فمن داروح المصعد صعدت وياية دكتورة استغربت اني طالعة ( طلعت قبل الوقت المسموح بي )
و گتلها تعبانة و طلعوني
سألتني شنو بية كتلها قولوني
و چنت بعدني كلش مبينة تعبانة و صدگ گوة واگفة بحيث حتى اختنگت و الحمدلله كليتي اشجار و اوكسجين اكو بالطريق فتنفست زين

الدكتورة انقهرت و سالتني شلون جاوبت و ان شاء الله زينة
و فرحت لاهتمامها البسيط لان حتى متعرفني

بعدين گالتلي انتِ كلش حساسة
و حتتعبين هواي بحياتچ
فديري بالچ ع نفسچ زين

حرفيًا چانت كم كلمة بتعبير مريح ع وجهها بس شگد خلتني ارتاح نفسيًا و افرح

اني بالكلية دائمًا احاول ما ابين گدام احد اني متوجعة بسبب شي صحي او نفسي و اكره من يبين هالشي علية
مو لان ما احب ابين ضعيفة لا
بس احب هاللحظات تكون بيني و بين نفسي لا غير …

مادري شلون اصارحكم
بس اعتقد اليوم فقدت احد صديقاتي المقربات؟

يلا هسة احتاج اتخطى صديقتي الي ماعرف شنو اگول لامي ع علاقتنا بعد 👍🏻

هو مبدئيًا ، سوي الزين و لا تتوقع مقابل من احد.

انت دتسوي الزين ع مود نفسك و ع مود ضميرك
الي يرده خيرًا على خير.

اليوم الصبح رحت اقدم على شغل و شتغلت ولو شغل متعب بس مو مشكلة . مادري اني اكره الأماكن الجديدة و الناس الجدد فجأة

اليصبرني على اسوء فترات حياتي وجود امي بجانبي اني بطبعي اخاف البدايات و التغير

مرات اكول شجاي اسوي ليش تثق بيه ليش اصلا تصدك اني اكدر اسوي شي بوكت اني اكون متردده واحس بخوف او يائس اكو ناس بحيتنا مارح نكدر نسد الدين الهم فعلا وكل النكدر نسوي هو نتعلم منهم ونثبت حتى لو جنه كارهين المكان ونحاول مرا و ثنين أملا في ان ما نخيب ثقتهم و املهم

هستوي رجعت البيت !😭

انوب عندي كومة شغل بعد

هل يا ترى سأحاسب نفسي اذا ما گدرت انجز شغلي الي مُخططه اله اليوم ؟

طبعا لا
صار ظرف لمدة طويلة خارج عن ارادتي

حسوي الي بية حيله و انطي لنفسي الاستراحة الي تستحقها

هيچ اخذوا الحياة من يصير شي ما مُتوقع إنه يصير

آخر جمعة في هذا العام :

أرفعي أمنياتنا إلى السماء 💜

شسمة خل اصلي و اجي اسولف وياكم

اريد اسولف وياكم
عن السنة الجديدة و شوية عن هالسنة 🎀🩷

قبل كل شيء
الحمدلله دائمًا و ابدًا على كل شي صار ،
السيئ قبل الجيد ، لأن اكيد الله عنده حكمة بكل طريق و موقف يخلينا بيه 🩷

چانت سنة مليانة مليانة احداث متوقعت حعيش حتى نصها .. بس شاء الله و شاء القدر اقدر أخوض تجربتها بكل تفاصيلها
و صدقًا أريد أشكر نفسي ، أحسني طلعت منتصرة ؟ نوعًا ما … ما نهيت ألسنة بمأساة او بؤس إنما نهيتها
ب عادي ميخالف كل شي حيصير قصة و ذكريات

بهالسنة حققت جزء مو قليل من اهدافي
صحيح ما حققت كُل شي چنت كاتبته بأهداف 2024 … بس ميخالف! قابل وين راحت السنين و وين راحت الأهداف ؟ هياتها كلها موجودة و كلنا موجودين 🩷
نسعى و نتعب نحققها لحد ما نحققها و نشوف نفسنا أبطال لا خاب ظننا بالله ولا خاب ظننا بنفسنا 🥹🩷
رُغم كل الي صار هالسنة من مواقف عافت بية ندبات مرح اتعافى منها عن قريب إلا إنه اني راضية و قنوعة و أحمد الله على كُل شي …. سعادة الإنسان ما تنشاف من اللحظات الحلوة المتتالية ، سعادة الإنسان تنشاف من خروجه من المعارك … والله حتى لو خسران !
المهم خرج من المعركة و كلنا لازم نعرف إنه
* خسارة المعركة لا تعني خسارة الحرب *
الحياة بأكملها معركة طاحنة ، ولو خرجنا منها منتصرين ولو بمعركة وحدة فهذا أعظم إنجاز يقدمه الإنسان لنفسه و حياته 🩷
فالحمدلله على كل المعارك الي انهزمت بيها ، الحمدلله على كل الدروس الي تعلمتها ، الحمدلله حتى على الصدمات الي رح أواجه صعوبة أتخطاها ..
كل سنة تعلمني أمور جديدة و كل سنة أفوز و اخسر بمعارك و كل سنة أحصل و أخسر أشياء و أشخاص و كل سنة انهيها بميخالف الحمدلله، الحمدلله ما خسرت نفسي
فيارب لا تفجعني بخسارة نفسي أبد 🩷
اني فخورة بنفسي و فخورة بكل خطوة اتخذتها بحياتي و فخورة بالنقطة الي اني بيها هسة لأن كلها معناها اني دأتقدم و ما واگفة بمكاني ما فاقدة الأمل ما فاقدة الثقة بالله ما فاقدة إيماني بالله …
صحيح مو راضية عن كومة امور بحياتي بس الأهم مرح أرضى إلى أن اشوف نفسي بمكان أحسن🩷

فيارب يكتب الأحسن الي و الكم بالسنة الجديدة و يارب كل سنة تكون أحلى من القبلها
إحنا كبرنا ع التمني ، تعلمنا ندعي 🩷

اني اكره الشغل الي تحتاج تشتغل بي كل يوم كلش هواي ساعات و احسه مصيبة بشرية من اول ما انوجدت هالفكرة و الفقرة بالتاريخ لليوم