رسالة الى من يشعر بالندم والحسرة من طلاب 2024
انت ياحبيبي ماعندك عقل وتفكر بي من دخلت ودرست نص الكتاب وتشعر بوضعك عال العال يمي يجيك واحد مستواه متدني مدفوع الثمن ويسحبك الى استاذ اخر ويقشمرك وهسه جايني تريد مرشحات اني احفظ انشاءات داخل المحاضرة وقطع كتاب وقصص احفظ .طلابي يشهدون على ذلك وراح يرحون لقاعات الامتحان سواء في ثانوية النخبة للبنات او في معهد الصفوة وعدهم ثقة كاملة باانفسهم لامرشحات ولا غيرها واثق الخطوة يمشي ملكا

رسالة الى طلابنا الاعزاء
ليس من الذوق تأتي وتدفع الباب وتاخذ نظرة عمودية افقية مستقيمة حتى تشوف من جالس داخل القاعة الدراسية او تريد تسولف وياي عزيزي هذا مو وقتك ولاوقت المدرس حتى يسولف وياك هذا وقت الطالب داخل المحاضرة الذي يحتاج الى تركيز وهدوء الجو الدراسي ارجو ان فهمت الرسالة

عزيزي الطالب
من تبدء المحاضرة اترك شي اسمه موبايل .اصدقائك مع بدء المحاضرة وهم كل من .
1.الكتاب
2.قلم رصاص وجاف عدد اثنين الوان مختلفة مع اقلام تخطيط
3.اوراق تدريب
4.ملازم المنهج
5.المدرس والاحترام المتبادل والصداقة الاخوية
6.الاستماع للنصيحة والالتزام بها
7.الثقة المطلقة بمدرسك وعدم الاستماع الى نصيحة طالب مثلك او اقل منك مستوى
8.عقلك وشخصيتك هي من تقودك وليس الاخرين

عزيزي الطالب
استمع واقرء النصائح الاتية لانها امور توضح لك عملك اثناء وقبل وبعد المحاضرات واللي راح تكون مزدحمة بالوقت وتراكم المعلومات بين مواد دراسية مختلفة وهذا مرهق لك نفسيا وجسديا عليك الاتي
1. تناول الاكل والشراب في بيتك قبل حضورك للمحاضرات
2. اشرب العصائر والماء بكثرة
3.اتجه الى المعهد قبل وقت مناسب
4.ابتعد عن النقاشات المطولة مع زميلك
5. لاتكثر من الاصدقاء بالسادس من تتخرج وتحقق حلمك سوي عزيمة وكلنا اصدقائك انصير بوكتها
6.ابتعد عن الكهاوي لان هذا مو مكانك
7.نام بليل 8 ساعات
8. اذا كان لديك بعض الوقت لاباس تمارس هواياتك مثل كرة القدم مرتان بالاسبوع او اي هواية اخرى
9. الموبايل اتركة للدراسة اذا كنت اتابع مدرس على اليوتيوب
10. والاهم من ذلك ان لاتترك صلاتك لان التوفيق من الله وحده

طلاب دفعة 2025
هذه السنة من تجي يمي اخذ رقم موبايل ولي امرك مع تثبيت غياباتك او تاخرك عن المحاضرة وراح ابلغ اهلك اذا حصل الاتي
1. التغيب
2.التأخر
3.عدم التحضير
4. عدم الاهتمام
نهاية كل شهرين ستكون شهادة تقديرية للمجد

رسالة الى كل طالبة مقبلة على السادس
اختاري طريق واحد فقط
أما الالتحاق بالمدرسة الاهلية وترك المحاضرات
او الالتحاق بالمحاضرات فقط
السير في طريقين لايمكن كمن ياكل بكلتا يديه وهذا مستحيل والانسان يمتلك رجلين لايمكن ترك القدم اليمين في طريق والقدم اليسار في طريق اخر

طالبات الاعفاء خصوصا
نصيحة لوجه الله قرري الان وقبل فوات الاوان اتخذي احد الطريقين
اما الاهلية
او دورات التقوية
ولحد يقشمرج وتصيرين ضحية ترى الشغلة نهايتها ندم وحسرة وضياع الحلم
في السير بطريقين

⭕️ حاليًا هــاي الا يــــام
" لـو تـعـب نَـفـسك لو تخيب ظَـن أهـلـك "
💪🏻💙

استفتاء اسقاطات