لذلك يحتاج أحد يمه يحضنه ويگوله آني يمك مالا يقل عن ٣ مَرات بالساعة الوحدة
أحد يتجرد يمه من ثقل الدنيا كلها ويرجع طفل صغَير بحضنه

هاي على أساس أجيت أنام بس لگيتني هنا أكتب 🥲

أحب يصيرلي أثر طيب ينذكر بالخير بگلوب ناسي.

أحب من أجي علىٰ بالهم لو يتذكروني يكون وجودي مرتبط بأبتسامة وراحة وطمأنينة، ما أكون شي يغير مزاجهم للأسوأ أو يترك ندبة يكرهون أثرها.

الواحد يطلع يتونس، يرجع وخاطره مطحون طحن. 😆

مرات هواي اشكر رب العالمين على الناس الحنينة الي بحياتي وهواي مُمتنه لوجودهم شگد ما الشعور متعب وصعب بس يخففون كل هالمشاعر بكلامهن وطيبتهم

كلمة الحمدلله وانت ترددها بكل وقت
" تزرع بگلبك شعور الرضا "

طلابنا مداومين وماخذين 4 محاضرات
مدا استوعب استوعبونيييي

اكو موضوع اريد احجي بي ومتردده انتضروني افكر شويه كم ساعه واكوللكم

الي اريد اگوله تجهيزاتج للدوام مو بس ملابس ومكياج وفلرج وشعرج وحجابج كلهم مو مهمات يم اخلاقج وتنضيف نفسيتج ونيتج ♥️

ياحبيباتي كافي نفاق كافي كلام بيناتكم (هاي المواقف كلها مصايرة ويايه داشوفها بحياة صديقاتي والبنات الي حواليه)كافي غل وحقد

لان بصراحه الي داشوفه ناس تاكل بلحم ناس من جوه لجوه ستوريات تقصدون بيها نوتات تقصدون بيها وين ماتكعدون تحجون على فلانة وعلانة يعني هاي المفروض احنه دكاترة المستقبل وناس مثقفين وكل سنه ينعاد نفس الفلم

فلانة سوت معليج
فلانة عافتج عوفيها
علانة حجت عليج سلميها بيد رب العالمين
حجت ويه فلان معليج
طلعت ويه علان معليج

ترة لا انتِ احسن منها ولا هي احسن منج ولا اني احسن منكم ولا انتم احسن مني اوكي؟
كل واحد يمثل نفسه

وبس ملاحظه اخيرة
صديقتج الي تعرفيها معرفة سطحية لمن متسلم عليج ترة يجوز ماعدها خلك حبيبتي
يجوز مستحيه من البنات الي يمج
يجوز ضايجه من موقف ومو بالمود
كافي شخصنه والي ميسلم عليه مو خوش ادمي وميحبني اذا انتِ ماعندج ضرف تكدرين انتِ تسلمين وتشوفينها شبيها اووووو تغلسين ماكو داعي تطلعينها مو خوش بنيه💚💚💚

غلسييي سوي نفسج متشوفين ومتسمعين حته تريحين نفسج لمصلحتج مو لمصلحه احد تره

ابوس اديكم منريد درامات هالسنه حلو لمن كل وحده تلتهي بروحها وتحب الي حواليها

وليش ماجبت طاري الولد اني معلية بيهم
والولد الزين من الموزين معروفين ونعرفهم وواضحين ومالي علاقة اصلا عليه بس بالبنوتات 👍

وبليزز عندج اضافة تفضلي
تردين تنفين كلامي وتناقشيني بي انصحج لتحاولين لان ماعندي خلك مراح اناقش حتلو جنتي من صديقاتي المقربات

صباح الخير ‏﴿وَعَلَى رَبِّهِمْ يَتَوَكَّلُونَ﴾

هاي الفترة لو چان ألها عنوان فـ راح يكون عنوانها يارب
دا أگولها وي كل جرة نفس آخذها

شعور إنو الإنسان يلگه نفسه ضايع، وما يعرف شلون ضاع وليش ما حس وهو يضيع .. شعور غريب وموحش،
يا رب ما أعيش هيچ ضياع، لا باختياراتي ولا بحياتي الي أعيشها، ولا وي الناس الي اختارهم.