طبعاً اني من عمري 12 الحمد الله اقرأ قران وجانت بدايتي بالختمات ويا ابويه نسوي ختمات اني وياه سوا ومن توفى صرت اسوي ختمات وحدي
بس ولا مرة خطر بالي افسر الكلام الي اقرا بس بدون ماأفهمه
بس قبل شوي داقرا واستوقفتني آية من القران وحبيت اعرف شنو تفسيرة
وطبعاً تفسيرها عجبني جداً الان آية صغيرة تحمل معنى جميل
ويفيدني بحياتي الجاية

المغزى من كل هذا كلامي أول سؤال (كلشي بالحياة موجود جوابة بلقران)
أي كلشي موجود بلقران وكل سؤال تحتار بي أرجع للقران راح تلكه جواب يريح بالك وتقتنع بي
ثاني شي شلون الناس تحفظ آيات من لقران ومتنساها
لان بكل بساطه هذول الناس يعرفون معنى الاية ومفسريها لذلك ماينسوها وتبقه بالهم ف حتى نستفاد من القران أكثر ومو بس نجي نقرا وخلاص لازم نفسر الكلمات الي مانفتهمها والايات الي تستوقفنا هشكل راح نكدر نفيد نفسنا بحياتنا اليوميه بشكل كبير جداً

وهماتين تعرفون من خلال التفسير كلشي بحيث تمر عليكم بعض الايات من تفسروها تحسون نفسكم وين جنتو عايشين ومتعرفون هلشي ؟
يعني بكل بساطه ممكن تفسير بسيط يغير حياتكم كلها لان هذا كلام من (الله عز وجل) تعرفون شنو يعني داتقرون كلام رب العالمين
يعني رب العالمين وضع بيدكم شيء حتى يساعدكم على هل حياة العصبة وتلكون جواب لكل ألتساؤلات بالكم

ف حاولو قدر المستطاع تفسرون القران لاتخلون القران بحياتكم كتاب عادي وتقرونه وخلاص لا استفادو منه ومن كل حرف مكتوب بهذا الكتاب العظيم

الطلعات وي الشخص الفرفوش .

‏صباح الخير لكل روح حلوه گاعده 🫶

‏هذا المُستخدم حيدوام ڪَالاسد بعد ما كال حغيب 🥲💔

"مطر ورب مجيب اللهم كل مافي قلوبنا"