طبعًا صحيح اكو شغل ميرهم الا هيچ بس الي اقصده انه هاي مو احسن حياة بالعالم

يعني داتخيل الشهر ٣٠ يوم اني كل يوم اشتغل و طريق الروحة و الرجعة و كل شي .اقل شي ٨-١٠ ساعات

زين نوم ٨-١٠ ساعات همين

المجمل وقت الانسان لذاته و حياته قليل كلش

و لحد يكلي الانسان لازم يكرس نفسه للشغل ترة اخوان هالمنطق يخزي والله بس الحياة الي دنعيشها احنا للاسف هذا واقعها

اليوم الاول من 2025 ..
بسمِ رب البدايات نبدأ ، بإسمك اللهم نخوض دروباً جديدة ‏اجعلها يا الله بداية خير ، آملين ألّا نضل ولا نتعثر 🤍.

هَتعدي .. بَس هَتدعس عليا لمّا تعدي
وانهض وانا كلّي كسور وكدمات💔

الجو صاير مثل گلبي
بداخله بجيه بس ساكت ومتحمل .

شايفين من تحسون الوقت الي حتلتقون بيه بالشخص الي منتظريه ديقترب ؟؟

و هيچ شوية شوية اقتربتوا تلتقون

اني هيچ داحس وي نفسي

احسني چنت غريبة على نفسي كلش كلش و ما مقدرتها قدرها الي تستحقه و لا مطيتها قيمتها الحقيقية لدرجة هواي امور ما اعرفها عنها ولا ناطيتها فرصة تسويهم

بس هسة كلش تغيرت
گمت انطي فرص لنفسي هوايه فرص لنفسي

هالشي متتخيلون شگد صعب
انو تنطون فرصة حقيقية لنفسكم تسوي شي چنتوا دائمًا تردوه
او تسوون شي جديد و مختلف تمامًا و تتفاجئون بالنتيجة

هواي امور داحاول بيها هالفترة و انطي فرصة لنفسي بيها حتى اشوف ليا درجة من الانجازات اگدر اسوي ؟ و شگد ياخذ مني وقت ؟ و شنو المستوى الابداعي الي ح اكون بيه ؟ و شگد ح استفاد و اتونس ؟

ابد مچنت ناطية لنفسي فرصة حقيقية

و هالشي ندمانة عليه لان اني مو صغيرة بعد

اذا چنتوا بعدكم مراهقين ، ف انطوا كل الفرص لنفسكم
لتتحججون بالدراسة لان لو توازنون وقتكم ... حتلگون وقت عظيم تصيرون مبدعين بيه
و لتفكرون انه انتوا ما عدكم موهبة او هواية او فاشلين بشي او اخر ... لتفكرون هيچ رجاءًا لان عقلكم ميتحمل تأذوه بهالطريقة البشعة

و حتى لو چنتوا شباب
او اكبر
مو مشكلة انطوا كل الفرص لنفسكم
خلقوها من العدم 🥰

مهما كانت بساطة الشي الي انتوا تگدرون تسووه
ف هذا وحده شي عظيم حافظو عليه و طوروا منه و فتحوا افاق اكبر لنفسكم 🖤