حَتمًا الي يصفن بقناتچ او بيج ويحچي وياچ شوي شوي راح يحس اكو شي مُريب ب كارمن
لحد ما يعرف انو هِيَّ تحطمت هواي حيل هواي
اتمنى يِجي يوم تشوفين الفَرج الي تستحقي
لان گلبي يحسسني انتِ حيل متأذية
اتمنى تخلين هالشي اسباب لنجاحچ وقربتچ لـ الله
اتمنى اشوفچ بدرجات دين ونجاح قليلة تنشاف مِن شدة علوها ، وبالأخير اگُلچ اصبري لان دائمًا رب العالمين اذا حب عبد ابتلاه صدگيني هذا العبد الغير مُطيع والي ما اله اي صلة قرابه لـ الله وماعنده مأساه بحياته صدگي الله ميحبه ، انتِ الله يحبچ يريدچ تصبرين حتى تنالين ويا محلى المُنالى بعد الصبر فرج الله كُلش حلو رَاح يجي يوم ويورد الدنيا بعيونچ مثل ما طفت ويورد گلبچ يَا بعد گلبي انتِ ، نحبش يحلوة .

هالرساله تركت اثر كلش كبير بداخلي . ممتنه هواي الچ 🩶🩶.

اللهم أجعلها جمعه جبر لقلوبنا

حالوب 😭😭🌧️

من كبرت عرفت شنو معنى
"حچيك مطر صيف"
المطر بالصيف شكد ما يكون غزير ورة دقايق يختفي اثره وكأنُ ما مطرت الشوارع تنشف والغيوم تنزاح ،
مثل الشخص الي ينطي وعود كاذبة ورة مُدة يخلف بكلامه بالضبط نفس مقولة
" كلام الليل يمحيه النهار " .

عندي انهيارات وبجي مأجلتهم لحد ما أكمل فاينل

هو عادي اني ابادر ؟🙂

لا موعادي ، انتِ انثى الله خلقج تستقبلين تستاهلين احد يسعى الج يبادر ويسوي اشياء كبيرة لخاطرج مو انتِ تروحين تبادرين واحتمال متحصلين شي غير انو تفشلين نفسج وتأذيها هو لو يحبج وشايفج جان هو بادر وما انتظر منج الخطوة الأولى ولتنسين احنا نعيش بمجتمع ذكوري للاسف راح يستغل مبادرتج ضدج ويضل يعير بيج

داگلب بالقناة ولكيت هذا الكلام
يعني حتى مدا اتذكر شنو ضايقني وقتها

و داصفن اصفن اصفن اغلب الامور الي ضايقتني سابقًا و شكيت منها و تعبتني كلها شبه ناسيتها

صح اكو امور لا تُنسى و مو كل شي بهالبساطة ، بس شايفين شكد احنا ما ننتبه لكمية الأمور الي توجعنا بس ورة مدة نطلع ناسيها ؟