) وحاجات كتيرة بتزرع فيك اليقين اُعجبت بيها جدآ⁦❤️⁩
بتحكي...
م صدقت لما شفتو هو اصلا م فارق عقلي ولا دعوتي يوم فبعد طلع نزلت بوست(‏﴿ قُلْ عَسَى أَن يَكُونَ قَرِيبًا ﴾
‏اللهم أجعل بيني وبيّن حلمي مُلتقى )
طلعت ماشه البيت ومنتظرة اخوي يجي اتصل لي قال لي تعالي الكافي الجنب الجامعه قلت ليهو عندك شنو هناك قال لي عايز اعرفك ع البت العايز اخطبها فرحت ومشيت ليهو اول م دخلت عيني وقعت ع المهكر تفكيري ⁦❤️⁩ بس كانت معاه بت وظاهر حبهم لبعض من الطريقه البضحكوا فيها أو مقربين لبعض شديد دمعتي كانت في طرف عيني بس بقيت اردد اللهم ارضيني بقضائك لمن زال الشعور الحسيت بيهو المهم اخوي مسكني من يدي ومشينا عليهم قلت ليهو ماشي وين انت وسؤالي من الصدمه طبعا م رد لي وصلني ليهم وسلم ليهم سلام معرفه وقال ليهم دي مروه اختي وقال لي ي ميمي دي سمر ودا سامر سلمت عليهم وقعدت طبعا سمر دي اخوي لما اتقدم ليها انا كنت في عمان كنت مؤجزة وكدا فما حضرت التعارف ولا شفتها يوم واجلو الخطوبه عشان كان باقي ليها سته شهور وتخلص الجامعه واسي خلصت وجو عشان يتفقوا المهم قعدنا وجا الويتر شال الطلبات رفعت راسي شفت المجنني تخيلوا غمز لي من الخلعه قربت اقوم اجري فطوالي نزلت راسي ومن التوتر اصلا م عارفه انا منو ولا وين
بيحكي...
لما شفتها خاشه الكافي م عارف فرحت ليه بس فرحت بس احترت بتعرف مروان من وين بس لما قربو مننا من الشبه عرفت انها أخته الكانت مسافرة والغريب انا بعرفها ايام كنت طالب بس كنت بخاف اقرب عليها شدة م بريئه خوفا ع نفسي من الغرق طبعا المهم واحنا قاعدين كدا غمزت ليها عشان تقوم ونقعد بعيد شويه نخلي مروان وسمر يتفقوا ع العرس بس البت من الخجله والتوتر حسيتها عايزة تبكي ولا تجري وتاني اصلوا م رفعت راسها ف اطريت اقول ليها ي مروه قبيل قلتي م فاهمه المحاضرة ارح نقعد هناك واشرح ليك ونخلي العرسان يتفقو عاينت ل اخوها هز ليها براسو وقامت معاي اتعمدت اوترها بقيت اعاين ليها شدييييد والله شفت عيونها اتملوا دموع كتمت ضحكتي بالجلاله وفتحت معاها مواضيع مختلفه عشان اطلعها من ضوافرها 😂😂😂😂 المهم لقيت انها عاقله شديد و واعيه ومثقفه وكمان هي صاحبة الصفحه العاجباني ⁦❤️⁩
بتحكي...
لما قال لي ي ميمي ارح اشرح ليك قلت خلاص سامر باكلنا الاتنين بس لما عاينت ليهو لقيت م عندو مانع وقمنا بس كان بعاين لي بطريقه خلتني اقول في نفسي عليك الله ي ارض انشقي ودخليني في جوفك 🥺 بعدها غير الموضوع وسألني عن حاجات كانو بجمع معلومات عني حكيت ليهو واتونسنا ودي كانت أول مرة نتونس بين بعض وحبيتو اكتر واكتشفت انو من متابعني🙈🙈

