Хорар-серыял на Netflix з удзелам чалавека, якая рабіла Baby Reindeer, што расказвае пра маладую пару? Сюды-ы-ы!

Два новых класных серыялы на Netflix, пра якія вы маглі не чуць.

🔹 Something Very Bad Is Going to Happen — хорар-серыял на 8 эпізодаў. Рэйчал і Нікі збіраюцца пажаніцца ў доме ягоных бацькоў менш чым за тыдзень. Але вакол пачынаецца нейкая крыповая фігня з лісамі, дзецьмі, маньякамі і сямейнымі праклёнамі. Так што Рэйчал трэба добра падумаць, ці сапраўды ёй трэба выходзіць замуж за Нікі. Вельмі страшна і са сваім унікальным вайбам.

🔹 Jo Nesbø's Detective Hole — экразнізацыя дэтэктыва Ю Несбё пра суровага дэтэктыва Харры Холле. Падыйдзе, калі вы любіце олдскульныя дэтэктывы як з двухтысячных. Бо тут усё выглядае як з 2000-х, і персанажы, і мастацкыя прыёмы, і нават колеракор. Не зусім маё, але серыял зроблены якасна. Можаце даць шанец.

#рэкамендацыя

POV: ты пачынаеш глядзець серыял, і напачатку ён здаецца звычайным, але потым узнікаюць вандроўкі ў прасторы і часе.

Emergência Radioativa — гэта той серыял, дзе ты проста сядзіш з далонню каля твару і не верыш, што гэта цалкам рэальная гісторыя.

Вы можаце пачытаць пра яе вось тут.  Калі коратка: у бразільскім горадзе Гаянія ў 1980-х была клініка радыётэрапіі. Потым у яе пачаліся цёркі з уладальнікам зямлі, і клініка з'ехала, проста пакінуўшы апарат з цэзіем-137 у пустым будынку. 

Прыйшло двое зборшчыкаў металалому, разабралі гэтую ўстаноўку, прыпёрлі на звалку. Уладальнік звалкі пачаў круціць капсулу, адтуль пасыпаўся цэзій. Ён падумаў — як прыгожа свеціцца! — і раздаў парашок сябрам. Сябры панеслі дамоў, жонкам і дзецям, і тыя намазвалі гэта на сябе і елі побач.

Вецер разносіў парашок па ваколіцы 10 дзён, пакуль жонка гаспадара звалкі не наказала аднаму з працаўнікоў сабраць усе абломкі ўстаноўкі ў пакет. Потым яны паехалі ў санэпідэмстанцыю на аўтобусе (!) і здалі нарэшце гэтую гаргару ўладам. І толькі потым медыцынскі фізік падумаў, што неяк дзіўна, што ў шпіталь трапіла столькі людзей з аднолькавымі сімптомамі вострай прамянёвай хваробы, і выкрыў прычыну. 

А далей панеслася — ізаляцыя, эвакуацыя, сляды радыяцыі ў арганізмах 249 чалавек і 4 смерці. І ўсё таму, што людзі ў 1987-м былі не тое каб пісьменныя ў справах радыяцыі. Альбо проста — пісьменныя.

Усё гэта нам раскажуць у міні-серыяле на 5 серый на Netflix. Даволі цікава, плюс на партугальскай. Рэкамендую.

#серыял #парэальныхпадзеях #netflix