اكو موضوع اريد احجي بي ومتردده انتضروني افكر شويه كم ساعه واكوللكم

الي اريد اگوله تجهيزاتج للدوام مو بس ملابس ومكياج وفلرج وشعرج وحجابج كلهم مو مهمات يم اخلاقج وتنضيف نفسيتج ونيتج ♥️

ياحبيباتي كافي نفاق كافي كلام بيناتكم (هاي المواقف كلها مصايرة ويايه داشوفها بحياة صديقاتي والبنات الي حواليه)كافي غل وحقد

لان بصراحه الي داشوفه ناس تاكل بلحم ناس من جوه لجوه ستوريات تقصدون بيها نوتات تقصدون بيها وين ماتكعدون تحجون على فلانة وعلانة يعني هاي المفروض احنه دكاترة المستقبل وناس مثقفين وكل سنه ينعاد نفس الفلم

فلانة سوت معليج
فلانة عافتج عوفيها
علانة حجت عليج سلميها بيد رب العالمين
حجت ويه فلان معليج
طلعت ويه علان معليج

ترة لا انتِ احسن منها ولا هي احسن منج ولا اني احسن منكم ولا انتم احسن مني اوكي؟
كل واحد يمثل نفسه

وبس ملاحظه اخيرة
صديقتج الي تعرفيها معرفة سطحية لمن متسلم عليج ترة يجوز ماعدها خلك حبيبتي
يجوز مستحيه من البنات الي يمج
يجوز ضايجه من موقف ومو بالمود
كافي شخصنه والي ميسلم عليه مو خوش ادمي وميحبني اذا انتِ ماعندج ضرف تكدرين انتِ تسلمين وتشوفينها شبيها اووووو تغلسين ماكو داعي تطلعينها مو خوش بنيه💚💚💚

غلسييي سوي نفسج متشوفين ومتسمعين حته تريحين نفسج لمصلحتج مو لمصلحه احد تره

ابوس اديكم منريد درامات هالسنه حلو لمن كل وحده تلتهي بروحها وتحب الي حواليها

وليش ماجبت طاري الولد اني معلية بيهم
والولد الزين من الموزين معروفين ونعرفهم وواضحين ومالي علاقة اصلا عليه بس بالبنوتات 👍

وبليزز عندج اضافة تفضلي
تردين تنفين كلامي وتناقشيني بي انصحج لتحاولين لان ماعندي خلك مراح اناقش حتلو جنتي من صديقاتي المقربات

صباح الخير ‏﴿وَعَلَى رَبِّهِمْ يَتَوَكَّلُونَ﴾

هاي الفترة لو چان ألها عنوان فـ راح يكون عنوانها يارب
دا أگولها وي كل جرة نفس آخذها

شعور إنو الإنسان يلگه نفسه ضايع، وما يعرف شلون ضاع وليش ما حس وهو يضيع .. شعور غريب وموحش،
يا رب ما أعيش هيچ ضياع، لا باختياراتي ولا بحياتي الي أعيشها، ولا وي الناس الي اختارهم.

يا رب ما أريد أعيش شعور يخليني ما أعرف أشوف الحقيقة وأميزها، وأصدك إنه الاحتمالات هي الوضوح، ما أريد عيوني تغمض عن الواضح وتبقىٰ بالوهم.

خويه انتي عسل يا اخي كلامجج اخلاقه عمي الكمر ينزل وانتي تصعدين بمكانه تدرين قناتج الوحيده الي ما منطيها كتم والله العضيم كلامج يخبل دائماً اقره يا اخييي معرف شحجي بحقججج

على گد ما ايام حياتي صعبة الرب رازقني بأشخاص وجودهم اكبر نعمة بحياتي ورح اكون دائمًا شاكرة لهاي النعمة ، الشي الوحيد الي اخذته من حياتي ومكسبي بيها هو الناس التحبني ، الرسائل التوصلني بدون مناسبة ، القلوب البيضة الي تدعيلي بكل وقت ،
اني ممتنه هواي
ممتنه لرب العالمين لان اعرف هذا نوع من انواع العوض واعرف كل هالاشياء حتى تهون عليه ايامي واكدر اعديها وممتنه لوجود الناس التحبني وتتمنالي الخير اني محظوظة بيهم 🤍

حبايبي الي ديسئلوني علمود القبولات
و المعدلات و يردون نصائح صراحه محد
راح يكدر يفيدكم بهل شي لان انتو ادرى
بنفسكم اطلعوا على كُل الاقسام المُتاحه
و أختاروا الي يناسبكم 🤍

خصوصاً أنو المجموعه الطبيه مستقبلها
مجهول بشكل عام اذا نصحتكم بشي
أحتمال اورطكم فـ الافضل انتوا تختارون
بكُل قناعة و تَتحملون جَميع العواقب
و الميزات

و المعدلات شوفوا مال عام و قيسوا
على اساسها لان اني صارلي 3 سنين
مخلصه سادس و انتوا تسئلوني فلان
قسم شكد معدله ماعرف والله 😂

فـ بحثوا بكل مكان عن الاقسام الي ببالكم
و اكيد بالنهايه راح يرتاح بالكم لقسم
و تختاروا 🩷🩷

الحياة مو عادلة أبدًا ، أبدًا.