فكل امتحان اني اروح شايلة هم هالفقرة اكثر من الامتحان نفسه
بحيث اني من بداية السنة شكو امتحان اني اطلع اول وحدة
سواء فصلي سواء بالمد سواء بالفاينل حرفيًا محد يطلع قبلي گد ما اخلص ع السريع حتى بس اطلع اتنفس و احاول اخفف الوجع مال قولوني

طبعًا هو كله بسبب نفسيتي و الضغوطات الي صارت خلال اخر كم سنة ، بحيث حتى الادوية ما تسوي هواي اذا النفسية ما تتعالج

اليوم تأذيت اكثر من كل يوم امتحانات و كل شوية الدكتورة تكول ٥ دقايق و تكدرون تطلعون
اخر شي وجهي صار كلش شاحب و الدمعة بعيني صارت
انه خلص ماگدر انتظر اكثر بعد
الدكتورة من شافتني گالت هاهية سلمي و روحي

طلعت اول وحدة بالمرحلة كلها و لو بيدي چان طلعت اوقت همين
تخيلوا فاينل خلصته بساعة الحل و الامسكيو مال انسر شيت تلوينها و كل شي :/

فمن داروح المصعد صعدت وياية دكتورة استغربت اني طالعة ( طلعت قبل الوقت المسموح بي )
و گتلها تعبانة و طلعوني
سألتني شنو بية كتلها قولوني
و چنت بعدني كلش مبينة تعبانة و صدگ گوة واگفة بحيث حتى اختنگت و الحمدلله كليتي اشجار و اوكسجين اكو بالطريق فتنفست زين

الدكتورة انقهرت و سالتني شلون جاوبت و ان شاء الله زينة
و فرحت لاهتمامها البسيط لان حتى متعرفني

بعدين گالتلي انتِ كلش حساسة
و حتتعبين هواي بحياتچ
فديري بالچ ع نفسچ زين

حرفيًا چانت كم كلمة بتعبير مريح ع وجهها بس شگد خلتني ارتاح نفسيًا و افرح

اني بالكلية دائمًا احاول ما ابين گدام احد اني متوجعة بسبب شي صحي او نفسي و اكره من يبين هالشي علية
مو لان ما احب ابين ضعيفة لا
بس احب هاللحظات تكون بيني و بين نفسي لا غير …

مادري شلون اصارحكم
بس اعتقد اليوم فقدت احد صديقاتي المقربات؟

يلا هسة احتاج اتخطى صديقتي الي ماعرف شنو اگول لامي ع علاقتنا بعد 👍🏻

هو مبدئيًا ، سوي الزين و لا تتوقع مقابل من احد.

انت دتسوي الزين ع مود نفسك و ع مود ضميرك
الي يرده خيرًا على خير.

اليوم الصبح رحت اقدم على شغل و شتغلت ولو شغل متعب بس مو مشكلة . مادري اني اكره الأماكن الجديدة و الناس الجدد فجأة

اليصبرني على اسوء فترات حياتي وجود امي بجانبي اني بطبعي اخاف البدايات و التغير

مرات اكول شجاي اسوي ليش تثق بيه ليش اصلا تصدك اني اكدر اسوي شي بوكت اني اكون متردده واحس بخوف او يائس اكو ناس بحيتنا مارح نكدر نسد الدين الهم فعلا وكل النكدر نسوي هو نتعلم منهم ونثبت حتى لو جنه كارهين المكان ونحاول مرا و ثنين أملا في ان ما نخيب ثقتهم و املهم

هستوي رجعت البيت !😭

انوب عندي كومة شغل بعد

هل يا ترى سأحاسب نفسي اذا ما گدرت انجز شغلي الي مُخططه اله اليوم ؟

طبعا لا
صار ظرف لمدة طويلة خارج عن ارادتي

حسوي الي بية حيله و انطي لنفسي الاستراحة الي تستحقها

هيچ اخذوا الحياة من يصير شي ما مُتوقع إنه يصير

آخر جمعة في هذا العام :

أرفعي أمنياتنا إلى السماء 💜

شسمة خل اصلي و اجي اسولف وياكم