بيحكي...
سيطرت ع أفكاري من يوم أول محاضره ويوم الكافي سيطرة ع جزء من قلبي بقيت لما اديهم المحاضرة بركز معاها بطريقه واااااضحه احيانا بتخجل واحيانا بتعمل رايحه واحيانا انا بحب اوترها يوم خشيت الصفحه لقيتها منزله بوست( سوف ابالغ فى فرحتى يوما وانثر وردا عبيرة يفرح كل عابر ومهموم ثأرا من الأيام التى خذلتني) وكنت نفسي اتكلم معاها عن الايام الخذلتها دي بس كيف
بتحكي...
يوم حنة مروان كنت لابسه فستان نبيتي وكان عاجبني عجبه وعملوا لي سمبل ميكب بس كان حلو لدرجه انا نفسي عجبتني وطلعنا الحفله اول زول وقعت عيني فيه كان حالق جديد ومرتب اللحيه وكان حلوة بطريقة لطيفة تحس انك محتاج تاكلوا 🤤 مشيت قعدت جنب خالتي نتونس وعلقت لي عليهو وانو مرتب وم شاء الله رفعت راسي اشوفو عشان أبين لخالتي اني م كنت مهتمه وانا وحاتكم حفظت أصغر التفاصيل😅 بس لما رفعت راسي لقيتو صاري شديد
بيحكي...
جات خاشه لابسه فستان من حلاوتو لو شفتها قبل تجي م كنت خليتها تلبسو واللحظه العيونا اتلاقت سلبت الباقي من عقلي وقلبي وكويس أنها قعدت ع طول في اللحظه دي اتصلت لي سمر قالت عايزة مروان اول م يطلع الحناء يرجع ليها مشيت عشان اكلموا وقفني واحد صاحبنا يسألني البت دي منو قلت ليهو ياتو بت طلع قاصد قلبي من غير تردد قلت ليهو دي خطيبتي في حاجه ؟ قال لي لالا لكن انت خطبت متين قلت ليهو طولت وعقدنا يوم الجمعه مع مروان سوا ومشيت منو وأخلاقي فوق السماء شفتها قامت مشيت ليها
بتحكي ...
لما لقيتو بعاين لي وهو صاري كدا خفت وقمت عايزة اطلع بس لقيتو جايني مندفع وبسرعه مسكني من يدي ونهرني ماشه وين قلت ليهو ماشه ااااا ماشه اشرب اااا🥺 م تعاين لي كدا 😭😭😭😭 وبكيت ليهو فك يدي وبقى يهدي فيني انا اسف م قصدي ارفع صوتي عليك انا اسف اقعدي بجيب ليك المويه
بيحكي ...
م كنت قاصد امورك بس م قدرت امسك نفسي ولا كنت قاصد اخوفها وابكيها بس جات كدا المهم طلعت اجيب ليها مويه لقيت ابوها جاي داخل شكلوا كان بتكلم بالتلفون قلت خليني الحق نفسي م يسبقني فيها زول فسلمت عليهو وقلت ليهو عايز بتك ع سنة الله ورسوله قال لي ابشر ي ولدي بس اكلمها ونشوف رأيها قلت ليهو خير
بتحكي...
ع قدر خوفي من هرشتو الا انو كانت عاجباني وحسيت بشعور حلو عارفه نفسي هبله م تركزو معاي😅 المهم قضيت الحفله وانا م فاهمه شي تاني يوم بالمسا ابوي اتصل قال لي تعالي بيت عمك عايزاك في موضوع المهم مشيت قعدت وقال لي المقدمات بتاعت العريس ديك انتي كبرتي وبقيتي عروسه وووو المهم قال لي هو قال عايز يتكلم معاك قلت ليهو تمام وطبعا عقلي م كان مستوعب حاجه شويه وهو جا خاشي حسيت بقلبي في كرعيني قعد معاي وأبوي قعد بعيد مننا فالاخو قال لي اسمعي ي بت الناس انا جيت طلبتك من ابوك وم عايز رد منك لانك لو وافقتي أو رفضتي م بتعرسي غيري وانا عايش ف اختصري على نفسك واتوقعي مني اي حاجه وقام طوالي قال لي قومي امشي ولما جا طالع قال ل ابوي مبروك ي حاج العروس وافقت
بيحكي...
بعد م اتكلمت معاها شفتها مصدومه بس في لمعه جات عابرة في عيونها فيها قبول شجعني اكمل وم اديتها فرصه ترد علي استغليت صدمتها وقلت ل ابوها أنها موافقه يلا الزمن الهي تستوعب فيهو الكلام دا اسمي واسمها بكون اتكتب في قسيمه مشيت قلت ل امي ميمي وافقت زغردت وفرحت فرح لأن هي من شافتها اتمنتها لي ولفتت نظري ليها اكتر
بتحكي...
بعد كلامو دا حسيت عقلي اتشل بس قلت ابوي م هياخدو بجديه وانا م هفتح الموضوع لمن العرس دا يخلص ونشوف فهمو شنو الحلو دا⁦❤️⁩ ومشيت ساعدت الناس ونمت عشان بكرة العقد والفطور صحيت مشينا رسمنا أيادينا وفطرنا لبعد الصلاة كدا سمعنا صوت السلاح والنسوان يزغردو جات امي حضنتني تبكي بكيت معاها ع اساس اخوي عرس وكدا والناس بتبارك لي وانا زعلانه ليه م بقولوا لي عقبالك يعني😑 ليه بخيلين علي حتى بدعوة حلوة المهم بكلم في نفسي كدا سمعت العريس جاي يبارك لمرته قلت اجي الناس دي جنت ولا شنو سمر البجيبها هنا شنو🤔
بيحكي...
عقدت عليها وبالجد لذة الحلال حلوة لمجرد م الماذون يخلص بتحس بقشعريرة حلوة بتحس بنسيم جليدي حلووو كسا قلبك وطلع شعاع منور من وشك بتحس بالدمعه البتنزل في اللحظة ديك لؤلؤه من بحيرة استوائية وبتحس انك اتوجت ب اجنحه الملاك ياااااااااااه م قادر اوصل ليكم شعوري ولما وصلتها زي م قلت ليكم كانت لسه م استوعبت فجيت ضميتها ع صدري قدام خلق الله وبقيت بردد ليها بسم الله ع قلبك حتى يهدأ ولما صحباتها زغردو في نفس اللحظة شكلها استوعبت بقت تردد الحمدلله الحمدلله همست ليها بقيتي حلالي انا البحمد عليك رب العباد انتو عارفين الاحلى في الموضوع شنو اني حسيت بالقشعريرة دي تاني بس منها وهي في حضني⁦❤️⁩

