مع حاله انتشار بوستات العفو قبل رمضان 🌙
حقيقه هناك شي بداخلي اريد ان اقوله في موضوع العفو:
"اللهم من اذانا عامداً متعمداً عن نيه وادراك وقصد فرد اللهم سوءه اليه واجعل كيده في نحره واجعل له أضعاف ماجعلنا نشعر به من ألم "

ريح نفسك من الفرص الما الها داعي
أياً كانت ، الفرصة اللي ع حساب صحتك مو فرصة ، واللي ع حساب أولوياتك مو فرصة ..
الشخص الزين الي تحسه فرصة بس هو ما جاي يضيفلك أي شي وجوده بحياتك من عدمه واحد مو فرصة ، فكرة أن الفرصة تجي مره وحدة وجربها وسويها قبل متروح منك مو دائماً صحيحة ، لأن الفرصة حتى وإن كانت زينة بس هي اصلا ما راح تفيدك بشي !
ف خلي ببالك أن هي مو فرصة .

اريد رمضان يجي

شهر الهدوء و السكينة و السلام

اني ماعندي عائلة كبيرة فأجواء رمضان الي اغلب الناس تعيشها ، اني ما أعيشها و معشتها يمكن بس بطفولتي لفترة قصيرة

كبرت و اني مرات أتحسر و اغار من هالشي من اسمع و أشوف الناس شلون تستمتع برمضان مع اهلها و بعدها يقضون العيد وياهم
بينما اني رمضان و العيد كلها أيام حالها حال باقي السنة عندي ماكو شي كلش مميز

بس كبرت اكثر و صار هالشي كلش حلو بالنسبة الي ، انبنت شخصيتي عليه اكثر، بكل رمضان احاول التزم اكثر من السنة الي قبله و اجر الالتزام للسنة الي وراه ، بكل رمضان احاول اصفي عقلي و قلبي و ابتعد عن الناس مدة من الزمن و هالشي كلش سهل لان كلها صايمة و تعبانة و محد اله خلگ 😂

من زمان بطلت أتحسر ع العائلات المليانة بالعدد ، بس أدعو الله يخليني اني و ماما نعيشها فد يوم وي العائلة الي اني رح اكونها بالمستقبل 🤍

بطلت أتحسر على شغلات لأن ما عشتها
و صرت احاول اشتغل حتى أكدر أعيشها بالمستقبل🤍 ما أكدر كلها بس ميخالف

اكو شي مزعج شوي

مو كل الناس عدها قدرة انو تستوعب و تفهم الشي الي تمر بي ، بنفس الطريقة

يعني المشكلة الي تمر بيها
من تشرحها لاهلك غالبا حتشوف رد فعل مختلف من تشرحها لاصدقائك و رد فعل مختلف من تشرحها لغريب …

هو طبيعي بسبب اختلاف الناس و طريقة تفكيرهم و شلون عاشوا حياتهم و كل المسببات

بس هو شي مزعج من تجي تفكر بي لان مرات تتمنى * كل * الي حولك يتفهمون و يستوعبون
و مرات تكون طاقتك خلصانة اصلا انو تشرح للمقربين الك لان متدري منو حيكون رد فعله يهون عليك و منو رد فعله حيزيد الوضع سوء …

اهلك ميعرفون كل ضغوطات الجامعة مثل ما اصدقائك يعرفوها
و ميعرفون شنو المشاكل الي مريت بيها وي صديق انتهت علاقتك بي و بيوم چان من المقربين الك

اصدقائك ميعرفون كل مشاكلك بالبيت سواء بين اهلك او وي اخوانك او اخواتك او كرايبك

اصدقائك الجدد ميعرفون بكل علاقاتك القديمة او شنو طعم الخذلان الي مريت بي وي ناس جانو موجودين بحياتك

احنا نحتاج ناس بحياتنا تهون علينا
و للامانة هالشعور كلش مريح من اكو اشخاص يكدرون ولو شوي يهونون

بس غالبًا المشاكل الكبرى بالحياة لازم نعديها وحدنا
سواء حچينا بيها سواء شكينا منها سواء ضميناها بداخلنا … فهي تحتاج من عدنا انو نكون متقبلين فكرة * محد غيرنا يگدر عليها *

اي اكيد كلام الناس من يكون حلو و لصالحنا فحنكون احسن
بالذات لو من مقربين

بس من ماكو هيچ فخل يكون كلامنا لنفسنا هو الحلو … و احنا المشجع الاول لنفسنا.

رمضان كريم علينا وعليكم يارب ♥️🌙

اللهم اجعل رمضان هذا العام بداية خير وسعادة' واغفر لنا فيه ما تقدم من ذنوبنا وما تأخر' وبلغنا ليلة القدر وأنت راضٍ عنا. اللهم ارزقنا فيه القلوب النقية' والنفوس الزكية' والعمل الصالح الذي يرفعنا عندك درجات. اللهم اجعل صيامنا فيه مقبولًا' وقيامنا مشكورًا' ودعاءنا مستجابًا' وأكرمنا فيه بالعفو والرحمة والمغفرة والعتق من النار' اللهم بارك لنا في أيامه ولياليه' واكتب لنا فيه السعادة والتوفيق' وأصلح أحوالنا وأحوال أمتنا يا أرحم الراحمين" آمين" .

اكو ناس معينين صلاحيتهم انتهت عندي لازعلانه منهم ولا كارهتهم ولا عندي اي شعور ناحيتهم من الأساس خلص وجودهم ميهمني الناس هذولي اذوني بما في الكفايه واخذو من روحي هوايه واني كل الاريده يعوفوني بحالي ويبتعدون عني

علامات النضج:
‏إنك تأجل إنهياراتك لأن تحس أبداً مو وقتها.

كل عام والنساوين بألف خير يارب
السعاده لوجوهجن الحلوه وتتحقق كل امنياتجن ويارب تفگسن عيون كل شخص يوگف بوجهجن ،كل عام وانتن احلى نسوان بالكوكب ✨✨❤️

لست مِن الصالحين لكن أتبع
أثرهم راجيا مِن الله أن يحشرني
معهم 🤍💙 .

حسبي الله ونعم الوكيل)