18 НАФАР ЁШГА ИШ ҚУРОЛЛАРИ ТАРҚАТИЛДИ

Чироқчи туманидаги 3-секторга қарашли маҳаллаларда яшовчи “Ёшлар дафтари” ва “Аёллар дафтари”га киритилган фуқароларга унумдор иш қуроллари тарқатилди. Уларнинг 18 нафари ёшлардир.
– Ҳар бирингиз давлатимиз, жамият эътиборидасиз, – деди туман ИИОФМБ бошлиғи, полковник Актамали Бешимқулов. – Бу эътиборни доим ҳис қилиб яшаб, танлаган ҳунарингиз ортидан ҳалол ризқ топиб, оила тебратишингизни истаймиз. Ва бунинг учун қўлдан келган ҳар қандай ёрдамни аямаймиз.
Тадбирда ёшларга тикув машинаси, электр пайвандлаш аппарати, қурилишда ишлатиладиган анжомлар, мотопила ҳамда электр печлар берилди. Энди улар эгаллаган ҳунарлари, берилган асбоб-ускуналар ортидан оиласининг моддий аҳволини яхшилашга ва ўзини ўзи моддий таъминлаш имконига эга бўлишди.
Содиқ РАҲИМОВ,
“Постда” мухбири.
Қашқадарё вилояти.

👉 @postdarasmiy телеграм каналимизга аъзо бўлинг.