استغفرالله العظيم♥️

مساء الخيرر♥️♥️

يَا رَبِّ ، زَادَتْ حِيرَةُ الخُطُواتِ..
كَيفَ السَّبيلُ إِلى هُدوءِ الذَّاتِ؟😴🖤

المسابقةة ال2 فتاريخ ميلاد قناتنا 🔥🔥
الجائزةة دمارر وشرار🔥🔥
15الف الجائزةة الاولى 10الف والتانيةة 5الف 🔥🔥

+يلا نجي لتفاصيل المسسابقةة ح تكون مدتها 15يوم حلو؟. حلو يلا المسابقةة ح تكون عبارةة عن خاطرةة زي منشورات القناةة دي عربي وانجليزي حلو؟. حلو🔥🔥

يلا بنسبةة للاصوات صاحب اكبر عدد تصويت هو البفوز معانا وح يكون معانا فائزين 2 بس لا غير فشنن الناس تشد الهمةة 🔥🔥

+فحالةة رشق للتصويت يستعبد صاحبه من المسسابقةة 🔥🔥

للاششتراك فلمسسابقةة 👇👇
@Shettan

بنسبةة للناس المحظورةة 👇👇
@SHEETTTANNbot

قناةة المسسابقةة 👇👇
https://t.me/Haloosa2

القناةة الراعيةة للمسابقةة 👇👇
https://t.me/Mshaaer23

رسم أيلاينر العين التانية زي الأولي
أصعب من إيجاد الزوج الصالح .🌚💔

لا زال بعضهم يرفض أن يتصرف كإنسان !🩶

أن يتحول الكتف الذي يسندك
إلى قدم تركلك أمر وارد جدًا .🩶

القوة الحقيقية تكمن في عدم
البكاء على المعارك الخاسرة .🩶

لا تعُد إلى الأماكن التي قتلت
فيها شيئًا طيبًا في روحك .🩶

يحتاج المرءُ لمحاولةٍ أخيرة
تثبُت له أن الرحيل خيارٌ صحيح .🩶

كان النبي ﷺ
يحسن الظن بالله ويكره التشاؤم
فصلّوا عليه، وظنوا بالقادم خيرًا💕

مَرَّ في بالنا فَأحيانا
فَكيف لو زارَنا وحيَّانا♥️

عَجَبًا لَهُ يَحتَلُّ قَلبِي كُلَّهُ
حَتَّىٰ إذَا ضَاقَ المَكانُ؛ تَمَدَّدَا
فِي خِفَّةٍ يَنسَابُ بَينَ جَوَارِحِي
لَم أدرِ أين مَتَىٰ وَأنَّىٰ مَا عَدَا
أنِّي بهِ قَد صِرتُ خَلقًا آخَرًا
أو قُل بأنِّي قَد وُلِدتُ مُجَدَّدَا♥️

و رأيتهُ بين الملامح كلها متبسمًا
و النارُ في قلبي الغيور دمار
أفلا كففتَ تبسماً لعيونهم ؟
إني أموت من الهوى و أغارُ♥️

- خـسارة قـليل الأصل مكـسب.
𝒂 𝒍𝒐𝒔𝒔 𝒐𝒇 𝒍𝒊𝒕𝒕𝒍𝒆 𝒗𝒂𝒍𝒖𝒆 𝒊𝒏 𝒕𝒉𝒆 𝒈𝒂𝒊𝒏.

كان قلبي يحترق , ثم أصبح لا يشعر بشيء
لقد تغلف بالألم🩶

‏رباه خلصني
‏من كل عاطفة
‏لا جدوى منها
‏أيًا كانت🩶

‏"كم هو مريع أن يفقد المرء الكلمات"🩶