شكد حاولت أكون واضحة بس بكل مرة أوصل لنقطة الوضوح يصير شي يرجعني لنقطة الصفر النقطة الي تصيرلي بيها جرة أذن تخليني اعرف انو محد يستحق هل شفافية اني أقوى من انو أفضفض الفضفضة ياصديقي ضعف وورة كل شخص كتوم قصة طويلة ما يحتاج يحجيها لان تقل عظمتها بكل مرة تحجيها لشخص ما عايش شعورك لهذا انصح بالكتمان الخصوصية قوة ياعزيزي لا تحجي زايد .

لايك لكل سوالفج ولو ماحب أهل الأسنان بس أنتِ خوش

هم الأسنان من يمتى ينجرعون هو اني ماجرع جماعتي

أعاني من مشكلتين بالحياة الإحساس والثقة 😀🙂

إحساسي اعتمد عليه بعلاقاتي وبكلشي وهو ما شاء الله مايخطأ ف غالبا اكو ناس تضحك بوجهي بس احس بطاقتهم الي ماتحبني

والثقة إحساسي يكلي ايضاً هذا الشخص مو ثقة لا تثق وهيج نخلص اني وإحساسي حياتنا إحساسي يحس حتى بالبعيدين بس طاقتهم الحلوة يمي احس بيهم يحبوني بدون كلام وربما يسوون افعال تبين عدم اهتمامهم بس اني ادري اني بنص گلبهم وإحساسي يحس بالقريب الي طاقتة ماتحبني رهيب إحساسي رهيب يعني من صدك احس بيه شي من هل ناحية يختلف عن باقي البشر لان مو طبيعي گلبي شكد يحس ويفتهم

صباح الخير
حسبي الله عالدوام

قبل شوي شفت ريلز شخص ناشر وهو يدعي جوا المطر وكله يقين انُ دعواته حتستجاب ، شفت أشخاص بالكومنتات شگد سيئين لدرجة كاتبين شنو هالخرافات وكاتبين كلام لدرجة مسوين الله سبحانه قاسي ومديستجاب دعواتنا 🥰
هواي ناس مأخذين هيج فكرة الصراحه مو بس فئة معينه لدرجة واصلين مرحلة ميعرفون شي عن رب العالمين غير انه شلون حيعذبعم إذا ماعبدوه او شلون راح يدخلون النار بس هذا 🤩
اعترف اني وكلنا بمرحلة هيج چنا
بس بعد ما كبرت وصفنت عرفت هواي أشياء

عرفت ان رب العالمين هو احن من اي احد بالكون علينا ، وهو الرؤوف والرحيم علينا وهو اللي يغفرلنا عن سيئاتنا ولأن هو فعلاً احن علينا حتى من روحنا ميستجيب دعائنا لأمور خفيه منعرف الحكمة منه رب العالمين يحبنا ومن حبه ألنا يبتلينا بهواي بلاءات حتى نرجع اله ومانتعلق بغيره ينطينا الشي الأحسن حتى لو مانحس هو احسن او مناسب النا رب العالمين يستحق الشكر والثناء كليوم وكل ساعة وكلشي مريت بي بحياتي إذا جان سيئ او حلو اني اشكر رب العالمين عليه لان اعرف ينطيني اكثر من ماياخذ مني ف الحمدلله دائماً وأبداً والحمدلله ع نعمة وجوده ولطفه علينا وعلى تدابيره 🙏

لو احلامنا تشوف شكد نتعب وندعي
حتى نوصل الها جان هي الحلمت بينا

عادي اگول "عادي" بس هيَّ مو عادي؟🤷🏻‍♀️

كلمة عادي أحيانًا يختفي خلفها ألف عتب ، ألف ليش ، ألف خيبة ، ألف حزن ، ألف حسافة ، ألف ندم وألف مووو عاااادي ، بس نگولها علمود نتخلص او ننهي شي ماله إي فائدة من بقائه واستمراره.