ما اتمناه ان يحصل في عامي الجديد
هو أن لا أُصفع على وجهي ممن اعتبرتهم ملاذي الآمن
ولا أُخذل وأُصدم بـ أُناس ظننت بهم خيرًا واستودعت بأرواحهم ثقة كبيرة
أن اكون قد تعلمت وتغيرت لحالٍ افضل
قد اكون هذا العام موجودة وانثر لكم نصوصي وحروفي
لا اعلم .. تلك دُنيا
قد لا اكون موجودةً بينكم غدًا
فأود ان اشكر الجميع
اود شُكر من يُحبني لانهُ قبلني بعيوبي وادخلني لفؤاده بسهولة
واشكر من يكرهني لانهُ قد يرى اشياءً بي انا غافلة عنها
لانهُ اضاف لي لمسة من التواضع والادراك 🪐🫧

خلاص من اليوم ورايح ما اريد الاشياء الي احبها ولا اريد يكون الي نصيب بيها ، كل الي اريده أن الله عز وجل ينطيني الشي الي استاهله وبس مو الي احبه ، من اكول اشياء هنا أعني دراستي احلامي وحتى الناس .

اريد اسولف وياكُم

يمكن متعودين دائمًا تشوفوني تمام وكلني طاقة ايجابية بس هالمرة تختلف
وهالمرة يمكن اني محتاجة منكُم الطاقة الايجابية والدُعاء

الأيام الي داتمر هادئة تمامًا وماعندي اي مشكلة بس هالمرة الهوسة بداخلي وهالمرة داحارب نَفسي بنفسي

عندي تراكمات فضيعة وداتظهر بغير وقتها تمامًا وبوقت مو مناسب بس مو بيدي الموضوع

خلوني بين دعواتكم اريد ارجع هدوء نفسي واستعيد طاقتها

التراكمات الاقصدها هي تراكمات مواقف سيئة مكدرت اعبر عنها بوقتها ولا كدرت تنزل دمعة مني
فَ كل الي ديصير التراكمات داتطلع هسة
وطول الوقت مكتئبة

مِن اصفن لحياتنا افكر شنو العوض الي رح يعوضة الرَب النا بعد هالتشتت والغُربة؟
شنو العوض الي رح يطيب خاطرنا ويخلينا نلتمس الحَنية والمشاعر الحقيقية؟
شلون رح نواجه ايامنا الحِلوة الجاية
رح نواجهها بكُل هالخوف والتردد؟ بكُل هالغُربة والأنخذال؟ بعدم الثقة؟
لو رح نكدر نتأقلم بسهولة؟

شنو الشي الي يخلي انسان يستمر بهاي الحياة او تحديد شنو يخلي كارمن تستمر ويصير عدها اهداف وطموح رغم انو هواي نشوف فقدان شغف بالحياة .

بالمرتبة الاولى وقبل كلشي اريد اتعب للدرجة الي تخلي أهلي يتباهون بيه كدام الناس ان شوف بنتي وصلت بدراسته دخلت فلان تخصص
ان تعبنا عـلـيها ما راح ع الخالي بلاش ، اريد اكون سبب بـ إنقاذ روح
اريد اكون شخص ناجح بحياته مو بس بدراسته ، هواي فترات امر بيها بحيث يختفي شي اسمه اسمه "شغف ، الاستمرارية او السعي" بين قوسين فترة انطفاء وهاي اي شخص يمر بيها .. بس اكو بينا الي يبقه بيها وما يطلع منها واكو الي يبقه مقاوم رغم كلشي ويكون ضد الضروف ..

بالمرتبة الثانية : الشي الي يخلي كارمن تستمر هو الكلام شلون يعني ؟
يعني ممكن الكلام الايجابي ينطيني طاقة تخليني انجز هواي اشياء ،
بينما الكلام السلبي اعتبره عامل اساسي الي بـ الاستمرارية والسعي

من يكولون "ماتكدرين" "صعبه عليج" "ما تدبريها" وقتها اسوي كلشي حرفيا كلشي في سبيل اسكتهم واثبت نفسي كدامهم لذلك اشكر كل شخص سمعني كلام سلبي سواء بالشقة او متعمد لان چان سبب بجزء ڪُلششٰ بسيط من نجاحي بدراستي

مرات تفاصيل تافهة كلش تصير و تخليك تنعزل و متطيق احد
و يمكن يصاحبك وقتها برود لدرجة حتى لو احد مقرب الك مر بشي سيئ ، مراح تگدر تنطي رد فعل طبيعي مثل دائمًا

جمعة مباركة 🌸🩷

عيد حب سعيد للوحيدين اما المرتبطين لا ✋🏻

طبعا فكرة انو الناس ،صارت تنتضر منك زله حته تبتعد صارت فكره كلش قديمه هسه صارت الناس تخترع الغلطه وتصدكهه وتعوفك وانت كلشي ممفتهم

حسبي الله ونعم الوكيل )

غريب كيف كنت يومًا ممتلئًا بالحياة، أركض خلف ما أحب، أبحث عن المعنى في كل شيء، وأشعر بكل لحظة بكل تفاصيلها. كنت أرفض الاستسلام، أقاوم الخيبات، وأعيد المحاولة وكأن السقوط لم يكن يومًا خيارًا. لكن مع كثرة الرفض، مع كل باب يغلق، كل طريق ينتهي إلى لا شيء، بدأت أفقد شيئًا فشيئًا ذلك الشغف الذي كان يومًا يضيء داخلي. لم أعد أعرف إن كنت توقفت عن المحاولة، أم أنني فقط لم أعد أرى جدوى للوصول. أصبح كل شيء متشابهاً، النجاح والفشل، الحلم والفراغ، وكأنني لم أعد أشعر بشيء، وكأنني مجرد ظل لشخص كنتُ أعرفه يومًا.

وبالنهاية علمتني الحياة:
لا تكن لينًا فَـ تُعصر ، ولا تكن قاسيًّا ف تكسر 🩶

مع حاله انتشار بوستات العفو قبل رمضان 🌙
حقيقه هناك شي بداخلي اريد ان اقوله في موضوع العفو:
"اللهم من اذانا عامداً متعمداً عن نيه وادراك وقصد فرد اللهم سوءه اليه واجعل كيده في نحره واجعل له أضعاف ماجعلنا نشعر به من ألم "

ريح نفسك من الفرص الما الها داعي
أياً كانت ، الفرصة اللي ع حساب صحتك مو فرصة ، واللي ع حساب أولوياتك مو فرصة ..
الشخص الزين الي تحسه فرصة بس هو ما جاي يضيفلك أي شي وجوده بحياتك من عدمه واحد مو فرصة ، فكرة أن الفرصة تجي مره وحدة وجربها وسويها قبل متروح منك مو دائماً صحيحة ، لأن الفرصة حتى وإن كانت زينة بس هي اصلا ما راح تفيدك بشي !
ف خلي ببالك أن هي مو فرصة .